28 C
Phnom Penh

សកម្ម​​​ជន​​​បរិស្ថាន​​​ម្នាក់​​​បដិសេធ​​​ការ​​​ចោទ​​​ប្រកាន់​​​ពី​​​ការ​​​កាប់​​​ឈើ​​​ខុស​​​ច្បាប់​​​

ដោយ ឌឹ ខេមបូឌា ដេលី

បទវិភាគ

សកម្មជន​​​បរិស្ថាន​​​ម្នាក់​​​ក្នុង​​​តំបន់​​​​​​អារ៉ែង​​​ក្នុង​​​ខេត្ត​​​កោះកុង​​​ កាល​​​ពី​​​ម្សិល​​​មិញ​​​បាន​​​ប​​​ដិសេធ​​​ថា មិន​​​បាន​​​សាង​​​សង់​​​មជ្ឈមណ្ឌល​​​ព័ត៌មាន​​​អេកូ​​​ទេស​​​ចរណ៍​​​ដោយ​​​ការ​​​កាប់​​​ឈើ​​​ខុស​​​ច្បាប់​​​នោះ​​​​​​ឡើយ បន្ទាប់ពី​​​លោក​​​ត្រូវ​​​បាន​​​កោះ​​​ហៅ​​​ឲ្យ​​​បង្ហាញ​​​នៅ​​​តុលាការ​​​ដើម្បី​​​ឆ្លើយ​​​សំណួរ​​​ជុំវិញ​​​ការ​​​ចោទ​​​ប្រកាន់​​​ពី​​​បទ​​​ឧក្រិដ្ឋ​​​ព្រៃឈើ។

លោក វ៉ែន វ៉ន អាយុ​​​៣៦ឆ្នាំ​​​ ដែល​​​ជា​​​ជន​​​ជាតិ​​​ដើម​​​ភាគ​​​តិច​​​ជង​​​ និង​​​បាន​​​ធ្វើ​​​ការ​​​ជិត​​​ស្និទ្ធ​​​ជាមួយ លោក អាឡិច ហ្គន់ហ្សាឡេស ដាវីដសុន សកម្មជន​​​ជន​​​ជាតិ​​​អេស៉្បាញ​​​​​​ដែល​​​ត្រូវ​​​បាន​​​និរទេស​​​កាល​​​ពី​​​ពេល​​​ថ្មី​​​ៗ​​​នេះ​​​ ជំទាស់​​​នឹង​​​គម្រោង​​​សាងសង់​​​ទំនប់​​​វារី​​​អគ្គិសនី​​​នៅ​​​ក្នុង​​​តំបន់
ជ្រលង​​​នេះ​​​នោះ ត្រូវ​​​បាន​​​កោះ​​​ហៅ​​​ឲ្យ​​​បង្ហាញ​​​ខ្លួន​​​នៅ​​​សាលា​​​ដំបូង​​​ខេត្ត​​​កោះ​​​កុង​​​នៅ​​​ថ្ងៃ​​​ទី​​​១០ ខែ​​​មីនា។

បើ​​​ទោះ​​​ជា​​​ដីកា​​​កោះ​​​នេះ​​​ចែង​​​យ៉ាង​​​ច្បាស់​​​ថា ខណ្ឌ​​រដ្ឋបាល​​​ព្រៃឈើ​​​​​​ខេត្ត​​​កោះ​​​កុង​​​បាន​​​ដាក់​​​ពាក្យ​​​បណ្តឹង​​​​​​ប្តឹង​​​លោក វ៉ែន​​​ វ៉ន  កាលពី​​​ខែ​​​មករា​​​ក៏ដោយ ក៏​​​លោក អ៊ុំ មាគារី នាយ​​​ខណ្ឌ​​​រដ្ឋបាល​​​ព្រៃ​​​ឈើ បាន​​​បដិសេធ​​​ថា មិន​​​បាន​​​ជាប់​​​ពាក់​​​ព័ន្ធ​​​ទេ។

បុគ្គលិក​​​អង្គការ​​​សិទ្ធិមនុស្ស​​​ដែល​​​បាន​​​ដឹង​​​ករណី​​​នេះ​​​បាន​​​​​​លើក​​​ឡើង​​​ថា រដ្ឋបាល​​​ព្រៃឈើ​​​​​​បាន​​​ចោទ ប្រកាន់​​​គាត់​​​ថា បាន​​​កាប់​​​ឈើ​​​នៅ​​​ក្នុង​​​ព្រៃ​​​ការ​​​ពារ​​​​​​ដើម្បី​​​យក​​​ទៅ​​​សាងសង់​​​​​​មជ្ឈ​​​មណ្ឌល​​​ព័ត៌​​​មាន​​​។

លោក វ៉ែន វ៉ន បាន​​​លើក​​​ឡើង​​​កាលពី​​​ម្សិល​​​មិញ​​​ថា “​​​ខ្ញុំ​​​មិន​​​បាន​​​ប្រព្រឹត្ត​​​អ្វី​​​ដូច​​​កា​​រ​​​ចោទ​​​ប្រកាន់​​​ឡើយ។ ឈើ​​​នោះ​​​ខ្ញុំ​​​បាន​​​ទិញ​​​ពី​​​​​​អ្នកភូមិ​​​ក្នុង​​​មូល​​​ដ្ឋាន​​​​​​សម្រាប់​​​សាងសង់​​​ការិយាល័យ​​​សហគមន៍​​​អេកូ​​​ទេសចរណ៍​​”។

សកម្ម​​​ជន​​​រូប​​​នេះ​​​បាន​​​លើកឡើង​​​ទៀត​​​ថា ការ​​​សាងសង់​​​មជ្ឈ​​​មណ្ឌល​​​នេះ​​​បាន​​​ចាប់​​​ផ្តើម​​​កាលពី​​​ខែ​​​មករា ហើយ​​​បាន​​​បញ្ចប់​​​នៅ​​​ថ្ងៃនេះ ដោយ​​​ប្រើ​​​ឈើ​​​អស់​​​តែ​​​១០ម៉ែត្រគូប​​​ប៉ុណ្ណោះ ហើយ​​​សាងសង់​​​អស់​​​ទឹក​​​​​​ប្រាក់​​​១.៥០០​​​ដុល្លារ​​​។

លោក វ៉ែន វ៉ន បាន​​​និយាយ​​​ថា លោក​​​នឹង​​​​​​គោរព​​​តាម​​​ដីកា​​​កោះ​​​ បើ​​​ទោះ​​​ជា​​​ភាព​​​មិន​​​យុត្តិធម៌​​​នៃ​​​​​​ពាក្យ​​បណ្តឹង​​​​​​​​​ប្តឹង​​​រូបលោក​​​​​​​​ក៏ដោយ។​​​ “​​​ខ្ញុំ​​​មិន​​​ខ្លាច​​​ការ​​​ចាប់ខ្លួន​​​ឡើយ ពីព្រោះ​​​ខ្ញុំ​​​ធ្វើ​​​ដើម្បី​​​ផល​​​ប្រយោជន៍​​​សាធារណៈ មិន​​​មែន​​​ដើម្បី​​​ផលប្រយោជន៍​​​ផ្ទាល់ខ្លួន​​​របស់​​​ខ្ញុំ​​​ឡើយ៕សារុន​​​​​​

 

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស