29 C
Phnom Penh

តុលាការ​​​ខ្មែរ​​​ក្រហម​​​ចោទ​​​ប្រកាន់​​​មេបញ្ជាការ​​​ទ័ព​​​ជើង​​​ទឹក ​​​និង​​​ មេស្រុក​​​

ដោយ ឌឹ ខេមបូឌា ដេលី

បទវិភាគ

ទោះបីជា​​​មាន​​​ការ​​​ប្រឆាំង​​​យ៉ាង​​​ជូរចត់ពីរដ្ឋាភិបាល​​​ចំពោះ​​​សំណំុរឿង​​​​​​ទាក់ទង​​​នឹង​​​កម្មាភិបាល​​​ខ្មែរ​​​ក្រហម​​​ថ្នាក់​​​កណ្តាល​​​ក៏ដោយ​​​ ក៏អង្គ​​​ជំនំុ​​​ជម្រះវិសាមញ្ញ​​ក្នុង​​​តុលាការ​​​កម្ពុជា​​​ កាលពី​​​ម្សិល​​​មិញ​​​បាន​​​ចោទ​​​ដោយ​​​កំបាំង​​​មុខ​​​ ចំពោះអតីត​​​​​​មេបញ្ជាការ​​​ទ័ព​​​ជើង​​​ទឹក​​​ គឺ​​​លោក​​​ មាស មុត​​​ និង អតីត​​​មេស្រុក​​​ អ្នក​​​ស្រី​​​ អុឹម ចែម។

judges

សហចៅក្រម​​​ស៊ើប​​​អង្កេត​​​អន្តរជាតិ​​​ លោក ម៉ាក ហាម៉ុន ដែល​​​បាន​​​ជំរុញ​​​ឲ្យ​​​មាន​​​សំណុំរឿង​​​ដ៏​​​ចម្រូង​​​ចម្រាស ​​​០០៣ និង​​​ ០០៤​​​ ក្នុង​​​រយៈ​​​ពេល​​​ពីរ​​​ឆ្នាំ​​​កន្លង​​​មក​​​េនះ ដោយ​​​គ្មាន​​​កិច្ច​​​សហ​​ការ​​​ពី​​​ដៃ​​​គូ​​​ជន​​​ជាតិ​​​ខ្មែរ​​​របស់​​​លោក​​​ បាន​​​ចោទ​​​លោក​​​ មាស មុត​​​ ពីបទ​​​ឧក្រិដ្ឋកម្ម​​​ប្រឆាំង​​​មនុស្ស​​​ជាតិ​​​ និង​​​ឧក្រិដ្ឋកម្ម​​​សង្គ្រាម​​​ ក្នុង​​​សំណុំរឿង​​​ ០០៣។

បទ​​​ចោទ​​​ទាំង​​​នោះ​​​រួមមាន​​​ មនុស្ស​​​ឃាត ការសម្លាប់​​​រង្គាល​​​ ការ​​​ធ្វើ​​​ឲ្យ​​​ទៅ​​​ជាទាសករ​​​ និង​​​ការ​​​ធ្វើ​​​ទុក្ខ​​​បុកម្នេញ​​​​​​ដោយ​​​ហេតុ​​​ផល​​​នយោបាយ​​​និង​​​ពូជ​​​សាសន៍​​​ ដែល​​​បាន​​​ប្រព្រឹត្ត​​​នៅ​​​ឯ​​​គុក​​​ទួល​​​ស្លែង​​​ក្នុង​​​ក្រុង​​​ភ្នំពេញ​​​ មន្ទីរ​​​សន្តិសុខ​​​វត្ត​​​ឥន្ទញាណ នៅ​​​ខេត្ត​​​ក្រចេះ​​​និង​​​ ៉​​​ប្រឆាំង​​​នឹង​​​ជន​​​ជាតិ​​​វៀតណាម​​​ ថៃ និង​​​ជន​​​បរទេស​​​ផ្សេង​​​ទៀត​​​ នៅ​​​ដែន​​​សមុទ្រ​​​ និង​​​កោះ​​​ ដែល​​​​​​​​​កម្ពុជា​​​ប្រជាធិបតេយ្យ​​​បាន​​​អះអាង​​​ថា​​​ស្ថិត​​​ក្រោម​​​​​​អធិបតេយ្យ​​​ភាព​​​របស់​​​ខ្លួន​​​។៉

អ្នកស្រី អុឹម​​​ ចែម ដែល​​​ត្រូវ​​​ចោទ​​​ថា បាន​​​សម្រប​​​សម្រួល​​​ការធ្វើ​​​វិសុទ្ធិកម្ម​​​ និង​​​ការ​​​សម្លាប់​​​នៅ​​​តំបន់​​​ពាយព្យ ត្រូវ​​​បាន​​​ចោទ​​​​​ក្នុង​​​សំណុំ​​​រឿង​​​ ០០៤ ពីបទ​​​មនុស្ស​​​ឃាត​​​ និង ឧក្រិដ្ឋកម្ម​​​ប្រឆាំង​​​មនុស្ស​​​ជាតិ​​​ ក្នុង​​​នោះ​​​រួម​​​មាន​​​ ឃាត​​​កម្ម​​​ ការ​​​ធ្វើ​​​ឲ្យ​​​ទៅជា​​​​​​ទាសករ​​​ ការ​​​ចាប់​​​ដាក់​​​គុក​​​ និង​​​ទង្វើ​​​អមនុស្សធម៌​​​ផ្សេង​​​ទៀត​​​ ដែល​​​បាន​​​ប្រព្រឹត្ត​​​នៅ​​​ឯ​​​មន្ទីរ​​​​​​សន្តិសុខ​​​ទ្រយោង និង​​​​​​ការដ្ឋាន​​​ស្ពាន​​​ស្រែង​​​ មាន​​​ទីតាំង​​​នៅ​​​ក្នុង​​​ខេត្ត​​​បន្ទាយ​​​មាន​​​ជ័យ​​​។

ការ​​​សម្រេច​​​ចិត្ត​​​​​​​​​ចេញ​​​បទ​​​ចោទ​​​ប្រកាន់​​​នេះ គឺជា​​​លើក​​​ទី​​​១​​​ហើយ​​​ដែល​​​អ្នក​​​ទាំង​​​ពីរ​​​ត្រូវ​​​បាន​​​បញ្ចេញ​​​ឈ្មោះ​​​ជា​​​សាធារណៈ​​​ដោយ​​​តុលាការ​​​ ហើយជា​​​​​​ព្រឹត្តិការណ៍​​​មួយ​​​ដែលបាន​​​កើត​​​ឡើង​​​រយៈ​​​ពេល​​​ប៉ុន្មាន​​​ថ្ងៃ​​​ប៉ុណ្ណោះ​​​ ក្រោយ​​​ពី​​​លោក​​​នាយក​​​រដ្ឋមន្ត្រី​​​ ហ៊ុន សែន​​​ ជា​​​ថ្មី​​​ម្តង​​​ទៀត​​​បាន​​​លើក​​​ឡើង​​​អំពី​​​ការ​​​ជំទាស់​​​របស់​​​លោក​​​ទៅ​​​នឹង​​​ អ.វ.ត.ក. ដែល​​​បាន​​​ពង្រីក​​​វិសាលភាព​​​របស់​​​ខ្លួន​​​។ នៅ​​​ក្នុង​​​សុន្ទរកថា​​​មួយកាលពី​​​សប្តាហ៍មុន​​​ លោក ហ៊ុន សែន​​​ បាន​​​អះអាង​​​ថា ការ​​​បន្ត​​​ស៊ើប​​​អង្កេត​​​អាច​​​បង្ក​​​ឲ្យ​​​មាន​​​សង្គ្រាម​​​ស៊ីវិល​​​ ដែល​​​ធ្វើ​​​ឲ្យ​​​អតីត​​​ទាហាន​​​ខ្មែរ​​​ក្រហម​​​កាន់​​​អាវុធជា​​​ថ្មី​​​។

ចោទ​​​ពីបទ​​​រារាំង​​​

រដ្ឋាភិបាល​​​បាន​​​ទទួល​​​រង​​​ការ​​​ចោទ​​​ប្រកាន់​​​ថា បាន​​​រារាំង​​​សំណុំរឿង​​​ ០០៣ និង​​​ ០០៤ ដែល​​​បញ្ជាក់​​​ថា មិន​​​ឲ្យ​​​មាន​​​មេដឹក​​​នាំ​​​ខ្មែរ​​​ក្រហម​​​លើស​​​ពី​​​ប្រាំនាក់​​​ទេ​​​ ដែល​​​ត្រូវ​​​កាត់​​​ទោស​​​ ហើយ​​​បុគ្គលិក​​​តុលាការ​​​​​​ជន​​​ជាតិ​​​ខ្មែរ​​​បាន​​​ធ្វើ​​​តាម​​​សហចៅក្រម​​​ស៊ើប​​​អង្កេត​​​ជាតិ​​​ គឺ​​​លោក យូ ប៊ុន​​​ឡេង ក្នុង​​​ការ​​​បដិសេធ​​​មិន​​​ធ្វើ​​​ការ​​​ជាមួយ​​​ដៃ​​​គូ​​​សហប្រជាជាតិ​​​របស់​​​ខ្លួន​​​នៅ​​​ក្នុង​​​សំណុំ​​​រឿង​​​នេះ។

ចៅ​​​ក្រម​​​ ប៊ុន​​​ឡេង​​​ មិន​​​អាច​​​ទាក់​​​ទង​​​សុំធ្វើ​​​អត្ថាធិប្បាយ​​​បាន​​​ទេ​​​។

លោក មាស មុត និង​​​ អ្នក​​​ស្រី អុឹម​​​ ចែម មិន​​​ត្រូវ​​​បាន​​​ចាប់​​​ខ្លួន​​​ទេ​​​ ហើយ​​​លោក ឡុង​​​ បញ្ញាវុធ អ្នក​​​​​​ឃ្លាំ​​​មើល​​​តុលាការរបស់​​​អង្គការ​​​គំនិត​​​ផ្តួច​​​ផ្តើម​​​យុត្តិធម៌​​​កម្ពុជា​​​ បាន​​​និយាយ​​​ថា លោក​​​សង្ស័យ​​​ថា​​​ បទចោទ​​​នោះ​​​មិនអាច​​​ឈាន​​​ទៅ​​​រក​​​ការ​​​ចាប់​​​ខ្លួន​​​បាន​​​ទេ​​​ ដោយ​​​សារ​​​តែ​​​​​​មាន​​​ការ​​​ជំទាស់​​​ផ្នែក​​​នយោបាយ​​​ទៅ​​​នឹង​​​តុលាការ​​​នេះ។

លោក​​​ ឡុង​​​​​​ បាន​​​និយាយ​​​ថា ៉​​​ខ្ញុំ​​​មិន​​​គិត​​​ថា រឿង​​​នេះ​​​នឹង​​​នាំ​​​ឲ្យ​​​មាន​​​ដីកា​​​ចាប់​​​ខ្លួន​​​ ឬ​​​នាំ​​​ឲ្យ​​​មាន​​​ការ​​​ចាប់​​​ដាក់​​​ឃុំ​​​ទេ​​​។ វា​​​គ្រាន់​​​តែ​​​ជា​​​វំាង​​​នន​​​ប៉ុណ្ណោះ​​​។៉

លោក ឡុង បាន​​​រិះ​​​គន់​​​ចំពោះ​​​សេចក្តី​​​សម្រេច​​​របស់​​​ចៅ​​​ក្រ​​​ម ហាម៉ុន ក្នុង​​​ការ​​​ចេញ​​​បទ​​​ចោទ​​​ដោយ​​​កំបាំង​​​មុខ​​​ បន្ទាប់​​​ពី​​​ការ​​​បដិសេធ​​​ម្តង​​​ហើយ​​​ម្តង​​​ទៀត​​​របស់​​​អ្នក​​​ស្រី អុឹម​​​ ចែម មិន​​​​​​ធ្វើ​​​តាម​​​ដីកា​​​របស់​​​​​​តុលាការ។

លោក ឡុង​​​ បាន​​​និយាយ​​​ថា ៉ឥឡូវ​​​នេះ គឺជា​​​ចៅក្រម​​​ស៊ើប​​​អង្កេត​​​អន្តរជាតិ​​​ដ៏​​​កម្សោយ​​​ម្នាក់ ទោះ​​​ជា​​​យ៉ាង​​​ណា ក៏​​​គាត់​​​បាន​​​ចេញបទចោទដោយ​​​កំបាំង​​​មុខ​​​ដែរ ៉។

លោក ឡុង ​​​បាន​​​និយាយ​​​ថា ៉គាត់​​​បាន​​​​​​ធ្វើការ​​​នៅ​​​ទី​​​នេះជិត​​​បួន​​​ឆ្នាំ​​​ហើយ ហើយ​​​គួ​​​រ​​​ឲ្យ​​​អស់​​​សំណើច​​​ណាស់​​​។ គាត់​​​ត្រូវតែ​​​ដោះ​​​ស្រាយ​​​ជា​​​ផ្លូវ​​​ការ​​​នូវ​​​ការ​​​មិន​​​អនុវត្ត​​​របស់​​​អាជ្ញាធរនិង​​​ការ​​​ជ្រៀតជ្រែក​​​ផ្នែក​​​នយោបាយ​​​នៅក្នុង​​​អ.វ.ត.ក.៉។

លោក ឡាស អូលសិន អ្នក​​​នាំ​​​ពាក្យ​​​សាលា​​​ក្តី​​​ខ្មែរ​​​ក្រហម​​​ បាន​​​និយាយ​​​ថា​​​ការ​​​សម្រេច​​​ចេញ​​​បទ​​​ចោទដោយ​​​កំបាំង​​​មុខ គឺផ្អែក​​​លើការ​​​ពិចារណា​​​ជា​​​ច្រើន​​​លើក​​​ ដែល​​​រួម​​​មាន​​​ការ​​​ត្រូវ​​​​​​​​​ពន្លឿន​​​នីតិវិធី។​​​ លោក អូលសិន​​​ បាន​​​បន្ថែម​​​ថា ៉​​​វា​​​មិន​​​អាច​​​ទៅ​​​រួច​​​ទេក្នុង​​​ការ​​​ចេញ និង​​​អនុវត្តក្នុង​​​ពេល​​​ដ៏​​​សម​​​ហេតុ​​​​​​សមផល​​​នូវ​​​ដីកា​​​ចាប់​​​ខ្លួននោះ ៉។

លោក អូលសិន​​​ បាន​​​និយាយ​​​ថាការ​​​សម្រេច​​​របស់​​​ចៅក្រម ហាម៉ុន ក្នុង​​​ការ​​​ធ្វើ​​​ដោយ​​​ស្វ័យតពី​​​ចៅក្រម ​​​ប៊ុនឡេង គឺ​​​​​​ដោយ​​​សារ​​​តែការ​​​ខ្វែង​​​គំនិត​​​គ្នា​​​ដ៏​​​យូរ​​​​​​រវាង​​​ចៅក្រម​​​ទាំង​​​ពីរ ថា​​​តើ​​​ត្រូវ​​​ជំរុញ​​​​​​បន្តសំណុំ​​​រឿង​​​ដ៏​​​ចម្រូង​​​ចម្រាសទាំង​​​នេះ ឬ​​​យ៉ាង​​​ណា។

លោក អូលសិន​​​ បាន​​​និយាយ​​​ថា​​​ ៉ចាប់​​​តាំង​​​ពី​​​ខែ​​​កុម្ភៈ ឆ្នាំ​​​២០១៣មក​​​ ចៅក្រម​​​ទាំង​​​ពីរបាន​​​ចេញ​​​សេចក្តី​​​ថ្លែង​​​ការណ៍ជា​​​សាធារណៈ​​​មួយ​​​ឲ្យ​​​គេ​​​ដឹង​​​ថា ពួកគេ​​​មាន​​​វិធី​​​សាស្ត្រ​​​ផ្សេង​​​គ្នា​​​ចំពោះ​​​សំណុំ​​​រឿង​​​ទាំង​​​នេះ ដូច្នេះ ថ្ងៃ​​​នេះ គឺ​​​ជា​​​ការ​​​ឆ្លុះ​​​បញ្ចាំង​​​នូវ​​​បញ្ហា​​​នេះ ៉។

លោក អូលសិន​​​ បាន​​​បន្ថែម​​​ថា​​​ ការ​​​ស៊ើបអង្កេត​​​ក្នុង​​​សំណុំ​​​រឿង​​​០០៣ និង​​​០០៤ បាន​​​កំពុង​​​តែ​​​បន្ត ហើយ​​​ថា​​​នឹង​​​ស្រេច​​​តែ​​​លើសហ​​​ចៅក្រមស៊ើបអង្កេតប៉ុណ្ណោះ​​​ដើម្បីសម្រេច​​​ថាតើ​​​ត្រូវ​​​ចោទ​​​នរណា​​​​​​ផ្សេង​​​ទៀតឬ​​​យ៉ាង​​​ណា។

តាទិត​​​ និង ​​​តាអាន គឺ​​​ជា​​​ជន​​​សង្ស័យ​​​នៅ​​​ក្នុងសំណុំ​​​រឿង​​​​​០០៤​​​ ចំណែក​​​ឯ​​​ជន​​​សង្ស័យ​​​ដទៃ​​​ទៀត​​​នៅ​​​ក្នុង​​​សំណុំ​​​រឿង​​​០០៣ គឺ​​​អតីត​​​មេ​​​បញ្ជាការ​​​ទ័ព​​​អា​​​កាស លោក​​​ ស៊ូ ម៉េត បាន​​​ស្លាប់​​​កាល​​​ពី​​​ខែ​​​មិថុនា ឆ្នាំ​​​២០១៣។

លោក យឹម ផាន់ណា អភិបាល​​​ស្រុក​​​អន្លង់វែង ជាកន្លែង​​​​​​អតីតតំបន់​​​ការពារ​​​ខ្មែរ​​​ក្រហម ដែល​​​អ្នកស្រី អុឹ​​​ម ចែម ​​​រស់​​​នៅ បាន​​​មាន​​​​​​ប្រសាសន៍​​​ថា លោក​​​ជំទាស់​​​នឹង​​​ការ​​​យក​​​អ្នក​​​ស្រី ចែម ​​​ទៅ​​​កាត់​​​ទោស។

“គ្រាន់តែ​​​ធ្វើ​​​តាម​​​បទ​​​បញ្ជា”

​លោក ផាន់ណា ដែល​​​ជា​​​អតីត​​​ទាហាន​​​ម្នាក់​​​នៅក្រោម តា ម៉ុក ​​​មេបញ្ជាការ​​​​​​តំបន់និរតីបាន​​​និយាយ​​​ថា   ​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​៉ក្នុង​​​នាម​​​ជា​​​អតីត​​​[ខ្មែរ​​​ក្រហម] ខ្ញុំ​​​មិន​​​គាំទ្រ​​​ទេ។ គាត់​​​មិន​​​មាន​​​សិទ្ធិ​​​ធ្វើ​​​ការ​​​សម្រេច​​​ឡើយ។ គាត់​​​គ្រាន់តែ​​​ធ្វើ​​​តាម​​​បទបញ្ជា​​​របស់​​​គេ​​​ប៉ុណ្ណោះ ៉។

លោក ផាន់ណា ​​​បាន​​​និយាយ​​​ថា  “ខ្ញុំ​​​យល់​​​ស្រប​​​ជាមួយ​​​ជំហររបស់​​​រដ្ឋាភិបាល។ សហ​​​ចៅក្រម​​​​​​​ស៊ើប​​​អង្កេត​​​មក​​​ទី​​​នេះ​​​ដើម្បី​​​ស្ទាបស្ទង់​​​អ្នក​​​ភូមិ។ ហើយ​​​អ្នកភូមិ​​​មិន​​​សប្បាយ​​​ចិត្ត​​​នឹង​​​សំណុំ​​​រឿង​​​០០៤​​​ទេ”។

មិន​​​មែន​​​ជាលើក​​​ទី​​​១​​​ទេ​​​ដែលសហ​​​ចៅក្រម​​​ស៊ើបអង្កេត​​​អន្តរជាតិ​​​បាន​​​ប៉ុនប៉ង​​​ចោទ​​​ជនសង្ស័យ​​​ទាំង​​​នោះ។ នៅ​​​ចុង​​​ឆ្នាំ​​​២០១១ ចៅក្រម ឡូរិន កាស្ពឺ អានសឺម៉េត បាន​​​បើក​​​សំណុំ​​​រឿង​​​០០៣​​​ឡើងវិញ ហើយ​​​បាន​​​ជូន​​​ដំណឹង​​​ដល់​​​ជនសង្ស័យ​​​ក្នុង​​​សំណុំ​​​រឿង​​​០០៤​​​ទាក់ទិន​​​នឹង​​​ការ​​​ចោទ​​​ពួកគេ ហើយ​​​បាន​​​​​​អាន​​​ឲ្យ​​​ពួកគេ​​​ដឹង​​​ពី​​​សិទ្ធិ​​​របស់​​​គេ។

ចៅក្រម​​​ជនជាតិ​​​ស្វិស​​​រូប​​​នេះ​​​បាន​​​លាលែង​​​ចេញពី​​​តំណែង​​​រយៈ​​​ពេល​​​ប៉ុន្មាន​​​ខែ​​​ក្រោយមក ដោយ​​​អះអាង​​​ថា ចៅក្រម ប៊ុនឡេង បាន​​​រារាំង​​​ការ​​​ប៉ុនប៉ង​​​របស់​​​លោក​​​ ក្នុងការ​​​ស៊ើប​​​អង្កេត​​​សំណុំ​​​រឿង​​​ទាំង​​​ពីរ​​​នោះ ហើយ​​​បទ​​​ចោទ​​​ប្រកាន់ក៏​​​មិន​​មាន​​​ចេញ​​​ដែរ។ ការ​​​សម្រេច​​​ចិត្ត​​​ថ្មីៗ​​​បំផុត​​​នេះ គឺជា​​​លើក​​​ទី​​​១​​​ហើយ​​​ដែល​​​ជន​​​សង្ស័យ​​​ទាំងពីរ ដែល​​​បាន​​​ស្ថិតនៅ​​​ក្រោម​​​ការ​​​ស៊ើប​​​អង្កេត​​​តុលាការចាប់់តាំងពី​​​ឆ្នាំ​​​២០០៩​​​មក​​​នោះ ហើយ​​​មេធាវី​​​របស់គេ​​​នឹង​​​អាច​​​មាន​​​សិទ្ធិ​​​​​​ចូល​​​ពិនិត្យ​​​មើល​​​សេចក្តី​​​ពិស្តារ​​​នៃ​​​សំណុំ​​​រឿង​​​របស់គេ។

មេធាវី​​​របស់​​​ជនសង្ស័យ​​​ក្នុង​​​សំណុំ​​​រឿង​​​០០៣​​​និង​​​០០៤បានត្អូញត្អែរ​​​​​​ម្តង​​​ហើយ​​​ម្តង​​​ទៀត​​​​​​ថា ពួកគេ​​​អត់​​​មាន​​​សិទ្ធិ​​​ចូល​​​ពិនិត្យ​​​មើល​​​សំណុំ​​​រឿង ពីព្រោះ​​​វា​​​ប៉ះពាល់​​​សមត្ថភាព​​​របស់​​​គេ​​​ដើម្បី​​​តំណាង​​​​​​កូន​​​ក្តី​​​របស់​​​ខ្លួន​​​ក្នុង​​​ដំណាក់កាល​​​ស៊ើប​​​អង្កេត។

លោក ម៉ៃឃើល ខាណាវ៉ាស ជា​​​មេធាវី​​​អន្តរជាតិ​​​របស់​​​លោក​​​ មាស មុត ដែល​​​ត្រួតត្រា​​​កងពល​​​ធំ​​​លេខ​​​១៦៤​​​នៅ​​​តំបន់​​​និរតី ហើយ​​​ត្រូវ​​​បាន​​​ចោទថា​​​បាន​​​ធ្វើ​​​វិសុទ្ធិកម្ម “សត្រូវ” ក្រោម​​​ការ​​​គ្រប់គ្រង​​​របស់​​​លោក បាន​​​សាទរ​​​ចំពោះ​​​សេចក្តី​​​សម្រេច​​​ទាក់ទិន​​​នឹង​​​ការ​​​មាន​​​សិទ្ធិ​​​ចូលពិនិត្យ​​​មើល​​​សំណុំ​​​រឿង ប៉ុន្តែ​​​មិន​​​បាន​​​ឆ្លើយ​​​តប​​​នឹង​​​សំណួរ​​ ​ថាតើ​​​កូន​​​ក្តី​​​របស់​​​លោក​​​នឹង​​​សហការ​​​ជាមួយ​​​តុលាការ​​​ឬ​​​យ៉ាងណា​​​ទេ។

លោក ខាណាវ៉ាស បាន​​​និយាយ​​​នៅ​​​ក្នុង​​​អីុម៉េល​​​ថា  “ការ​​​​​​មាន​​​សិទ្ធ​​ិ​​​ចូល​​​ពិនិត្យ​​​មើល​​​សំណុំ​​​រឿង​​​គឺ​​​ស្ថិត​​​នៅ​​​ក្នុង​​​គំនិត​​​របស់​​​យើង​​​យូរណាស់​​​មកហើយ។ យើង​​​គួរ​​​មាន​​​សិទ្ធិ​​​​​​ចូល​​​ពិនិត្យ​​​មើល​​​សំណុំ​​​រឿង​​​នេះ​​​ច្រើន​​​ឆ្នាំ​​​កន្លង​​​មក​​​ហើយ។ ទីបញ្ចប់​​​ទើប​​​មាន​​​តម្លាភាព​​​បន្តិច​​​ជាង​​​មុន”៕ (រាយការណ៍​​​បន្ថែម​​​ដោយ ឃួន ណារីម) រើន និង និត

 

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស