31 C
Phnom Penh

គណបក្សប្រឆាំង​​​​​​មាន​​​សុ​​​ទិដ្ឋិ​​​និយម​​​ថា មន្ត្រី​​​របស់​​​ខ្លួន​​​នឹង​​​ត្រូវ​​​ដោះលែង​​​

ដោយ ឌឹ ខេមបូឌា ដេលី

បទវិភាគ

បន្ទាប់ពី​​សវនាការ​ជំនុំជម្រះ​នៅ​ក្រៅ​ឃុំ​របស់​លោក មាជ សុវណ្ណារ៉ា ប្រធាន​ផ្នែក​ព័ត៌មាន​គណបក្ស​សង្គ្រោះ​ជាតិ​នៅ​តុលាការ​កំពូល​កាលពី​ម្សិលមិញ អ្នក​នាំ​​​ពាក្យ​គណបក្ស​ប្រឆាំង​បាន​មាន​ប្រសាសន៍​ថា​ លោក​មាន​សុទិដ្ឋិនិយម​ថា តុលាការ​នឹង​សម្រេច​ដោះលែង​មន្ត្រី​រូប​នេះ​នៅ​ពេល​តុលាការ​ប្រកាស​​​​សាលដីកា​នៅ​ថ្ងៃ​​​ទី​១១ ខែ​​​មីនា។sovannara

ពេល​​ចេញពី​សវនាការ​នៅ​ក្រៅ​ឃុំ​ដែល​​​មាន​​​រយៈ​​​ពេល​៣០​នាទី លោក សុវណ្ណារ៉ា បាន​បដិសេធ​ជាថ្មី​ម្ដង​ទៀត​ថា លោក​មិន​ជាប់​ពាក់​ព័ន្ធ​នឹង​​​​​​អំពើ​ហិង្សា​អំឡុង​ការ​តវ៉ា​កាល​​​ព​ី​ខែ​កក្កដា នៅ​ទីលាន​ប្រជាធិបតេយ្យ​ឡើយ​។

លោក​បាន​មាន​ប្រសាសន៍​ថា “ខ្ញុំ​​​គិត​ថា មេដឹកនាំ​កំពូល​នៃ​គណបក្ស​ទាំង​ពីរ​នឹង​ពិភាក្សា​អំពី​បញ្ហា​នេះ​។ ប្រសិន​បើ​មិន​មាន​ការ​ចរចា​ ខ្ញុំ​គ្មាន​សង្ឃឹម​ទេ​ ពីព្រោះ​នេះ​ជា​ករណី​នយោបាយ”។

លោក យឹម សុវណ្ណ អ្នក​នាំ​​​ពាក្យ​គណបក្ស​សង្គ្រោះ​ជាតិ​បាន​​​មាន​ប្រសាសន៍​ថា មេដឹកនាំ​គណបក្ស​ទទួល​បាន​សារ​ហើយ ហើយ​ថា លោក​ជឿជាក់​​​​ថា លោក សុវណ្ណារ៉ា នឹង​ត្រូវ​ដោះលែង​នៅ​សប្ដាហ៍​ក្រោយ។

លោក​ យឹម សុវណ្ណ បាន​​​មាន​ប្រសាសន៍​ថា “ខ្ញុំ​មាន​សុទិដ្ឋិនិយម​ថា គាត់​​​នឹង​ត្រូវ​​​ដោះ​លែង​គាត់​នៅ​ថ្ងៃ​​​ទី​១១។ នេះ​ជា​ការ​​​គិត​​​ទុក​​​​របស់​ខ្ញុំ​ ពីព្រោះ​ប្រសិន​បើ​​ពួកគេ​មិន​ចង់​ដោះលែង​ ពួកគេ​​សម្រេច​នៅ​ថ្ងៃ​នេះ​ទៅ​ហើយ”។

សវនាការ​​​ជំនុំជម្រះ​​​លើ​​​លោក អ៊ុក ពេជ្រ​​​សំណាង សកម្មជន​គណបក្ស​សង្គ្រោះ​ជាតិ ដែល​ប្រឈម​នឹង​ការ​ចោទ​ប្រកាន់​ពី​​​បទ​បំផ្លាញ​ទ្រព្យ​សម្បត្តិ​សាធារណៈ​បន្ទាប់ពី​បើក​រ៉ឺម៉ក​ម៉ូតូ​កង់​បី​បុក​របាំង​ផ្លូវ​នគរ​បាល អំឡុង​ការ​តវ៉ា​ផ្សេង​គ្នា​កាលពី​ឆ្នាំ​មុន​នោះ ត្រូវ​បាន​ពន្យារ​ពេល​កាល​​​ពី​ម្សិលមិញ ពីព្រោះ​លោក ជូង ជូងី មេធាវី​របស់​លោក​​ជាប់​រវល់​តំណាង​លោក សុវណ្ណារា៉៕ សារុន​​​​​​​​

 

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស