38 C
Phnom Penh

សុខភាព​របស់​លោក​ មាស មុត ធ្លាក់​ដុន​ដាប​ ហើយ​ត្រូវ​បាន​ព្យាបាលទាំង​នៅ​ភ្នំពេញ​និង​ថៃ​

ដោយ ឌឹ ខេមបូឌា ដេលី

បទវិភាគ

​ក្មួយ​ប្រុស​របស់​​ជន​សង្ស័យ​ឧក្រិដ្ឋ​កម្ម​សង្គ្រាម​​បាន​ឲ្យ​ដឹង​កាលពី​ថ្ងៃសុក្រ​ថា លោក មាស មុត ជន​សង្ស័យ​ឧក្រិដ្ឋ​កម្ម​សង្គ្រាម​​ត្រូវ​បាន​ព្យាបាល​ទាំង​ក្នុង​រាជធានី​ភ្នំពេញ និង​​ប្រទេស​ថៃ​កាលពី​សប្ដាហ៍​មុន ដោយ​សារ​ជំងឺ​ទឹក​នោម​ផ្អែម និង​បេះដូង​។

លោក មាស មុត អតីត​មេបញ្ជាការ​កង​ទ័ព​​ជើង​ទឹក​របស់​ខ្មែរ​ក្រហម ត្រូវ​បាន​ចោទ​ប្រកាន់​ជា​ផ្លូវ​ការ​​ពីបទ​​ឧក្រិដ្ឋកម្ម​សង្គ្រាម​ និង​ពីបទ​ប្រព្រឹត្ត​​​បទឧក្រិដ្ឋ​ប្រឆាំង​មនុស្ស​ជាតិ​កាលពី​សប្ដាហ៍​មុន ហើយ​ក្មួយ​ប្រុស​របស់​គាត់​បាន​​លើក​ឡើង​ថា ដោយ​សារ​តែ​មាន​ការ​ចោទ​ប្រកាន់​ពីបទ​ឧក្រិដ្ឋ​ដ៏ធ្ងន់​ធ្ងរ​បែប​នេះ​ ទើប​ធ្វើ​ឲ្យ​សុខភាព​របស់​ឪពុក​មា​ខ្លួន​ធ្លាក់​ដុន​ដាប​កាន់​តែ​ធ្ងន់ធ្ងរ។

លោក សួន​ ប៊ុនធឿន​ ដែល​រស់​នៅ​ជាមួយ​ឪពុក​មា​របស់​ខ្លួន​ក្នុង​ស្រុក​សំឡូត ខេត្ត​បាត់ដំបង បាន​និយាយ​ថា ” ឥឡូវ​នេះ​គាត់​កំពុង​ឈឺ គាត់​មាន​ជំងឺ​បេះ​ដូង និង​ទឹក​នោមផ្អែម ព្រមទាំង​ជំងឺ​ផ្សេងៗ​ទៀត”។

លោក ប៊ុនធឿន បាន​លើក​ឡើង​ទៀត​ថា លោក មាស មុត ត្រូវ​បាន​ព្យាបាល​នៅ​ក្នុង​មន្ទីរ​ពេទ្យ​រ៉ូយ៉ាល់​ភ្នំពេញ​ គ្រប់គ្រង​ដោយ​ជនជាតិ​ថៃ​កាលពី​សប្ដាហ៍​មុន ហើយ​បន្ទាប់​មក​គាត់​ត្រូវ​បាន​បញ្ជូន​​​ទៅ​ព្យាបាល​នៅ​ក្នុង​ខេត្ត​ត្រាត ប្រទេស​ថៃចំនួន​បីថ្ងៃ​បន្ថែម​ទៀត​មុនពេល​បញ្ជូន​ត្រឡប់​មក​ស្រុក​សំឡូត​វិញ។

លោក​បាន​និយាយ​បន្ថែមទៀត​ថា “កាលពី​ពីរបី​ថ្ងៃ​កន្លង​មក​នេះ គាត់​បាន​ទៅ​ព្យាបាល​នៅ​មន្ទីរ​ពេទ្យ​រ៉ូយ៉ាល់​ភ្នំពេញ ហើយ​ឥឡូវ​នេះ​គាត់​​ទើប​តែ​ត្រឡប់​មកពី​ខេត្ត​ត្រាត​វិញ។ ពីរ​បី​ថ្ងៃកន្លង​មក​នេះ​គាត់​​មាន​សុខភាព​ល្អ​ប្រសើរ​ទេ ប៉ុន្តែ​នៅ​ក្នុង​ថ្ងៃនេះ​គាត់​លាប់ជំងឺ​ចាស់​មក​វិញ ដោយ​សារ​តែ​បញ្ហា​​ [ចោទ​ប្រកាន់​នេះ​]”៕ ស៊ុយឈាង​​​​​​​​​

 

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស