28.4 C
Phnom Penh

មន្ត្រី​តុលាការ​អនុវត​្ត​​សាលក្រម​វិវាទដីធ្លី​ឆ្នាំ២០១១

ដោយ ឌឹ ខេមបូឌា ដេលី

បទវិភាគ

មន្ត្រី​ម្នាក់​បាន​ឲ្យ​ដឹង​កាលពី​ម្សិលមិញ​ថា ព្រះរាជអាជ្ញា​និង​នគរ​បាល​នៅ​ថ្ងៃ​នេះ​​នឹង​ចុះ​ទៅ​ពិនិត្យ​មើល​ដីទំហំ​១ហិកតា​នៅ​ក្នុង​រាជធានី​ភ្នំពេញ ដើម្ប​ី​បែង​ចែក​ដីនេះឲ្យ​បាន​ត្រឹមត្រូវ​​ក្នុង​ចំណោម​អ្នកភូមិ​១៦៣គ្រួសារ ដែល​អះអាង​ថា ស្ត្រី​ម្នាក់​បាន​កាន់​កាប់​ដីនេះ​តែឯង​បន្ទាប់ពី​ពួកគាត់​ឈ្នះ​នៅ​ក្នុង​វិវាទ​ដីធ្លីមួយ​។

​គ្រួសារ​ទាំង​នោះ​ត្រូវ​​បាន​ផ្ត​ល់​ដី​មួយ​ក្បាល​ទំហំ​៩.៩៨២​ម៉ែត្រក្រឡា​នៅ​ក្នុង​ខណ្ឌ​សែន​សុខ នៅ​ក្នុង​សេចក្ដី​សម្រេចឆ្នាំ​២០១១​របស់​សាលា​ដំបូង​រាជធានី​ភ្នំពេញ​ បន្ទាប់ពី​មាន​វិវាទ​ជាមួយ​ពាណិជ្ជករ​ក្នុង​មូលដ្ឋាន​ម្នាក់ ប៉ុន្តែបាន​លើក​ឡើង​ថា អ្នកស្រី ជា សារុំ ពេលនោះ​​​បាន​អះអាង​កាន់​កាប់​តំបន់​នោះ​ទាំង​មូល​តែម្នាក់​ឯង ហើយ​បាន​រារាំង​​អ្នក​ផ្សេងទៀត​មិន​ឲ្យ​រស់​នៅ​ទីនោះ​។

លោក មូ ម៉ានិត អភិបាល​រង​ខណ្ឌ​បាន​មាន​ប្រសាសន៍​កាលពី​ម្សិលមិញ​ថា លោក កុល ប៊ុន ព្រះរាជអាជ្ញារង​អម​សាលា​ដំបូង​រាជធានី​នឹង​ធានា​ថា គ្រួសារទាំងអស់​​ដែល​ត្រូវ​បាន​ផ្តល់ដី​ក្នុង​ឆ្នាំ​២០១១​នោះ នឹង​ទទួល​បាន​​​ចំណែក​នៃដី​នោះ​ដូច​ការ​សន្យា​។

លោក ម៉ានិត បានមាន​ប្រសាសន៍​ថា “ថ្ងៃស្អែក​យើង​បាន​បញ្ជា​ឲ្យ​នគរ​បាល​ និង​កង​រាជ​អាវុធ​ហត្ថ​​ចុះ​ទៅ​ជាមួយ​អំឡុង​ការ​អនុវត្ត​សាល​ក្រម​​តុលាការ​របស់​ព្រះរាជអាជ្ញា​រង​រូប​នេះ ហើយ​តុលាការ​មាន​បញ្ជី​ឈ្មោះគ្រួសារ​ទាំង​អស់​ដែល​ត្រូវ​ទទួល​បាន​ដី។

ប៉ុន្តែ​លោក កុល ប៊ុន បានមាន​ប្រសាសន៍​ថា លោក​មិន​មាន​បញ្ជា​ដែល​បញ្ជាក់​ថា នរ​ណា​នឹង​ទទួល​បាន​ដី​នេះ​ទេ មាន​​តែ​បញ្ជីដែល​បញ្ជាក់ពី​អ្នក​ដាក់​ពាក្យ​បណ្ដឹង​ដែល​បានចូល​រួម​នៅ​ក្នុង​វិវាទ​​ផ្លូវ​ច្បាប់​នេះ​ដែល​បាន​បញ្ចប់​កាលពីឆ្នាំ​២០១១ ដែល​លោក​បាន​លើក​ឡើង​ថា លោក​នឹង​អាន​នៅ​ថ្ងៃ​នេះ​។

លោក​បាន​មាន​ប្រសាសន៍​ថា “គ្រួសារ​ណា​ដែល​ត្រូវ​ទទួល​បាន​ដីនោះ អាជ្ញាធរ​រាជធានី​មាន​បញ្ជី​។ ខ្ញុំ​មាន​បញ្ជី​ពី​តុលាការ​កំពូលតែប៉ុណ្ណោះ ប៉ុន្តែ​បញ្ជី​របស់​អាជ្ញាធរ​​ច្បាស់​លាស់​​។ ខ្ញុំ​មិន​មាន​​ចំនួន​ច្បាស់លាស់​​ថាប៉ុន្មាន​ ឬ​នរណា​​ជាគ្រួសារ​ពិត​ដែល​នឹង​ទទួល​បាន​ដីនេះ​ឡើយ​។

អ្នកស្រី​ ព្រីង សុជាតិ តំណាង​គ្រួសារ​ទាំង​នោះ ដែល​អ្នកស្រី សារុំ មិន​បាន​រាប់​បញ្ចូល​នោះ​ បាន​និយាយ​ថា អ្នកស្រី​មិន​មាន​អារម្មណ៍​​ខឹង​ចំពោះស្ត្រី​រូប​នេះ​ទេ ហើយ​សប្បាយ​ចិត្តពី​​ការ​ដែល​សាល​ក្រម​រយៈពេល​បួន​ឆ្នាំ​ទៅ​ហើយ​នោះ​ ឥឡូវនេះ​ត្រូវ​បាន​អនុវត្ត​​។

អ្នកស្រី​បាន​និយាយ​ថា “យើង​សប្បាយ​ចិត្ត ហើយ​យើង​នឹង​មិន​បណ្តោយ​ឲ្យ​អ្នកស្រី ជា សារុំ មិន​ទទួល​បាន​ដីទេ ពីព្រោះ​គាត់​បាន​ជ​ួយ និង​បានតំណាង​ពួកយើង។ ឈ្មោះ​របស់​គ្រួសារ​យើង​មាន​ក្នុង​សាលក្រម​​រួច​ហើយ ដូច្នេះ​យើង​នឹង​ទទួល​បាន​ដី​”៕ សារុន​​​​​​​​​

 

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស