26 C
Phnom Penh

ព្រះអង្គម្ចាស់​​​ នរោត្តម រណឫទ្ធិ ជា​​​ប្រធាន​​​គណ​បក្ស​ហ៊្វុនស៊ិនប៉ិច​​​​​​ពេញ​​​លេញ

ដោយ ឌឹ ខេមបូឌា ដេលី

បទវិភាគ

ព្រះអង្គម្ចាស់ នរោត្តម រណឫទ្ធិ បាន​​កាន់​តួនាទី​​​ពេញ​លេញ​ក្នុង​​​​​គណបក្ស​រាជា​​​និយម​​​ហ៊្វុន​​​ស៊ិន​​​ប៉ិច​កាលពី​ម្សិលមិញ ជា​មួយ​នឹង​សមាជ​គណបក្ស​ដែល​បាន​ផ្ដល់​ការ​​​គ្រប់គ្រង​​​​គណបក្ស​នេះ​ពេញ​លេញ​​​ដល់​​​ព្រះអង្គ​​​ បន្ទាប់ពី​មាន​ការ​តស៊ូ​អំណាច​​ជាមួយ​បុរស​ម្នាក់​​ដែល​ជា​អ្នក​​​ផ្តួច​​​​​​​​​ផ្តើម​​​​ឲ្យ​មាន​ការ​ដក​ព្រះអង្គ​ចេញ​​ពី​​​ប្រធាន​គណបក្ស​នេះ​​​កាលពី​ឆ្នាំ​២០០៦។

ការ​យាង​មកកាន់​គណបក្ស​នេះ​វិញ ដែល​ព្រះអង្គ​បាន​ដឹក​នាំ​ឲ្យ​ទទួល​បាន​ជ័យ​ជម្នះ​ក្នុង​ការ​បោះ​ឆ្នោត​កាលពី​ឆ្នាំ​១៩៩៣ ចាប់​​​តាំងពី​​​ព្រះអង្គ​ម្ចាស់ រណឫទ្ធិ បាន​យាង​​មក​កាន់​​​គណបក្ស​ហ៊្វ

ប៉ិច​វិញ​កាលពី​ខែ​មករា ​បាន​តស៊ូ​ជា​សាធារណៈ​​​ជាមួយ​លោក​ ញឹក ប៊ុនឆៃ ដែល​ឥឡូវ​នេះ​ជា​អនុប្រធានទី២​ជុំវិញ​តួនាទី​ជា​អ្នក​ដឹក​​​នាំ​​​ក្នុង​​​​គណបក្ស​​​​​​​រួម​​​ទាំង​តួនាទី​​​អគ្គលេខា​​​ធិការ​។

លោក ញឹក ប៊ុនឆៃ បាន​អះអាង​ជា​សាធារណៈ​កាលពី​ខែ​មុន​ថា ការ​ជ្រើស​រើស​លោក សាយ ហាក់ អតីត​អភិបាល​ខេត្ត​ព្រះសីហនុ​របស់​ព្រះអង្គ​ជា​អគ្គលេខាធិការ​គណបក្ស​ហ៊្វុនស៊ិន​​​ប៉ិច​នេះ មិន​អាច​យក​ជា​​​ការ​បាន​ទេ ពីព្រោះ​មិន​ត្រូវ​បាន​អនុម័ត​យល់ព្រម​ដោយ​សមាជ​គណបក្ស​ឡើយ​។

ព្រះអង្គម្ចាស់ រណឫទ្ធិ បាន​មាន​បន្ទូល​ថា ព្រះអង្គ​មានអំណាច​​ជា​ប្រធាន​ក្នុង​ការ​តែង​តាំង​តាម​​​ព្រះ​​​ទ័យ​​ព្រះអង្គ​ ជា​អ្វី​ដែល​លោក ញឹក ប៊ុនឆៃ បាន​ច្រាន​ចោល ហើយ​នៅ​សមាជ​កាលពី​ម្សិលមិញ លោក សាយ ហាក់ បាន​អាន​សេចក្ដី​សម្រេច​ដែល​បាន​បញ្ជាក់​ពី​ការ​បក​ស្រាយ​របស់​​​ព្រះអង្គ​ម្ចាស់​។

លោក សាយ ហាក់ បាន​មាន​ប្រសាសន៍​ថា “សមាជ​បាន​អនុម័ត​របៀបវារៈ​ស្ដីពី​ការ​កែប្រែ​លក្ខន្ដិកៈ​គណបក្ស​រួម​មាន​រូប​សញ្ញា​ថ្មី និង​ការ​ផ្ដល់​អំណាច​ពេញលេញ​ដល់​ព្រះអង្គ​ម្ចាស់​ នរោត្តម រណឫទ្ធិ ជា​ប្រធាន​​គណបក្ស​ក្នុង​ការ​ធ្វើ​កំណែទម្រង់​ផ្ទៃ​ក្នុង ដើម្បី​ធានា​ឲ្យ​មាន​ប្រសិទ្ធ​​​ភាព​ក្នុង​ការ​ដឹកនាំ​គណបក្ស​ហ៊្វុន​​​ស៊ិន​​​ប៉ិច​”។

ដោយ​ជំនួស​រូប​សញ្ញា​ចាស់​របស់​គណបក្ស​​ហ៊្វុនស៊ិន​​​ប៉ិច​ពីរ​​​ទសវត្សរ៍​មកហើយ​ ​ជា​រូប​វិមាន​ឯករាជ្យ​​​នៅ​​​ក្នុង​​​រាជធានី​​​ភ្នំពេញ​​​នឹង​មាន​ការ​​រចនា​​​ថ្មី​ស្ទើរ​តែ​ដូច​បេះ​​​បិទ​ទៅ​នឹង​រូប​សញ្ញា​​របស់​គណបក្ស សង្គម រាស្ត្រ រាជាធិបតេយ្យ ដែល​ព្រះអង្គ​បាន​បង្កើត​ឡើង​កាលពី​ឆ្នាំ​មុន ប៉ុន្តែ​បាន​បញ្ចប់​​​​​​​​ទៅវិញ នៅ​ពេល​ព្រះអង្គ​យាង​មក​កាន់​គណបក្ស​ហ៊្វុន​​​ស៊ិន​​​ប៉ិច​វិញ។

ព្រះអង្គ​ម្ចាស់​ រណឫទ្ធិ បាន​ប្រាប់​អង្គ​សមាជ​ថា ព្រះអង្គ​សង្ឃឹម​ថា ថ្នាក់​​​ដឹកនាំ​គណបក្ស​ហ្វុ៊ន​​​ស៊ិន​​​ប៉ិច​ ដែល​​​ភាគ​ច្រើន​​​ជា​រាជវង្សានុវង្ស នឹង​រក្សា​កេរដំណែល​របស់​សម្ដេច​ឪ នរោត្តម សីហនុ ហើយ​ក៏​មានការ​​​ចៀស​វាង​​បក្ខពួក​និយម​ផង​ដែរ។

ព្រះអង្គ​បាន​មាន​បន្ទូល​ថា ក្រៅ​​ពី​បម្រើ​ឲ្យ​ចលនា​​នៃ​​​កេរ​​​ដំណែល​​​​សម្ដេច​ឪ​របស់​​​យើង សូម​ថ្នាក់​​​​​​ដឹក​​​នាំ​​​ទាំង​អស់​​កុំ​ឲ្យ​មាន​បក្ខពួក​​និយម​នៅ​ក្នុង​គណបក្ស​ហ្វុ៊ន​​​ស៊ិន​​​ប៉ិច។ ខ្ញុំ​នឹង​បណ្ដេញ​នរណា​ដែល​បក្ខពួក​និយម​ចេញពី​គណបក្ស​ហ៊្វុន​​​ស៊ិន​​​ប៉ិច​”។

ព្រះអង្គម្ចាស់ រណឫទ្ធិ ក៏​បាន​អំពាវ​នាវ​ឲ្យ​​​លោក ញឹក ប៊ុនឆៃ និង​ព្រះអង្គម្ចាស់​ នរោត្តម អរុណរស្មី ជា​អនុប្រធាន​ទី១​គណបក្សហ៊្វុន​​​ស៊ិន​​​ប៉ិច​រួប​រួម​គ្នា​ក្រោម​ការ​ដឹកនាំ​របស់​​​ព្រះ​​​អង្គ
ផង​​​ដែរ។

ព្រះអង្គ​បាន​មាន​បន្ទូល​ថា “ក្នុង​នាម​ជា​ប្រធាន​ ខ្ញុំ​ចុះទៅ​​​ប្រមូល​​​សំឡេង​អ្នក​រាជា​និយម​ពិត​ប្រាកដ​ ឲ្យ​​​ចូល​រួម​ជាមួយ​​​​គណបក្ស​ហ៊្វុនស៊ិន​​​ប៉ិច ហើយ​​​អនុ​​​ប្រធាន​​​ម្នាក់ៗ​​​បំពេញ​​​​​​ភារកិច្ច​របស់​ខ្លួន​​​​​​តាម​​​ការ​​​ត្រូវ​​​ការ​​​របស់​​​ខ្ញុំ​​​។ គេ​មិន​អាច​ទាក់​ទង​លោក ញឹក ប៊ុនឆៃ ដើម្បី​សុំ​អត្ថាធិប្បាយ​បាន​ទេ៕ សារុន​​​​​​​​​​

 

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស