បុរស​​​ប្រាំ​​​នាក់​​​ត្រូវ​​​ចាប់​​​​​​ខ្លួន​​​​​​ពី​​​បទ​​​ស្លៀក​​​ពាក់​​​បន្លំ​​​ធ្វើ​​​ជា​​​សមត្ថកិច្ច​​​ ហើយ​​​​​​ប្លន់​​​ប្រជា​​​ពល​​​រដ្ឋ​តាម​​​ផ្លូវ​​​​​

មន្ត្រី​​​នគរ​​​បាល​​​មួយ​​​រូប​​​បាន​​​លើក​​​ឡើង​​​កាល​​​ពីម្សិលមិញ​​​ថា បុរស​​​ប្រាំ​​​នាក់​​​ដែល​​​តែង​​​តែ​​​ស្លៀក​​​​​​ពាក់​​​បន្លំ​​​ខ្លួន​​​ធ្វើ​​​ជា​​​សមត្ថកិច្ច​​​ដើម្បី​​​ប្លន់​​​​​​លុយ​​​ និង​​​របស់​​​រប​​​រ​​​ផ្សេង​​​ៗ​​​ពី​​​ជន​​​ស៊ី​​​​​​វិល​​​នោះ​​​ ត្រូវ​​​បាន​​​ចាប់​​​ខ្លួន​​​នៅ​​​ក្នុ​​​ងរាជ​​​ធានី​​​ភ្នំពេញ​​​កាល​​​ពីថ្ងៃ​​​សុក្រ និង​​​ថ្ងៃ​​​សៅរ៍។

លោក អេង សោភា នាយការិយាល័យ​​​ព្រហ្មទណ្ឌ​​​នៃ​​​ស្នង​​​ការ​​​ដ្ឋាន​​​នគរ​​​បាល​​​រាជ​​​ធានី​​​ បាន​​​មាន​​​ប្រសាសន៍​​​ថា​​​ ក្រុម​​​នេះ​​​បាន​​​ធ្វើ​​​ប្រតិបត្តិការ​​​នៅ​​​ពេល​​​យប់​​​ ដោយ​​​ពួក​​​គេ​​​ស្លៀក​​​ពាក់​​​បន្លំ​​​ខ្លួន​​​ធ្វើជា​​​នគរ​​​បាល​​​ និង​​​កង​​​រាជ​​​អាវុធ​​​ហត្ថ​​​ បន្ទាប់​​​មក​​ធ្វើ​​​សកម្មភាព​​​ឃាត់​​​ គំរាម​​​ និង​​​ប្លន់​​​ជន​​​រង​​​គ្រោះ​​​។

លោក​​​មាន​​​ប្រសាសន៍​​​ទៀត​​​ថា “ក្រុម​​​នេះ​​​បាន​​​ប្រព្រឹត្ត​​​បទ​​​ល្មើស​​​អំឡុង​​​ពាក់​​​កណ្តាល​​​យប់​​​ ដោយ​​​ជំរិត​​​ទារ​​​ប្រាក់​​​ពី​​​ប្រជា​​​ពល​​​រដ្ឋ​​​ដែល​​​ចេញ​​​ពី​​​កន្លែង​​​ធ្វើ​​​ការ​​​ ឬ​​​កន្លែង​​​កម្សាន្ត​​​” ។ លោក​​​បាន​​​បន្ថែ​​​ម​​​ថា ក្រុម​​​នេះ​​​​​​មាន​​​ឯកសណ្ឋាន​​​ពេញ​​​លេញ រួម​​​ទាំង​​​ខ្នោះ​​​ដៃ​​​ និង​​​អាវុធ​​​ផង​​​។

លោក​​​បាន​​​បន្ត​​​ថា “ពួកគេ​​​ជំរិត​​​យក​​​សម្ភារ​​​ផ្សេង​​​ៗ​​​រួម​​​ទាំង​​​ទូរស័ព្ទ​​​ លុយ​​​ គ្រឿង​​​អលង្ការ​​​ ហើយ​​​បើ​​​ជន​​​រង​​​គ្រោះ​​​គ្មាន​​​លុយ​​​ ឬគ្រឿង​​​អលង្ការ​​​ទេ ប៉ុន្តែ មាន​​​ម៉ូតូ​​​ ពួក​​​គេ​​​នឹង​​​ [បង្ខំ​​​ឲ្យជន​​​រង​​​គ្រោះ​​​] បញ្ចាំ​​​ម៉ូតូ​​​នោះ​​​ ហើយ​​​បន្ទាប់មក​​​ដោះ​​​លែង [ជន​​​រងគ្រោះ​​​] ​​​ភ្លាម​​​ៗ”។

យោង​​​តាម​​​កំណត់​​​ហេតុ​​​មួយ​​​របស់​​​នគ​​​របាល​​​បាន​​​ឲ្យ​​​ដឹង​​​ថា ជន​​​ឆបោក​​​ទាំង​​​នេះ​​​ដែល​​​មាន​​​ឈ្មោះ​​​ សេង វិមល អាយុ​​​៣៩​​​ឆ្នាំ ឃួន ថាវរិទ្ធ អាយុ​​​២៣​​​ឆ្នាំ រិទ្ធ​​​ រដ្ឋា អាយុ​​​២៩​​​ឆ្នាំ ប៉ែន លក្ខណ៍​​​វុឌ្ឍីនា អាយុ​​​២៣​​​ឆ្នាំ​​​ និង​​​ ខាត់​​​ រិទ្ធ អាយុ​​​៤០​​​ឆ្នាំ បាន​​​ធ្វើ​​​ប្រតិបត្តិការ​​​ប្រព្រឹត្ត​​​បទ​​​ល្មើស​​​យ៉ាង​​​ហោច​​​ណាស់​​​ក៏ចាប់​​​តាំង​​​ពី​​​ខែ​​​វិច្ឆិកា​​​មក​​​ដែរ​​​។

កំណត់​​​ហេតុ​​​នេះ​​​គូស​​​បញ្ជាក់​​​ពី​​​ករណី​​​មួយ​​​ចំនួន​​​ដែល​​​ធ្វើ​​​ឲ្យ​​​នគរ​​​បាល​​​​​​មាន​​​ការ​​​ចាប់​​​អារម្មណ៍​​​រួម​​​ទាំង​​​ហេតុការ​​ណ៍​​​មួយ​​​កើត​​​ឡើង​​​​​​កាល​​​ពី ថ្ងៃ​​​ទី​​​៦​​​ ខែ​​​ធ្នូ ដែល​​​ជន​​​រង​​​គ្រោះ​​​ម្នាក់​​​ត្រូវ​​​បាន​​​ក្រុម​​​នេះ​​​វាយ​​​ប្លន់​​​នឹង​​​ស្នាប់​​​កាំ​​​ភ្លើង​​​ផង​​​ដែរ​​​។

ករណី​​​មួយ​​​ទៀត​​​ដែល​​​បាន​​​កាល​​​ពី​​​ថ្ងៃ​​​ទី​​​៣០​​​ ខែ​​​វិច្ឆិកា ជន​​​រង​​​គ្រោះ​​​ត្រូវ​​​បាន​​​ក្រុម​​​ឧក្រិដ្ឋ​​​ជន​​​នេះ​​​បង្ខំ​​​ឲ្យ​​​បញ្ចាំ​​​ម៉ូតូ​​​របស់​​​ខ្លួន​​​ចំនួន​​​៣៥០​​​ដុល្លារ​​​ យក​​​​​​ឲ្យ​​​ពួក​​​គេ​​​។

លោក​​​ អេង សោភា បាន​​​ថ្លែង​​​ថា ក្រុម​​​នេះបាន​​​ធ្វើ​​​ប្រតិបត្តិការ​​​​​​​​​ភាគ​​​ច្រើន​​​នៅ​​​ក្នុង​​​ខណ្ឌ​​​ទួល​​​គោក​​​ និង​​​ខណ្ឌ​​​ឫស្សី​​​កែវ ហើយ​​​ថា ពួក​​​គេ​​​ត្រូវ​​​បាន​​​សាក​​​សួរ​​​នៅ​​​សាលា​​​ដំបូង​​​រាជ​​​ធានី​​​ភ្នំពេញ​​​កាល​​​ពី​​​ល្ងាច​​​ម្សិលមិញ​​​។

លោក​​​មានប្រសាសន៍​​​ទៀត​​​ថា “ពួក​​​គេ​​​បាន​​​​​​សារភាព​​​ថា ​​​ខ្លួន​​​បាន​​​ជំរិត​​​ប្លន់​​​ប្រជា​​​ពល​​​រដ្ឋ​​​ចំនួន​​​ពីរ​​​លើក​​​ ហើយ​​​យើង​​​មាន​​​ភ័ស្តុ​​​តាង​​​គ្រប់​​​គ្រាន់​​​ដើម្បី​​​ធ្វើ​​​ការ​​​ចោទ​​​ប្រកាន់​​​ជន​​​សង្ស័យ​​​ទាំង​​​នេះ។ ពួក​​​គេ​​​ជំរិត​​​ប្រជា​​​ពល​​​រដ្ឋ​​​ស្លូត​​​ត្រង់​​​រួមមាន​​​​​​ស្ត្រី និ​​​ង​​​​​​អ្នក​​​ដែល​​​មាន​​​មាឌ​​​តូច​​​ៗ​​​”។

លោក​​​មាន​​​ប្រសាសន៍​​​ថា ការ​​​ចាប់​​​ខ្លួន​​​នេះ​​​គឺ​​​ជា​​​ភ័ស្តុ​​​តាង​​​បង្ហាញ​​​ថា នគរ​​​បាល​​​មាន​​​ការ​​​ប្តេជ្ញា​​​ចិត្ត​​​ក្នុង​​​ការ​​កែ​​​ប្រែ​​​​​​មុខ​​​មាត់​​​របស់ខ​​​្លួន​​​ដែល​​​​​​រង​​​ការ​​​ចោទ​​​ប្រកាន់ជា​​យូរ​​​មក​​​ហើយ​​​ជុំ​​​វិញ​​​អំពើ​​​ពុក​​​រលួយ​​​ និង​​​ការ​​​ជំរិត​​​ទារ​​​ប្រាក់​​​​​​។ លោក​​​បាន​​​បញ្ជាក់​​​ថា “ប្រជា​​​ពល​​​រដ្ឋ​​​តែង​​​តែ​​​រិះ​​​គន់​​​អាជ្ញាធរ​​​របស់​​​យើង​​​ ដូច្នេះ​​​ហើយ​​​យើង​​​ក៏​​​ធ្វើ​​​ការ​​​បង្ក្រាប​​ និង​​​ចាប់ខ្លួន​​​មនុស្ស​​​ទាំង​​​ប្រាំ​​​នាក់​​​នេះ​​​តែ​​​ម្តង​​​”៕សុខុម​​​​​​