28 C
Phnom Penh

គណបក្ស​សង្គ្រោះ​ជាតិ​នឹង​មិន​ធ្វើការ​តវ៉ា​នៅ​សវនាការ​ជំនុំជម្រះ ​លោក មាជ សុវណ្ណារ៉ា

ដោយ ឌឹ ខេមបូឌា ដេលី

បទវិភាគ

លោក យ៉ែម បុញ្ញឫទ្ធិ អ្នក​​​នាំ​ពាក្យ​​​គណបក្ស​​​ប្រឆាំង​​​បាន​​​មានប្រសាសន៍​​​កាល​​​ពីម្សិល​​​​​​មិញ​​​ថា គណបក្ស​​​សង្គ្រោះ​​​ជាតិ​​​ នឹង​​​មិន​ធ្វើ​​​ការ​​​តវ៉ា​​​នៅ​​​សាលា​​​ដំបូង​​​រាជ​​​ធានី​ភ្នំពេញ​​​នៅ​​​ថ្ងៃ​​​េនះ នឹង​​​មិន​​​បញ្ជូន​​​មន្ត្រី​​​ជាន់​​​ខ្ពស់​​​ណា​​​មួយ​​​ទៅ​​​ទី​​​នោះ​​​ដើម្បី​​​តវ៉ា​​​ជំទាស់​​​ទៅ​​​នឹង​​​​​​​​​សវនា​ការ​​​ជំនុំ​​​ជម្រះ​​​តាម​ការ​គ្រោងទុក​លើ​សមាជិក​​​របស់​​​ខ្លួន​​​១១​​​នាក់​​​ ជុំ​​​វិញ​​​ការ​​​ចោទ​​​ប្រកាន់​​​ពី​បទ​​​”កុបកម្ម” ​​​នោះ​​​ឡើយ​​​។cam-photo-cnrp

​​​ការ​​​ចោទ​​​ប្រកាន់​​​ទាំងនេះ​​​ត្រូវ​​​បាន​​​ធ្វើ​​​ឡើង​​កាលពី​​​​ឆ្នាំ​​​មុន​​​ ប្រឆាំង​​​លោក មាជ សុវណ្ណារ៉ា មន្ត្រី​​​គណបក្ស​​​សង្គ្រោះ​​​ជាតិ និង​​​សកម្មជន​​​គណបក្ស​​​១០​​​នាក់​​​ទៀត​​​ពាក់​​​ព័ន្ធ​​​​​​ការ​​​ចូល​​​រួម​​​របស់​ពួកគេ​នៅ​ការ​តវ៉ា​​​​​​កាល​​​ពី​​​ថ្ងៃ​ទី​​​១៥​​​ ខែ​​​កក្កដា នៅ​​​ទី​​​លាន​​​ប្រជាធិបតេយ្យ​​​ដែល​​​បាន​​​ក្លាយ​​​ជា​​​ហិង្សា​​​ ដែល​​​ក្នុង​​​នោះ​​​ក៏​​​ឈាន​​​ដល់​​​ការ​​​ចោទ​​​ប្រកាន់​​​ស្រដៀង​​​គ្នា​​​នេះ​​​លើ​​សមាជិក​​​សភា​​​គណបក្ស​​​សង្គ្រោះ​​​ជាតិ​​​ប្រាំពីរ​​​រូប​​​ទៀត​​​ផង​​​ដែរ​​​។

លោក មាជ សុវណ្ណារ៉ា ដែល​​​មាន​​​សញ្ជាតិ​​​អាមេរិក និង​​​សកម្មជន​​​បួន​​​នាក់​​​ទៀត​​​ត្រូវ​​​បាន​​​ជាប់​​​ពន្ធនាគារ​​​ចាប់​​​តាំង​​​ពី​​​ឆ្នាំ​​​មុន​​​មក​​​​​​។

លោក សម រង្ស៊ី និង​​​លោក កឹម សុខា មេដឹកនាំ​​​គណបក្ស​​​ប្រឆាំង បាន​​​លើក​​​ឡើង​​​ថា ការ​​​ចាប់​​​ខ្លួន​​​នេះ​​​ត្រូវ​​​បាន​​​ធ្វើ​​​ឡើង​​​ដើម្បី​ភ្ជាប​​​់គណបក្ស​​​សង្គ្រោះ​​​ជាតិ​​​នៅ​​​ក្នុង​​​ការ​​​ពិភាក្សា​​​អំពី​​​កំណែ​​​ទម្រង់​​ការ​​​បោះ​​​ឆ្នោត​​​នៅ​ពេល​​​ខាង​​​មុខ ប៉ុន្តែ លោក​​​នាយក​រដ្ឋ​​​មន្ត្រី ហ៊ុន សែន បាន​​​បដិសេធ ហើយ​​​ក៏​​​បាន​​​គំរាម​​​ចាប់​​​ខ្លួន​​​លោក កឹម សុខា​​​ ប្រសិន​​​បើ​​​លោក​​​​​​ដឹក​​​នា​​ំ​​​ការ​​​តវ៉ា​​​ឲ្យ​​​ដោះ​​​លែង​​​លោក​​​ សុវណ្ណារ៉ា ។

លោក​​​ បុញ្ញឫទ្ធិ​​​ បាន​​​មានប្រសាសន៍​​​ថា មិន​​​មាន​​​ការ​​​តវ៉ា​​​ដូចនោះ​​​នៅ​​​តុលាការ​​​ទេ ហើយ​​​ថា លោក និង​​​លោក កឹម សុខា ជាប់​​​រវល់​​​ចូលរួម​កិច្ច​​​ប្រជុំ​​​គណៈកម្មាធិការ​​​អចិន្ត្រៃយ៍​​​រដ្ឋសភា​​​ដើម្បី​​​ជ្រើស​​រើស​​​សមាជិក​​​គណៈ​កម្មា​ធិការ​ជាតិ​​​រៀប​​​ចំ​​​ការ​​​​​​បោះ​​​ឆ្នោត​​​ថ្មី​​​​​​​​​​​​។

លោក​​​បាន​​​មាន​​​ប្រសាសន៍​​​ថា “ចំពោះ​​ករណី​នេះ​​​ មេធាវី​​​ការ​​​ពារ​​​​​​នឹង​​​ទទួល​​​ខុស​​​ត្រូវ​​​ចំពោះ​​​សវនាការ​​​ជំនុំ​​​ជម្រះ​​​នោះ ដើម្បី​​​ជួយ​​​ដល់​​​សកម្មជន​​​ទាំង​​​នោះ ដែល​​​ត្រូវ​​​បាន​​​ចោទប្រកាន់​​​ពី​​​បទ​​​ឧក្រិដ្ឋ​​​ដែល​​​ពួកគេ​​​មិន​​​មាន​​​ទោស​​​អ្វី​​​សោះ​​​”។

លោក​​​​​​បាន​​​បន្ថែម​​​ថា “យើង​​​មិន​​​មាន​​​គម្រោង​​​ទេ ហើយខ្ញុំ​​​មិន​​​ដឹង​​​អំពី​​​រឿង​​​នេះ​​​ឡើយប្រសិន​​​បើ​​​មាន​​​សាធារណជ​​​ន​​​មួយ​​​ចំនួននោះ វា​​​ជា​​​សិទ្ធិ​​​របស់​​ពួកគាត់​”។

លោក​​​ សុខ ទូច អ្នក​​​វិភាគ​​​នយោបាយ​​​បាន​​​មាន​​​ប្រសាសន៍​​​ថា ការ​​​នៅ​​​ស្ងៀម​​​របស់​​​គណបក្ស​​​សង្គ្រោះ​​​ជាតិ​​​​​​មិន​​​តវ៉ា​​​នឹង​​​ការ​​​ចាប់​​​មន្ត្រី​​​របស់​​​ខ្លួន​​​ដាក់​​​ពន្ធនាគារ​​​ដោយមាន​បំណង​​​មិន​​​ចង់​​​បង្ក​​​បញ្ហា​​​ដល់​​​គណបក្ស​​​ប្រជា​​​ជន​​​កម្ពុជា​​​ ខណៈ​​​ដែល​​​កំណែ​​​ទម្រង់​ដូច​ជា​​​​គណៈ​កម្មា​ធិការ​​​ជាតិ​​​រៀប​​​ចំ​​​ការ​​​បោះ​​​ឆ្នោត​​​ថ្មី​​រង់​​​ចាំ​​​ការ​​​អនុម័ត​​​នៅ​​​ឡើយ​​​​​។

លោក​​​សុខ ទូច បាន​​​មាន​​​ប្រសាសន៍​​​ថា “មាន​​​ហេតុផល​​​ពីរ​​​ ដែល​​​គណបក្ស​​​ប្រឆាំង​​​នៅ​​​ស្ងៀម​​​ស្ងាត់​​​។ ទី​​​១​​​ពីព្រោះ​​​ឥឡូវ​​​នេះ​​​សមាជិក​​​សភា​​​ទាំង​​​នេះ​​​មាន​​​អភ័យ​​​ឯកសិទ្ធិ​​​ ដែល​​​​​​ជា​​​ខែល​​​ដ៏​​​រឹង​​​មាំ​​​ការ​​​ពារ​​​ពួក​​​គេ”​​​។

លោក​​​បាន​​​បន្ថែម​​​ថា​ “ទី​​​២ ទាក់ទង​​​​​​ការ​​​បង្កើត​​​​​​ក្រុម​​​ភាគ​​​តិច និង​​​ភាគ​​​ច្រើន​​​កាល​​​ពី​​​ពេល​​​ថ្មី​​​ៗ​​​នៅ​​​រដ្ឋសភា​​​ដែល​​​ក្នុង​​​នោះ​​មេ​​​ដឹក​​​នាំ​​​គណបក្ស​​​ទាំង​​​ពីរ​​​ប្រើ​​​វប្បធម៌​​​នៃ​​​ការ​​ពិភាក្សា​ ដើម្បី​​​ជួប​​​គ្នា​​​ដោះ​​​ស្រាយ​​​បញ្ហា”។  “ដូច្នេះ​​​ប្រសិន​​​បើ​​​គណបក្ស​​​ប្រឆាំង​​​ធ្វើ​​​ការ​​​តវ៉ា​​​ វា​​​នឹង​​​ប៉ះពាល់​​​ដល់​​​វប្បធម៌​​​នៃ​ការ​ពិភាក្សា​​​​”។

លោក កឹម សុខា បាន​​​ត្រឡប់​​​មក​​​ពី​​​សហរដ្ឋអាមេរិក​​​វិញ​​​កាល​​​ពី​​​យប់​​​ថ្ងៃ​​​ពុធ ហើយ​​​បាន​បដិសេធ​​​មិន​​​ធ្វើ​​​អត្ថាធិប្បាយ​​​ពី​​​ការ​គំរាម​​​ចាប់​​​ខ្លួន​​​លោក​​​របស់​​​លោក ហ៊ុន សែន ឡើយ​​​។

លោក កឹម សុខា បាន​​​ប្រាប់​​​អ្នក​​​យក​​​ព័ត៌មាន​​​នៅ​​​អាកាស​​​យានដ្ឋាន​​​អន្តរជាតិ​​​ភ្នំពេញ​​​ថា “ខ្ញុំ​​​មិន​​​ចាប់​​​អារម្មណ៍​​​ក្នុង​ការ​​​អត្ថាធិប្បាយ​​​ពី​​​រឿង​​​នោះ​​​ឡើយ​​​។

លោក​​​បាន​​​មានប្រសាសន៍ថា “ខ្ញុំ​​​កំពុង​​​គិត​​​អំពី​ពេល​​​អនាគត​តែ​ប៉ុណ្ណោះ​ ហើយ​​​ខ្ញុ​​​ំ​​​មាន​​​ការ​​​ពិភាក្សា​​​ជា​​​មួយ​​​លោក សម រង្សី ប្រធាន​​​គណបក្ស​​​សង្គ្រោះ​​​ជាតិ​​​ ហើយ​​​យើង​​​នឹង​​​ជ្រើស​​​រើស និង​​​ត្រៀម​​​បេក្ខ​​​ជន​​​របស់​​​យើង​​​សម្រាប​​​់គណៈកម្មាធិការ​​​ជាតិ​​​រៀប​​​ចំ​​​ការ​​​បោះ​​​ឆ្នោត​​​​​។
នោះ​​​គឺជា​​​បញ្ហា​​​សំខាន់​​​”៕​​​សារុន​​​

 

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស