30 C
Phnom Penh

ជន​​​ស្វែង​​​​រក​​​សិទ្ធិ​​​ជ្រក​​​កោន​​​ម៉ុង​​​តាញ៉ា​​​បន្ត​​​ឆ្លង​​​ដែន​​​ចូល​​​មក​​​ក្នុង​​​ខេត្ត​​​រតនគិរី​​​

ដោយ ឌឹ ខេមបូឌា ដេលី

បទវិភាគ

អង្គការ​​​សហប្រជា​​​ជាតិ និង​​​អង្គការ​​​សិទ្ធិមនុស្ស​​​មួយ​​​បាន​​​លើក​​​ឡើង​​​​​​កាល​​​ពីម្សិលមិញ​​​ថា បន្ទាប់​​​ពីគ្មាន​​​សេចក្តី​​​រាយការណ៍​​​ថ្មី​​​ៗរយៈ​​​ពេល​​​ជាង​​​មួយ​​​ខែ​​​អំពី​​​ជន​​​ស្វែង​​​រក​​​សិទ្ធិ​​​ជ្រក​​​កោន​​​ម៉ុង​​​តា​​​ញ៉ា​​​ ដែល​​​ភៀស​​​ខ្លួន​​​ពីប្រទេស​​​វៀតណាម​​​ ចូល​​​មក​​​​ប្រទេសកម្ពុជា​​​នោះ​​​ ជនជាតិ​​​ម៉ុង​​​តាញ៉ា​​​ចំនួន​​​១១នាក់​​​បាន​​​ចូល​​​មក​​​ដល់​​​ខេត្ត​​​រតនគិរី​​​កាល​​​ពី​​​យប់​​​ថ្ងៃ​​​អាទិត្យ។

លោក ឆាយ​​​ ធី មន្ត្រី​​​សម្រប​​​សម្រួល​​​របស់​​​អង្គការ​​​សិទ្ធិមនុស្ស​​​អាដ​​​ហុក​​​ប្រចាំ​​​ខេត្ត​​​នេះ​​​​​​បាន​​​​​​មាន​​​ប្រសាសន៍​​​ថា ប្រជា​​​ពល​​​រដ្ឋ​​​ក្នុង​​​មូល​​​ដ្ឋាន​​​បាន​​​ប្រាប់​​​លោក​​​ថា ជនជាតិ​​​ម៉ុង​​​តាញ៉ា​​​ទាំង​​​នេះ​​​បាន​​​​​​មក​​​ដល់​​​ស្រុក​​​អណ្តូង​​​មាស ​​​ជិត​ពេល​ពាក់​​​កណ្តាល​​​យប់​​។លោក​​​បានលើកឡើង​​​​ទៀត​​​ថា “ខ្ញុំ​​​​​​​​​​​​​​​​​​បាន​​​រាយការណ៍​​​ទៅ​​​អង្គការ​​​សហ​​​ប្រជា​​​ជាតិ​​​រួច​​​ហើយ​​​អំពី​​​ការ​​​មក​​​ដល់​​​របស់​​​អ្នក​ទាំង​​​១១នាក់​​​នេះ​​​”។

នៅ​​​ក្នុង​​​អីុ​​​ម៉េល​​​មួយ​​​​​​ លោក​​​ស្រី  វ៉ាន ហៀលី (Wan-Hea Lee) តំណាង​​​ការិយាល័យឧត្តម​​​ស្នងការ​​​អង្គការ​​​សហប្រជាជាតិ​​​ទទួល​​​បន្ទុក​​​សិទ្ធិ​​​មនុស្ស​​​ប្រចាំ​​​ប្រទេសកម្ពុជា​​​ បាន​​​មាន​​​ប្រសាសន៍​​​ថា លោក​​​ស្រី​​​ដឹង​​​ពី​​​ការ​​​មក​​​ដល់​​​របស់​​​ពួក​​​គេ​​​។ លោក​​​ស្រី​​​បាន​​​មាន​​​ប្រសាសន៍​​​ទៀត​​​ថា “យើង​​​ក៏​​​បាន​​ឮសេចក្តី​​​រាយការណ៍​​​ដូច​​​គ្នា​​​នេះ​​​ដែរ។ តាម​​​ដែល​​​យើង​​​ដឹង​​​ គឺ​​​ព័ត៌មាន​​​នេះ​​​អាច​​​ទុក​​​ចិត្ត​​​បាន​​​”។

អ្នក​​​ភូមិ​​​ជន​​​ជាតិ​​​ដើម​​​ភាគ​​​តិច​​​ចារ៉ាយ​​​ម្នាក់​​​ដែល​​​សុំ​​​មិន​​​បញ្ចេញ​​​ឈ្មោះ​​​ដោយសារ​​​ភ័យ​​​ខ្លាច​​​​​​ការ​​​ធ្វើ​​​ទុក្ខ​​​បុក​​​ម្នេញ​​​ពី​​​សំណាក់​​​អាជ្ញាធរ​​​បាន​​​និយាយ​​​​​​ថា ជនជាតិ​​​ម៉ុង​​​តាញ៉ា​​​ទាំង​​​នេះ​​​ដែលមាន​​​បុរស​​​១០​​​នាក់ និង​​​ស្ត្រី​​​ម្នាក់​​​ បាន​​​​​​​​​​​​មក​​​ដល់​​​ផ្ទ​​​ះ​​​របស់​​​គាត់​​​នៅ​​​ក្នុង​​​ស្រុក​​​អណ្តូង​​​មាស ​​​កាល​​​ពី​​​យប់​​​ថ្ងៃ​​​អាទិត្យ​​​។

គាត់​​​បាន​​​និយាយ​​​បន្ថែម​​​ទៀត​​​ថា “ពួក​​​គេ​​​​បាន​​​ប្រាប់​​​ខ្ញុំ​​​ថា ពួកគេ​​​រត់​​​ភៀស​​​ខ្លួន​​​ពី​​​ប្រទេស​​​វៀត​​​ណាម​​​ ពីព្រោះ​​​​អាជ្ញាធរ​​​គំរាម​​​សម្លាប់​​​ពួក​​​គេ​​​ដោយសារ​​​តែ​​​ពួក​​​គេ​​​កាន់​​​សាសនា​​​យេស៊ូ​​​។

ពួក​​​គេ​​​ម្នាក់​​​ៗ​​​បាន​​​អង្វរ​​​ឲ្យ​​​ខ្ញុំ​​​ជួយ​​​ ហើយ​​​​​​ប្រាប់​​​ខ្ញុំ​​​ថា​​​ ពួក​​​គេ​​​នឹង​​​ត្រូវ​​​គេ​​​សម្លាប់​​​ចោល​បើ​​​ខ្ញុំ​​​បដិសេធ​​​”។

អ្នក​​​ភូមិ​​​រូប​​​នេះ​​​បាន​​​និយាយ​​​បន្ត​​​ថា ពេល​​​នេះ​​​​​​ជនជាតិ​​​ម៉ុង​​​តាញ៉ា​​​ទាំង​​​នេះ​​​កំពុង​​​លាក់​​​ខ្លួន​​ក្នុង​​​ព្រៃ​នៅ​​​​ក្នុង​​​​​​ស្រុក​​​នេះ​​​។ គាត់​និយាយ​ថា​ “ខ្ញុំ​​​នឹង​​​ទៅ​​​​មើល​​​​ពួក​​​គេ​​​នៅ​​​យប់​​​នេះ​​​​ជាមួយ​នឹង​អង្ករ​​​​​​៣០​​​កំប៉ុង​​​ឲ្យ​​​ពួក​​​គេ​​​ដាំបាយ​​​ ពីព្រោះ​​​ពួក​​​គេ​​​ធ្វើ​​​ដំណើរ​​​ពី​​​វៀតណាម ​​​​​​​​​​​​រយៈ​​​ពេល​​​ប្រាំ​​​ថ្ងៃ​​​​ហើយ ហើយ​​​ពួក​​​គេ​​​គ្មាន​​​អ្វី​​​​ហូប​ទេ​​​”។​​​

បុរស​​​ជន​​​ជាតិ​​ភាគ​​​តិច​​​​ចារ៉ាយ​​​​​​ម្នាក់​​​ទៀត​​​ដែល​​​បាន​​​ជួយ​​​ជន​​​ស្វែង​​​រក​​​សិទ្ធិ​​​ជ្រក​​​កោន​​​ម៉ុង​​​តាញ៉ា​ទាំង​អស់​ជាង​​​​៩០​​​នាក់​​​ដែល​​​បាន​​​មក​​​ដល់​​​ខេត្ត​​​រតនគិរី​​​​​​ចាប់​​​តាំង​​​ពីខែ​​​តុលា​​​មក​​​នោះ បាន​​​និយាយ​​​ថា អ្នក​​​ស្រុក​​​មួយ​​​ចំនួន​​​នៅ​​​ក្នុង​​​តំបន់​​ដែល​​​ជនជាតិ​​​ម៉ុង​​​តាញ៉ា​ទាំង​​​​១១នាក់​​​កំពុង​​​​​​លាក់​​​ខ្លួន​នោះ​​​​​​​ មិន​​​ចង់​​​​ឲ្យ​​​ពួក​​​គេ​​​នៅទី​​​នោះ​​​ទេ​​​។ គាត់​​​​​​និយាយ​​​​​​ថា “ពួក​​​គេ​​​មិន​​​ចង់​​​ឲ្យ​​ប៉ូលិស​​​រំខាន​​​ពួកគេ​​​ទេ​​​”។

លោក អ៊ុយ បុល​​​ អធិការ​​​រង​​​នគ​​​បាលស្រុក​​​អណ្តូង​​​​​​មាស ​​​​​​បាន​​​មាន​​​ប្រសាសន៍​​​ថា  លោក​​​មិន​​​បាន​​​ទទួល​​​ដំណឹង​​​​​​អំពី​​​ការ​​​មក​​​ដល់​​​​របស់​ក្រុម​​​នេះទេ ហើយ​​​ជឿ​​​ថា ពួក​​​គេ​​​​មិន​អាច​​​​ចូល​មក​​​​ក្នុង​​​ស្រុក​​​េនះ​​​ដោយ​​នគរ​​​បាល​​​ដឹង​​​​​​​នោះ​ទេ។លោក​​​​​​មាន​​​ប្រសាសន៍​​​ទៀត​​​ថា “ខ្ញុំ​​​គិត​​​ថា​​​អ្នក​​​ទាំង​​​នោះ​មិន​អាច​​​​ឆ្លង​​​ចូល​​​មក​​​​ក្នុង​​​តំបន់​​​នេះបាន​ទេ​​​​ ពីព្រោះ​​​យើង​​​បាន​ដាក់​ពង្រាយ​កម្លាំង​
នគ​​​របាល​​​​​ជា​​​ច្រើន​​​”។

​ជា​ការ​ចាប់​ផ្តើម​​នៅ​​ចុង​​​​ខែត​​​ុលា​​​ ជនជាតិ​​​ម៉ុង​​​តាញ៉ា​​​ ដែលជា​​​ក្រុម​​​​​​ជន​​​ជាតិ​​​​​ភាគ​​​​​​តិច​​​មក​​​ពី​​​​តំបន់​​​​​​ខ្ពង់​​​រាប​ភាគ​កណ្តាល​​​​​​​របស់​​​វៀត​​​ណាម បាន​​​ចាប់​​​ផ្តើម​​​ឆ្លង​​​​ដែន​​ចូល​មក​ក្នុង​ប្រទេស​​​​កម្ពុជា ជា​បន្ត​បន្ទាប់​ ​​​ជា​​​ពិសេស​​​តាម​​​​​ខេត្ត​​​រតនគិរី​​​។ ពួក​គេ​ភាគ​ច្រើន​​​បាន​​​អះអាង​​​ថា ​​​​ខ្លួន​​រត់​គេច​ពី​​​​​​ការ​​​ធ្វើ​​​ទុក្ខ​​​បុក​​​ម្នេញខាង​​​​​​​សាសនា និងនយោបាយ​​​ពីសំណាក់​​​​​​​​​អាជ្ញា​​​ធរ​​​​វៀតណាម។

ក្នុង​​​ចំណោម​​​​​​ជនជាតិ​​ភាគ​តិច​​​​ម៉ុង​​​តាញ៉ាជាង​​​៩០​​​នាក់​​​ដែល​​​បាន​​​ឆ្លងដែន​ចូល​​​​មក​ក្នុង​​​​ប្រទេស​​​​កម្ពុជា​​​ចាប់​​​តាំង​​​ពី​​​ខែ​​​តុលា​​​មក​​​​នោះ មាន​​​តែ​​​២៤​​​នាក់​​ប៉ុណ្ណោះដែល​​​បាន​ធ្វើ​​​ដំណើរ​​​មក​​​​ដល់​​​​រាជ​​​ធានីភ្នំពេញ​​​។ ១៣នាក់​​​ក្នុង​​​ចំណោម​​​នោះ​​​ត្រូ​​​វបាន​​​ក្រសួង​​​មហាផ្ទៃ​​​ទទួល​​​ស្គាស់​​​​ជា​​ជន​ភៀស​ខ្លួន​​ផ្លូវ​ការ​កាល​ពី​ខែ​មុន​ ចំណែក​​​ឯអ្នក​​​​ដែល​នភៅ​សេស​សល់​ផ្សេង​​​កំពុង​​​រង់​​​ចាំ​​​ដាក់​​​ពាក្យ​​​ស្នើ​​​សុំ​​​សិទ្ធិជ្រក​​​កោន​​​។

សូម​បញ្ជាក់​ថា ជន​ជាតិ​ភាគ​តិច​ម៉ុង​តាញ៉ា រាប់​​​សិប​​​នាក់​​​​​​ត្រូវ​​​បាន​​​បញ្ជូន​​​ត្រឡប​​​់​​​ទៅ​​​​ប្រទេស​​​​វៀតណាម​​​វិញ៕ សុខុម (រាយការណ៍​​​​​​បន្ថែមដោយ Chris Mueller)

 

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស