29 C
Phnom Penh

និស្សិត​​​ខ្មែរ​​​អីុស្លាម​​​ចំនួន​​​១២​​​នាក់​​​ផ្សេង​​​ទៀត​​​ត្រូវ​​​បាន​​​រក​​​ឃើញ​​​នៅ​​​ក្នុង​​​ប្រទេស​​​យេម៉ែន​​​

ដោយ ឌឹ ខេមបូឌា ដេលី

បទវិភាគ

ខណៈ​​​និស្ស​​​ិត​​​ខ្មែរ​​​ចំនួន​​​ប្រាំ​​​បី​​​នាក់​​​កំពុង​​​រង់ចាំ​​​គេ​​​មក​​​ជម្លៀស​​​ចេញ​​​​​​ពី​​​រដ្ឋធានី​​​សាណា​​​របស់​​​ប្រទេស​​​យេម៉ែន​​​ ដែល​​​កំពុង​​​ហែក​​​ហួរ​​​ដោយ​​​សង្គ្រាម​​​ លោក កុយ គួង​​​ អ្ន​​​ក​​​នាំ​​​ពាក្យ​​​ក្រសួង​​​ការបរទេស​​​បាន​​​លើក​​​ឡើង​​​កាល​​​ពី​​​ម្សិលមិញ​​​ថា និស្សិត​​​ខ្មែរ​​​ចំនួន​​​​​​១២​​​នាក់​​​ផ្សេង​​​ទៀត​​​ត្រូវ​​​បាន​​​រក​​​ឃើញ​​​នៅ​​​ក្នុង​​​ប្រទេ​​ស​​​នេះ។

លោក កុយ គួង បាន​​​ឲ្យ​​​ដឹង​​​ថា ស្ថាន​​​ទូត​​​កម្ពុជា​​​ប្រចាំ​​​ប្រទេស​​​គុយវ៉ែត​​​​​​បាន​​​លើក​​​ឡើង​​​ថា និស្សិត​​​ខ្មែរ​​​ចំនួន​​​១២នាក់​​​ផ្សេង​​​ទៀត​​​កំពុង​​​ស្ថិត​​​នៅ​​​ក្នុង​​​ប្រទេស​​​យេម៉ែន​​​ ប៉ុន្តែ មិន​​​ស្ថិត​​​នៅ​​​ក្នុង​​​ស្ថានភាព​​​គ្រោះ​​​ថ្នាក់​​​ទេ។

លោក​​​បានមានប្រសាសន៍​​​ថា “និស្សិត​​​១២​​​នាក់​​​ផ្សេង​​​ទៀត​​​នេះ គឺ​​​ស្ថិត​​​នៅ​​​ឆ្ងាយ​​​ពី​​​កន្លែង​​​ដែល​​​មាន​​​បញ្ហា​​​ គឺ​​​ប្រហែល​​​៨០០គីឡូម៉ែត្រ​​​ពីរដ្ឋធានី​​​សាណា”​​​។

កាល​​​ពី​​​ឆ្នាំ​​​មុន ​​​​​​ក្រុម​​​បះបោរ​​​ Houthis បាន​​​វាយ​​​​​​ដណ្តើម​​​យក​​​រដ្ឋ​​​ធានី​​​សាណា និង​​​តំបន់​​​មួយ​​​ភា​​​គ​​​ធំ​​​នៅ​​​ភាគ​​​ខាង​​​ជើង​​​ប្រទេស​​​មក​​​​​​គ្រប់​​​គ្រង​​ ហើយ​​​ឥឡូវ​​​នេះ​​​កំពុង​​​ពង្រីក​​​យុទ្ធ​​​នាការ​​​របស់​​​ខ្លួន​​​ទៅ​​​ភាគ​​​ខាង​​​ត្បូង​​​បន្ត​​​ទៀត​​​។

សម្ព័ន្ធ​​​មិត្ត​​​ ដែល​​​ដឹក​​​នាំ​​​ដោយ​​​ប្រទេស​​​អារ៉ាប៊ី សាអូឌីត បាន​​​ចាប់​​​ផ្តើម​​​យុទ្ធ​​​នាការ​​​ទម្លាក់​​​គ្រាប់​​​កាល​​​ពី​​​ថ្ងៃ​​​ទី​​​២៦ ខែមីនា​​​ លើ​​​ទី​​​តាំង​​​របស់​​​ក្រុម Houthis ដែល​​​ភាគ​​​ច្រើន​​​នៅ​​​ក្នុង​​​រដ្ឋ​​ធានី​​​សាណា។

លោក កុយ គួង​​​ បាន​​​លើក​​​ឡើង​​​បន្ថែមថា និស្សិត​​​ចំនួន​​​​​​៨នាក់​​​ដំបូង​​​កំពុង​​​ស្ថិត​​​នៅ​​​”កន្លែង​​​មាន​​​សុវត្ថិភាព​​”​​​ក្នុង​​​រដ្ឋ​​​ធានី ហើយ​​​កំពុង​​​ត្រូវ​​​បាន​​​មើល​​​ថែ​​​ទាំ​​​ដោយ​​​ស្ថាន​​​ទូត​​​ម៉ាឡេស៊ី។ ក្នុង​​​ចំណោម​​​និស្សិត​​​ទាំង​​​ប្រាំបី​​​នាក់​​​ដែល​​​ស្ថិត​​​នៅ​​​ក្នុង​​​រដ្ឋ​​​ធានី​​​សាណា​​​ មាន​​​ប្រាំមួយ​​​នាក់​​​មក​​​ពី​​​ខេត្ត​​​កំពង់​​​ចាម​​​ ម្នាក់​​​មក​​​ពីខេត្ត​​​កោះ​​​កុង​​​ និង​​​ម្នាក​​​់​​​ទៀត​​​មក​​​ពីខេត្ត​​​សៀម​​​រាប​​​ ។ រីឯ​​​និស្សិត​​​១២នាក់​​​ផ្សេង​​​ទៀត​​​នៅមិន​​​ទាន់​​​ត្រូវ​​​បាន​​​កំណត់​​​​​​អត្តសញ្ញាណ​​​នៅ​​​ឡើយ​​​ទេ​​​។

មន្ត្រី​​​រដ្ឋាភិបាល​​​បាន​​​លើក​​​ឡើង​​​កាល​​​ពីដើម​​​សប្តាហ៍​​​នេះ​​​ថា និស្សិត​​​ទាំង​​​អស់​​​នេះ​​​ គឺ​​​សុទ្ធ​​​តែ​​​ជា​​​ខ្មែរ​​​អីុ​​​ស្លាម​​​ដែល​​​ទៅ​​​យេម៉ែន ដើម្បី​​​សិក្សា​​​សាសនា​​​និង​​​ភាសា​​​អារ៉ាប់ ៕ ស៊ុយ​​​ឈាង​​​

 

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស