30 C
Phnom Penh

រដ្ឋាភិបាល​​​កំពុង​​​ត្រួត​​​ពិនិត្យ​​នៅ​​​ឡើយ​​​ចំពោះ​​​ជន​​​ភៀស​​​ខ្លួន​​​ស្ម័គ្រ​​​ចិត្ត​​​មក​​​ពី​​​កោះ​​​ណូរូ​​​

ដោយ ឌឹ ខេមបូឌា ដេលី

បទវិភាគ

លោក ស ខេង​​​ រដ្ឋ​​​មន្ត្រី​​​ក្រសួង​​​មហាផ្ទៃ​​​បាន​​​មាន​​​ប្រសាសន៍កាល​​​ពី​​​ម្សិលមិញ​​​​​​ថា ​​​រដ្ឋាភិបាល​​​កំពុង​​​ត្រួត​​​ពិនិត្យ​​​នៅ​​​ឡើយ​​​ចំពោះ​​​​​​កា​​​រដាក់​​​​​​ពាក្យ​​​ស្នើ​​​សុំ​​​របស់​​​ជន​​​ភៀស​​​ខ្លួន​​​បួន​​​នាក់​​​នៅ​​​លើ​​​កោះ​​​ណូរូ​​​ ដែល​​​បាន​​​ស្ម័គ្រ​​​ចិត្ត​​​មក​​​តាំ​​​ងលំនៅ​​​ក្នុង​​​ប្រទេស​​​​​​កម្ពុជា ហើយ​​​ថា កាល​​​បរិច្ឆេទ​​​នៃការ​​​មក​​​ដល់​​​របស់​​​ពួក​​​គេ​​​មិន​​​ទាន់​​​បាន​​​​​​កំណត់​​​នៅ​​​ឡើយ​​​ទេ​​​ ទោះ​​​បី​​​ជា​​​មាន​​​សេចក្តី​​​រាយការណ៍​​​​​​​​​មួយ​​​ចំនួន​​​លើក​​​ឡើង​​​ថា ពួក​​​គេ​​​អាច​​​នឹង​​​មក​​​​​​ដល់​​​នៅ​​​ថ្ងៃ​​​េនះ​​​ក្តី​​​។

លោក​​​បាន​​​ថ្លែង​​​ទៅ​​​កាន់​​​ក្រុម​​​អ្នក​​​យក​​​ព័ត៌​​​មាន​​​នៅ​​​ពេល​​​ចប់​​​​​​កិច្ច​​​ប្រជុំ​​​កំពូល​​​ថ្នាក់​​​តំបន់​​​ស្តី​​​ពី​​​ការ​​​ជួញ​​​ដូរ​​​មនុស្ស​​​ថា មន្ត្រី​​​កំពុង​​​ពិនិត្យ​​​មើល​​​ប្រវត្តិ​​​របស់​​​បេក្ខ​​​ជន​​​​​​ដាក់​​​ពាក្យ​​​ស្នើ​​​សុំ​​​នៅ​​​ឡើយ​​​ក្នុង​​​នោះ​​​រួម​​​មាន​​​ទាំង​​​​​​បញ្ហា​​​សុខភាព​​​ និង​​​ប្រវត្តិ​​​ធ្លាប់​​​ប្រព្រឹត្ត​​​បទ​​​ល្មើស​​​ផង​​​ដែរ​​​។

លោក​​​បាន​​​មានប្រសាសន៍​​​យ៉ាង​​​ដូច្នេះ​​​ថា “មាន​​​មនុស្ស​​​បួន​​​នាក់​​​ដែល​​​បាន​​​ដាក់​​​ពាក្យ​​​ ប៉ុន្តែ យើង​​​កំពុង​​​​​​ពិនិត្យ​​​មើល​​​ពួក​​​​​​គេ​​​នៅ​​​ឡើយ​​​​​ថា តើ​​​ពួកគេ​​បំពេញ​​​​​​បាន​​​តាម​​​លក្ខខណ្ឌ​​​របស់​​​យើង​​​ឬក៏អត់​​​”។

ការ​​​មកដល់​​​របស់​​​ជន​​​ភៀស​​​ខ្លួន​​​ក្នុង​​​ពេល​​​ឆាប់​​​ៗ​​​​​​នេះ គឺ​​​ជា​​​ផ្នែក​​​នៃ​​​​​​កិច្ច​​​ព្រម​​​ព្រៀង​​​ដ៏​​​ចម្រូង​​​ចម្រាស​​​មួយ​​​ដែល​​​កម្ពុជា​​​ បាន​​​ចុះ​​​ហត្ថលេខា​​​ជា​​​មួយ​​​ប្រទេស​​​អូស្ត្រាលី​​​ កាល​​​ពី​​​ឆ្នាំ​​​មុន​​​ ដោយ​​​យល់​​​ព្រម​​​​​​ទទួល​​​យក​​​​​​ជន​​​ភៀស​​​ខ្លួន​​​ក្នុង​​​ចំនួន​​​មិន​​​កំណត់​​​​​​នៅ​​​ក្នុង​​​ចំណោម​​​ជន​​​ភៀស​​​​​​ខ្លួន​​​រាប់​​​ពាន់​​​​​​នាក់​​​​​​ ដែល​​​ប្រទេស​​​អូស្ត្រាល​​​ី​​​កំពុង​​​ឃាត់​​​ខ្លួន​​​នៅ​​​លើ​​​ប្រទេស​​​ដែន​​​កោះ​​​ដ៏​​​តូច​​​​​​ស្ថិត​​​នៅ​​​កណ្តាល​​​មហាសមុទ្រ​​​ប៉ាសីុហ្វិក​​​ខាង​​​ត្បូង​​​មួយ​​​នេះ ជា​​​ថ្នូរ​​​នឹង​​​កញ្ចប់​​​ជំនួយ​​​៣១​​​លាន​​​ដុល្លារ​​​។

រហូត​​​មក​​​ទល់​​​ពេល​​​េនះ​​​ មាន​​​ជន​​​ភៀស​​​ខ្លួន​​​ស្ម័គ្រ​​​ចិត្ត​​​តែ​​​បួន​​​នាក់​​​ប៉ុណ្ណោះ​​​​​​ ក្នុង​​​នោះ​​​​​​មាន​​​បុរស​​​ជន​​​ជាតិ​​​​​​​​រ៉ូហីុង​​​យ៉ា​​​​​ម្នាក់​​​មក​​​ពី​​​ប្រទេស​​​ភូមា និង​​​​​​ជន​​​ជាតិ​​​អីុ​​​រ៉ង​​​់​​​បី​​​នាក់ ដែល​​​បាន​​​ស្ម័គ្រ​​​ចិត្ត​​​សម្រាប់​​​កម្មវិធី នេះ​​​ ទោះ​​​បី​​​ជា​​​រដ្ឋាភិបាល​​​ក្រុង​​​កង់​​​បេរ៉ា​​​ ខិត​​​ខំ​​​យ៉ាង​​​ខ្លាំង​​​​​​ក្នុង​​​បញ្ចុះ​​​បញ្ចូល​​​ពួក​​​គេ​​​រួម​​​ទាំង​​​ការ​​​ផ្តល់​​​សាច់​​​ប្រាក់​​​ដល់​​​ពួក​​​គេ​​​ក្តី​​​។

លោក​​​ អៀន រីន​​​ថូល​​​ (Ian Rintoul) អ្នក​​​នាំ​​​ពាក្យ​​​អង្គការ​​​សម្ព័ន្ធ​​​សកម្មភាព​​​ជន​​​ភៀស​​​ខ្លួន​​​ (Refugee Action Coalition) ដែល​​​មាន​​​មូល​​​ដ្ឋាន​​​នៅក្នុង​​​ទីក្រុង​​​ស៊ីដនី​​​ ប្រទេស​​​អូស្ត្រាលី​​​ និង​​​ដែល​​​កំពុង​​​ទំនាក់​​​ទំនង​​​ជាមួយ​​​អ្នក​​​នៅលើ​​​កោះ​​​ណូរូ​​​ បាន​​​មាន​​​ប្រសាសន៍​​​ថា ជន​​​ភៀស​​​ខ្លួន​​​ទាំង​​​បួន​​​នាក់​​​នេះ​​​​​ត្រូវ​​​បាន​​​គេ​​​ប្រាប់​​​ថា ពួក​​​គេ​​​អាច​​​នឹង​​​ធ្វើ​​​ដំណើរ​​​មក​​​ដល់​​​រាជ​​​ធានី​​​ភ្នំពេញ​​​នៅ​​​ថ្ងៃ​​​េនះ​​​។

លោក​​​បាន​​​មានប្រសាសន៍​​​ថា “គ្មាន​​​អ្វី​​​ជា​​​ផ្លូវ​​​ការ​​​ទេ​​​ ប៉ុន្តែ  ជន​​​ភៀស​​​ខ្លួន​​​នៅ​​​លើ​​​កោះ​​​ណូរូ​​​ត្រូវ​​​បាន​​​គេ​​​ប្រាប់​​​ថា ‘ប្រហែល​​​ជា​​​នៅ​​​ថ្ងៃ​​​សុក្រ’”។

ទោះ​​​ជា​​​​​​យ៉ាង​​​ណា​​​ លោក ស ខេង បាន​​​មាន​​​ប្រសាសន៍​​​ថា កាលបរិច្ឆេទ​​​នៃ​​​ការ​​​មក​​​ដល់​​​របស់​​​ពួក​​​គេ​​​មិន​​​ទាន់​​​បាន​​​កំណត់​​​នៅ​​​​​​ឡើង​​​ទេ​​​ ហើយ​​​លោក សុខ ផល អគ្គនាយក​​​នៃ​​​អគ្គនាយក​​​ដ្ឋាន​​​អន្តោប្រវេសន៍​​​នៃ​​​ក្រសួង​​​មហាផ្ទៃ ដែល​​​បាន​​​មាន​​​ប្រសាសន៍​​​ទៅ​​​កាន់​​​ក្រុម​​​អ្នក​​​យក​​​ព័ត៌​​​មាន​​​បន្ទាប់​​​ពី​​​កិច្ច​​​ប្រជុំ​​​ថ្នាក់​​​តំបន់​​​ស្តី​​​ពី​​​ការ​​​ជួញ​​​ដូរ​​​មនុស្ស​​​​​​នេះ​​​ បាន​​​បដិសេធ​​​ថា ជន​​​ភៀស​​​ខ្លួន​​​ទាំង​​​នេះ​​​នឹង​​​មិន​​​មក​​​ដល់​​​កម្ពុជា​​​នៅ​​​ថ្ងៃ​​​េនះ​​​ទេ​​​​​​។ លោក​​​បាន​​​បញ្ជាក់​​​ថា “ទេ​​​ មិន​​​ទាន់​​​ទេ​​​។ ថ្ងៃ​​​​​​ស្អែក​​​ ខ្ញុំ​​​ហ៊ាន​​​និយាយ​​​ថា ពួក​​​គេ​​​មិន​​​​​​មក​​​ទេ”។

នៅ​​​ក្នុង​​​សេចក្តី​​​​​​ថ្លែង​​​ការណ៍មួយ​​​កាល​​​ពី​​​ម្សិលមិញ​​​ អង្គការ​​​ឃ្លាំ​​​មើល​​​សិទ្ធិមនុស្ស (Human Rights Watch) បាន​​​ជំរុញ​​​ឲ្យ​​​​​​ប្រទេស​​​អូស្ត្រាលី និង​​​កម្ពុជា​​​បោះ​​​បង់​​​ផែន​​​ការ​​​នេះ​​​ ដោយ​​​ចាត់​​​ទុក​​​ថា កិច្ច​​​ព្រម​​​ព្រៀង​​​នេះ​​​គ្មាន​​​អ្វី​​​ក្រៅ​​​ពី​​​ការ​​​សូក​​​ប៉ាន់​​​របស់​​​អូស្ត្រាលី​​​ដល់​​​កម្ពុជា​​​ “ដើម្បី​​​ឲ្យ​​​ទទួល​​​យក​​​​​​ជន​​​ភៀស​​​ខ្លួន​​​មួយ​​​ចំនួន​​​ចេញ​​​ពី​​​ក្នុង​​​ដៃ​​​របស់​​​ខ្លួន​​​” ឡើយ​​​​​​។

លោកស្រី​​​ អេឡេន ភាសុន (Elaine Pearson) នាយក​​​អង្គការ​​​​​​ឃ្លាំ​​​មើល​​​សិទ្ធិ​​​មនុស្ស​​​ប្រចាំ​​​ប្រទេស​​​អូស្ត្រាលី​​​ ត្រូវ​​​បាន​​​ដក​​​​​​ស្រង់​​​សម្តី​​​នៅ​​​ក្នុង​​​សេចក្តី​​​ថ្លែង​​​ការណ៍​​​នោះ​​​ថា “នេះ​​​មិន​​​មែន​​​ជា​​​ដំណោះ​​​ស្រាយ​​​ទេ ប៉ុន្តែ វា​​​ជា​​​កិច្ច​​​ព្រម​​​ព្រៀង​​​ពាណិជ្ជកម្ម​​​ដែល​​​ធ្វើ​​​ឲ្យ​​​ប៉ះពាល់​​​ដល់​​​ជន​​​ងាយ​​​រង​​​គ្រោះ​​​មួយ​​​ចំនួន​​​”។

បណ្តា​​​អង្គការ​​​សិទ្ធិ​​​មនុស្ស និង​​​ក្រុម​​​តំណាង​​​រាស្ត្រ​​​គណបក្ស​​​ប្រឆាំង​​​នៅ​​​ក្នុង​​ប្រទេស​​​ទាំង​​​ពីរ​​​​​​បាន​​​រិះ​​​គន់​​​កិច្ច​​​ព្រម​​​ព្រៀង​​​នេះ​​​យ៉ាង​​​ខ្លាំង​​​ ដោយ​​​ចោទ​​​ប្រកាន់​​​ប្រទេស​​​អូស្ត្រាលី​​​ថា បាន​​​គេច​​​វេះ​​​កាតព្វកិច្ច​​​អន្តរជាតិ​​​របស់​​​ខ្លួន​​​តាម​​​រយៈ​​​ការ​​​បញ្ជូន​​​ជន​​​ភៀស​​​ខ្លួន​​​ទាំង​​​នេះ​​​ទៅ​​​កាន់​​​ប្រទេស​​​មួយ​​​ក្នុង​​​ចំណោម​​​ប្រទេស​​​ក្រីក្រ​​​បំផុត និង​​​ពុករលួយ​​​បំផុត​​​ក្នុង​​​ពិភព​​​លោក​​​។

លោក​​​ស្រី អេឡេន ភាសុន បានក្រើន​​​រំឭក​​​នៅ​​​ក្នុង​​​សេចក្តី​​​ថ្លែង​​​ការណ៍​​​នោះ​​​ថា ចំណាត់​​​ការ​​​របស់​​​កម្ពុជា​​​កាល​​​ពី​​​ពេល​​​ថ្មី​​​ៗ​​​នេះ​​​​​​ក្នុង​​​ការ​​​និរទេស​​ជន​​​ស្វែង​​​រក​​​សិទ្ធិ​​​ជ្រក​​​កោន​​​ម៉ុង​​​តាញ៉ា​​​រាប់​​​សិប​​​នាក់​​​មក​​​ពី​​​ប្រទេស​​​វៀតណាម​​​ ហើយ​​​ស្វែង​​​រក​​​ប្រទេស​​​ទី​​​៣​​​ឲ្យជនជាតិ​​​​​​ម៉ុង​​តាញ៉ា​​​ ដែល​​​ខ្លួន​​​បាន​​​ទទួល​​​យក​​​ក្នុង​​​ឋានៈ​​​ជា​​​ជន​​​ភៀសខ្លួន​​​ គឺជា​​​សញ្ញា​​​មិន​​​ល្អ​​​សម្រាប់​​​​​​អ្នក​​​មក​​​ពី​​​កោះ​​​ណូរូ​​​។​​​

លោក​​​ស្រី​​​បាន​​​លើក​​​​​​ឡើង​​​ថា “រដ្ឋាភិបាល​​​កម្ពុជា​​​គួរ​​​តែ​​​ផ្តោត​​​យក​​​ចិត្ត​​​ទុកដាក់​​​លើ​​​ការ​​​ផ្តល់​​​ការ​​​ការ​​​ពារ​​​​​​ប្រកប​​​ដោយ​​​​​​ប្រសិទ្ធភាព និង​​​ជំនួយ​​​ដល់​​​ជន​​​ភៀស​​​ខ្លួន​​​ដែល​​​កំពុង​​​រស់​​​នៅ​​​​​​ទី​​​នោះ​​​រួច​​​ទៅ​​​ហើយ​​​ និង​​​ធានា​​​ថា ជន​​​ស្វែង​​​រក​​​សិទ្ធិ​​​ជ្រក​​​កោន​​​ទទួល​​​បាន​​​ការ​​​គោរពសិទ្ធិ​​​របស់​​​ខ្លួន​​​តាម​​​​​​ច្បាប់​​​អន្តរជាតិ​​​”។

បច្ចុប្បន្ន​​​ មាន​​​ជនភៀសខ្លួន​​​ប្រហែល​​​៦០​​​នាក់​​​​​​នៅ​​​ក្នុង​​​ប្រទេស​​​កម្ពុជា​​​ ប៉ុន្តែ ជា​​​ច្រើន​​​នាក់​​​ក្នុង​​​ចំណោម​​​ពួក​​​គេ​​​ពិបាក​​​​​​រក​​​ការ​​​ងារ​​​សម​​​រម្យ​​​​​​ធ្វើ​​​ណាស់​​​ដោយ​​​សារ​​​តែ​​​ខ្វះ​​​លិខិត​​​ស្នាម​​​៕ សុខុម​​​​​​

 

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស