39.8 C
Phnom Penh

មន្ត្រី​គំរាមកំហែង​ចាប់​ខ្លួន​សកម្មជន​ទាក់ទិន​នឹង​សិក្ខាសាលា

ដោយ ឌឹ ខេមបូឌា ដេលី

បទវិភាគ

សកម្មជន ​ម្នាក់​ដែល​ធ្វើការ​ឲ្យ​អង្គការ​សិទ្ធិ​មនុស្ស​អាដហុក​ក្នុង​ខេត្ត​មណ្ឌល​ គិរី បាន​និយាយ​កាលពី​ថ្ងៃ​អង្គារ​ថា អភិបាល​ស្រុក​បាន​គំរាម​ថា​នឹង​ចាប់​ខ្លួន​បុគ្គលិក​អង្គការ​សិទ្ធិ​មនុស្ស​ អាដហុក ប្រសិនបើ​ពួកគេ​ធ្វើ​សិក្ខាសាលា​តាម​គ្រោងទុក ស្តីពី​សិទ្ធិ​មនុស្ស​និង​លទ្ធិ​ប្រជាធិបតេយ្យ​នៅ​សប្តាហ៍​ក្រោយ។

លោក សុខ រដ្ឋា អ្នក​សម្រប​សម្រួល​អង្គការ​សិទ្ធិ​មនុស្ស​អាដហុក​នៅ​ខេត្ត​នេះ បាន​និយាយ​ថា មន្ត្រី​ផ្នែក​អង្កេត​សមាគម​ការពារ​សិទ្ធិ​មនុស្ស​អាដហុក ខេត្ត​មណ្ឌលគិរី លោក អ៊ាង ម៉េងលី បាន​ដាក់​លិខិត​មួយ​ច្បាប់​អំពី​សិក្ខា​សាលា​នេះ​ទៅ​លោក ស៊ុន វណ្ណវុឌ្ឍន៍ អភិបាល​ស្រុក កែវ សីម៉ា កាលពី​ថ្ងៃ​ច័ន្ទ។

លោក រដ្ឋា បាន​និយាយ​ថា “នៅ​ពេល​មន្ត្រី​របស់​យើង​នាំ​លិខិត​នោះ​ទៅ​ឲ្យ​គាត់​កាលពី​ម្សិលមិញ គាត់​បាន​ប្រកែក​មិន [អនុញ្ញាត​ឲ្យ​យើង​ធ្វើ​សិក្ខា​សាលា​នេះ] និង​បាន​សួរ​យើង​ថា៖ តើ​អង្គការ​របស់​លោក​ចេះ​ច្បាប់​ទេ?”។

“គាត់ ​បាន​អះអាង​ថា លិខិត​ជូន​ដំណឹង​របស់​យើង​មិន​មែន​ជា​កិច្ចការ​សង្គម​ស៊ីវិល​ទេ ប៉ុន្តែ​វា​ជា​កិច្ចការ​គណ​បក្ស​នយោបាយ។ គាត់​បាន​គំរាម​យើង​ថា ប្រសិនបើ​យើង​ធ្វើ [បើក​សិក្ខាសាលា] នៅ​ថ្ងៃ​ទី​១១​និង​១២​ខែ​ឧសភា គាត់​នឹង​បញ្ជា​កម្លាំង [ប៉ូលិស] ដាក់​ខ្នោះ​យើង”។

នៅ​ពេល​ទាក់ទង​តាម​ទូរស័ព្ទ​កាលពី​ថ្ងៃ​អង្គារ លោក វណ្ណវុឌ្ឍន៍ បាន​ដាក់​ទូរស័ព្ទ​ចុះ​មិន​និយាយ​ជាមួយ​អ្នក​កាសែត។

លោក រដ្ឋា បាន​រិះគន់​ការ​គំរាម​កំហែង​នោះ។ លោក​បាន​និយាយ​ថា “នេះ ​ជា​ការ​រំលោភ​សិទ្ធិ​មនុស្ស​ធ្ងន់ធ្ងរ ពីព្រោះ​រដ្ឋធម្មនុញ្ញ​ចែង​ថា ពលរដ្ឋ​កម្ពុជា​ទាំង​អស់​មាន​សិទ្ធិ​ចូលរួម​ការ​ប្រជុំ ឬ សិក្ខាសាលា​បណ្តុះ​បណ្តាល”។

លោក រដ្ឋា បាន​និយាយ​ថា អង្គការ​អាដហុក នៅ​តែ​មាន​គម្រោង​រៀបចំ​ធ្វើ​សិក្ខាសាលា​តាម​ការ​គ្រោង​ទុក​ដដែល៕ និត

 

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស