30 C
Phnom Penh

អ្នក​​​ភូមិ​​​​​​មក​​​ពីខេត្ត​​​ក្រចេះ និង​​​ព្រះ​​​វិហារ​​​តវ៉ា​​ជំុវិញ​​​សំណង​​​ពាក់​​​ព័ន្ធ​​​នឹង​​​វិវាទ​​​ដី​​​ធ្លី​​​

ដោយ ឌឹ ខេមបូឌា ដេលី

បទវិភាគ

cam-photo-protestអ្នក​​​ភូមិ​​​ប្រហែល​​​១០០នាក់​​​ ដែល​​​ជាប់​​​ពាក់​​​ព័ន្ធ​​​នៅ​​​ក្នុង​​​វិវាទ​​​ដីធ្លី​​​ចំនួន​​​ពីរ​​​ផ្សេង​​​គ្នា​​​នៅ​​​ក្នុង​​​ខេត្ត​​​ក្រចេះ​​​ និ​​​ងខេត្ត​​​ព្រះវិហារ​​​បាន​​​នាំ​​​គ្នា​​​ធ្វើ​​​ដំណើរ​​​ទៅ​​​កាន់​​​រដ្ឋសភា​​​នៅ​​​ក្នុង​​​រាជ​​​ធានី​ភ្នំពេញ​​​ កាល​​​ពី​​​ម្សិល​​​មិញ ដើម្បី​​​ស្នើ​​​ឲ្យ​​​សមាជិក​​​សភា​​​ជួយ​​​ដោះ​​​ស្រាយ​​​​​​បញ្ហា​​​រ​​​បស់​​​ពួក​​​គាត់​​​។

ក្នុង​​​ចំណោម​​​អ្នក​​​ភូមិ​​​ទាំង​​​អស់​​​នេះ​​​ មាន​​​ប្រហែល​​​៦០​​​នាក់ បាន​​​មក​​​ពី​​​ខេត្ត​​​ព្រះ​​​វិហារ​​​ដោយ​​​តំណាង​​​ឲ្យ​​​អ្នកភូមិ​​​ចំនួន​​​២៥៣​​​គ្រួសារ​​​ដែល​​​ត្រូវ​​​បាន​​​បណ្តេញ​​​ចេញ​​​ពី​​​ដីស្រែ​​​ចម្ការ​​​របស់​​​ខ្លួន​​​ក្បែរ​​​ប្រាសាទ​​​ព្រះ​​​វិហារ​​​នៅ​​​ក្នុង​​​ឆ្នាំ​​​២០១២​​​ ដើម្បី​​​បើក​​​ផ្លូវ​​​សម្រាប់​​​ការ​​​សាង​​​សង់​​​អគារ​​​ថ្មី​​​មួយ​​​របស់​​​រដ្ឋាភិបាល​​​។ គ្រួសារ​​​ទាំង​​​នេះ​​​បាន​​​លើក​​​ឡើ​​​ងថា ដី​​​ទំហំ​​​៣០​​​គុណ​​​១០០​​​ម៉ែត្រ​​​ដែល​​​ពួក​​​គាត់​​​ទទួល​​​បាន​​​នៅ​​​កន្លែង​​​ថ្មី​​​ក្នុង​​​ការ​​​ផ្តល់​​​​​​ជា​​​សំណង​​​នោះ​​​ គឺ​​​មិន​​​គ្រប់​​​គ្រាន់​​​ឡើយ​​​ ហើយ​​​កំពុង​​​ទាម​​​ទារ​​​ដី​​​ចាស់​​​របស់​​​ពួក​​​គាត់​​​ត្រឡប់​​​មក​​​វិញ​​​។

អ្នក​​​ស្រី​​​ គឹម សុម៉ន ដែល​​​លើក​​​ឡើង​​​ថា ខ្លួន​​​បាន​​​បាត់​​​បង់​​​​​​ដី​​​សម្រាប់​​​ដាំ​​​បន្លែ​​​ និង​​​ផ្លែ​​​ឈើ​​​ទំហំ​​​ពីរ​​​ហិកតា​​​នៅ​​​ពេល​​​រដ្ឋ​​​បាន​​​រឹបអូស​​​យក​​​នោះ​​​បាន​​​និយាយ​​​ថា “យើង​​​នឹង​​​ត្រឡប់​​​ទៅ​​​រស់​​​នៅ​​​លើ​​​ដី​​​ចាស់​​​របស់​​​យើង​​​វិ​​​ញ​​​​​​ប្រសិន​​​បើ​​​គ្មាន​​​ដំណោះ​​​ស្រាយ​​​។

នៅ​​​ពេល​​​ទាក់​​​ទង​​​តាម​​​ក្រោយ​​​ លោក សួស យ៉ារ៉ា​​​ តំណាង​​​រាស្ត្រ​​​មណ្ឌល​​​ព្រះវិហារ​​​មក​​​ពី​​​គណបក្ស​​​ប្រជាជន​​​កម្ពុជា​​​បាន​​​លើក​​​ឡើង​​​ថា គេ​​​កំពុង​​​ខិត​​​ខំ​​​​​​ស្វែងរក​​​ដី​​​បន្ថែម​​​ជូន​​​គ្រួសារ​​​ទាំង​​​នេះ​​​ហើយ​​​ ប៉ុន្តែ​​​មិន​​​មែន​​​នៅ​​​ក្បែរ​​​ដី​​​ចាស់​​​របស់​​​ពួក​​​គាត់​​​ទេ​​​។

លោក​​​បាន​​​មាន​​​ប្រសាសន៍​​​ថា “យើង​​​កំពុង​​​តែ​​​រក​​​ដី​​​មួយ​​​កន្លែង​​ទំហំ​​​ពីរ​​​ហិកតា​​​នៅ​​​កន្លែង​​​ផ្សេង​​​ដែល​​​គ្រប់​​​គ្រង​​​ដោយ​​​ក្រសួង​​​បរិស្ថាន​​​​ដើម្បី​​​ផ្តល់​​​ជូន​​​​​​​​​​​​​​​​ពួក​​​គាត់​​​។ យើង​​​បាន​​​សន្យា​​​ថា ពួក​​​គេ​​​នឹង​​​ទទួល​​​បាន​​​ដី​​​ទំហំ​​​ពីរ​​​ហិកតា​​​បន្ថែម​​​លើ​​​ដី​​​លំនៅ​​​ដ្ឋាន​​​របស់​​​ពួក​​​គាត់”។

អ្នក​​​ភូម​​​ិ​​​ដែល​​​បាន​​​ប្រមូល​​​ផ្តុំ​​​នៅ​​​ខាង​​​មុខ​​​រដ្ឋ​​​សភា​​​កាល​​​ពី​​​ព្រឹក​​​ម្សិលមិញ​​​ផង​​​ដែរ​​​នោះ​​​ គឺ​​​អ្នក​​​ភូមិ​​​ប្រហែល​​​៤០​​​នាក់​​​មក​​​ពី​​​ខេត្ត​​​ក្រចេះ​​​ដែល​​​តំណាង​​​ឲ្យ​​​អ្នក​​​​​​ភូមិ​​​ប្រហែល​​​១០៤​​​គ្រួសារ​​​ នៅ​​​ក្នុង​​​វិវាទ​​​មួយ​​​ជាមួយ​​​ក្រុមហ៊ុន​​​ចម្ការ​​​កៅស៊ូ Binh Phuoc 2 គ្រប់​​​គ្រង​​​ដោយ​​​វៀតណាម​​​ជុំ​​​វិញ​​​ដី​​​ទំហំ​​​២៥០​​​ហិកតា​​​​​​។

អាជ្ញាធរ​​​បាន​​​ព្យាយាម​​​ដោះ​​​ស្រាយ​​​វិវាទ​​​នេះ​​​កាល​​​ពី​​​ឆ្នាំ​​​២០១៣ ដោយ​​​កាត់​​​ដី​​​មាន​​​វិវាទ​​​ចេញ​​​ពី​​​ក្រុមហ៊ុន​​​ចម្ការ​​​កៅស៊ូ​​​នេះ ហើយ​​​អនុញ្ញាត​​​ឲ្យ​​​គ្រួសារ​​​ដែល​​​រស់​​​នៅ​​​ទី​​​នោះ​​​ស្នាក់​​​នៅ​​​បន្ត​​​ទៀត។ ប៉ុន្តែ គ្រួសារ​​​ទាំង​​​នេះ​​​បាន​​​លើក​​​ឡើង​​​ថា អាជ្ញាធរ​​​​​​ជា​​​ពិសេស​​​លោក ស ចំរ៉ុង អភិបាល​​​ខេត្ត​​​នេះ​​​​​​មិន​​​បាន​​​គោរព​​​ពាក្យ​​​សន្យា​​​ដែល​​​ថា ពួកគាត់​​​អាច​​​​​​រក្សា​​​ដី​​​ដែល​​​ខ្លួន​​​មាន​​​នោះ​​​​​​ទេ។នៅ​​​ក្នុង​​​ខែ​​​មេសា​​​ អាជ្ញាធរ​​​បាន​​​ចាប់​​​ផ្តើម​​​​​​ឲ្យ​​​គ្រួសារ​​​ទាំង​​​នេះ​​​ទៅ​​​រស់​​​នៅ​​​លើ​​​ដី​​​ថ្មី​​​ដោយ​​​​​​ធ្វើ​​​ការ​​​ចាប់​​​ឆ្នោត ប៉ុន្តែ គ្រួសារ​​​​​​មួយ​​​ចំនួន​​​ក្នុង​​​ចំណោម​​​គ្រួសារ​​​ទាំង​​​នេះ​​​បាន​​​បដិសេធ​​​មិន​​​ព្រម​​​ធ្វើ​​​ការ​​​ចាប់​​​ឆ្នោត​​​ឡើយ​​​។

លោក លី ឆេង ដែល​​​ជា​​​អ្នក​​​តវ៉ា​​​ម្នាក់​​​​​​​​​​​​​​​​​​​​​​​​បាន​​​និយាយ​​​ថា “យើង​​​មិន​​​ព្រម​​​ទទួល​​​យក​​​ដំណោះ​​​ស្រាយ​​​ថ្មី​​​ ព្រោះ​​​ពួក​​​គេ​​​ផ្តល់​​​ដី​​​ទំហំ​​​​​​៣០​​​គុណ​​​៤០​​​ម៉ែត្រ ប៉ុន្តែ ខ្ញុំ​​​មាន​​​ដី​​​ទំហំ​​​បី​​​ហិកតា​​​កាល​​​ពី​​​ពេល​​​មុន​​​។ ពួក​​​គេ​​​បាន​​​មក​​​បំផិត​​​បំភ័យ​​​យើង​​​។ ពួក​​​គេ​​​និយាយ​​​ថា ប្រសិន​​​បើ​​​យើង​​​មិន​​​ព្រម​​​ធ្វើ​​​ការ​​​ចាប់​​​​​​ឆ្នោត​​​ទេ​​​ ពួក​​​គេ​​​នឹង​​​មិន​​​អនុញ្ញាត​​​ឲ្យ​​​យើង​​​រស់​​​នៅ​​​លើ​​​ដី​​​នេះ​​​ត​​​ទៅ​​​ទៀត​​​ឡើយ​​​”។

លោក​​​បាន​​​​​​និយាយ​​​បន្ថែម​​​ថា អាជ្ញាធរ​​​បាន​​​ក៏​​​បាន​​​អនុញ្ញាត​​​ឲ្យ​​​គ្រួសារ​​​ដែល​​​មិន​​​ធ្លាប់​​​រស់​​​នៅ​​​លើ​​​ដី​​​​​​នេះ​​​ចាប់​​​ឆ្នោត​​​ផង​​​ដែរ។

នៅ​​​ពេល​​​ទាក់​​​ទង​​​តាម​​​ក្រោយ​​​ លោក ស ចំរ៉ុង​​​ ​​​​​​​​​បាន​​​លើក​​​ឡើ​​​ងថា ការ​​​ចាប់​​​ឆ្នោត​​​គឺ​​​យុត្តិធម៌ ហើយ​​​លោក​​​បាន​​​បដិសេធ​​​មិន​​​ធ្វើ​​​អត្ថាធិប្បាយ​​​បន្ថែម​​​ឡើយ​​​។

អ្នក​​​តវ៉ា​​​បាន​​​នាំ​​​គ្នា​​​ប្រមូលផ្តុំ​​​នៅ​​​ខាង​​​ក្រៅ​​​រដ្ឋ​​​សភា​​​ប្រហែល​​​១ម៉ោង​​​កន្លះ​​​ ហើយ​​​បាន​​​ចាក​​​ចេញ​​​បន្ទាប់​​​ពី​​​អ្នក​​​ភូមិ​​​មួយ​​​ចំនួន​​​ត្រូវ​​​បាន​​​អនុញ្ញាត​​​ឲ្យ​​​ចូល​​​ទៅ​​​ខាង​​​ក្នុង​​​ដើម្បី​​​ដាក់​​​ញត្តិ​​​​​​ជូន​​​គណៈកម្មការ​​​សិទ្ធិ​​​មនុស្ស​​​នៃ​​​រដ្ឋ​​​សភា​​​៕ ស៊ុយឈាង​​​ 

 

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស