30.1 C
Phnom Penh

ន​គរបាល​និយាយថា បុរសម្នាក់ត្រូវបាន​បាញ់និង​កាប់​ស្លាប់​ចំពោះ​ការការ​ពារ​ដំឡូង​មី

ដោយ ឌឹ ខេមបូឌា ដេលី

បទវិភាគ

មន្ត្រី​ម្នាក់​បាន​និយាយ​កាលពី​ម្សិលមិញ​ថា អ្នក​យាម​ចម្ការ​ដំឡូង​មី​ម្នាក់​​ត្រូវ​បាន​បាញ់ និង​កាប់​ស្លាប់​កាលពី​យប់​ថ្ងៃច័ន្ទ​នៅ​ក្នុង​ខេត្ត​ពោធិ៍សាត់ក្នុង​​អ្វី​ដែល​នគរ​បាល​សង្ស័យ​ថា ជា​ការ​សង​សឹក​ចំពោះ​ការ​មិន​អនុញ្ញាត​ឲ្យ​កសិករ​​ក្នុង​មូល​ដ្ឋាន​យកគោក្របី​ទៅឲ្យ​ស៊ីស្មៅនៅ​ក្នុង​​ចម្ការ​​នោះ​។

យោង​តាម​លោក អែម រ៉ុន អធិការ​នគរ​បាល​ស្រុក​ក្រគរ​បាន​ឲ្យ​ដឹង​ថា ​នៅ​ម៉ោង​ប្រហែល​៩យប់​ថ្ងៃច័ន្ទ អ្នក​ភូមិ​បាន​ឮស្នូរ​កាំភ្លើង​នៅ​ក្នុង​ឃុំ​ត្នោតជុំ ស្រុក​ក្រគរ ហើយ​បន្តិច​ក្រោយ​មក​បាន​ប្រទះ​ឃើញ​សាក​សព​ សៀក ស៊ិន អាយុ​២៤​ឆ្នាំ ជា​កម្មករ​របស់​ក្រុម​ហ៊ុន​ភាពីម៉ិច។

លោក​បាន​មាន​ប្រសាសន៍​ថា “​អ្នក​យាម​រូប​នេះ​ត្រូវ​បាន​បាញ់​ចំថ្គាម និង​វាយ​មួយ​ពូថៅ​បាក់​ធ្មេញ​ និងកាប់​ចំ​ក្បាល​។ បុរសរូបនេះ​បាន​ស្លាប់​ភ្លាមៗ​នៅ​កន្លែង​កើត​ហេតុ”។

លោក អែម រ៉ុន បាន​​បន្ថែម​ថា នគរ​បាល​​​​ក៏​បាន​រក​ឃើញ​ពូថៅ​មួយ និង​សម្បក​កន្ទុះចំនួន​ពីរ​នៅ​ក្បែរ​សាកសព​ សៀក ស៊ិន ដែល​មកពី​ខេត្ត​​ព្រៃវែង ហើយ​មកធ្វើ​ការ​នៅ​ក្រុម​ហ៊ុន​ភាពីម៉ិច​បានប្រហែល​១ខែ​ប៉ុណ្ណោះ។

លោក អែម រ៉ុន បានមាន​ប្រសាសន៍​ថា “​យើង​ជឿ​ថា នេះ​ជាការ​សង​សឹក​ ពីព្រោះ​​គាត់​ប្រហែល​​មាន​បញ្ហា​ជាមួយ​ម្ចាស់​គោ​ ឬក្របី។ គាត់​​មិន​ឲ្យ​គោ​​ក្របីចូលស៊ី​ស្មៅ​នៅ​ចម្ការដំឡូង​មី”។ លោក​បាន​បន្ថែម​ថា នគ​របាល​មិន​ទាន់​កំណត់បាន​​អត្តសញ្ញាណ​ជន​សង្ស័យ​នៅ​ឡើយ​ទេ៕ សារុន​

 

 

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស