34 C
Phnom Penh

គណបក្ស​​​សង្គ្រោះ​​​ជាតិ​​​អំពាវ​​​នាវ​​​ឲ្យ​​​មាន​​​ការ​​​ស៊ើប​​​អង្កេត​​​លើការ​​​ប៉ះ​​​ទង្គិច​​​គ្នា​​​នៅ​​​ក្រុង​​​ប៉ោយ​​​ប៉ែត​​​

ដោយ ឌឹ ខេមបូឌា ដេលី

បទវិភាគ

កាល​​​ពីម្សិលមិញ គណបក្ស​​​សង្គ្រោះជាតិ​​​បាន​​​ចេញ​​​សេចក្តី​​​ថ្លែង​​​ការណ៍​​​មួយ​​​ដោយ​​​ទាម​​​ទារ​​​ឲ្យ​​​មាន​​​​​​ការ​​​សើុប​​​អង្កេត​​​ឯករាជ្យ​​​ និង​​​មិន​​​លម្អៀង​​​លើ​​​​​​ការ​​​ធ្វើ​​​បាតុកម្ម​​​ដ៏​​​ហិង្សា​​​នៅ​​​ក​​​្នុង​​​ក្រុង​​​ប៉ោយ​​​ប៉ែត​​​កាល​​​ពីថ្ងៃ​​​ច័ន្ទ ដែល​​​គេ​​​បាន​​​ឃើញ​​​​​​កង​​​រាជ​​​អាវុធហត្ថ​​​​​​​បាញ់​​​កាំភ្លើង​​​ព្រមាន​​​ពី​​​លើ​​​ក្បាល​​​អ្នក​​​អូស​​​រទេះ​​​​​​ដែល​​​កំពុង​​​តវ៉ា​​​ និង​​​ដែល​​​អភិបាល​​​ក្រុង​​​អះ​​​អាង​​​ថា ត្រូវ​​​បាន​​​ដឹក​​​នាំ​​​ដោយ​​​មន្ត្រី​​​​​​ម្នាក់​​​មក​​​ពី​​​គណបក្ស​​​សង្គ្រោះជាតិ​​​នោះ​​​។

អ្នក​​​អូ​​​ស​​​រទេះ​​​ប្រហែល​​​១០០នាក់​​​ដែល​​​ត្រូវ​​​បាន​​​​​​​​​គេ​​​ជួល​​​ឲ្យ​​​ដឹក​​​ទំនិញ​​​ឆ្លង​​​កាត់​​​ព្រំដែន​​​កម្ពុជា​​​-ថៃ​​​​​​បាន​​​នាំ​​​គ្នា​​​ដាក់​​​របាំង​​​បិទ​​​ផ្លូវ​​​លើ​​​កំណាត់​​​ផ្លូវ​​​​​​ជាតិ​​​លេខ​​​៥​​​ ដោយទាម​​​ទារ​​​ឲ្យ​​​មន្ត្រី​​​គយ​​​ឈប់​​​យក​​​ថ្លៃ​​​ដឹក​​​ទំនិញ​​​​​​ឆ្លង​​​កាត់​​​ច្រក​​​ព្រំដែន​​​អន្តរជាតិ​​​ប៉ោយ​​​ប៉ែត​​​ពី​​​ពួក​​​គេ​​​តាម​​​ទំនើង​​​ចិត្ត​​​​​ ប៉ុន្តែ​​​ក្រោយ​​​មក​​​ កង​​​រាជ​​​អាវុធហត្ថ​​​ត្រូវ​​​បាន​​បញ្ជូន​​​ទៅ​​​បំបែក​​​ក្រុមអ្នក​​​​​​តវ៉ា​​​នេះ​​​។

ក្រោយ​​​មក​​​ អ្នក​​​តវ៉ា​​​បាន​​​គប់​​​ដំថ្ម និង​​​សម្រុក​​​ចូល​​​ការិយាល័យ​​​គយ​​​នៅ​​​ក្បែរ​​​នោះ បន្ទាប់ពី មាន​​​ពាក្យ​​​ចចាម​​​អារ៉ាម​​​ថា អ្នក​​​តវ៉ា​​​ម្នាក់​​​ដែល​​​រង​​​របួស​​​អំឡុង​​​ការ​​​ប៉ះ​​​​​​ទង្គិច​​​គ្នា​​​បាន​​​ស្លាប់​​​ ដែល​​​ជា​​​ហេតុ​​​ធ្វើ​​​ឲ្យ​​​ កង​​​រាជ​​​អាវុធហត្ថ​​​បើ​​​ក​​​ការ​​​បាញ​​​់​​​ប្រហារ​​​ដើម្បី​​​បំបែក​​​ក្រុម​​​អ្នក​​​តវ៉ា​​​ពោរពេញ​​​ដោយ​​​កំហឹង​​​ ដែល​​​បាន​​​បំផ្លាញ​​​ខ្លោង​​​ទ្វារ​​​ការិយាល័យ​​​ និង​​​រថយន្ត​​​មួយ​​​ចំនួន​​​នៅ​​​ខាង​​​ក្រៅ​​​។

លោក ង៉ោ ម៉េងជ្រួន អភិបាល​​​​​​ក្រុង​​​ប៉ោយ​​​ប៉ែត​​​បាន​​​ផ្ញើ​​​របាយការណ៍​​​មួួ​​​យ​​​អំពី​​​ការ​​​តវ៉ា​​​​​​ជូន​​​​​​លោក គោស៊ុំ សារឿត អភិបាល​​​ខេត្ត​​​បន្ទាយ​​​មាន​​​ជ័យ​​​តាម​​​ក្រោយ​​​​​​នៅ​​​ថ្ងៃ​​​ដដែល​​​ដោយចោទ ប្រកាន់​​​ថា លោក ចៅ​​​ វសនា មន្ត្រី​​​សង្កាត់​​​មួយ​​​រូប​​​មក​​​ពី​​​គណបក្ស​​​សង្គ្រោះ​​​ជាតិ​​​​​​ជា​​​អ្នក​​​ដឹក​​​នាំ​​​បាតុកម្ម​​​នេះ​​​ និង​​​ជា​​​អ្នក​​​ដែល​​​ត្រូវ​​​បន្ទោស​​​​​​ចំពោះ​​​ការ​​​ខូច​​​ខាត​​​។

គណបក្ស​​​សង្គ្រោះ​​​ជាតិ​​​បាន​​​បដិសេធ​​​ការ​​​ចោទ​​​ប្រកាន់​​​នេះ​​​​​​នៅ​​​ក្នុង​​​សេចក្តី​​​ថ្លែង​​​ការណ៍​​​កាល​​​ព​​​ី​​​ម្សិលមិញ​​​។

សេចក្តី​​​ថ្លែង​​​ការ​​​ណ៍​​​នេះ​​​មាន​​​ខ្លឹម​​​សារ​​​ថា “គណបក្ស​​​សង្គ្រោះ​​​ជាតិ​​​ស្នើ​​​ឲ្យ​​​មានការ​​​​​​សើុប​​​អង្កេ​ត​​​ដោយឯករាជ្យ​​​ និង​​​មិន​​​លម្អៀង​​​មួយ​​​លើ​​​ហេតុ​​​ការណ៍​​​នេះ​​​ដើម្បី​​​ជៀស​​​វាង​​​ការ​​​ចោទ​​​ប្រកាន់​​​គ្មាន​​​​​​មូល​​​ដ្ឋាន​​​​​​និង​​​ដើម្បី​​​​​​កំណត់​​​ការ​​​ទទួល​​​ខុស​​​ត្រូវ​​​ពិត​​​ប្រាកដ​​​”។

សេចក្តីថ្លែង​​​េនះ​​​បាន​​​បន្ថែ​​​ម​​​ថា “គណបក្ស​​​សង្គ្រោះជាតិ​​​​​​គាំទ្រ​​​ និង​​​ស្មើ​​​ឲ្យ​​​មាន​​​​​​​​​ដំណោះស្រាយ​​​ដោយ​​​អហិង្សា​​​មួយ​​​​​​សម្រាប់​​​ការ​​​ទាម​​​ទារ​​​របស់​​​កម្មក​​រ​​​ដើម្បី​​​ធានា​​​ន និង​​​កា​​រពារ​​​ផល​​​ប្រយោជន៍​​​របស់​​​ពួក​​​គាត់​​​ក៏​​​ដូច​​​ជា​​​សិទ្ធិ​​​សេរីភាព​​​ផង​​​ដែរ​​​”។

លោក ម៉េង​​​ជ្រួន មិន​​​អាច​​​ទាក់​​​ទង​​​សុំ​​​ការ​​​ធ្វើ​​​អត្ថាធិប្បាយ​​​បាន​​​ទេ​​​កាល​​​ពី​​​ម្សិលមិញ​​​ ប៉ុន្តែ លោក សារឿត​​​ បាន​​​​​​លើក​​​ឡើង​​​ថា ​​​លិខិត​​​នេះ​​​គឺ​​​គ្រាន់​​​តែ​​​​​​ជា “របាយ​​​ការណ៍​​​រដ្ឋបាល​​​” មួយ​​​ប៉ុណ្ណោះ​​​ ហើយ​​​មិន​​​​​​ត្រឹម​​​ត្រូវ​​​នោះទេ​​​។ លោក​​​បាន​​​បន្ថែម​​​ថា លោក​​​បាន​​​បើក​​​ការ​​​សើុបអង្កេត​​​លើ​​​ការ​​​ប៉ះ​​​ទង្គិច​​​គ្នា​​​នេះ​​​រួច​​​ហើយ​​​។

លោក​​​បាន​​​មាន​​​ប្រសាសន៍​​​ថា “មាន​​​​​​ក្រុម​​​ការ​​​ងារ​​​ពីរ​​​ក្រុម​​​សើុប​​​អង្កេ​​​ត​​​ករណី​​​នេះ​​​​។ ក្រុម​​​ទី​​​១​​​មក​​​ពី​​​ក្រសួង​​​មហាផ្ទៃ​​​ដោយ​​​សហការ​​​ជាមួយ​​​នគរ​​​បាល​​​ខេត្ត​​​បន្ទាយមាន​​​ជ័យ​​​ ហើយ​​​ក្រុម​​​ទី​​​​​​២​​​មក​​​ពី​​​​​​កង​​​រាជ​​​អាវុធហត្ថ​​​ ដោយ​​​សហការ​​​ជាមួយ​​​ព្រះ​​​រាជ​​​អាជ្ញា​​​​​”។

លោក សារឿត​​​ បាន​​​មាន​​​ប្រសាសន៍​​​ថា វីដេអូ​​​ឃ្លីប​​​ស្តី​​​ពី​​​ការ​​​ធ្វើ​​​បាតុកម្ម​​​កំពុង​​​ត្រូវ​​​បាន​​​ពិនិត្យ​​​មើល​​​ដោយ​​​ក្រុម​​​ទាំង​​​ពី​​​រ​​​នេះ​​​ហើយ​​​។

លោក វាសនា ដែល​​​ជា​​​ចៅ​​​សង្កាត់​​​រង​​​ទី​​​២​​​នៃ​​​សង្កាត់​​​ប៉ោយ​​​ប៉ែត​​​​​​បាន​​​​​លើក​​​ឡើង​​​ថា លោក​​​បាន​​​ស្ថិត​​​នៅ​​​កន្លែង​​​ធ្វើ​​​បាតុកម្ម​​​ ប៉ុន្តែ លោក​​​ទៅ​​​ដើម្បីអង្កេត​​​ប៉ុណ្ណោះ​​​។

លោក​​​បាន​​​មាន​​​ប្រសាសន៍​​​ថា “ខ្ញុំ​​​បាន​​​ទៅ​​​កន្លែង​​​ប៉ះ​​​ទង្គិច​​​គ្នា​​​កាល​​​ពី​​​ម្សិលមិញ ដើម្បី​​​ឃ្លាំ​​​មើល​​​ភាគី​​​ទាំង​​​ពីរ​​​[អ្នក​​​អូស​​​រទេះ និង​​​កង​​​រាជ​​​អាវុធហត្ថ]​​​។ ខ្ញុំ​​​មិន​​​បាន​​​ចូល​​​រួម​​​ពាក់​​​ព័ន្ធ​​​ក្នុង​​​សកម្ម​​​ភាព​​​របស់​​​អ្នក​​​តវ៉ា​​​ឡើយ​​​”។

លោក ស៊ុម ចាន់គា អ្នក​​​សម្រប​​​សម្រួល​​​នៅ​​​អង្គការ​​​សិទ្ធិមនុស្ស​​​អាដហុក​​​ប្រចាំ​​​ខេត្ត​​​បន្ទាយ​​​មាន​​​ជ័យ​​​បាន​​​លើក​​​ឡើ​​​ង​​​ថា ការ​​​ចោ​​​ទ​​​ប្រកាន់​​​របស់​​​លោក ម៉េងជ្រួន ដែល​​​ថា លោក វាសនា​​​ ញុះញង់​​​ឲ្យ​​​កម្មករ​​​វាយ​​​​​​​​​​​​ប្រហារ​​​ការិយាល័យ​​​គយ​​​គឺ​​​គ្មាន​​​មូល​​​ដ្ឋាន​​​ទេ​​​។

លោក​​​បាន​​​មាន​​​ប្រសាសន៍​​​ថា “ជំហាន​​​ដំបូង​​​គឺត្រូវ​​​តែមាន​​​ការ​​​សើុប​​​អង្កេត​​​ជាមុន​​​សិន​​​។ ការ​​​ពិត​​​ទៅ​​​ គាត់​​​បន្ទោស​​​លោក វាសនា ដើម្បី​​​គេច​​​វេះ​​​ពី​​​កំហុស​​​របស់​​​ខ្លួន​​​។ គាត់​​​មិន​​​បាន​​​រក្សា​​​ពាក្យ​​​សន្យា​​​ដែល​​​ធ្លាប់​​​សន្យា​​​ចំពោះ​​​អ្នក​​​អូស​​​រទេះ​​​ឡើយ​​​”។

ការ​​​តវ៉ា​​​កាល​​​ពី​​​ថ្ងៃ​​​ច័ន្ទ  គឺជា​​​ការ​​​តវ៉ា​​​​​​លើក​​​ទី​​​៣​​​ហើយនៅ​​​​​​ក្នុង​​​រយៈ​​​ពេល​​​​​​ប្រាំ​​​មួយ​​​ខែ​​​​​​កន្លង​​​មក​​​នេះ។ អំឡុង​​​ការ​​​តវ៉ា​​​កាល​​​ពី​​​ខែ​​​ធ្នូ​​​ លោក ម៉េងជ្រួន​​​ បាន​​​សន្យា​​​ចំពោះ​​​អ្នក​​​អូស​​​រទេះ​​​ថា លោក​​​នឹង​​​ណែ​​​នាំ​​​ឲ្យ​​​មន្ត្រី​​​គយ​​​ឈប់​​​​​​យក​​​ថ្លៃ​​​ដឹក​​​ទំនិញ​​​ឆ្លង​​​កាត់​​​ព្រំដែន​​​ពីពួក​​​គេ​​​តាម​​​ទំនើង​​​ចិត្ត​​​៕ ស៊ុយឈាង​​​

 

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស