34.8 C
Phnom Penh

ក្មេង​​​ប្រុស​​​ជំទង់​​​បួន​​​នាក់​​​ត្រូវ​​​បាន​​​ចាប់​​​ខ្លួន​​​ពីបទ​​​រំលោភ​​​បូក​​​ក្នុង​​​ខេត្ត​​​តាកែវ​​​

ដោយ ឌឹ ខេមបូឌា ដេលី

បទវិភាគ

យោង​​​តាម​​​នគរ​​​បាល​​​បាន​​​ឲ្យដ​​​ឹង​​​ថា ក្មេង​​​ប្រុស​​​ជំទង់​​​​ចំនួន​​​បួន​​​នាក់​​​​​​ត្រូវ​​​បាន​​​ចាប់​​​ខ្លួន​​​នៅ​​​ក្នុង​​​ខេត្ត​​​តាកែវ​​​កាល​​​ពីថ្ងៃ​​​អង្គារ ពីបទ​​​រំលោភ​​​បូក​​​ក្មេង​​​ស្រី​​​អាយុ​​​១៥​​​ឆ្នាំ​​​ម្នាក់​​​កាល​​​ពីខែ​​​មុន​​​ បន្ទាប់​​​ពី​​​ពិធី​​​មង្គល​​​ការ​​​មួយ​​​​​​នៅ​​​ក្នុង​​​ស្រុក​​​អង្គរ​​​បូរី​​​។

លោក អ៊ុក​​​ សំណាង ស្នង​​​ការ​​​នគរ​​​បាល​​​ខេត្ត​​​នេះ​​​បាន​​​មាន​​​ប្រសាសន៍​​​ថា “ពួក​​​គេ​​​បាន​​​សារភាព​​​ថា ពិត​​​ជា​​​បាន​​​ប្រព្រឹត្ត​​​ិ​​​បទ​​​ល្មើស​​​​​​នេះមែន​​​។ ឥឡូវ​​​នេះ យើង​​​កំពុង​​​សើុប​​​អង្កេត​​​ដើម្បី​​​ស្វែង​​​រក​​​​​​មូល​​​ហេតុ​​​ពិត​​​ប្រាកដ​​​”។

លោក សំណាង​​​​​​ បាន​​​លើក​​​ឡើង​​​​​ទៀត​​​ថា ចៅក្រម​​​សើុបសួរ​​​កំពុង​​​បន្ត​​​ករណី​​​នេះ​​​ ហើយ​​​ថា ទឹក​​​នោម​​​ជន​​​សង្ស័យ​​​​​​​​​កំពុង​​​ត្រូ​​វ​​​បាន​​​យក​​​ទៅធ្វើ​​​តេស្ត​​​ដើម្បី​​​ចង់​​​ដឹង​​​ថា តើ​​​​​​ពួក​​​គេ​​​មាន​​​ប្រើ​​​ប្រាស់​​​​ថ្នាំ​​​ញៀន​​​ដែរ​​​ឬអត់​​​។

លោក ឈួន ធី ប្រធាន​​​ផ្នែក​​​ព្រហ្មទណ្ឌ​​​ស្រុក​​​អង្គរបូរី​​​បាន​​​​​​លើក​​​ឡើង​​​ថា ហេតុការណ៍​​​​​​រំលោភ​​​បូកនេះ​​​​​​បាន​​​​​​កើត​​​ឡើង​​​កាល​​​ពី​​​ថ្ងៃ​​​ទី​​​១៣​​​ ខែ​​​មេសា នៅម៉ោង​​​១១​​​យប់​​​ នៅ​​​ពេល​​​ក្មេង​​​ស្រី​​​រង​​​គ្រោះ​​​​​​កំពុង​​​តែ​​​ដើរ​​​ទៅ​​​ផ្ទះតែ​​​​​​ម្នាក់​​​ឯង​​​បន្ទាប់​​​ពី​​​ចូល​​​រួម​​​ពិធី​​​មង្គល​​​ការ​​​នៅ​​​ក្បែរ​​​នោះ​​​។

លោក​​​បាន​​​មាន​​​ប្រសាសន៍​​​ថា “នៅ​​​ពេល​​​ក្មេង​​​ស្រី​​​រូបនេះ​​​កំពុង​​​តែ​​​ដើរ​​​ត្រឡប់​​​ទៅ​​​ផ្ទះ​​​ ក្មេង​​​ប្រុស​​​ចំនួន​​​បួន​​​នាក់​​​​​​បាន​​​ចាប់​​​​​​អូស​​​នាង​​​​​​ចូល​​​ខ្ទម​​​មួយ​​​នៅ​​​ក្នុង​​​វាល​​​ស្រែ​​​ចម្ងាយ​​​ប្រហែល​​​៧០០ម៉ែត្រ​​​ពី​​​ផ្ទះ​​​នាង ហើយ​​​ពួក​​​គេ​​​បាន​​​រំលោភ​​​នាង​​​ម្តង​​​ម្នាក់​​​ៗ​​​”។

លោក​​ ធី បាន​​​លើក​​​ឡើង​​​ទៀត​​​ថា ក្មេង​​​ស្រី​​​រូប​​​នេះ​​​បាន​​​ត្រឡប់​​​ទៅរាជ​​​ធានី​​​ភ្នំពេញ​​​ជា​​​ទី​​​ដែល​​​នាង​​​ធ្វើ​​​ការ​​​ជា​​​អ្នកលក់​​​ម្ហូប​​​អាហារ​​​ ដោយ​​​ពុំ​​​បាន​​​ប្រាប់​​​ឪពុក​​​ម្តាយ​​​របស់​​​នាង​​​ពីបញ្ហា​​​នេះ​​​ឡើយ​​​  ប៉ុន្តែ ទីបំផុត​​​នាង​​​បាន​​​ប្រាប់​​​ឪពុក​​​ម្តាយ​​​នាង​​​ពេល​​​​​​ត្រឡប់​​​មក​​​​​ផ្ទះ​​​វិញ​​​។

លោក​​​បាន​​​មាន​​​ប្រសាសន៍​​​ថា “បន្ទាប់​​​ពី​​​យើង​​​ទទួលបាន​​​ពាក្យ​​​បណ្តឹង​​​ពី​​​ឪពុក​​​ម្តាយ​​​ក្មេង​​​ស្រី​​​រង​​​គ្រោះ​​​ យើង​​​ក៏​​​បាន​​​ហៅ​​​ក្មេង​​​ប្រុស​​​ទាំង​​​បួ​​​ន​​​នាក់​​​នេះ​​​មក​​​សាក​​​សួរ​​​ ហើយ​​​ពួក​​​គេ​​​បាន​​​សារភាព​​​”។

តែ​​​ទោះ​​​ជា​​​យ៉ាង​​​ណា​​​ ​​​លោក អិុន សុថា អធិការ​​​នគរបាល​​​ស្រុក​​​នេះ​​​បាន​​​លើក​​​ឡើង​​​ថា ជន​​​សង្ស័យ​​​ទាំ​​​ងបួន​​​នាក់​​​នេះ​​​​​​ បាន​​​សារភាព​​​ថា ពិត​​​ជា​​​បាន​​​រំលោភ​​​បំពាន​​​នាង​​​មែន​​​ ប៉ុន្តែ បាន​​​បដិសេធ​​​ថា គ្មាន​​​ការ​​​រួម​​​ភេទ​​​ទេ​​​។ លោក​​​បាន​​​លើក​​​ឡើងទៀត​​​​​​ថា ក្មេង​​​ស្រី រូប​​​េនះ​​​បាន​​​ប្រាប់​​​អំពី​​​អ្វី​​​ដែល​​​បាន​​​កើត​​​ឡើង​​​ជា​​​​​លើក​​​ដំបូង​​​ទៅ​​​កាន់​​​ថៅ​​​កែរបស់​​​នាង​​​នៅ​​​រាជ​​​ធានីភ្នំពេញ ដែល​​​នាំ​​​នាង​​​ទៅ​​​​​​មន្ទីរ​​​ពេទ្យ​​​ក្នុង​​​រាជ​​​ធានី​​​ បន្ទាប់​​​ពី​​​នាង​​​ឈឺ​​​ពេល​​ធ្វើ​​​ការ​​​។

លោក​​​ស្រី ចាន់ សុគន្ធា ប្រធានកម្មវិធី​​​​​​ផ្នែក​​​សិទ្ធិ​​​ស្ត្រី​​​ និ​​​ងកុមារ​​​នៅ​​​អង្គការ​​​សិទ្ធិ​​​មនុស្ស​​​អាដ​​​ហុក​​​បាន​​​លើក​​​ឡើង​​​ថា ហេតុ​​​ការណ៍​​​នេះ​​​ជា​​​ហេតុការណ៍​​​​​​រំ​​​លោភបូក​​​លើក​​​ទី​​​៥​​​ហើយ​​​ដែល​​​ត្រូវ​​​បាន​​​រាយការណ៍​​​នៅ​​​ក្នុង​​​ឆ្នាំ​​​នេះ​​​​​​ពោល​​​គឺ​​​ស្ទើរ​​​តែ​​​​​ស្មើ​​​នឹង​​​ករណី​​​រំលោភ​​​បូក​​​ទាំងអស់​​​ក្នុង​​​​​​ឆ្នាំ​​​២០១៤​​​ដែល​​​មាន​​​តែ​​​​​​​​​៦​​​ករណី​​​នោះ​​​។

លោក​​​ស្រី​​​បាន​​​លើក​​​ឡើងទៀត​​​​​​ថា ហានិភ័យ​​​នៃ​​​ការ​​​រំលោភ​​​បូក​​​ ភាគច្រើន​​​កើត​​​នៅ​​​តាម​​​ទី​​​ជន​​​បទ​​​ ព្រោះ​​​ខ្វះ​​​​​​សន្តិសុខ​​​សាធារណៈ​​​៕ ស៊ុយឈាង​​​

 

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស