30 C
Phnom Penh

តុលាការ​ចោទ​ប្រកាន់​ម្ចាស់​ហាង​បញ្ចាំម្នាក់​ពីបទ​បើក​អាជីវកម្ម​គ្មាន​អាជ្ញាប័ណ្ណ​

ដោយ ឌឹ ខេមបូឌា ដេលី

បទវិភាគ

យោង​តាម​លោក ជឹម ស៊ីថា អធិការ​នគរ​បាល​ខណ្ឌ​ដង្កោ​​បាន​ឲ្យ​ដឹង​ថា ​កាលពី​ម្សិលមិញ សាលា​ដំបូង​រាជធានី​ភ្នំពេញ​បាន​​​ចោទ​ប្រកាន់​ម្ចាស់​ហាង​បញ្ចាំ​ម្នាក់​ពី​បទ​បើក​អាជីវកម្ម​ខុស​ច្បាប់ និង​ឃុប​ឃិត​ជាមួយ​ក្រុមចោរ​ បន្ទាប់ពី​នគរ​បាល​បាន​ឆ្មក់​ចូល​ហាង​របស់​គាត់​ស្ថិត​ក្នុង​ខណ្ឌ​ពោធិ៍សែនជ័យ​កាលពី​ចុង​សប្ដាហ៍ ហើយ​​ដក​ហូត​​ម៉ូតូ​ជាង​១០០​គ្រឿង​ ដែល​ម៉ូតូ​ភាគ​ច្រើន​ត្រូវ​បាន​លួច​និង​ប្លន់​។

លោក ស៊ីថា ដែល​មន្ត្រី​របស់​លោក​​បាន​សហការ​ជាមួយ​នគរ​បាល​ខណ្ឌ​ពោធិ៍សែន​ជ័យ ដើម្បី​ចាប់​ខ្លួន​លោក ម៉េង សី អាយុ​៤៤​ឆ្នាំ នៅ​ហាង​របស់​គាត់​ស្ថិត​នៅ​តាម​ផ្លូវ​ជាតិ​លេខ​៣​កាលពី​ថ្ងៃ​សៅរ៍នោះ បាន​មាន​ប្រសាសន៍​ថា “​ករណី​ចាប់​ម្ចាស់​ហាង​បញ្ចាំ​ខុស​ច្បាប់នេះ​មិន​ស្ថិត​ក្នុង​ដៃ​របស់​ខ្ញុំ​ទេ។ មាន​តែ​តុលាការ​ទេកំពុង​​បន្ត​ករណី​នេះ”។

បន្ទាប់ពី​ការ​ចាប់​ខ្លួន​​លោក ម៉េង សី នគរ​បាល​ដឹក​ម៉ូតូ​ដែល​ដកហូត​​ទាំង​១០៣​គ្រឿង​ទៅ​កាន់​អធិការដ្ឋាន​នគរ​បាល​ខណ្ឌ​ដង្កោដើម្បី​ឲ្យ​ម្ចាស់​ម៉ូតូ​ស្រប​ច្បាប់​មក​ពិនិត្យ​ម៉ូតូ​របស​់​ខ្លួន​។

លោក ស៊ីថា បាន​មាន​​ប្រសាសន៍​កាលពី​ម្សិលមិញ​ថា​ មនុស្ស​ម្នា​​បាន​បន្ត​មក​កាន់​អធិការដ្ឋាន​នគរបាល​ ដោយ​យក​មក​ជាមួយ​នូវ​ប័ណ្ណ​សម្គាល់​យាន​យន្ត​របស់​ខ្លួន ដោយ​សង្ឃឹម​ថា នឹង​រក​ម៉ូតូ​របស់​ខ្លួន​ដែល​ត្រូវ​បាន​​លួច​​និង​ប្លន់​នោះ​ឃើញ ឬ​ម៉ូតូ​ដែល​ពួកគេ​ធ្លាប់​​បាន​បញ្ចាំ​​ទៅ​ឲ្យ​លោក ម៉េង សី។

លោក​បានមាន​ប្រសាសន៍​ថា​ រហូត​មក​ទល់​ពេល​នេះ ​មន្ត្រី​របស់​លោក​បាន​ប្រគល់​ម៉ូតូ​ជូន​ម្ចាស់វិញបាន​​ជិត​២០​គ្រឿង​ហើយ​​៕ សារុន​​

 

 

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស