38 C
Phnom Penh

អតីត​កម្មាភិបាល​ខ្មែរ​ក្រហម​បដិសេធ​ការ​ចោទ​ថា “មេ​ពេជ្ឈឃាដ”

ដោយ ឌឹ ខេមបូឌា ដេលី

បទវិភាគ

អតីត​កម្មាភិបាល​ខ្មែរ​ក្រហម​ម្នាក់​នៅ​ខេត្ត​កំពង់​ធំ ដែល​រង​ការ​ចោទ​ថា​ជា “មេ​ពេជ្ឈឃាដ” ដោយ​សាក្សី​ម្នាក់​នៅ​អង្គ​ជំនុំ​ជម្រះ​វិសាមញ្ញ​ក្នុង​តុលាការ​កម្ពុជា​កាលពី​ថ្ងៃ​អង្គារ បាន​ច្រាន​ចោល​ការ​ចោទ​ប្រកាន់​នេះ ប៉ុន្តែ​បាន​ទទួល​ស្គាល់​ថា ក្រុម​អ្នក​ភូមិ​ចង់​សម្លាប់​គាត់ ក្រោយពី​ការ​ដួល​រលំ​របប ប៉ុល ពត។

កាលពី​ថ្ងៃ​ទី​៣​ ខែ​មិថុនា សាក្សី អ៊ុត សេង ដែល​ជា​ពលករ​នៅ​ការដ្ឋាន​ទំនប់​១​មករា ក្នុង​ស្រុក​សន្ទុក អំឡុង​របប​កម្ពុជា​ប្រជាធិបតេយ្យ បាន​ប្រាប់​តុលាការ​ថា លោក​បាន​ឃើញ​ពេជ្ឈឃាដ​គួរ​ឲ្យ​ខ្លាច​ឈ្មោះ “លុន” ដើរ​ចុះ​ឡើង​ជុំវិញ​ភូមិ ដោយ​មាន​ដំបង​ដាវ​ប្រឡាក់​ឈាម។ លោក សេង បាន​និយាយ​ថា បុរស​នេះ​បាន​ជាប់​ពន្ធនាគារ បន្ទាប់ពី​កម្លាំង​វៀតណាម​បាន​ផ្តួល​រំលំ​ខ្មែរ​ក្រហម ហើយ​ថា​អ្នក​ភូមិ​ជាច្រើន​ចង់​សងសឹក​នឹង​គាត់។

កាលពី​ថ្ងៃ​អង្គារ លោក​​​ យាន លុន ជា​អតីត​មេ​កង​នៅ​ភូមិ​កង​សៅ ឃុំ​កំពង់​ថ្ម បាន​ទទួល​ស្គាល់​ថា អ្នក​ស្រុក​ខ្លះ​ “​ស្អប់​គុំកួន” នឹង​គាត់ ដោយសារតែ​សកម្មភាព​របស់​គាត់​នៅ​ក្នុង​របប​នោះ និង​បាន​និយាយ​ថា ជីវិត​របស់​គាត់​អាច​ជួប​​​គ្រោះ​ថ្នាក់ បើ​គាត់​មិន​ត្រូវ​វៀតណាម​ចាប់​ដាក់​គុក​ទេ​នោះ។

លោក យាន លន់ ផ្តល់​សក្ខីកម្ម​នៅឯ​តុលាការ​ខ្មែរ​​ក្រហម​ កាលពី​ម្សិលមិញ​។ រូបថតៈ ECCC
លោក យាន លន់ ផ្តល់​សក្ខីកម្ម​នៅឯ​តុលាការ​ខ្មែរ​​ក្រហម​ កាលពី​ម្សិលមិញ​។ រូបថតៈ ECCC

លោក លុន បាន​និយាយ​ថា “ជា​ទូទៅ អ្នក​ភូមិ​មិន​ស្អប់​ខ្ញុំ​ពេក​ទេ មាន​តែ​បុគ្គល​មួយ​ចំនួន​ប៉ុណ្ណោះ​​​​ស្អប់​ខ្ញុំ​ខ្លាំង​​…​ពិតមែន នៅ​ពេល​ធ្វើ​ការងារ មនុស្ស​គ្រប់គ្នា​មិន​មែន​សុទ្ធតែ​ចូល​ចិត្ត​អ្វី​ដែល​អ្នក​ធ្វើ​នោះ​ទេ”។

លោក​បាន​និយាយ​ថា “ប្រសិនបើ​គេ​មិន​ចាប់​ខ្ញុំ​ដាក់​គុក​ទេ ខ្ញុំ​មុខជា​​​​ត្រូវ​គេ​សម្លាប់​ហើយ ពីព្រោះ​ប្រជាជន​ចង់​សងសឹក​នឹង​ខ្ញុំ”។

ទោះបី​ជា​បាន​សារភាព​ថា គាត់​បាន​ជាប់​ពន្ធនាគារ​នៅ​ឆ្នាំ​១៩៧៩ ព្រោះតែ “​ការ​សម្លាប់” ក៏​ដោយ ក៏​លោក លុន បាន​និយាយ​មិន​ច្បាស់លាស់ នៅ​ពេល​ដែល​ប្រឈម​នឹង​ការ​ចោទ​ថា គាត់​ជា​មេ​ពេជ្ឈឃាដ ដែល​ល្បី​ខាង​ដើរ​ទៅ​មក​មាន​កាំបិត ដាវ និង​ដំបង​ប្រឡាក់​ឈាម​នោះ។

លោក​បាន​និយាយ​ថា “ទេ ការ​និយាយ​ហ្នឹង​គឺ​មិន​ត្រឹម​ត្រូវ​ទេ។ នៅ​ក្នុង​របប​នោះ មិន​មែន​តែ​ខ្ញុំ​ប្រឹងប្រែង​ធ្វើ​អ្វី​ដែល​ខ្ញុំ​បាន​ធ្វើ​នោះ​ទេ មនុស្ស​រាប់​លាន​នាក់​ក៏​ធ្វើការ​ដូច​គ្នា​ដែរ”។

“គ្រប់​គ្នា​តាម​ដាន​គ្នា។ វា​មិន​ត្រឹម​ត្រូវ​ទេ​ដែល​លើក​ឡើង​ថា ខ្ញុំ​ជា​ពេជ្ឈឃាដ​តែ​ម្នាក់​នោះ”។

នៅ​ពេល​ចោទ​សួរ​អំពី​វិសុទ្ធិកម្ម​ចាម​​​​ក្នុង​តំបន់​របស់​គាត់ សាក្សី​រូប​នេះ​បាន​ពន្យល់​ថា មនុស្ស​ជា​ច្រើន​ត្រូវ​បាន​ចាប់​ខ្លួន​តាម​បញ្ជា​​​​កម្មាភិបាល​​​ខ្មែរ​ក្រហម​ថ្នាក់​លើ​ក្នុង​ខេត្ត​នោះ។ លោក​បាន​និយាយ​ថា “ប្រជាជន​ចាម​ត្រូវ​បាន​ចាប់​ខ្លួន​តាម​បញ្ជា​ដាក់​ចុះ​ពី​ថ្នាក់​តំបន់​និង​ថ្នាក់​ខេត្ត។ មេ​ឃុំ​បាន​ទៅ​ទទួល​ការ​ណែនាំ​ទាំង​នោះ។ នៅ​ពេល​គាត់​ត្រឡប់​មក​ឃុំ​វិញ គាត់​អនុវត្ត​តាម​ការ​ណែនាំ​ទាំង​នោះ”និត

 

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស