27.5 C
Phnom Penh

មេបញ្ជាការ​​​​​​កម្ពុជា​​​ម្នាក់​​​​​​ត្រូវ​​​ឃាត់​​​ខ្លួន​​​នៅ​​​ក្នុង​​​ប្រទេស​​​ថៃ​​​​​​ដោយ​​​សារ​​​បើក​​​បរ​​​បុក​​​មនុស្ស​​​ស្លាប់​​​ហើយ​​​រត់​​​

ដោយ ឌឹ ខេមបូឌា ដេលី

បទវិភាគ

មន្ត្រី​​​បាន​​​និយាយ​​​ថា ទាហាន​​​កង​​​យោធពល​​​ខេមរភូមិន្ទ​​​ម្នាក់​​​ត្រូវ​​​បាន​​​អាជ្ញាធរ​​​ថៃ​​​ឃាត់​​​ខ្លួន​​​កាល​​​ពីថ្ងៃ​​​ពុធ​​​ តាម​​​ការ​​​សង្ស័យ​​​ពីបទ​​​បើក​​​បរ​​​បុកមនុស្ស​​​ហើយ​​​រត់​​​ ដែល​​​បាន​​​​​​បណ្តាល​​​ឲ្យ​​​បុរស​​​ម្នាក់​​​ស្លាប់ ហើយ​​​ត្រូវ​​​បាន​​​ឃុំ​​​ខ្លួន​​​កាល​​​ពី​​​ថ្ងៃ​​​សុក្រ នៅ​​​ឯ​​​តុលាការ​​​មួយ​​​ក្នុង​​​ខេត្ត​​​ឈុនបូ៊រី​​​ ប្រទេស​​​ថៃ​​​។

លោក​​​ សារ៉េត វិសិដ្ឋ អធិការ​​​រង​​​នគរ​​​បាល​​​​​​ស្រុក​​​ភ្នំព្រឹក​​​បាន​​​មាន​​​ប្រសាសន៍​​​ថា លោក រ៉ុង សារីម មេបញ្ជាការ​​​រង​​​តំបន់​​​ប្រតិបត្តិការ​​​សឹក​​​រង​​​ស្រុក​​​សំពៅ​​​លូន​​​ ខេត្ត​​​បាត់​​​ដំបង​​​ ត្រូវ​​​បាន​​​នគរ​​​បាល​​​ថៃ​​​ឃាត់​​​ខ្លួន បន្ទាប់​​​ពី​​​លោក​​​បាន​​​បើក​​​គេច​​​ខ្លួន​​​ក្រោយ​​​បង្ក​​​គ្រោះ​​​ថ្នាក់​​​ចរាចរណ៍​​​មួយ​​​ដែល​​​បាន​​​បណ្តាល​​​ឲ្យ​​​ជន​​​ជាតិ​​​ថៃ​​​ម្នាក់​​​បាត់​​​បង់​​​ជីវិត និង​​​ម្នាក់​​​ទៀត​​​រង​​​របួស​​​ធ្ងន់​​​ បន្ទាប់​​​ពី​​​ឆ្លង​​​ដែន​​​​​​ទៅ​​​មន្ទីរ​​​ពេទ្យ​​​មួយ​​​ក្នុង​​​ប្រទេស​​​ថៃ។​​​​​​

លោក​​​បាន​​មាន​​​ប្រសាសន៍​​​បន្ត​​​ថា “គាត់​​​​​​ទៅ​​​​​​ឈុនប៊ូរី​​​ ជាមួយ​​​ប្រពន្ធ​​​របស់​​​គាត់​​​ដើម្បី​​​ពិនិត្យ​​​ផ្ទៃ​​​ពោះ ហើយ​​​គាត់​​​ធ្លាប់ទៅ​​​ទី​​​នោះ​​​ជា​​​ញឹក​​​ញាប់​​​នៅ​​​ថ្ងៃ​​​ឈប់​​​សម្រាក”។

លោក​​​បាន​​​លើក​​​ឡើង​​​ទៀត​​​ថា នៅ​​​ពេល​​​លោក រ៉ុង សារីម ជិះ​​​បាន​​​ចម្ងាយ​​​ប្រហែល​​​២០​​​គីឡូម៉ែត្រ​​​ពី​​​ព្រំដែន​​​​​​ រថយន្ត​​​របស់​​​លោកដែល​​​មាន​​​កូន​​​ពីរ​​​នាក់​​​របស់​​​លោក​​​ជិះ​​​នៅក្នុង​​​នោះ​​​ ​​​​​​បាន​​​ជួប​​​គ្រោះ​​​ថ្នាក់​​​ចរាចរណ៍​​​ដោយ​​​បុក​​​ម៉ូតូ​​​មួយ​​​គ្រឿង​​​ពី​​​ក្រោយ​​​ជិះ​​​គ្នា​​​ពី​​​រនាក់​​​ ហើយ​​​ក៏​​​បាន​​​បើក​​​គេច​​​ពី​​​កន្លែង​​​កើត​​​ហេតុ​​​។

លោក សារ៉េត វិសិដ្ឋ​​​ បាន​​​បញ្ជាក់​​​ថា “នៅម៉ោង​​​ប្រហែល​​​៤រសៀល​​​ថ្ងៃ​​​ពុធ​​​ លោក សារីម បាន​​​បើក​​​បរ​​​បុក​​​ម៉ូតូ​​​មួយ​​​គ្រឿង​​​ពីក្រោយ​​​ ហើយ​​​បុរស​​​ថៃ​​​ម្នាក់​​​បាន​​​​​​ស្លាប់​​​ភ្លាមៗ​​​ ចំណែក​​​ឯស្ត្រី​​​ម្នាក់​​​ទៀត​​​បាន​​​រង​​​របួស​​​ធ្ងន់​​​ដោយ​​​រយះជើង​​​យ៉ាង​​​ធំ​​​។ បន្ទាប់​​​ពី​​​បុក​​​មនុស្ស​​​ហើយ​​​រត់​​​ គាត់​​​​​​បាន​​​ព្យាយាម​​​បើក​​​បរ​​​ឆ្ពោះ​​​មក​​​ស្រុក​​​ភ្នំព្រឹក​​​កាត់​​​តាម​​​ច្រក​​​ព្រំដែន​​​អូររំដួល​​​ដើម្បី​​​គេច​​​ខ្លួន​​​ ប៉ុន្តែ អាជ្ញាធរ​​​ថៃ​​​បាន​​​ស្ទាក់​​​បិទ​​​ផ្លូវ​​​ចម្ងាយ​​​ប្រហែល​​​២០​​​គីឡូម៉ែត្រ​​​ពីព្រំដែន​​​កម្ពុជា​​​”។

លោក​​​បាន​​​លើក​​​ឡើង​​​ទៀត​​​ថា លោក រ៉ុង សារីម កំពុង​​​ត្រូវ​​​បាន​​​ឃុំ​​​ខ្លួន​​​នៅ​​​ឯតុលាការ​​​មួយ​​​ក្នុង​​​ខេត្ត​​​ឈុនបូ៊រី ។

ទោះ​​​បី​​​ជា​​​មន្ត្រី​​​យោធា​​​រូប​​​នេះ​​​ត្រូវ​​​បាន​​​ឃុ​​​ំ​​​ខ្លួន​​​ក្តី​​​ ក៏​​​លោក ហម ខែក មេបញ្ជាការ​​​រង​​​នៃ​​​​​​យោធពល​​​ភាគ​​​សឹក​​​រង​​​​​​ខេត្ត​​​បាត់​​​ដំបង​​​បាន​​​មាន​​​ប្រសាសន៍​​​ថា លោក​​​ជឿ​​​ថា អាច​​​នឹង​​​មាន​​​​​​កិច្ច​​​ព្រម​​​ព្រៀង​​​ធានា​​​ដោះ​​​លែង​​​លោក រ៉ុង សារីម មក​​​វិញ​​​។

លោក​​​បាន​​​ថ្លែង​​​ថា “ខ្ញុំ​​​ទទួល​​​បានសេចក្តី​​​រាយការណ៍​​​ថា គាត់​​​ប្រហែល​​​ជា​​​អាច​​​ដោះ​​​ស្រាយ​​​ករណី​​​េនះ​​​ជាមួយ​​​អាជ្ញាធរ​​​ថៃ​​​បាន​​​ ពីព្រោះ​​​អាជ្ញាធរ​​​ថៃ​​​តែង​​​តែ​​​លើក​​​លែង​​ទោស​​​​ឲ្យ​​​យើង​​​”។

លោក​​​ វីនថៃ ស៊ូវ៉ារី​​​ (Winthai Suvari) អ្នក​​​នាំ​​​ពាក្យ​​​កង​​​ទ័ព​​​ថៃ​​​ បាន​​​លើក​​​ឡើង​​​ថា លោក​​​មិន​​​ទាន់​​​ទទួល​​​បាន​​​របាយការណ៍​​​ណា​​​មួយ​​​ស្តី​​​ពី​​​ករណី​​​លោក រ៉ុង សារីម នៅ​​​ឡើយ​​​ទេ​​​។ វរសេនីយ៍​​​ឯក​​​រូប​​​េនះ​​​បាន​​​លើក​​​ឡើង​​​បន្ត​​​ថា “ខ្ញុំ​​​បាន​​​ទាក់​​​ទង​​​កង​​​ទ័ព​​​ និង​​​មេបញ្ជាការ​​​ [ក្នុង​​​ខេត្ត​​​ឈុនប៊ូរី] ប៉ុន្តែ​​​យើង​​​មិន​​​ទាន់​​​ទទួល​​​បាន​​​ព័ត៌មាន​​​ពាក់​​​ព័ន្ធ​​​នឹង​​​ទាហាន​​​កម្ពុជា​​​រូប​​​នេះនៅ​​​ចំណែក​​​ឯអ្នក​​​នាំពាក្យ​​​នគរ​​​បាល​​​ថៃ​​​មិន​​​អាច​​​ទាក​​​់ទង​​​សុំ​​​ការ​​​បំភ្លឺ​​​បាន​​​ឡើយ​​​៕ សុខុម (រាយការណ៍​​​បន្ថែម​​​ដោយ George Wright)

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស