29 C
Phnom Penh

លោក ហោ ណាំហុង​ ជួប​ពិភាក្សា​ជាមួយ​មន្ត្រីវៀត​ណាម​ជុ​ំវិញ​បញ្ហា​ព្រំដែន

ដោយ ឌឹ ខេមបូឌា ដេលី

បទវិភាគ

កាល​​​ពីថ្ងៃអង្គារ លោក Le Hoai Trung អនុរដ្ឋមន្ត្រីការ ​​​បរទេស​​​វៀតណាម​​​បាន​​​ជួប​​​​​​​​​ពិភាក្សា​ជាមួយ​​​លោក ហោ ណាំហុង រដ្ឋ​​​មន្ត្រី​​​ក្រសួង​​​ការ​​​បរទេស ដោយ​ជម្រាប​​​លោក​​​ថា អាជ្ញា​​​ធរ​ ​​វៀត​​​ណាមក្នុង​មូលដ្ឋាន​ត្រូវ​​​​បាន​​​បង្គាប់​​​ឲ្យ​​​ចង​​​ក្រង​​​​​​ របាយការណ៍​​​អំពី​​​ការ​​​ប្រើ​​​ប្រាស់​​​ដី​​​ដែល​​​មាន​​​វិវាទ​​​នៅ​​​ តាម​​​ព្រំ​​​ដែន​​​ បន្ទាប់​​​ពីមាន​​​ការ​​​ផ្ញើ​​​កំណត់​​​ទូត​កាលពីពេល​ ​​ថ្មី​​​ៗ​​​ពី​​​ប្រទេស​​​កម្ពុជា​​​។

ក្រសួង ​​​ការ​​​បរទេស​​​កម្ពុជា​​​កាល​​​ពី​​​ខែ​​​មុន​​​បាន​​​ចេញ​​​កំណត់​​​ទូត ​​​ជា​​​ច្រើនទាក់​​​ទង​​​នឹង​​​ការ​​​សាង​​​សង់​​​សំណង់​​​របស់​​​វៀត​​​ ណាម​​​នៅ​​​ក​​​្នុង “​​​តំបន់​​​ស” តាម ​​​ព្រំដែន ជា​​​តំបន់​​​ដែល​​​ប្រទេស​​​ទាំង​​​ពីរ​​​បាន​​​អះ​​​អាង​​​​​​ ថា​​​ជា​​​របស់​​​ខ្លួន ប៉ុន្តែ បាន​​​ផ្អាក​​​បណ្តោះ​​​អាសន្ន​​​រហូត​​​ ដល់​​ការ​​​ចរចា​​​បន្ថែម​​​ត្រូវ​បាន​​ធ្វើ​​​​ចប់​សព្វគ្រប់​​​​។

ជា​​​ការ​​​ឆ្លើយ​​​តប ​​​កាល​​​ពី​​​រសៀល​​​ថ្ងៃ​​​អង្គារ លោក Trung បាន ​​​ធ្វើ​​​ដំណើរ​​​មក​​​រាជ​​​ធានី​​​ភ្នំពេញ​​​ដើម្បី​បក​ស្រាយ​​​បញ្ហា​​​ របស់​​​វៀត​​​ណាម​​​​​​ ដោយ​​​ជម្រាប​លោក​​​ ហោ ណាំ​​​ហុង​​​ ថា ចំណុច​​​ ក្តៅ​​​មួយ​​​ក្នុង​​​ចំណោម​​​ចំណុច​​​ក្តៅ​​​គគុក​​​នាពេល​​​ថ្មី​​​ៗ​​​ នេះ គឺ​​​ប៉ុស្តិ៍​​​យោធា​​​វៀតណាម​​​ដែល​​​តាម​ចោទថា​ ត្រូវ​​​បាន​​​សាង​​​សង់​​​នៅ​​​ក្នុង​​​ស្រុក​​​កោះ​​​ធំ​​​ ខេត្ត​​​កណ្តាល​​​នោះ គ្រាន់​​​តែ​​​ជា​​​ការ​​​ជួស​​​ជុល​​​សំណង់​ដែល​​​មាន​​​ស្រាប់​​​ប៉ុណ្ណោះ ​​​។

សេចក្តី ​​​ថ្លែង​​​​​​ការណ៍​​​ដែល​​​បាន​​​ចេញផ្សាយ​​​​កាល​​​ពី​​​ម្សិលមិញ ដោយ​​​ ក្រសួង​​​ការបរទេស​​​កម្ពុជា​​​បាន​​​លើក​​​ឡើង​​​ថា “ឯកឧត្តម ហោ ណាំហុង បាន ​​​ស្នើ​​​ឲ្យ​​​វៀតណាម​​​បញ្ឈប់​​​ការ​​​សាង​​​សង់​​​នេះ​​​ បើ​​​ទោះ​​​ជា ​​​ការ​​​ជួស​​​ជុល​​​ប៉ុស្តិ៍​​​យោធា​​​ដែលមាន​​​ស្រាប់​​​ដូច​​​ការ​​​អះ​ ​​អាង​​​របស់​​​អនុរដ្ឋ​​​មន្ត្រី​​​ការបរទេស​​​វៀតណាម​​​ក៏​​​ដោយ​​​”។

សេចក្តី​​​ថ្លែង​​​ការណ៍​​​ដដែល​​​នេះ​​​បាន​​​បន្ត​​​ថា “អនុរដ្ឋមន្ត្រី ​​​ការបរទេស​​​វៀតណាម​​​បាន​​​ជម្រាប​​​​​ថា នៅ​​​ពេល​​​ទទួល​​​បាន​​​កំណត់ ​​​ទូត​​​របស់​​​រដ្ឋមន្ត្រី​​​ការបរទេស​​​កម្ពុជា​​​ ថ្នាក់​ដឹក​​​នាំ​​​ វៀត​ណាម​​​បាន​​​​​​បញ្ជា​​​ឲ្យ​​​​​​អាជ្ញាធរ​​​មូល​​​​​​ ដ្ឋានធ្វើរបាយការណ៍​​​ជូន​​ថ្នាក់​ដឹកនាំវៀតណាម។ សព្វថ្ងៃ​​​េនះ​​​ពួក​​​គេ ​​​កំពុង​​​រង់​​​ចាំ​​​របាយការណ៍​​​ទាំង​​​នេះ​​​”។

សេចក្តី ​​​ថ្លែង​​​ការណ៍​​​របស់​​​ក្រសួង​​​ការបរទេស​​​កម្ពុជា​​​បន្ថែម​​​ ថា លោក ហោ ណាំហុង បាន​​​បញ្ជាក់​​ឡើង​​​វិញ​​​ប្រាប់​​​លោក Trung ថា វៀតណាម​​​ “មិនត្រូវ​​​ធ្វើ​​​អ្វី​​​នៅ​​​​​​ក្នុង​​​តំបន់​​​ដែល​​​មិន​​​ទាន់​​​បាន​​​កំណត់​​​ព្រំដែននោះ​​​​ឡើយ​​​”។

លោក អ៊ុំ សំអាន សមាជិក ​​​សភា​​​គណបក្ស​​​សង្គ្រោះ​​​ជាតិ ​​​ជា​​​សមាជិក​​​សភា​​​មួយរូប​​​ក្នុង​​​ចំណោម​​​សមាជិក​​​សភា​​​ពីរ​​​រូប ​​​របស់​​​គណបក្ស​​​ប្រឆាំង​​​ដែល​​​បានដឹកនាំការ​​​​ធ្វើ​​​ដំណើរថ្មីៗ​ ចុះទៅ​​​ពិនិត្យ​​​មើល​​​ការ​​​រំលោភ​​​បំពាន​​​ព្រំដែន​​​ពី​​​​សំណាក់​​​ វៀតណាម​​​នោះ​​​បាន​​​មាន​​​ប្រសាសន៍​​​ថា ការ​​​លើក​​​ឡើង​​ពីបង្គោល​ ព្រំដែន​​​ថ្មី​​​របស់​​​លោក Trung ជាការ​យល់​ខុស​​​​។

ដោយ ​​​ប្រើ​​​ពាក្យ​​​សម្តី​​​ដែល​​​គេ​​​ចាត់​​​ទុក​​​ថា បែប​​​ប្រមាថ​​​ដល់​ ​​ជន​​​ជាតិ​​​វៀតណាមនោះ​ លោក អ៊ុំ​​​ សំអាន បាន​​​មាន​​​ប្រសាសន៍​​​ថា “វា ​​​ពិត​​​​​​ជា​សំណង់​​​ថ្មី​​​ មិន​​​មែន​​​ការ​​​ជួស​​​ជុល​​​ប៉ុស្តិ៍​​​ យោធា​​​​​​ដែល​មាន​​​ស្រាប់ ដូច​​​ការ​​​អះអាង​​​របស់​​​យួន​​​ឡើយ​​​”។

លោក​​​បាន​​​បន្ថែម​​​ថា “ប៉ុស្តិ៍យោធា ​​​យួន​​​ដែល​​​មាន​​​ស្រាប់​​​ប្រក់​ស័ង្កសី​​​ ប៉ុន្តែប៉ុស្តិ៍​​​ថ្មី​​​ដែល​​​កំពុង​​​សាង​​​សង់​​​នេះ​​​មាន​​​គ្រឹះ​​​ រឹង​​​មាំ​​​ក្នុង​​​ទឹក​​​ដី​​​កម្ពុជា ហើយ​ស្ថិត​​​នៅ​​​ចម្ងាយប្រហែល​​​​ ១០០ម៉ែត្រពី​ប៉ុស្តិ៍​​​ដែល​មានស្រាប់​​​ប្រក់​​​ស័ង្កសី​​​នោះ​តែ​​​ ប៉ុណ្ណោះ​​​”៕សារុន​​​

 

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស