37 C
Phnom Penh

សកម្មជននិង​បុគ្គលិក​សិទ្ធិមនុស្ស​ត្រូវ​បាន​ឃាត់​ខ្លួន​​អំឡុងការ​ប៉ុនប៉ង​ហែក្បួន​

ដោយ ឌឹ ខេមបូឌា ដេលី

បទវិភាគ

cam-photo-activists-channa-800x533

សកម្ម​​​ជន​​​បី​​​នាក់​​​មក​​​ពី អង្គ​​​ការ​​​មាតា​​​ធម្មជាតិ​​​ជា​​​អង្គកា​​រ​​មិន​​​មែន​​​រដ្ឋាភិបាល​​​ការពារ​​​បរិស្ថាន​​​ និង​​​អ្នក​​​ឃ្លាំ​​​មើល​​​សិទ្ធិមនុស្ស​​​ម្នាក់​​​ត្រូវ​​​បាន​​​ឃាត់​​​ខ្លួន​​​នៅ​​​​​​ក្នុង​​​ខណ្ឌ​​​ចំការ​​​មន​​​រាជធានី​​​ភ្នំពេញ​​​រយៈ​​​ពេល​​​ប្រហែល​​​៣ម៉ោង​​​ កាល​​​ពី​​​​​​ម្សិលមិញ បន្ទាប់​​​ពី​​​សាលា​​​រាជធានី​​ចាត​់ទុកថា ជា​​​ការ​​​ហែ​​​ក្បួន​​​តាម​​​ការ​​​គ្រោង​​​ទុក​​​ទៅកាន់​​​រដ្ឋសភា​​​ដោយ​​​ខុសច​​​្បាប់​​​។

សកម្ម​​​ជន​​​ទាំង​​​នេះ​​​បាន​​​និយាយ​​​ថា មនុស្ស​​​ប្រហែល​​​១០​​​ទៅ​​​១៥​​​នាក់​​​មាន​​​គម្រោង​​​ហែ​​​ក្បួន​​​ពី​​មជ្ឈមណ្ឌល​​​​ភ្នំពេញ​​​​​​​តាម​​​មហាវិថី​​​សុធារស​​​ ទៅ​​​កាន់​​​រដ្ឋ​​​សភា​​​ដើម្បី​​​ដាក់​​​ញត្តិ​​​ស្នើ​​​ឲ្យ​​​រដ្ឋាភិបាល​​​ធ្វើ​​​អន្តរាគមន៍​​​ក្នុង​​​វិវាទ​​​មួយ​​​រវាង​​​អ្នក​​​ភូមិ​​​ខេត្ត​​​កោះ​​​កុង​​​ និង​​​ក្រុម​​​ហ៊ុន​​​បូម​​​ខ្សាច់​​​។

សាក្សី​​​បាន​​​និយាយ​​​ថា ប៉ុន្តែ នៅ​​​ម៉ោង​​​ប្រហែល​​​៨​​​និង​​​៣០​​​នាទី​​​ព្រឹក​​​ សន្តិសុខ​​​ខណ្ឌ​​​បាន​​​មក​​​ដល់​​​ ដោយ​​​ឃាត់​​​ខ្លួន​​​សកម្ម​​​ជន​​​បី​​​នាក់ និង​​​អ្នក​​​ឃ្លាំ​​​មើល​​រូបនេះ​មកពី​​​​​អង្គការ​​​សិទ្ធិមនុស្ស​​​អាដ​​​ហុក ដោយ​​​បញ្ឈប់​​​ការ​​​ហែ​​​ក្បួន​​​នេះ​​​មុនពេល​​​ចាប់​​​ផ្តើម​​​។

លោក ឡុង ឌីម៉ង់ អ្នក​​​នាំពាក្យ​​​សាលា​​​រាជធានី​​​បាន​​​មាន​​​ប្រសាសន៍​​​ថា សាលា​​​រាជធានី​​​បាន​​​សម្រេច​​បញ្ឈប់ ​​​ពីព្រោះទំហំនៃការ​​​តវ៉ាបាន​កើន​ឡើង​ធំណាស់​​​​។

លោក ឡុង ឌីម៉ង់ បានមាន​​​ប្រសាសន៍​​​ថា “មាន​​​មនុស្ស​​​រាប់​​​រយ​​​នាក់​​​​តវ៉ា​​​ និង​​​ហែ​​​ក្បួន​​​ទៅ​​​ដាក់​​​ញត្តិ​​​នៅ​​​មុខ​​​រដ្ឋ​​​សភា​​​ ដោយ​​​មិន​​​មាន​​​លិខិត​​​អនុញ្ញាត​​​ឡើយ​​​។ វា​​​ប៉ះពាល់​​​ដល់​​​សណ្តាប់​​​ធ្នាប់​​​សាធារណៈ​​​…ពួក​​​គេ​​​មិន​​​អាច​​​ធ្វើ​​​សកម្មភាព​​​ដូច​​​េនះ​​​បាន​​​ទេ​​​”។

យោង​​​តាម​​​សកម្ម​​​ជន​​​ដែល​​​ត្រូវ​បាន​ឃាត់​​​ខ្លួន​​​នោះ​​​បាន​​​ឲ្យ​​​ដឹង​​​ថា ទោះយ៉ាង​ណា សមាជិក​​​មក​​​ពី​​​អង្គការ​​​មាតា​​​ធម្ម​​​ជាតិ​​​ផ្សេង​​​ទៀត​​​ និង​​​លោក ណៃ​​​ វណ្ណដា អនុប្រធាន​​​ជំនួយ​ផ្នែក​​​​​​សិទ្ធិ​​​មនុស្ស​​​ និង​​​ច្បាប់​​​នៅ​​​អង្គការ​​​សិទ្ធិ​​​មនុស្ស​​​អាដ​​​ហុក​​​ ដែល​​​បាន​​​ឃ្លាំ​​​មើល​​​ហេតុ​​​ការណ៍​​​កាល​​​ពី​​​ម្សិល​មិញ បាន​​​ឲ្យ​​​ដឹង​​​ថា មិនមាន​​​មនុស្ស​​​លើសពី​​​​២០​​​នាក់​​ចូល​​​រួម​​​ក្នុង​​​ការ​​​ហែ​​​ក្បួន​​​នោះទេ​​​​។

លោក​​​ វណ្ណដា បាន​​​មាន​​​ប្រសាសន៍​​​ថា មាន​​​មនុស្ស​​​ប្រហែល​​​១០​​​ទៅ​​​២០​​​នាក់ប៉ុណ្ណោះ​​​​។ ពួក​​​គាត់​​​មាន​​​សិទ្ធិ​​​សំដែង​​​កង្វល់​​​របស់​​​ខ្លួន​​​ដោយ​​​អហិង្សា​​​អំពី​​​ការ​​​បូម​​​ខ្សាច់​​​”។

នៅ​​​ពេល​​​ត្រូវ​​​បាន​​​សួរ​​​អំពី​​​ភាព​​​ខុស​​​គ្នា​​​ពី​​​ចំនួន​​​អ្នក​​​តវ៉ា​​​ដែល​​​មាន​​​វត្ត​​​មាន​​​កាល​​​ពី​​​ម្សិលមិញ​​​ លោក ឡុង​​​ ឌីម៉ង់​​​ បាន​​​អះ​​​អាង​​​ថា តួ​​​លេខ​​​របស់លោក​ត្រឹម​​​ត្រូវ​​​​​។ លោក​​​បាន​​​មាន​​​​​​ប្រសាសន៍​​​ថា “អ្នក​​​ដឹង​​​ហើយ​​​​​ ប៉ុន្តែ អ្នក​​​ធ្វើ​​​ពុតជា​​​មិនដឹងតែប៉ុណ្ណោះ​​​​”។

ក្នុង​​​នាម​​​ជា​​​អ្នក​​​ប្រឆាំង​​​ម្នាក់​​​ក្នុង​​​ចំណោម​​​អ្នក​​​ប្រឆាំង​​​ដែលនិយាយ​ឥតសំចៃ​​​​ទាក់​​​ទង​​​ទំនប់​​​វារី​​​អគ្គិសនី​​​អារ៉ែង​​​ក្នុង​​​ខេត្ត​​​កោះកុង អង្គការ​​​មាតា​​​ធម្មជាតិ​​​ត្រូវ​​​គេ​​​គិត​​​ថា បាន​​​បង្ក​​​បញ្ហា​​​យូរ​មក​ហើយ​ដល់​​​រដ្ឋាភិបាល​​​។ សហស្ថាបនិក​​​របស់​​​អង្គការ​​​នេះ គឺ​​​លោក អាឡិច ​​​ហ្គន់​សាឡេស ដាវីដ​​​សុន ជន​​​ជាតិ​​​អេស្ប៉ាញ​​​ត្រូវ​​​បាន​​​​​​និរទេស​​​កាល​​​ពីខែ​​​កុម្ភៈ បន្ទាប់​​​ពី​​​រដ្ឋា​​ភិបាល​​​មិន​​​ព្រម​​​បន្ត​​​ទិដ្ឋាការ​​​ដល់​​​គាត់​​​។

បន្ទាប់​​​ពី​​​ត្រូវ​​​បានឃាត់​​​ខ្លួន​​​កាល​​​ពី​​​ម្សិលមិញ​​​ សកម្មជន​​​​​​ឈ្មោះ សុន ចាន់​​​តារា អាយុ​​​២៣​​​ឆ្នាំ ចេក នីត្រា អាយុ​​​២១​​​ឆ្នាំ និង​​​ ដឹម គន្ធី អាយុ​​​២០​​​ឆ្នាំ​​​ត្រូវ​​​បាន​​​បញ្ជូន​​​ទៅ​​​ទី​​​ស្នាក់​​​ការ​​​ខណ្ឌ​​​ជាមួយ​​​ ឌិត​​​ សុទ្ធី អាយុ​​​៣១​​​ឆ្នាំ​​​ជា​​​អ្នក​​​ឃ្លាំ​​​មើល​​​នៅ​​​អង្គការ​​​អាដហុក​​​។

លោក ជ័រ គឹមស័រ អភិបាល​​​រង​​​ខណ្ឌ​​​បាន​​​សាក​​​សួរ​​​អ្នក​ទាំង​​​បួន​​​នាក់​​​នេះ​​​រហូត​​​ដល់​​​ម៉ោង​​​១១​​​និង​​​៣០​​​នាទីថ្ងៃ​​​ត្រង់​​​ មុន​​​ពេល​​​ដោះ​​​លែង​​​ពួក​​​គេ​​​វិញ​​​។

នៅ​​​ពេល​​​សាក​​​សួរ​​​ចប់​សព្វ​​គ្រប់​​​ លោក គឹមស័រ​​​ បាន​​​បដិសេធ​​​មិន​​​ធ្វើ​​​អត្ថាធិប្បាយ​​​ពី​​អ្វីដែលបានកើតឡើង​​​​​​ឡើយ​​​។ ទោះ​​​ជា​​​យ៉ាង​​​ណា​​​លោក ឡុង ឌីម៉ង់ បាន​​​មានប្រសាសន៍​​​ថា
ស​​​​​កម្ម​​​ជន​​​ទាំង​​​នេះ​​​ត្រូវ​​​បាន​​​អប់​​​រំ​​​ ហើយ​​​អ្នក​​​ឃ្លាំ​​​មើល​​​សិទ្ធិ​​​មនុស្ស​​​មក​​​ពី​​​អង្គការ​​​អាដ​​​ហុក​​​នោះ​​​ត្រូវ​​​បាន​​​ឃាត់​​​ខ្លួន​​​ដោយភាន់​​​​ច្រឡំ​​​តែ​​​ប៉ុណ្ណោះ​​​។

លោក​​​បាន​​​មាន​​​ប្រសាសន៍​​​ថា “​​​យើង​​​មិន​​ស្គាល់​​​​ថា គាត់​​​ជា​​​នរណា​​​ឡើយ​​​។ អ្នក​​​ដែល​​​ប្រឆាំង​​​នឹង​​​អាជ្ញាធរ​​​…​ យើង​​​ត្រូវ​​​តែចាប់​ពួកគេ​​​​​​​”។

បន្ទាប់​​​ពី​​​ត្រូវ​​​បាន​​​ដោះ​​​លែង លោក ចាន់តារា ជា​​​សកម្ម​​​ជន​​​ម្នាក់​​​ក្នុង​​​ចំណោម​​​សកម្ម​​​ជន​​​ទាំង​​​នោះ​​​បាន​​​និយាយ​​​ថា សន្តិសុខ​​​បាន​​​ប្រើ​​​អំពើ​​​ហិង្សា​​​លើ​​​ពួក​​​គាត់ ខណៈ​​​ពួក​​​គាត់​​​ត្រូវ​​​បាន​​​ឃាត់​​​ខ្លួន​​​នោះ ។

លោក​​​បាន​​​មាន​​​ប្រសាសន៍​​ថា “សន្តិ​​​សុខ​​​បាន​​​ឃាត់​​​ខ្លួន​​​ពួក​​​យើង ហើយ​​​បន្ទាប់​​​មក​​​​​​ទះ​​​កំផ្លៀង​​​ពួក​​​យើង​​​ និង​​​ដក​​​ហូត​​​យក​​​ញត្តិ​​​របស់​​​យើង​​​អស់​​​។ តើ​​​វា​​​មិន​​​ខុស​​​ច្បាប់​​​ទេ​​​ឬ?”៕សារុន​​​

 

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស