លោក សម រង្ស៊ី មេដឹកនាំគណបក្សប្រឆាំងបានមានប្រសាសសន៍កាលពីម្សិលមិញថា ទឹកប្រាក់ជាង២០០.០០០ដុល្លារ ត្រូវបានរៃអង្គាសកាលពីចុងសប្តាហ៍ដំបូងនៃយុទ្ធនាការរបស់គណបក្ស សង្គ្រោះជាតិក្នុងការរៃអង្គាសប្រាក់ដែលចាំបាច់សម្រាប់ដំណើរការ ស្ថានីយទូរទស្សន៍ដែលមានទំនាក់ទំនងជាមួយគណបក្សប្រឆាំងលើកដំបូងក្នុ ងប្រទេសកម្ពុជានៅដំណាច់ឆ្នាំនេះ។
កាលពី ឆ្នាំមុន លោកនាយករដ្ឋមន្ត្រី ហ៊ុន សែន បានសន្យាអនុញ្ញាតគណបក្សសង្គ្រោះជាតិបើកស្ថានីយរបស់ខ្លួន ហើយកាលពីព្រឹកថ្ងៃសៅរ៍ គណបក្សនេះបានចាប់ផ្តើមរៃអង្គាសប្រាក់នៅតាមការិយាល័យនានា ក្នុងរាជធានីភ្នំពេញ។
លោក សម រង្ស៊ី បានមានប្រសាសន៍កាលពីរសៀលម្សិលមិញថា “កាលពីពីរថ្ងៃកន្លងមកនេះ យើងប្រមូលបានប្រាក់យ៉ាងតិច ២០០.០០០ដុល្លារ។ គិតត្រឹមដំណាច់ថ្ងៃនេះ ខ្ញុំគិតថា យើងនឹងអាចឈានដល់ប្រហែល២៥០.០០០ដុល្លារ”។
ដើម្បីរៃអង្គាសប្រាក់ឲ្យបានប្រហែល១,៥លានដុល្លារ គណបក្សនេះបានទទួលយកទាំងការបរិច្ចាគ ព្រមទាំងការលក់ភាគហ៊ុនក្នុងតម្លៃ១.០០០ដុល្លារក្នុងមួយហ៊ុនសម្រាប់សិទ្ធិនាពេលអនាគតដែលផ្តល់ពីស្ថានីយ។
លោក សម រង្ស៊ី បានមានប្រសាសន៍ថា “ការ បរិច្ចាគនេះមិនមែនបានពីមនុស្សជាបុគ្គលទេ។ មានប្រជាជនរាប់រយពាន់ភូមិឯណោះដែលបានរួមគ្នាបរិច្ចាគ ហើយបន្ទាប់មកបញ្ជូនតំណាងម្នាក់”។
លោកបានមានប្រសាសន៍ថា “សម្រាប់អ្នកដែលមានលទ្ធភាព ពួកគាត់ទិញមួួយ ពីរ ឬបីនូវសិទ្ធិចូលរួមនាពេលអនាគត” នៅក្នុងក្រុមហ៊ុន៕សារុន