34 C
Phnom Penh

បេក្ខ​​​ជន​​​រាប់​​​ពាន់​​​នាក់​​​​​​ចូល​​​រួម​​​ប្រឡង​​​ភាសា​​​កូរ៉េ​​​ ដោយ​​​សង្ឃឹម​​​មាន​​​ឱកាសបាន​​​​​​ធ្វើ​​​ការ​​​នៅ​​​បរទេស​​​

ដោយ ឌឹ ខេមបូឌា ដេលី

បទវិភាគ

_21B4860

បេក្ខជន​​​រាប់​​​ពាន់​​​មឺុន​​​នាក់​​​បាន​​​សម្រុក​​​មក​​​កាន់​​​វិទ្យាល័យ​​​ និង​​​អនុវិទ្យាល័យ​​​នានា​​​​​​ទូទាំង​​​រាជ​​​ធានី​​​ភ្នំពេញ​​​កាល​​​ពី​​​ចុង​​​សប្តាហ៍​​​កន្លង​​​មក​​​នេះ​​​ដើម្បី​​​ធ្វើ​​​តេស្ត​​​ប្រឡង​​​ភាសា​​​កូរ៉េ ​​​ដោយ​​​សង្ឃឹម​​​​​​ថានឹង​​​​​​មាន​​​ឱកាស​​​រក​​​បាន​​​ការ​​​ងារ​​​មាន​​​ប្រាក់​​​ខែ​​​ខ្ពស់​​​នៅ​​​ក្នុង​​​ប្រទេស​​​កូរ៉េ​​​ខាង​​​ត្បូង នេះ​​​បើ​​​យោង​​​តាម​​​បេក្ខ​​​ជន​​​ប្រឡង​​​បាន​​​លើក​​​ឡើង​​​កាល​​​ពី​​​ម្សិល​​​​​​មិញ​​​។

យោង​​​តាម​​​កាល​​​វិភាគ​​​ប្រឡង​​​ដែល​​​ត្រូវ​​​បាន​​​ប្រកាស​​​កាល​​​ពី​​​ដើម​​​ខែ​​​នេះ​​​ដោយ​​​ក្រសួង​​​ការ​​​ងារ​​​ និង​​​បណ្តុះ​​​បណ្តាល​​​វិជ្ជា​​​ជីវៈ​​​ ដែល​​​បាន​​​រៀប​​​ចំ​​​ការ​​​ប្រឡង​​​នេះ បាន​​​បង្ហាញ​​​ថា សិស្ស​​​បាន​​​ចូល​​​រួម​​​ប្រឡង​​​នៅ​​​សាលា​​​ចំនួន​​​ប្រាំ​​​ពីរ​​​កាល​​​ពីថ្ងៃ​​​សៅរ៍ និង​​ថ្ងៃ​​​អាទិត្យ​​​ ។

នៅ​​​ឯ​​​អនុវិទ្យាល័យ​​​ចតុមុខ​​​ក្នុង​​​ខណ្ឌ​​​ដូន​​​ពេញ​​​កាល​​​ពី​​​ម្សិលមិញ​​​ ថោង បូរ៉េត អាយុ​​​២៩​​​ឆ្នាំ​​​​​​មក​​​ពី​​​ខេត្ត​​​កំពង់​​​ស្ពឺ​​​ បាន​​​និយាយ​​​ថា គាត់​​​​​​មាន​​​បំណង​​​ធ្វើ​​​ការ​​​នៅ​​​ក្នុង​​​ប្រទេស​​​កូរ៉េ​​​ខាង​​​ត្បូង​​​នៅ​​​រោង​​​ចក្រ​​​ផលិត​​​ទូរស័ព្ទ​​​ដៃ ឬ​​​គ្រឿង​​​សង្ហារិម។

បុរស​​​រូប​​​នេះ​​​បា​​​ន​​​និយាយ​​​ថា “អ្នក​​​ជិត​​​ខាង​​​​​​ខ្ញុំ​​​ដែល​​​ទទួល​​​បាន​​​ប្រាក់​​​ពី​​​កូន​​​ៗ​​​ដែល​​​កំពុង​​​ធ្វើការ​​​នៅ​​​ទី​​​នោះ​​​ [កូរ៉េ​​​ខាង​​​ត្បូង​​​] បាន​​​ប្រាប់​​​ខ្ញុំ​​​ថា បើ​​​ខ្ញុំ​​​ធ្វើ​​​ការ​​​នៅ​​​ទ​​​ី​​​នោះ​​​​​​ ខ្ញុំ​​​នឹង​​​ទទួល​​​បាន​​​យ៉ាង​​​ហោច​​​ណាស់​​​១.០០០ដុល្លារ​​​ក្នុង​​​មួយខែ ។ ខ្ញុំ​​​ធ្លាប់​​​ធ្វើ​​​ជា​​​ជាង​​​ជួស​​​ជុល​​​ម៉ាស៊ីន​​​ដេរ នៅ​​​រោង​​​ចក្រ​​​មួយ​​​ក្នុង​​​ខេត្ត​​​តាកែវ​​​។ នៅ​​​ទីនោះ​​​ខ្ញុំ​​​ទទួល​​​បាន​​​ប្រហែល​​​២០០ដុល្លារ​​​ប៉ុណ្ណោះ​​​ក្នុង​​​មួយ​​​ខែ​​​”។

បុរស​​​រូប​​​នេះ​​​បា​​​ន​​​និយាយ​​​បន្ត​​​ទៀត​​​ថា គាត់​​​បាន​​​ចំណាយ​​​ប្រាក់​​​៥០​​​ដុល្លារ​​​ ទៅ​​​លើ​​​ថ្លៃ​​​វគ្គ​​​សិក្សា​​​ភាសា​​​កូរ៉េ​​​​​​រយៈ​​​ពេល​​​ប្រាំ​​​មួយ​​​ខែ​​​នៅ​​​មជ្ឈមណ្ឌល​​​ភាសា​​​មួយ​​​កន្លែង​​​នៅ​​​ជាយ​​​រាជ​​​ធានី​​​ភ្នំពេញ បន្ទាប់​​​មក​​​បាន​​​ចំណាយ​​​២៤​​​ដុល្លារ​​​ទៅ​​​ឲ្យ​​​ក្រសួង​​​ការងារ​​​របស់​​​កូរ៉េ​​​ខាង​​​ត្បូង​​​ដើម្បី​​​ធ្វើ​​​តេស្ត​​​ប្រឡង​​​ភាសា​​​កូរ៉េ​​​កាល​​​ពី​​​ម្សិលមិញ​​​។

នៅ​​​ឯ​​​អនុវិទ្យាល័យ​​​ចតុមុខ​​​ដដែល​​​ នារី​​​ម្នាក់​​​ឈ្មោះ ឈាង គន្ធា អាយុ​​​២២​​​ឆ្នាំ​​​មក​​​ពី​​​ខេត្ត​​​កណ្តាល​​​និយាយ​​​ថា បង​​​ស្រី​​​របស់​​​នាង​​​រក​​​បាន​​​ការ​​​ងារ​​​ធ្វើ​​​នៅ​​​ក្នុង​​​ប្រទេ​​​សកូរ៉េ​​​ខាងត្បូង​​​ ហើយ​​​បាន​​​បញ្ចុះ​​​បញ្ចូល​​​នាង​​​ឲ្យ​​​ធ្វើ​​​តាម​​​ខ្លួន​​​។

នាង​​​និយាយ​​​ថា “ពេល​​​នេះ​​​ គាត់​​​ទទួល​​​បាន​​​១.៣០០​​​ដុល្លារ​​​ក្នុង​​​មួយ​​​ខែ​​​ពី​​​ការ​​​ងារ​​​កោរ​​​រោម​​​ជ្រូក​​​។ គាត់​​​​​​អាច​​​ផ្ញើ​​​១.២០០​​​ដុល្លារ​​​មក​​​ផ្ទះ​​​វិញ​​​ជា​​​រៀង​​​រាល់​​​ខែ​​​ ដោយ​​​សារ​​​កន្លែង​​​ធ្វើ​​​ការ​​​របស់​​​គាត់​​​ចេញ​​​ថ្លៃ​​​ស្នាក់​​​នៅ​​​ និង​​​អាហារ​​​”។

នាង​​​និយាយ​​​ទៀត​​​ថា កាល​​​ពី​​​នាង​​​ធ្វើ​​​ការ​​​នៅ​​​រោង​​​​​​ចក្រ​​​កាត់​​​ដេរ​​​​​​មួយ​​​កន្លែង​​​ក្នុង​​​ឆ្នាំ​​​២០១៣​​​នាង​​​ទទួល​​​បាន​​​តែ​​​១០០​​​ដុល្លារ​​​ប៉ុណ្ណោះ​​​​​​ក្នុង​​​មួយ​​​ខែ​​​៕សុខុម

​​​​​​

 

© 2022, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស