34 C
Phnom Penh

តុលាការ ​ផ្តន្ទាទោស​ក្មេងប្រុស​ជំទង់ម្នាក់​ឲ្យ​ជាប់ពន្ធនាគារ​​បន្ទាប់ពី​ ចាប់ក្មេងស្រី​ម្នាក់​ជា​ចំណាប់ខ្មាំង​ដោយ​សារ​ឥទ្ធិពល​ថ្នាំញៀន

ដោយ ឌឹ ខេមបូឌា ដេលី

បទវិភាគ

ក្រុម ​មន្ត្រី​បាននិយាយ​កាលពី​ម្សិលមិញ​ថា ​ក្មេង​ប្រុង​អាយុ​១៥ឆ្នាំម្នាក់​ត្រូវ​បានផ្តន្ទាទោស​ឲ្យ​ជាប់​ពន្ធនា​គារ​ ក្នុង​ក្រុង​ដូនកែវ ខេត្ត​តាកែវ​ កាលពីសប្តាហ៍មុន​​​បន្ទាប់ពី​បាន​ចាប់​កុមារីម្នាក់​ជាចំណាប់​ខ្មាំង​ ខណៈដែល​ស្ថិត​ក្រោម​ឥទ្ធិពល​ថ្នាំញៀន។

យោង ​តាមលោក សែម សុជាតិ នាយ​ការិយាល័យ​នគរបាល​ព្រហ្មទណ្ឌកម្រិត​ធ្ងន់​ខេត្ត​បាន​ឲ្យ​ដឹង​ថា ដោយកាន់​អំបែង​កែវតម្រង់​ថ្ងាស​ក្មេងស្រី​អាយុ​១​ឆ្នាំ​​ប្រហែល​ជា​វេលា​​ ថ្ងៃត្រង់​ថ្ងៃព្រហស្បតិ៍នោះ​ ក្មេងប្រុស​ជំទង់​រូបនេះ​​បាន​គំរាម​សម្លាប់​នាង​ខណៈដែល​នគរ​បាល​​បាន​ ព្យាយាម​ឲ្យ​ជន​នេះ​ស្ងប់​អារម្មណ៍ ហើយ​សួរនាំពី​ការ​ទាមទារ​មិន​ច្បាស់លាស់​នោះ។

លោក សុជាតិ​ បានមាន​ប្រសាសន៍ថា​ “​ជន ​នេះ​បានចាប់​ក្មេងស្រី​តូច​នេះ​ដោយ​គ្មាន​​បំណង​ច្បាស់លាស់ឡើយ មិនមែន​ដើម្បី​ទាម​ទារ​ប្រាក់ ឬ​អ្វីនោះឡើយ។ វា​ឈឺចាប់ដោយ​សារ​ថ្នាំញៀននៅក្នុង​ខ្លួន ដែល​ធ្វើឲ្យ​វា​មិន​អាច​គ្រប់គ្រង​អារម្មណ៍បាន”។

លោក​បាន​បន្ថែមថា ទីបំផុត​នគរបាល​បាន​​ចូល​ជិត​​ ហើយ​ចាប់​ដៃ​ជន​សង្ស័យ​នេះ​ជាប់​​ហើយ​យក​ក្មេងស្រី​នោះ​ទៅ​កន្លែង​មានសុវត្ថិភាព។

លោក សុជាតិ​ បាន​មាន​ប្រសាសន៍ថា ក្មេងប្រុសរូបនេះ​ត្រូវបាន​បញ្ជូន​ទៅ​សាលាដំបូង​ខេត្ត​តាកែវ​កាលពី​ ថ្ងៃសុក្រ ហើយ​ត្រូវ​បាន​ចោទប្រកាន់​ពីបទ​មនុស្ស​ឃាត គំរាម​កំហែង​ និង​ប្រើ​ប្រាស់​ថ្នាំញៀន​ខុស​ច្បាប់ បន្ទាប់មក​ត្រូវ​បាន​បញ្ជូន​ទៅ​ពន្ធនាគារ​ខេត្ត​​ដើម្បី​រង់​ចាំ​ការ​ជំនុំ​ ជម្រះ។ គេ​មិនអាច​ទាក់ទង​ក្រុមមន្ត្រី​តុលាការ​បានទេកាលពី​ម្សិលមិញ។

លោក អុិន មណ្ឌល អធិការនគរបាល​ស្តីទី​ក្រុង​ដូនកែវ ​បានមាន​ប្រសាសន៍ថា ​ការ​ប្រឈម​​​មុខ​គ្នា​រយៈ​ពេល​ពីរ​ម៉ោង​បានកើតឡើង​នៅ​ក្បែរ​ប្រឡាយ​មួយ​ ចម្ងាយ​ប្រហែល​២០០​​ម៉ែត្រ​ពី​ផ្ទះ​ក្មេងស្រី​រូបនេះ។

លោក​បាន​មានប្រសាសន៍ថា “​ក្មេងប្រុស ​ជំទង់​រូបនេះ​​មកពី​ខេត្ត​សៀម​រាប ហើយ​បាន​មក​លេង​មិត្ត​ភក្តិ​ក្នុងតំបន់នេះ នៅពេលនោះ​ជន​នេះបាន​ចាប់ក្មេងស្រី​រូបនេះ​ពី​ខាងក្រៅ​ផ្ទះ របស់នាង​​ កន្លែងដែលនាង​កំពុង​លេង​តែម្នាក់ឯង។

លោក មណ្ឌល បាន​មាន​ប្រសាសន៍ថា “​បន្ទាប់ពី ​ទៅលេង​ផ្ទះ​មិត្ត​ភក្តិ​របស់ខ្លួន​ ជន​នេះ​បាន​ដើរលេង​​​ក្នុង​ភូមិ​ ហើយ​បាន​ប្រទះ​ឃើញ​អំបែង​កែវ​តូច​មួួយ​ ហើយក៏​​រើស​ដាក់​ក្នុង​ហោ​ប៉ៅ​​របស់ខ្លួន។​បន្ទាប់មក ជន​នេះបានមកដល់ផ្ទះ​ក្មេងស្រី​រងគ្រោះ”។

លោក​បានបន្ថែមថា “​ក្មេងស្រី ​រូបនេះ​កំពុង​លេង​នៅ​មុខ​ផ្ទះ​របស់ខ្លួន​​ ខណៈដែល​ម្តាយ​នាង​កំពុង​ចម្អិន​អាហារ​នៅខាងក្នុង។ ក្មេងប្រុសរូបនេះ​បាន​ចាប់ក្មេងស្រី​តូចនេះ​ហើយ​នាង​បានស្រែកយ៉ាង​ខ្លាំង​​ ដែល​ធ្វើ​ឲ្យ​ម្តាយ​របស់​នាង​ និង​អ្នក​ដទៃ​ទៀត​​ចេញ​មក​ក្រៅ ប៉ុន្តែ​​ក្មេង​ប្រុង​នេះ​ចាប់ក្មេងស្រី​នេះ​ជាប់​ ហើយ​នាំនាង​ទៅ​កាន់​ប្រឡាយតែម្តង”៕សារុន

 

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស