33 C
Phnom Penh

ក្រុម​សិទ្ធិ​មនុស្ស៖ អូស្ត្រាលី​ខិតខំ​ជំរុញ​បញ្ជូន​ជន​ភៀស​ខ្លួន​ថែម​ទៀត​មក​កម្ពុជា

ដោយ ឌឹ ខេមបូឌា ដេលី

បទវិភាគ

យោង​តាម​ក្រុម​សិទ្ធិ​មនុស្ស​បាន​ឲ្យ​ដឹង​ថា មួយ​ខែ​បន្ទាប់ពី​ជន​ភៀស​ខ្លួន​បួន​នាក់​ដំបូង​បាន​មក​ដល់​ប្រទេស​កម្ពុជា​តាម​គម្រោង​តាំង​ទី​លំនៅ​ថ្មី​ដ៏​ចម្រូង​ចម្រាស ដែល​រដ្ឋាភិបាល​កម្ពុជា​បាន​ចុះ​ហត្ថលេខា​ជាមួយ​ប្រទេស​អូស្ត្រាលី​កាលពី​ឆ្នាំ​មុន មន្ត្រី​អន្តោប្រវេសន៍​នៅ​ប្រទេស​ណូរូ ជា​ដែន​កោះ​នៅ​មហា​សមុទ្រ​ប៉ាស៊ីហ្វិក​ខាង​ត្បូង កំពុង​បង្កើន​ការ​ប្រឹងប្រែង​ដើម្បី​បញ្ចុះ​បញ្ចូល​ជន​ភៀស​ខ្លួន​ថែម​ទៀត​ឲ្យ​ជឿ​ជាក់​លើ​ពួកគេ។

ជន​ភៀស​ខ្លួន​បួន​នាក់​បាន​មក​ដល់​ក្រុង​ភ្នំពេញ​នៅ​ថ្ងៃ​ទី​៤​ខែ​មិថុនា ជា​ក្រុម​ដំបូង​ស្ម័គ្រ​ចិត្ត​មក​រស់​នៅ​ក្នុង​ប្រទេស​កម្ពុជា​ក្រោម​កិច្ច​ព្រមព្រៀង ដែល​រដ្ឋាភិបាល​កម្ពុជា​បាន​ធ្វើ​ដើម្បី​នាំ​យក​ជន​ភៀស​ខ្លួន​រាប់​រយ​នាក់ ដែល​ប្រទេស​អូស្ត្រាលី​កំពុង​ឃាត់​ទុក​នៅ​ប្រទេស​ណូរូ។ ប្រទេស​អូស្ត្រាលី​បាន​ចំណាយ​ពេល​ជា​ច្រើន​ខែ​ក្នុង​ការ​បញ្ចុះ​បញ្ចូល​ឲ្យ​ជន​ភៀស​ខ្លួន​ទាំង​បួន​នាក់​មក​កម្ពុជា ហើយ​តាំង​ពី​ពេល​នោះ​មក​មិន​ទាន់​មាន​អ្នក​ធ្វើ​តាម​ទេ។

មជ្ឈមណ្ឌល​​​ព័ត៌មាន​​​កម្ពុជា​​​ ដែល​​​ប្រទេស​​​អូស្ត្រាលី​​​បង្កើត​​​ឡើង​​​នៅ​​​ក្នុង​​​​​​ប្រទេស​​​ណូរូ​​​សម្រាប់​​​ជនភៀស​​​ខ្លួន​​​​​​ដែល​​​ចាប់​​​អារម្មណ៍​​​ក្នុង​​​ការ​​​មក​​​តាំង​​​ទី​​​លំនៅ​​​ថ្មី​​​នៅ​​​ក្នុង​​​ប្រទេស​​​កម្ពុជា​​​។​​​ សញ្ញា​​​នៅ​​​លើ​​​ទ្វារ​​​​​​​​​​​និយាយ​​​ថា មណ្ឌល​​​បើក​​​រាល់​​​ម៉ោង​​​ធ្វើ​​​ការ​​​​​​ចាប់​​ពី​​​ម៉ោង​​​១០:៣០​​​ព្រឹក រហូត​​​ដល់​​​១២ៈ៣០​​​រសៀល។ រូបថត:​​​ក្រុម​​​សកម្មភាព​​​ជនភៀស​​​ខ្លួន​​​
មជ្ឈមណ្ឌល​​​ព័ត៌មាន​​​កម្ពុជា​​​ ដែល​​​ប្រទេស​​​អូស្ត្រាលី​​​បង្កើត​​​ឡើង​​​នៅ​​​ក្នុង​​​​​​ប្រទេស​​​ណូរូ​​​សម្រាប់​​​ជនភៀស​​​ខ្លួន​​​​​​ដែល​​​ចាប់​​​អារម្មណ៍​​​ក្នុង​​​ការ​​​មក​​​តាំង​​​ទី​​​លំនៅ​​​ថ្មី​​​នៅ​​​ក្នុង​​​ប្រទេស​​​កម្ពុជា​​​។​​​ សញ្ញា​​​នៅ​​​លើ​​​ទ្វារ​​​​​​​​​​​និយាយ​​​ថា មណ្ឌល​​​បើក​​​រាល់​​​ម៉ោង​​​ធ្វើ​​​ការ​​​​​​ចាប់​​ពី​​​ម៉ោង​​​១០:៣០​​​ព្រឹក រហូត​​​ដល់​​​១២ៈ៣០​​​រសៀល។ រូបថត:​​​ក្រុម​​​សកម្មភាព​​​ជនភៀស​​​ខ្លួន​​​

ប៉ុន្តែ​ក្រុម​ចម្រុះ​សកម្មភាព​ជន​ភៀស​ខ្លួន (Refugee Action Coalition) ជា​ក្រុម​តស៊ូ​មតិ​មាន​មូលដ្ឋាន​នៅ​ទីក្រុង​ស៊ីដនី ដែល​ទាក់ទង​ជាមួយ​អ្នក​នៅ​ប្រទេស​ណូរូ បាន​និយាយ​ថា បុគ្គលិក​ក្រសួង​អន្តោប្រវេសន៍​អូស្ត្រាលី និង​សេវា​តាំង​លំនៅ ជា​ក្រុម​ផ្តល់​សេវា​របស់​អូស្ត្រាលី​នៅ​ណូរូ កំពុង​ប្រឹង​ប្រែង​យ៉ាង​សកម្ម​ដើម្បី​កែ​ប្រែ​បញ្ហា​នេះ។

លោក អៀន រីនទូល អ្នក​នាំ​ពាក្យ​ក្រុម​នេះ បាន​និយាយ​ថា “មាន​សកម្មភាព​ជា​ថ្មី​គួរ​ឲ្យ​កត់​សម្គាល់​លើ​កោះ​ណូរូ ក្នុង​ការ​ព្យាយាម​បញ្ចុះ​បញ្ចូល​ពួកគេ​ឲ្យ​យល់​ព្រម​ទៅ​ប្រទេស​កម្ពុជា។ ប្រហែល​ពីរ​សប្តាហ៍​មុន​នេះ ក្រុម​អន្តោប្រវេសន៍​និង​រៀបចំ​សេវា បាន​និង​កំពុង​ព្យាយាម​បញ្ចុះ​បញ្ចូល​ជន​ភៀស​ខ្លួន ហើយ​ថែម​ទាំង​ប្រើ​គម្រោង​ធ្វើ​សម្ភាស​ដើម្បី​ជំរុញ​ប្រទេស​កម្ពុជា​ជាថ្មី​ទៀត​ផង”។

លោក រីន ទូល បាន​និយាយ​ថា ពួកគេ​ទំនងជា​សំដៅ​លើ​ជន​ភៀស​ខ្លួន​ដែល​នៅ​លើ​កោះ​ណូរូ​តែ​ម្តង និង​សន្យា​ថា​នឹង​មាន​ការ​ជួប​ជុំ​គ្រួសារ​របស់​ពួកគេ​ឆាប់​រហ័ស​នៅ​ប្រទេស​កម្ពុជា ប្រសិនបើ​ពួកគេ​ទទួល​យក​កិច្ចព្រមព្រៀង។

លោក​បាន​និយាយ​ថា ក្រុម​មន្ត្រី​ក៏​កំពុង​បន្ត​ផ្តល់​ប្រាក់​រាប់​ពាន់​ដុល្លារ​ឲ្យ​ជន​ភៀស​ខ្លួន ដែល​ព្រម​មក​ប្រទេស​កម្ពុជា ប៉ុន្តែ​ទទួច​បន្ត​ចែក​ប្រាក់​នេះ “ដើម្បី​ធ្វើ​មិន​ឲ្យ​ពួកគេ​អាច​ពិចារណា​ទៅ​ទីណា​ផ្សេង​បាន​ទេ”។

កាលពី​ខែ​ឧសភា “មណ្ឌល​ព័ត៌មាន​កម្ពុជា” ត្រូវ​បាន​បង្កើត​ឡើង​នៅ​ប្រទេស​ណូរូ នៅ​ទល់​មុខ​ការិយាល័យ​អន្តោប្រវេសន៍​និង​ផ្តល់​សេវា របស់​អូស្ត្រាលី ដើម្បី​ប្រើ​ជា​មណ្ឌល​ធនធាន​សម្រាប់​ជន​ភៀស​ខ្លួន​ដែល​ចាប់​អារម្មណ៍។ លោក រីន ទូល បាន​និយាយ​ថា មណ្ឌល​នេះ​ជា​កុងតឺន័រ​ដឹកជញ្ជូន​លាប​ថ្នាំ​ពណ៌​ស បើក​ទ្វារ​មួយ​ថ្ងៃ​ពីរ​ម៉ោង ស្ថិត​នៅ​ទី​នោះ​នៅ​ឡើយ ប៉ុន្តែ​ទាក់​ទាញ​ការ​ចាប់​អារម្មណ៍​តិច​តួច​ណាស់។

លោក​បាន​និយាយ​ថា លោក​មិន​បាន​ដឹង​អំពី​ជន​ភៀស​ខ្លួន​ផ្សេង​ទៀត​ដែល​បាន​ស្ម័គ្រ​ចិត្ត​មក​ប្រទេស​កម្ពុជា​នោះ​ទេ។

កាលពី​ថ្ងៃ​ព្រហស្បតិ៍ លោក កែម សារិន ប្រធាន​នាយកដ្ឋាន​ជនភៀសខ្លួន​នៃ​អគ្គនាយកដ្ឋាន​អន្តោប្រវេសន៍​ក្រសួង​មហាផ្ទៃ បាន​បញ្ជាក់​ថា មិន​មាន​អ្នក​ស្ម័គ្រ​ចិត្ត​ថ្មី​ទេ ហើយ​រដ្ឋាភិបាល​មិន​មាន​ផែនការ​ធ្វើ​ដំណើរ​ទៅ​ប្រទេស​ណូរូ ដើម្បី​ស្វែងរក​អ្នក​ស្ម័គ្រ​ចិត្ត​ទៀត​ទេ។

ក្រុម​មន្ត្រី​កម្ពុជា​បាន​ធ្វើ​ដំណើរ​ទៅ​ប្រទេស​កោះ​នេះ​បី​លើក ដោយ​រក​បាន​អ្នក​ស្ម័គ្រ​ចិត្ត​ដំបូង​ចំនួន​បួន​នាក់។ រដ្ឋាភិបាល​ក្រុង​កង់ប៊ែរ៉ា​បាន​ប្រាប់​ជន​ភៀស​ខ្លួន​នៅ​ប្រទេស​ណូរូ​ម្តង​ហើយ​ម្តង​ទៀត​ថា ពួកគេ​គ្មាន​ផ្លូវ​នឹង​តាំង​លំនៅ​ក្នុង​ប្រទេស​អូស្ត្រាលី​បាន​ឡើយ។

ក្នុង​ការ​ប៉ុនប៉ង​ធ្វើ​ឲ្យ​ព្រមព្រៀង​ជាមួយ​កម្ពុជា​គួរ​ជា​ទី​ពេញ​ចិត្ត ប្រទេស​អូស្ត្រាលី​បាន​នឹង​កំពុង​ផ្សព្វ​ផ្សាយ “ឯកសារ​ប្រាប់​ព័ត៌មាន” ក្នុង​ចំណោម​ជន​ភៀស​ខ្លួន​នៅ​ណូរូ ដែល​មាន​ទាំង​ព័ត៌មាន​មិន​ពិត​អំពី​ស្ថានការណ៍​នយោបាយ សុខភាព និង​សន្តិសុខ​នៅ​ប្រទេស​កម្ពុជា។

ក្រសួង​អន្តោ​ប្រវេសន៍​អូស្ត្រាលី​មិន​បាន​ឆ្លើយ​តប​សំណើ​សុំ​ការ​ពន្យល់​កាលពី​ថ្ងៃ​អាទិត្យ​អំពី​ការ​ប្រឹង​ប្រែង​ជ្រើសរើស​ថ្មី​បំផុត​នេះ​ទេ ៕ និត (រាយការណ៍​បន្ថែម​ដោយ ឃួន ណារិម)

 

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស