29 C
Phnom Penh

ទោះ​​​បីចៅក្រម​​​ប្រឹង​​​​​​ប្រែងយ៉ាង​​​ណា​​​ ក៏​​​នៅ​​​តែមាន​​​ការ​​​ជ្រៀត​​​ជ្រែ​​​ក​​​នយោបាយ​​​នៅ​​​សាលា​​​ក្តី​​​​​​ខ្មែរ​​​ក្រហម​​​

ដោយ ឌឹ ខេមបូឌា ដេលី

បទវិភាគ

លោក ម៉ាក ហាម៉ុន សហ​​​ចៅក្រម​​​សេីុប​​​អង្កេត​​​អន្តរជាតិ​​​ទី​​​៤​​​នៅ​​​សាលា​​​ក្តី​​​ខ្មែរ​​​ក្រហម​​​បាន​​​ប្រកាស​លា​​​លែងពី​​​​តំណែង​​​នៅ​​​សប្តាហ៍​​​នេះ ដោយ​​​សម្រេច​​​បាន​​​អ្វីៗ​​​ដែល​​​ចៅក្រមមុន​​​ៗ​​​​​​ធ្វើ​​​មិន​បាន​​​​​​​នោះ​​​ គឺ​​​ការ​​​ចេញ​​​ដីកា​​​ចាប់​ខ្លួន​​​នៅ​​​​​​ក្នុង​​​សំណុំ​​​រឿង​​​០០៣ និង​​​០០៤​​​ដែល​​​ត្រូវ​​​បាន​​​​​​ជំទាស់​​​ដោយ​​​រដ្ឋាភិបាល​​​។
ឯកសារ​​​ដែល​​​ត្រូវ​​​បាន​​​ចេញ​​​ផ្សាយ​​​កាល​​​ពី​​​ពេល​​​ថ្មី​​​ៗ​នេះ​​​បង្ហាញ​​​ថា​​​  ទោះ​យ៉ាង​ណា ដីកា​​​ចាប់​ខ​​​្លួន​​​របស់​​ចៅ​​​ក្រម ហាមុ៉ន នេះ​មិន​​​ត្រូវ​​​បាន​​​យក​​​ចិត្ត​​​ទុក​​​ដាក់​​​ពី​​​សំណាក់​​​នគរ​​​បាល​​​ទេ​​​ដោយ​​​​បង្ហាញយ៉ាង​​​​ច្បាស់​​ពី​អ្វី​ដែល​​​​ត្រូវ​​​បាន​​​គេ​​​សន្និដ្ឋាន​​​ជា​​​យូរ​​​មកហើយ​​​ថា រដ្ឋាភិបាល​​​កម្ពុជា​​​គ្មាន​​​ឆន្ទៈ​​​សហ​​​ការ​​​ជាមួយ​​​អង្គការ​​​សហ​​​ប្រជា​​​ជាតិ​​​នៅ​​​ក្នុង​​​ការ​​​ផ្តន្ទាទោស​​​​ជន​​​សង្ស័យ​​​ក្រៅ​​​ ​ពី​​​អ្នក​​​ដែល​​​ត្រូវ​​​បាន​​​កាត់​​​ទោស​​​នា​​​ពេល​​​បច្ចុប្បន្ន​​​ឡើយ​​​។

ប៉ុន្តែ​​​ បើទោះ​ជា​​​​ចៅ​​​ក្រម​​​ដែល​​​នឹង​​​លា​​​លែង​​​ពី​តំណែង​​​រូប​​​នេះ​​​បាន​​​សម្រេច​​​បន្ត​​​ការ​​​សើុប​​​អង្កេត​​​ដោយ​​​ស្ងាត់​​​ៗ​​​​​​ពុំ​​​មាន​​​ការ​​​សហ​​​ការ​​​​​​ពី​​​សំណាក់​​​សមភាគី​​​កម្ពុជា​​​របស់​​​លោក​​​​​​​​​​​ចាប់​​​តាំង​​​ពី​​​លោក​​​មក​​​កាន់​​​ការ​​​ងារ​​​នៅ​​​សាលា​​​ក្តីនេះ​​​កាល​​​ពី​​​ខែ​​​កក្កដា​​​ឆ្នាំ​​​២០១២​​​ក៏​​​ដោយ ក៏អង្គការ​​​សហ​​​ប្រជា​​​ជាតិ​​​​​​​​​នៅតែមិន​​​អើពើ​​​​​​អំពី​​​ភាព​​​អសកម្ម​​​របស់​​​រដ្ឋាភិបាល​​​ដែរ​​​ហើយ ចៅ​​​ក្រម​​​ ហាមុ៉ន បាន​​​លើក​​​ឡើង​​​ពី​​​ហេតុ​​​ផល​​​ផ្ទាល់​​​ខ្លួន​​​ពេល​​​លោក​​​​​​បាន​​​ប្រកាស​​​លា​​​លែង​​​ពី​តំណែង​​​នេះ​​​​​កាល​​​ពី​​​ថ្ងៃ​​​អង្គារ ។

ចៅក្រម​ ម៉ា ហាម៉ុន (អវតក)
ចៅក្រម​ ម៉ាក ហាម៉ុន (អវតក)

យោង​​​តាម​​​អ្នក​​​ឃ្លាំ​​​មើល​​​សាលាក្តីបានឲ្យ​​​ដឹង​​​ថា កេរ​ដំណែល​​​របស់​​​លោក ​​​ហាម៉ុន គឺ​​​ជា​​​អ្នក​​​ដ៏​​​សំខាន់​​​មួួ​យ​​​រូប​​​ដែល​​​ចៀស​វាង​មិន​និយាយ​ពី​ភាព​​​ចម្រូង​​​ចម្រាស​​​​បើ​​​ទោះ​​​ណា​​​ ជា​​​មិន​​​បាន​​ស្វែងរក​​​​ចាប់​​​ខ្លួន​​​ជន​​​សង្ស័យ​​​ក្រៅពី​​​សំណុំ​​​រឿង​​​០០២ក៏ដោយ ក៏លោក​​​​​​​បាន​​​ធ្វើឲ្យ​មាន​​​​ការ​​​វិវឌ្ឍ​​​ទៅ​​​មុខ​​​ក្នុង​​​ពេល​​​មាន​​​ការ​​​ជ្រៀត​​​ជ្រែក​​​ខាងនយោបាយ​​​ផង​​​ដែរ​​​។

លោក​​ស្រី ហីុត​​​ឌ័រ រ៉ាយ​​​អ៊ែន ​​​អ្នក​​​ឃ្លាំ​​​មើល​​​សាលា​​​ក្តី​​​មកពី​អង្គការ​​​គំនិត​​​ផ្តួច​​​ផ្តើម​​​យុត​្តិធម៌​សង្គម​​​សាធារណៈ​​​បាន​​​លើក​​​ឡើង​​​តាម​​​អីុ​​​ម៉េល​​​ថា ” មិន​ដូច​​ចៅក្រម​មុន​ៗ ទេ ខ្ញុំ​​​គិត​​​ថា  ចៅ​ក្រម ហាមុ៉ន នឹ​​ង​​​ត្រូវ​​​គេ​​​ចង​​​ចាំ​​​ថា ជា​​​ចៅ​​​ក្រម​​​សើុប​​​សួរ​​​មួយ​​​រូប​​​ដែល​​​មាន​​​សមត្ថ​​​ភាព​​​បន្ត​​​ការ​​​សើុប​​​អង្កេត​​​សំណុំ​​​រឿង​​​០០៣​​​និង​​​០០៤​​​ឲ្យ​​​​បោះ​​​ជំហាន​​​ទៅ​​​មុខ​​​បាន​​​ប៉ុន្មាន​​​ជំហាន​​​ដែរ​​​”។

យោង​តាម​លោកស្រី រ៉ាយអ៊ែ​ន បាន​ឲ្យ​ដឹង​ថា មិន​​​ដូច​​​លោក ឡូរ៉ង់ ​​​កាស្ពើ​​​អានសឺមេត ​​​ជា​ចៅក្រម​មុន​លោក​ឡើយ​​​​​​​​​លោក ​​​ហាមុ៉ន ​​​រក្សា​ “ការ​គោរព​វិជ្ជាជីវៈ” ​​​​​​ជាមួយ​​​លោក​​​ យូ ​​​ប៊ុនឡេង សហ​​​ចៅក្រម​​​សើុប​​​សួរ​​ខាង​​​ភាគី​​​កម្ពុជា​​​​​​​ ខណៈ​​​ពេល​​​លោក​​​បាន​​​សើុប​​​អង្កេត​​​ជន​​​សង្ស័យ​​​មួយ​​​ចំនួន​​​​​​រួម​​​មាន​​​ មាស ​​​មុត ​​​អតីត​​​មេបញ្ជាកា​រកង​ទ័ព​​​​ជើង​​​ទឹក​​​ខ្មែរ​​​ក្រហម​​​ អឹុម ចែម ចៅហ្វាយ​​​ស្រុក​​​ និង​​​ តា អាន ​​​លេខា​​​រង​​​ភូមិភាគ​​​កណ្តាល​​​។

លោកស្រី​​​បាន​​​ថ្លែង​​​ថា “បើ​​​ទោះ​​​ណា​​​ជា​​​ករណី​​​េនះ អនុញ្ញាត​​​ឲ្យ​​​លោក​​​វិវឌ្ឍ​​​ទៅមុខ​នៅ​​​ក្នុង​​​ការ​​​ស៊ើប​​​អង្កេត​​​ក៏​​​ដោយ ក៏​​​វា​​​មិន​​​បាន​​​ផ្លាស់​​​ប្តូរដើម​​​​​ហេតុពិត​​​​នៃ​​​ការ​​​បដិ​​​សេធ​​​​​​របស់​​​ភាគី​​​កម្ពុជា​​​​​​នៅ​​​សាលាក្តីក្នុងការ​​​​​មិន​​សហការ​​​សើុប​​​អង្កេត​​​ និង​​​មិនមាន​ផល​​​ប៉ះ​​​ពាល់​​​ជាក់​​​ស្តែង​​​​ទៅ​​​លើ​​​ការ​​​ជំទាស់​​​របស់​​​រដ្ឋា​​​ភិបាល​​​កម្ពុជា​​​មិន​​​អនុញ្ញាត​​​ឲ្យ​​​សំណុំ​​​រឿង​​​០០៣ បញ្ចប់​​​ តាម​​​ផ្លូវ​​​ច្បាប់​​បើ​ទោះ​ជា​ភ័ស្តុ​​​តាង​​​​​គាំទ្រ​ការ​ចោទប្រកាន់​​និង​ការ​កាត់ក្តី​ចុង​ចោទ​ម្នាក់​ក្នុង​ចំណោម​ចុង​ចោទ​ជាច្រើន​ទៀតក៏ដោយ​”​​​។

ការ​​​ជំទាស់​​​ជាសាធារណៈ​​​របស់​​​លោក​​​នាយក​​​រដ្ឋ​​​មន្ត្រី ហ៊ុន សែន ទៅនឹង​​​សំណុំ​​​រឿង​​​០០៣​​​ និង​​​០០៤​​​នេះ ត្រូវ​​​បាន​​​លើក​​​ឡើង​​​ជា​​​ថ្មី​​​កាល​​​ពី​​​ខែ​​​កុម្ភៈ​​​ នៅ​​​ពេល​​​លោក​​​បាន​​​និយាយ​​​អំពី​​​ការ​​​ពង្រីក​​​វិសាលភាព​​​​សាលា​​​ក្តី​​​ហួស​​​ពី​​​សំណុំ​​​រឿង​​​០០២​​​ប្រឆាំង​​​នឹង​​​លោក​​​នួន ជា (បងធំ​​​ទី​​​២) និង​​​លោក ​​​ខៀវ ​​​សំផន ​​​ប្រមុខ​​​​​​រដ្ឋ​​​សម័យ​​​ខ្មែរ​​​ក្រហម នឹង​​​បង្ខំ​​​ឲ្យ​​​ប្រជា​​​ជន​​​​​​​”រត់​​​ចូល​​​​​​​​ព្រៃ​”​​។

កាល​​​ពី​​​ឆ្នាំ​​​២០០៩​​​ លោក​​​នាយក​​​រដ្ឋ​​​មន្ត្រី​​​បាន​​​ទស្សន៍ទាយ​​​ថា ករណី​​​ទាំង​​​នេះ​​​អាច​​​ធ្វើ​​​ឲ្យ​​​ប្រទេស​​​កម្ពុជា​​​ធ្លាក់​​​ចូល​​​សង្គ្រាម​​​ស៊ីវិល ដែលអាច​​​​​​​សម្លាប់​​​មនុស្ស​​​អស់​​​​”២០០.០០០​​​ទៅ​​​៣០០.០០០នាក់​​​”។
លោក​​​ស្រី រ៉ាយអ៊ែន ​​​បាន​​​មាន​​​ប្រសាសន៍​​​ថា ការ​​​បដិសេធមិន​លើកឡើង​ជាសាធារណៈ​​​​​​​របស់អង្គការ​​​សហប្រជា​​​ជាតិ​​​ ពី​​​ការ​​​ជ្រៀត​​​ជ្រែក​​​នយោបាយ​​​នេះ​​​​​​បាន​​​ធ្វើ​​​ឲ្យ​​​មាន​​​ការ​​​ចាប់​​​អារម្មណ៍​​​ថា វា​​​ត្រូវ​​​បាន​​​បោក​​​ប្រាស់​​​ដោយ​​​រដ្ឋាភិបាល​​​កម្ពុជា​​​។

លោកស្រី រ៉ាយ​​​អ៊ែន បាន​​​ថ្លែង​​​ថា “ដោយ​​​សារ​​​សកម្មភាព​​​កំពុង​​​តែ​​​បន្ត​​​របស់​​​ភាគី​​​កម្ពុជា​​​នៅ​​​សាលា​​​ក្តី​​​ និង​​​រដ្ឋាភិបាល​​​កម្ពុជា​​​ទាក់ទង​​​សំណុំ​​​រឿង​​​០០៣ និង​​​០០៤​​​នោះ វា​​​ពិបាក​​​រក​​​ឲ្យ​​​ឃើញ​​​ថា​​​ តើ​​​អង្គការ​​​សហប្រជា​​​ជាតិ​​​ ឬប្រទេស​​​ផ្តល់​​​ជំនួយ​​​ជឿ​​​ថា​​​ ភាគី​កម្ពុជា​​​នឹង​​​​ផ្លាស់​​​ប្តូរ​​ចិត្ត​្ត​របស់ខ្លួន​ត្រង់​ចំណុច​​​មួយ​​​ចំនួន ហើយ​​​ចាប់​​​ផ្តើម​​​សហការ​​​ជាមួយនឹង​​​​ការ​បោះ​ជំហាន​ទៅមុខ​ជាមួយ​សំណុំរឿងនានា​​​​ ឬ​​​យ៉ាង​​​ណា​​​នោះ​ ។

លោកស្រី​​​បាន​​​បន្ថែម​​​ថា ប្រសិន​​​បើ​​​ផែន​​​ការ​​​របស់​​​​​​អង្គការ​​​សហ​​​ប្រជា​​​ជាតិ​​​ពេញ​​​ចិត្ត​​​នឹង​​​ការ​​​សើុប​​​អង្កេត​​​ ហើយ​​​មិន​​​បារម្ភ​​​ថា តើ​​​ភាគី​កម្ពុជា​​​អាច​​​ទប់​​​ស្កាត់​​​ការ​​​កាត់​​​ក្តីចុង​​​ចោទ​​​ណា​​​មួយ ដែល​​​អាច​​​ត្រូវ​​​បាន​​​ចោទ​​​ប្រកាន់​​​ឬយ៉ាង​​​ណា​​​នោះ ក៏​​​ពួក​​​គេ​​​ត្រូវ​​​ចាប់ផ្តើម​​​រៀប​​​ច​​​ំ​​​ផែនការ​​​ពី​​​ឥឡូវនេះ​​​​ទៅ ហើយ​​​ត្រូវ​​​ស្មោ​​​ះត្រង់​​​ជាមួយ​​​ប្រជា​​​ជន​​​កម្ពុជា​​​អំពី​​​​អ្វី​​​ដែល​​​ពួក​​​គេ​​​កំពុង​​​ធ្វើដែរ”។

លោកស្រី​ អាន ហេនដេល សហអ្នក​​​និពន្ធ ​​​សៀវ​​​ភៅ​​​ដែលមាន​​​ចំណង​​​ជើង​​​ថា ​​​”យុត្តិ​​​ធម៌​​​កូន​​​កាត់​​​៖អង្គ​​​ជំនុំជម្រះ​​​វិសាមញ្ញ​​​ក្នុង​​​តុលាការ​​​កម្ពុជា​​​”​​​ បាន​​​លើក​​​ឡើង​​​ថា ការ​​​ជ្រៀតជ្រែក​​​របស់​​​រដ្ឋាភិបាល​​​ត្រូវ​​​គេ​​​មើល​​​ឃើញ​​​តាំង​​​ពី​​​ចាប់​ផ្តើម​បង្កើត​​​សាលា​​​ក្តីមក​​​ម្លេ៉ះ​​​ដែល​​​វិធាន​​​មួយ​ចំនួន​អនុញ្ញាត​​​ឲ្យ​​​ចៅ​​​ក្រម​​​សេីុប​​សួរ​​​ខាង​ភាគី​អន្តរជាតិ​បន្ត​​​ដោយ​​​គ្មាន​​​ការ​​​យល់​​​ព្រម​​​ពី​​​សហសេវិក​​​ខាង​ភាគី​កម្ពុជា​របស់​​​ខ្លួន​​​។

យោង​​​តាម​​​លោក​​​ស្រី ហេនដេល ដែល​​​ជា​​​ទី​​​ប្រឹក្សា​​​ច្បាប់​​នៅ​មជ្ឈមណ្ឌល​​​ឯកសារ​​​កម្ពុជា​​​ផងដែរ​បាន​​​ឲ្យ​​​ដឹង​​​ថា បញ្ហា​​​​នេះ​​​នាំ​​ឲ្យ​ការ​​​ជ្រៀត​​​ជ្រែកខាង​​​​​​នយោបាយ​​​ក្លាយ​​​ជា​​​ការ​​​ពិត​​​នៅ​​​ក្នុង​​​សាលាក្តី​​​នេះ​​​។

លោក​​​ស្រី​​​បាន​​​លើក​​​ឡើង​​​នៅ​​​ក្នុង​​​អីុ​​​ម៉េល​​​​​​ថា “តាម​​​ច្បាប់ ​​​វា​​​អនុញ្ញាត​​​ឲ្យ​​​មាន​​​ការ​​​សើុប​​​អង្កេត​​​សុំ​​​ណុំ​​​រឿង​​​០០៣ និង​​​០០៤​​​ពី​សំណាក់​​​​អន្តរជាតិ​​​តែមួយ​គត់​រយៈ​​​ពេល​​​ជា​​​ច្រើន​​​ឆ្នាំ​​​ក្នុង​​​ ពេល​​​​​​ដែល​​​មាន​​​ការ​​​ជំទាស់​​​ពី​​​ភាគី​​​កម្ពុជា​​​។ ​​​ប៉ុន្តែ និយាយ​​​ជាក់ស្តែង​ វិធាន​​​ទាំង​​​នោះ​​​មិន​​​​​​អាច​​​រារាំង​​​ការ​​​ជំទាស់​​​ពីភាគី​​​កម្ពុជា​​​បាន​​​ទេ ដូច​ដែល​គេ​ឃើញ​ការ​បរាជ័យ​របស់​នគរ​​​បាល​យុត្តិធម៌​មិន​អនុវត្ត​ដីកា​ចាប់​ខ្លួន​​​ជា​​​ដើម​”។

លោកស្រី​​​ ហេនដេល បាន​​ចាត់ទុក​​​​ចៅ​​​ក្រម​​​ ហាមុ៉ន ថា ជា​​​ “អ្នក​​​ដែល​​​ត្រូវ​​​បាន​​​តែង​​​តាំង​​​ដ៏​​​ស័ក្តិ​​​សមបំផុត​​​របស់​​​អង្គការ​​​សហ​​​ប្រជា​​​ជាតិ​​​” ដែល​​​លោក​​​អាច​​​ដំណើរ​​​ការ​​​សេើុប​​​ករណ​​​ី​​​ ដ៏​​​ចម្រូង​​​ចម្រាស​​​ដោយ​​​មិន​​​ងាកចេញ​ពី​​​សំណុំ​​​រឿង​​​០០២​​​ដ៏​​​សំខាន់​​​របស់​​​សាលា​​​ក្តី​​​ដែល​​​នៅ​​​ក្នុង​​​នោះ​​​ លោក នួន​​​ ជា និង​​​លោក ខៀវ ​​​សំផន ​​​ត្រូវ​​​បាន​​​ផ្តន្ទាទោស​​​ឲ្យជាប់​​​ពន្ធ​​​នាគារ​​​អស់​​​មួយ​​​ជីវិត​​​កាល​​​ពីឆ្នាំ​​​មុន​​​ពីបទ​​​ឧក្រិដ្ឋ​​​កម្ម​​​ប្រឆាំង​​​​​​មនុស្ស​​​ជាតិ។

លោកស្រី​ បាន​មាន​ប្រសាសន៍ថា​”គោល​ដៅ​ចម្បង​របស់​អង្គការ​សហ​ប្រជាជាតិ​ គឺ​ចង់​ឲ្យ​សាលាក្តី​បញ្ចប់​សំណុំ​រឿង​០០២​និង​ចៀស​វាង​កុំ​ឲ្យ​មាន​​រឿង​អាស្រូវ​ដែលអាច​រារាំង​ដល់សំណុំ​ដែល​សំខាន់ ​ហើយអំឡុង​ពេល​កាន់​តំណែង​ប្រកបដោយ​ភាព​​ស្ញៀមស្ងាត់​​របស់ចៅក្រម​ហាម៉ុន​បាន​ជួយ​សាលាក្តី​​ក្នុង​ការ​គ្រប់គ្រង​កុំឲ្យ​មាន​​ការ​ចោទ​ប្រកាន់​កាន់តែ​​ច្រើន​ឡើង​​​ទាក់ទិន​នឹង​ការ​​ជ្រៀត​ជ្រែក​ផ្នែក​នយោបាយ​​ក្នុងសំណុំ​រឿង​០០៣​ និង​០០៤​ ដែល​អាច​ធ្វើ​ឲ្យ​គេ​មិន​យក​ចិត្ត​ទុកដាក់​លើ​ការ​កាត់​ក្តី​មេដឹកនាំ​កំពូលៗ”។

លោក ឡាស​ អូលសេន អ្នកនាំពាក្យ​សាលា​​​ក្តី​​​ បាន​បដិសេធ​មិន​ធ្វើ​​អត្ថា​​​ធិប្បាយ​លើការ​ងារ​របស់លោក​ ហាម៉ុន​ ក្នុង​​​រយៈពេលបីឆ្នាំ​កន្លងមកនេះ​ឬកេរដំណែល​​​​អ្វីដែលលោក​បានបន្សល់ទុក​​​សម្រាប់សាលា​​​ក្តី​​​នេះឡើយ។​​

លោក​ មៃ៉ឃើល​ កាណាវ៉ាស​ មេធាវី​ការពារ​ ក្តី​​របស់​លោក​ មាស​ មុត​ ដែលកាលពីខែមុន​​​បានចាត់​ទុក​ការ​​​សម្រេច​​​​​ចោទ​ប្រកាន់​កូន​​​ក្តី​​​របស់​លោកថា ​”ពុំ​ត្រឹម​​ត្រូវ” ​នោះ​ បានរិះ​គន់​​​​ចំពោះការស៊ើប​អង្កេត​របស់​ចៅក្រម​​​ ហាម៉ុន​​​ ​​ថា​មាន​ភាព​លាក់​​​​​​បាំង​និង​ខ្វះ​តម្លា​ភាព។

លោក​ កាណាវ៉ាស បានមាន​ប្រសាសន៍ថា​​​      ​”​លោក​ ហាម៉ុន​ ពិតជាខិតខំធ្វើការមែន​​ ប៉ុន្តែ ខិត​​​ខ​​​ំលើ​បញ្ហាអ្វី?។​ តាម​ការ​យល់​ឃើញ​របស់ខ្ញុំ​​​ គាត់បានធ្វើលើសពីតួនាទី​ជាព្រះរាជ​អាជ្ញា​ ហើយពុំសូវ​​គោរព​តួនាទី​ជា​ចៅក្រៅ​ស៊ើប​សួរ​ឡើយ។​គាត​់បាន​បដិសេធ​មិន​ឲ្យ​យើង​ទទួលបាន​ព័ត៌មាន​អំពីសំណុំ​​នេះ​ជា​​​ច្រើន​​​​ឆ្នាំ​មក​ហើយ​ ហើយ​មិនសូវ​ជាឆ្លើយ​តប​​នូវអ្វី​ដែល​យើង​បានដាក់​ជូន​ឡើយ​ ព្រម​ទាំង​ធ្វើការ​​​ស៊ើប​អង្កេត​ដោយ​ខ្លះ​តម្លា​ភាព​ទៀតផង​​”​។​

ដោយ​លោក​ ហាម៉ុន​បានលាលែង​ពី​​តំណែង​​​​ចំពេល​ដែលគេ​មិន​យកចិត្ត​ទុក​ដាក់ចំពោះ​ដីកា​ចាប់ខ្លួននោះ​ អនាគត​នៃ​​​សំណុំរឿង​០០៣​​និង​០០៤​​នៅតែ​មាន​ភាព​​មិន​ច្បាស់​​លាស់។​លោកស្រី ហេន​ដេល​ បាន​អំពាវ​នាវ​ឲ្យ​​ម្ចាស់​​ជំនួយ​​ដើរតួនាទី​សំខាន់​បន្ថែម​ទៀត​​ក្នុងការ​ជំរុញ​​ឲ្យ​អង្គការ​សហ​​ប្រជាជាតិ​​សំដែង​ការ​ជំទាស់​​​នឹង​ការ​ជ្រៀត​ជ្រែក​ផ្នែក​នយោបាយ។​

លោកស្រី​ ហេនដេល ​បាន​មាន​​​ប្រសាសន៍ថា​”​ខ្ញុំជឿជាក់ថា​អង្គការសហ​ប្រជាជាតិ​នឹង​​​មិន​ដក​ថយ​ឡើយ ព្រោះខ្លួននិង​ម្ចាស់​ជំនួយ​​បាន​ចំណាយប្រាក់​និង​ទុន​​ផ្នែក​នយោបាយ​យ៉ាង​​​​ច្រើន​ដើម្បី​​កុំ​ឲ្យ​សាលាក្តី​​​នៅ​​​ជាប់​​​គាំង​​​”។

លោកស្រីបានមានប្រសាសន៍​បន្ថែមថា​”[ម្ចាស់​ជំនួយ​]​គឺជាអ្នក​ផ្តល់​មូលនិធិ​ដល់​សាលាក្តី​​​ ហើយ​ពួកគេ​គួរតែ​ទទូច​​ឲ្យអង្គការ​សហ​​​​ប្រជាជាតិ​ស៊ើប​អង្កេត​ថា តើ​ហេតុ​​​អ្វី​​​បាន​ជាគេ​មិន​អនុវត្ត​ដីកាចាប់​ខ្លួន​ ហើយ​បែរជា​ទទួល​​យក​ភាព​អសកម្ម​​របស់​កម្ពុជា​ដោយ​បើក​ប្រាក់​បៀវត្ស​រ៍ឲ្យ​សហ​ចៅក្រម​ស៊ើបសួរអន្តរជាតិ​ទី​៥​ដែលគ្មាន​អំណាច​ទៅវិញ​”៕ ​សារុន​ និង ស៊ុយឈាង

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស