30 C
Phnom Penh

ពេទ្យធ្មេញគ្មានអាជ្ញាប័ណ្ណ គេចខ្លួនបន្ទាប់ពីប្លន់សម្លាប់អ្នកជំងឺ

ដោយ ឌឹ ខេមបូឌា ដេលី

បទវិភាគ

​មន្ត្រី​​​មួយ​​​រូប​​​បាន​​​និយាយ​​​កាល​​​ពី​​​ម្សិល​​​មិញ​​​ថា នគរ​​​បាល​​​កំពុងតាម​​​ចាប់​​​ខ្លួន​​​ពេទ្យ​​​ធ្មេញ​​​គ្មាន​​​អាជ្ញាប័ណ្ណម្នាក់​​​​​​​​​អាយុ​​​២៦​​​ឆ្នា​​​ំ​​​នៅ​​​ខេត្ត​​​​​​ត្បូងឃ្មុំ​​​ ដែល​​​គេ​​​គិត​​​ថា បាន​​​ប្រើ​​​ខ្សែ​​​រឹត​​​ក​​​អ្នក​​​ជំងឺ​​​ម្នាក់​​​​​​រហូត​​​ដល់​​​ស្លាប់​​​នៅ​​​គ្លីនិក​​​របស់​​​ខ្លួន​​​ ដើម្បី​​​ប្លន់​​​យក​​​គ្រឿង​​​អលង្ការ​​​ និង​​​ម៉ូតូ​​​របស់​​​អ្នក​​​ជំងឺ​​​ រួម​​​ជា​​​មួយ​​​នឹង​​​ប្រាក់​​​ប្រហែល​​​៣.០០០ដុល្លារ​​​។

យោង​​​តាម​​​លោក ប៉េស ចំរើន​​​ នាយ​​​ប៉ុស្តិ៍​​​បាន​​​​​​ឲ្យ​​​​​​ដឹ​​​ង​​​ថា សព​​​​​​អ្នក​​​ស្រី​ ឡៃ សំអាន អាយុ​​​៤០​​​​​​ឆ្នាំ​​​ ត្រូវ​​​បាន​​​គេ​​​រក​​​ឃើញ​​​ច្រក​​​ក្នុង​​​បាវ​​​នៅ​​​ខាង​​​ក្នុង​​​បន្ទប់​​​មួយ​​​នៅ​​​គ្លីនិក​​​របស់ ហ៊ុយ សេង ក្នុង​​​ឃុំ​​​ដា ស្រុម​​​មេមត់​​​ នៅម៉ោង​​​ប្រហែល​​​៧​​​យប​​​់​​​ថ្ងៃ​​​អាទិត្យ​​​។

លោក​​​ ចំរើន បាន​​​និយាយ​​​​​​សំដៅ​​​ដល់​​​លទ្ធភាព​​​ដែលឈ្មោះ​​​ សេង បាន​​​ឲ្យ​​​ថ្នាំ​​​ស្ពឹក​​​លើស​​​កម្រិត​​​ទៅជន​​​រង​​​គ្រោះ​​​ថា “ ការ​​​សន្និ​​​ដ្ឋាន​​​ដំបូង​​​របស់​​​យើង​​​គឺ​​​ថា ប្រហែលជា​​​ជន​​​សង្ស័យ​​​ខ្លាច​​​ បន្ទាប់​​​ពី​​​អ្នក​​​ជំងឺ​​​ស្រែក​​​ឡើង​​​នៅ​ពេល​​​ដែល​​​អ្នក​​​ជំងឺ​​​ប្រតិកម្ម​​​យ៉ាង​​​ខ្លាំង​​​ទៅ​​​នឹង​​​ថ្នាំ​​​​​​លើស​​​កម្រិត​​​ច្រើន​​​ពេក​​​​​​ ហើយជន​​​សង្ស័យ​​​ក៏រឹត​​​ក​​​សម្លាប់​​​អ្នក​​​ជំងឺ​​​​​​​​​តែ​​​ម្តង​​​”។

បន្ទាប់​​​​​​ពី​​​ការ​​​ពិនិត្យ​​​សព​​​អ្នក​​​ស្រី​​​ ឡៃ សំអាន លោក​​​បាន​​​និយាយ​​​ថា ក្រុម​​​នគរ​​​បាល​​​សើុប​​​អង្កេតមក​​​ពី​​​​​​ថ្នាក់​​​ឃុំ​​​ ស្រុក​​​ និងថ្នាក់​​​ខេត្ត​​​បាន​​​កំណត់​​​ថា ជន​​​រង​​​​​​គ្រោះ​​​ត្រូវ​​​បាន​​​រឹ​​​តក​​​សម្លាប់​​​ដោយ​​​ខ្សែ​​​​​​វែង​​​​​​។

លោក ចំរើន បាន​​​និយាយ​​​ថា “យើ​​ង​​​រក​​​មិនឃើញ​​​​​​ខ្សែ​​​ណា​​​មួយ​​ជា​​​ភ័ស្តុតាង​​​ទេ​​​ ប៉ុន្តែ យើង​​​អាច​​​សន្និដ្ឋានបាន​​​​​​ថា ជនសង្ស័យ​​​​​​បាន​​​សម្លាប់​​​អ្នក​​​ជំងឺ​​​ដោយ​​​ការ​​​រឹត​​​ក​​​… ដោយ​​​ប្រើ​​​ខ្សែ​​​ ពីព្រោះ​​​យើង​​​បាន​​​ឃើញ​​​ស្នាម​​​ជាំ​​​ជុំវិញ​​ក​​​ជន​​​រងគ្រោះ​​​”។ លោកបាន​​​បន្ថែម​​​ថា ដោយ​​​សារ​​​តែក្រុម​​​អ្នក​​​សើុប​​​អង្កេត​​​នៅ​​​​​​ពេល​​​នោះ​​​រក​​​មិន​​​ឃើញ​​​ភ័ស្តុតាង​​​ណា​​​មួយ​​​​​​បញ្ជាក់​​​ថា ស្ត្រី​​​នោះ​​ត្រូវ​​​បាន​​​គេ​​​ដាក់​​​ថ្នាំ​​​ស្ពឹក​​​ ឬ​​​​​​បាន​​​ធ្វើ​​​ធ្មេញ​​​​​​ឡើយ​​​ មុន​​​ពេល​​​គាត់​​​ស្លាប់​​​ ​​​។

លោក​​​បាន​​​និយាយ​​​ថា “ការ​​​សន្និដ្ឋាន​​​ទី​​​២​​​របស់​​​យើង​​​គឺ​​​ថា នេះ​​​ជា​​​អំពើ​​​ប្លន់​​​ ពីព្រោះ​​​នគរ​​​បាល​​​បាន​​​ទទួល​​​សេចក្តី​​​រាយការណ៍​​​ពី​​​អ្នក​​​ជិត​ខាង​​​គ្លីនិក​​​នេះ​​​ថា ​​​ ឈ្មោះ​​​ សេង បាន​​​ចាញ់​​​ល្បែង​​​អស់​​​ប្រាក់​​​យ៉ាង​​​ច្រើន​​​”។ លោក​​​បាន​​​បន្ថែម​​​ថា ឈ្មោះ សេង គ្មាន​​​​​​​​​អាជ្ញាប័ណ្ណ​​​បើក​​​កន្លែង​​​ធ្វើ​​​ធ្មេញ​​​ទេ​​​។

លោក ចំរើន បាន​​​ឲ្យ​​​ដឹង​​​ទៀត​​​ថា ឥឡូវ​​​នេះ​​​ នគរ​​​បាល​​​កំពុង​​​ស្វែង​​​រក​​​ចាប់​​​ជន​​​សង្ស័យ​​​ដែល​​​បាន​​​រត់​​​គេច​​​ខ្លួន​​​បាត់​​​ទៅ​​​ហើយ​​​។

លោក​​​ ឆេង ប៊ុនរ៉ា អភិបាល​​​ស្រុក​​​មេមត់​​​​​​និយាយ​​​ថា ឈ្មោះ​​​ សេង បាន​​​ប្រកប​​​​​មុខ​​​របប​​​​​​ជា​​​ពេទ្យ​​​ធ្មេញ​​​​​​​​​ក្នុង​​​តំបន់​​​នេះ​​​អស់​​​រយៈ​​​ពេល​​​ប្រហែល​​​ពីរ​​​ឆ្នាំ​​​ហើយ​​​ ប៉ុន្តែ​​​ថា លោក​​​មិន​​​បាន​​​​​​ដឹង​​​អ្វី​​​​​ផ្សេង​​​ទៀត​​​ទេ​​​អំពី​​​ជន​​​សង្ស័យ​​​នេះ​​​។

លោក ចំរើន បាន​​​និយាយ​​​ថា លោក ឆន​​​ វី ជា​​​ប្តី​​​របស់អ្នកស្រី​​​ ឡៃ សំអាន បាន​​​ប្រាប់​​​​​​នគរ​​​បាល​​​ថា មុន​​​ពេល​​​ភរិយា​​​របស់​​​លោកស្លាប់​​​​​​ គាត់​​​​​​មាន​​​លុយ​​​ប្រហែល​​​៣.០០០ដុល្លារ​​​ជាប់​​​នឹង​​​ខ្លួន​​​​​​សម្រាប់ចំណាយលើ​​​​​​សម្ភារ​​​​​​ចម្ការ​​​ម្រេច​​​​​​​​​របស់​​​ខ្លួន​​​។ ប៉ុន្តែ ក្រោយ​​​ពី​​​ការ​​​ពិនិត្យ​​​សព​​​ នគរ​​​​​​បាល​​​បាន​​​រក​​​ឃើ​​​ញ​​​ប្រាក់​​​​​ដុល្លារ​​​តែ​​​៥១៣​​​ដុល្លារ​​​ប៉ុណ្ណោះ និង​​​ប្រាក់​ខ្មែរ​​​​​​​​៥៩០.០០០​​​រៀល​​​​​​ក្នុង​​​កាបូប​​​របស់​​​គាត់​​​។

នាយប៉ុស្តិ៍​​​​​​បាន​​​និយាយ​​​ថា ស្វាមី​​​ក៏​​​បាន​​​ប្រាប់​​​ នគរ​​​បាល​​​ដែរ​​​ថា អ្នក​​​ស្រី ឡៃ សំអាន ​​​ មាន​​​ពាក់​​​​​​ខ្សែ​​​ក ចិញ្ចៀន ខ្សែ​​​ដៃ និង​​​ក្រវិល សរុប​​​​​​ប្រហែល​​​​​​៧​​​ជី​​​មាស​​​ និង​​​៦​​​ជី​​​ប្លាទីន​​​ ដែល​​​បាន​​​បាត់​​​ដែរ ​​​នៅ​​​ពេល​​​​​​គេ​​​បាន​​​រក​​​ឃើញ​​​ជន​​​រង​​​គ្រោះ​​​។

នៅ​​​ពេល​​​អ្នក​​​កាសែត​​​បាន​​​ហៅ​​​ទូរស័ព្ទ​​​លេខ​​​របស់​​​លោក វី ដែល​​​ផ្តល់​​​ឲ្យ​​​​​​ដោយ​​​នគរ​​​បាល​​​ បុរស​​​ម្នាក់​​​ដែលប្រាប់​​​ថា ខ្លួន​ឈ្មោះ​​​​ ឡៃ ម៉េង​​​ហុង អាយុ​​​៣២ជា​​​ប្អូន​​​ប្រុស​​​របស់​​​ជន​​​រង​​​គ្រោះ​​​បាន​​​និយាយ​​​ថា បង​​​ថ្លៃ​​​របស់ខ​​​្លួន​​​​​​មាន​​​ទុក្ខ​​​ធំ​​​​​​ណាស់​​​មិន​​​អាច​​​និយាយ​​​អ្វី​​​បាន​​​ទេ​​​។

លោក​​​ ម៉េង​​​ហុង បាន​​​និយាយ​​​ថា បង​​​ស្រី​​​របស់​​​លោក​​​ ដែល​​​លោក​​​បាន​​​រស់​​​នៅ​​​ជា​​​មួយ​​​​​​ បាន​​​ទៅ​​​គ្លីនិក​​​របស់​​​ឈ្មោះ​​​ សេង ចំនួនពីរ​​​លើក​​​ ​​​ដើម្បី​​​ដាក់​​​ធ្មេញ​​​​​​។ លោក​​​បាន​​​បន្ថែម​​​ថា អ្នក​​​ជិត​​​ខាង​​​បាន​​​ប្រាប់​​​លោក​​​ថា មុន​​​ពេល​​​បងស្រី​​​របស់​​​លោក​​​​​​បាន​​​ចាកចេញ​​​ទៅ​​​គ្លីនិក​​​នេះ​​​ បងស្រី​​​របស់​​​លោក​​​បាន​​​ឮ​​​លោក សេង ទូរស័ព្ទ​​​ហៅ​​​បងស្រី​​​របស់​​​លោក​​​​​​ម្តង​​​ហើយ​​​ម្តង​​​ទៀត​​​ និង​​​បាន​​​ស្នើ​​​ឲ្យ​​​គាត់​​​ទៅ​​​បង្ហើយ​​​ការ​​​ដាក់​​​ធ្មេញ​​​។

លោក​​​ ម៉េងហុង បាននិយាយ​​​ថា “ បង​​​ស្រី​​​ របស់​​​ខ្ញុំ​​​មិន​​​ចង់​​​ទៅ​​​ទេ​​​ ពីព្រោះ​​​គាត់​​​រវល់​​​ ប៉ុន្តែ ពេទ្យ​​​ធ្មេញ​​​នេះចេះ​​​តែ​​​ទូរស័ព្ទ​​​ហៅ​​​គាត់​​​។ អ្នក​​​ជិត​​​ខាង​​​របស់​​​ខ្ញុំ​​​បាន​​​ឮ​​​បងស្រី​​​ខ្ញុំ​​​និយាយ​​​​​​ជា​​​មួយ​​​ពេទ្យ​​​ធ្មេញ ហើយ​​​បន្ទាប់​​​មក​​​បាន​​​ឃើញ​​​បងស្រី​​​របស់​​​ខ្ញុំ​​​ជិះម៉ូតូ​​​ចេញ​​​ទៅ​​​ជួប​​​ពេទ្យ​​​ធ្មេញ​​​នោះ​​​​”។

លោក​​​ ម៉េង​​​ហុង បាននិយាយ​​​ថា នៅ​​​ពេល​​​ មិន​​​ឃើញ​​​អ្នក​​​ស្រី ឡៃ សំអាន ​​​ត្រឡប់​​​មក​​​ផ្ទះ​​​វិញ​​​ លោក​​​បាន​​​ទូរស័ព្ទ​​​ទៅ​​​ឈ្មោះ​​​​​​ សេង នៅ​​​ម៉ោង​​​ប្រហែល​​​៥ និង​​​៣០​​​នាទី​​​ល្ងាច​​​។

លោក​​​បាន​​​និយាយ​​​ថា “ ខ្ញុំ​​​​​​បាន​​​ទូរស័ព្ទ​​​ហៅ​​​ពេទ្យ​​​ធ្មេញ​​​ដើម្បី​​​សួរ​​​ថា បងស្រី​​​របស់​​​ខ្ញុំ​​​នៅ​​​ទីណា​​​ ហើយ​​​គាត់​​​បាន​​​និយាយ​​​ថា បងស្រី​​​របស់​​​ខ្ញុំ​​​បាន​​​ត្រឡប់​​​ទៅ​​​ផ្ទះ​​​វិញ​​​ហើយ​​​។ ខ្ញុំ​​​បាន​​​សួរ​​​គាត់​​​ ’អ៊ីចឹង​​​​​​អ្នក​​​នៅ​​​ឯណា​​​?’ ។ ពេទ្យ​​​ធ្មេញ​​​រូប​​​នេះ​​​បាន​​​និយាយ​​​ថា “ ខ្ញុំ​​​នៅ​​​​​​ខេត្ត​​​​​​កំពង់​​​ចាម​​​”។

បន្ទាប់​​​ពី​​​ការ​​​ស្វែង​​​រក​​​បង​​​ស្រី​​​នៅ​​​ផ្សារ​​​ និង​​​ហាង​​​លក់​​​ដូរ​​​ក្បែរ​​​ៗ​​​នោះ​​​ លោក ម៉េង​​​ហុង បាន​​​និយាយ​​​ថា លោក​​​បាន​​​ទៅ​​​គ្លីនិក​​​នោះ​​​។ លោក​​​បាន​​​និយាយ​​​ថា នៅខាង​​​ក្រៅ​​​​​​គ្លីនិក​​​​​​ ស្ត្រី​​​ម្នាក់​​​បាន​​​ប្រាប់​​​លោក​​​ថា គាត់​​​​​​បាន​​​ឃើញ​​​ឈ្មោះ​​​ សេង ជិះ​​​ម៉ូតូ​​​របស់​​​បងស្រី​​​លោក​​​​​​ចេ​​​ញ​​​​​​ទៅ​​​នៅ​​​ម៉ោង​​​ប្រហែល​​​៤ល្ងាច​​​។

លោក​​​បាន​​​និយាយថា “ ខ្ញុំ​​​មាន​​​អារម្មណ៍​​​ថា បង​​​ស្រី​​​របស់​​​ខ្ញុំ​​​ស្ថិត​​​នៅ​​​ខាង​​​ក្នុង​​​​​​​​​គ្លីនិក​​​ធ្វើ​​​ធ្មេញ​​​នោះ​​​ ដូច្នេះ​​​យើង​​​បាន​​​ប្តឹង​​​ទៅ​​​នគរ​​​បាល​​​​​​។ នេះ​​​គឺ​​​ជា​​​អំពើ​​​ប្លន់​​​ ពីព្រោះ​​​​​​ពេទ្យ​​​ធ្មេញ​​​នេះ​​​​​​បាន​​​មើល​​​ឃើញ​​​ថា បងស្រី​​​របស់​​​ខ្ញុំ​​​​​​មាន​​​ប្រាក់​​​ច្រើន​​​”៕និត​​​

 

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស