37 C
Phnom Penh

នគរ​​​បាល​​​អាំង​​​ទែប៉ូល​​​ស្វែង​​​រក​​​ចាប់​​​ឧកញ៉ា សុខ ប៊ុន នៅក្រុង​​​ប៉ារីស​​​

ដោយ ឌឹ ខេមបូឌា ដេលី

បទវិភាគ

យោង​​​តាម​​​ការិយាល័យ​​​​​​នគរ​​​បាល​​​អាំង​​​ទែប៉ូល​​​កម្ពុជា​​​ឲ្យ​​​ដឹង​​​ថា ឧកញ៉ា​​​អចលនទ្រព្យ​​​ លោក​​​ សុខ ប៊ុន បាន​​​ធ្វើ​​​ដំណើរ​​​តាម​​​យន្តហោះ​​​ពីប្រទេស​​​សិង្ហបុរី​​​ទៅ​​​​​​កាន់​​​ក្រុង​​​ប៉ារីស​​​កាល​​​ពីថ្ងៃ​​​អង្គារ ហើយ​​​ឥឡូវ​​​នេះ​​​នគរបាល​​​​​​អាំង​​​ទែប៉ូល​​​កំពុង​​​តែ​​​ស្វែង​​​រក​​​ចាប់​​​ខ្លួន​​​គាត់​​​។

និវេទន៍​​​ក្រហម​​​របស់​​​អាំងទែប៉ូល​​​ឥឡូវ​​​នេះ​​​ត្រូវ​​​បាន​​​ចេញ​​​ដើម្បី​​​ចាប់​​​ខ​​​្លួន លោក សុខ ប៊៊ុន ដែល​​​គេ​​​ឃើញ​​​តាម​​​វីដេអូឃ្លីប​​​កាល​​​ពី​​​ដើម​​​ខែ​​​នេះ​​​ បាន​​​វាយ​​​ដំ​​​ច្រំធាក់​​​​​​យ៉ាង​​​ឃោរឃៅ​​​លើ​​​ពិធីការិនី​​​ទូរទស្សន៍ ឯក សុជាតា គឺ​​​មាន​​​ន័យ​​​ថា រដ្ឋ​​​ជា​​​សមាជិក​​​នគរ​​​បាល​​​អាំងទែប៉ូល​​​ទាំង​​​១៩០​​​រដ្ឋ​​​​​​បាន​​​ទទួល​​​ការ​​​ជូន​​​ដំណឹង​​​​​ថា ឧកញ៉ា​​​រូប​​​នេះ​​​ត្រូវ​​​គេ​​​តាម​​​ចាប់​​​ខ្លួន​​​ពី​​​បទ​​​​​​ហិង្សា​​​ ដោយ​​​ចេតនា​​​ ដោយ​​​មាន​​​ស្ថាន​​​ទម្ងន់​​​ទោស​​​។

លោក លឹម ឈាង​​​ឡេង​​​ នាយរង​​​ការិយាល័យ​​​អាំងទែប៉ូល​​​កម្ពុជា​​​បាន​​​និយាយ​​​ថា  “ការិយាល័យ​​​អាំងទែប៉ូល​​​នៅ​​​ក្នុង​​​ប្រទេស​​​សិង្ហបុរី​​​បាន​​​រាយការណ៍​​​ឲ្យ​​​អាំងទែប៉ូល​​​កម្ពុជា​​​ដឹង​​​ថា លោក សុខ ប៊ុន បាន​​​ជិះ​​​យន្ត​​​ហោះ​​​អាកាសចរណ៍​​​បារាំង​​​​​​ទៅ​​​កាន់​​​ក្រុង​​​ប៉ារីស​​​នៅ​​​ថ្ងៃ​​​ទី​​​១៤ ខែកក្កដា។ ឥឡូវ​​​យើង​​​កំពុង​​​ធ្វើ​​​ការ​​​លើ​​​​​​បញ្ហា​​​នេះ​​​ជាមួយ​​​ការិយាល័យអាំង​​​ទែប៉ូល​​​បារាំង​​​”។

តាម​​​រយៈ​​​មេធាវី​​​របស់​​​លោក គឺ​​​លោក យិន សុភី លោក សុខ ប៊ុន កាល​​​ពី​​​ថ្ងៃ​​​អង្គារ​​​បាន​​​ចេញ​​​លិខិត​​​ចំហ​​​ពីរ​​​ច្បាប់​​​ដែល​​​រៀ​​​ប​​​រាប់​​​អំពី​​​ដំណាក់​​​ការ​​​មួយ​​​ចំនួន​​​ដែល​​​លោក​​​ត្រូវ​​​ប្រកាន់​​​យក​​​ជាការ​​​ប៉ះ​​​ប៉ូវ​​​​​សំណង​​​​​​​​​​​​ទាក់​​​ទង​​​នឹង​​​ការ​​​វាយ​​​តប់​​​កាល​​​ពី​​​រាត្រី​​​នោះ​​​ រួម​​​មាន​​​ការ​​​លះបង់​​​ងារ​​​ជា​​​ឧកញ៉ា​​​ និង​​​ផ្តល់​​​ថវិកា​​​ចំនួន​​​១០០.០០០​​​ដុល្លារ​​​ដល់​​​កញ្ញា សុជាតា ។

កញ្ញា សុជាតា ហៅ​​​ សាសា បាន​​​ច្រាន​​​ចោល​​​ដំណោះ​​​ស្រាយ​​​ក្រៅ​​​ប្រព័ន្ធ​​​តុលាការ។

នៅ​​​ក្នុង​​​លិខិត​​​ចំហ​​​នោះ លោក សុខ ប៊ុន បានស្នើ​​​សុំ​​​ថា លោក​​​គួរ​​​ត្រូវ​​​គេ​​​អនុញ្ញាត​​​ឲ្យ​​​មាន​​​ពេល​​​វេលា​​​ដើម្បី​​​ទទួល​​​ការ​​​ព្យាបាល​​​ស្ត្រែស​​​ដ៏ធ្ងន់​​​ធ្ងរ​​​ ចំណែក​​​ឯលិខិត​​​ដែល​​​គ្មាន​​​កាល​​​បរិច្ឆេទ​​​​​​ និង​​​បញ្ជាក់​​​ផ្ទៀង​​​ផ្ទាត់​​​ ដែល​​​ចុះ​​​ហត្ថលេខា​​​ដោយ​​​វេជ្ជបណ្ឌិត ម៉ាហិន ណាដារ៉ា​​ជៈ​​​ នៅ​​​ឯ​​​វិទ្យា​​​ស្ថាន​​​​​​វិទ្យាសា​​​ស្ត្រ​​​សរសៃប្រសាទ​​​​​​​​​ជាតិ​​​ប្រទេស​​​សិង្ហបុរី​​​ត្រូវ​​​បាន​​​ផ្សព្វ​​​ផ្សាយ​​​តាម​​​អីុនធឺណិត​​​ដោយ​​​និយាយ​​​ថា លោក សុខ ប៊ុន មិន​​​អាច​​​ធ្វើ​​​ដំណើរ​​​ទៅ​​​ណា​​​បាន​​​ទេ​​​ក្នុង​​​រយៈ​​​ពេល​​​ប៉ុន្មាន​​​ខែ​​​េនះ​​​ ដោយ​​​សារ​​​តែ​​​ភាព​​​ធ្ងន់​​​ធ្ងរ​​​នៃ​​​ជំងឺ​​​។

លោក សុខ ប៊ុន ក៏​​​បាន​​​និយាយ​​​ថា លោក​​​នឹង​​​មិន​​​វិល​​​ត្រឡប់​​​មកកាន់​​​​​​ប្រទេស​​​កម្ពុជា​​​វិញ​​​ទេ​​​​​​​​​​​​​​​​​​​​​ទាល់​​​តែ​​​មាន​​​ការ​​​ជំនុំ​​​ជម្រះ​​​ក្តី​​​ត្រឹម​​​ត្រូវ​​​ និង​​​​​​មាន​​​ការ​​​ធានា​​​ដល់​​​សុវត្ថិភាព​​​ផ្ទាល់​​​ខ្លួន​​​របស់​​​លោក​​​​​​ជាមុន​​​សិន​​​។

កញ្ញា សុជាតា ត្រូវ​​​បាន​​​សាក​​​សួរ​​​ដោយ​​​លោក ហីុង ប៊ុន​​​ថន ព្រះរាជ​​​អាជ្ញារង​​​តុលាការ​​​​​​ក្រុង​​​ភ្នំពេញ​​​​​​កាល​​​ពី​​​​​​ថ្ងៃ​​​សុក្រ​​​​​​។

ពិធីការិនី​​​រូប​​​នេះ​​​បាន​​​និយាយ​​​ថា នាង​​​បាន​​​ពន្យល់​​​រឿង​​​រ៉ាវ​​​ដែល​​​នាំ​​​ឲ្យ​​​មាន​​​ការ​​​វាយ​​​តប់​​​ ក្នុង​​​ពេល​​​​​​នោះ​​​ គេ​​ចាប់​​​អូស​​​សក់​​​ក្បាល​​​នាង​​​នៅ​​​ក្នុង​​​បន្ទប់​​​ ទាត់​​​​​​ ដាល់​​​ និង​​ច្រំ​​​​​​ និង​​​សម្រាត​​​​​​សម្លៀក​​​បំពាក់​​​ស្ទើរ​​​នៅ​​​ខ្លួន​​​ននល​​​គក​​​។ ពិធីការិនី​​​រូប​​​នេះ​​​ត្រូវ​​​ភ្ជង់​​​ក្បាល​​​នឹង​​​កាំភ្លើង​​​ខ្លី​​​ដោយ​​​អង្គរក្ស​​​លោក សុខ ប៊ុន ដែល​​​​​​មិន​​​ទាន់​​​ដឹង​​​​​​អត្ត​​​សញ្ញាណ​​​នៅ​​​ឡើយ​​​ទេ​​​។

បន្ទាប់​​​ពី​​​សាក​​​សួរ​​​រួច​​​ កញ្ញា សុជាតា បាន​​​សំដែង​​​មន្ទិល​​​សង្ស័យ​​​ដែល​​​ថា អ្នក​​​វាយ​​​តប់​​​នាង​​​​​​នឹង​​​មិន​​​វិល​​​ត្រឡប់​​​មក​​​ប្រឈម​​​នឹង​​​តុលាការ​​​ដូច​​​ដែល​​​គាត់​​​បាន​​​និយាយ​​​នោះ​​​ទេ​​​។

កញ្ញា សុជាតា បាន​​​និយាយ​​​ថា “ខ្ញុ​​ំ​​​សង្ឃឹម​​​ថា គាត់​​​នឹង​​​ធ្វើ​​​អ្វី​​​ដែល​​​គាត់​​​បាន​​​សន្យា ប៉ុន្តែ ខ្ញុំ​​​បានដ​​​ឹង​​​ថា គាត់​​​នឹង​​​បង្ហាញ​​​ខ្លួន​​​ក្នុង​​​តុលាការ​​​តាំង​​​ពី​​​​​​បី​​​​​​ថ្ងៃ​​​ បន្ទាប់​​​ពី​​​រឿង​​​នោះ​​​បាន​​​កើត​​​ឡើង​​​ម្លេ៉ះ​​​”។ កញ្ញា សុជាតា បាន​​​ដាក់​​​ពាក្យ​​​បណ្តឹង​​​​​​ប៉ុន​​​ប៉ង​​​ឃាត​​​កម្ម​​​​​​នៅ​​​​​​ថ្ងៃ​​​ទី​​​២ ខែ​​​កក្កដា ជា​​​ថ្ងៃ​​​នៃ​​​ការ​​​វាយ​​​តប់​​​ ប៉ុន្តែ តុលាការ​​​មិន​​​បាន​​​ចេញ​​​ដីកា​​​កោះ​​​ហៅ​​​លោក សុខ ប៊ុន ទេ ហូត​​​ទាល់​​​តែដល់​​​​​​ថ្ងៃទី​​​៨​​​ ខែ​​​កក្កដា​​​ ជា​​​ថ្ងៃ​​​ដែលវីដេអូ​​​​​​ឃ្លីប​​​បាន​​​លេច​​​ឡើង​​​។

លោក​​​ឧត្តម​​​សេនីយ៍​​​ទោ សុខ ខេមរិន្ទ ដែល​​​នាយក​​​ដ្ឋាន​​​​​​របស់​​​លោក​​​​​​ទទួល​​​បន្ទុក​​​សើុប​​​អង្កេត​​​បាន​​​និយាយ​​​ថា លោក សុខ ប៊ុន បាន​​​ភៀស​​​ខ្លួន​​​ទៅ​​​ប្រទេស​​​សិង្ហបុរី​​​កាល​​​ពី​​​ថ្ងៃទី​​​៧​​​ ខែ​​​កក្កដា។

លោក ស ខេង រដ្ឋ​​​មន្ត្រី​​​ក្រសួង​​​មហាផ្ទៃ​​​បាន​​​មាន​​​ប្រសាសន៍​​​កាល​​​ពី​​​ថ្ងៃ​​​អង្គារ​​​ថា  លោក  សុខ ប៊ុន បាន​​​គេច​​​ផុត​​​ពី​​​ការ​​​ចាប់​​​ខ្លួន​​​ដោយ​​​សារ​​​តែ​​​មានការ​​​ជួយ​​​ជ្រោម​​​ជ្រែង​​​ពី​​​នគរ​​​បាល​​​មួយ​​​ចំនួន​​​។ លោក​​​នាយក​​​រដ្ឋ​​​មន្ត្រី​​​ ហ៊ុន សែន​​​ ក៏​​​បាន​​​មានប្រសាសន៍​​​កាល​​​ពីថ្ងៃ​​​ព្រហស្បតិ៍​​​ថា មន្ត្រី​​​ណា​​​ក៏ដោយ​​​ មិន​​​ថា មាន​​​អំណាច​​​ប៉ុណ្ណា​​​ទេ​​​នឹ​​​ងត្រូវ​​​ជាប់​​​ខ្នោះ​​​ ប្រសិន​​​បើ​​​មាន​​​ការ​​​ជួយ​​​ជ្រោម​​​ជ្រែង​​​ដូច្នេះ​​​មែន​​​។

មន្ត្រី​​​ក្រសួង​​​មហាផ្ទៃ និង​​​តុលាការ​​​មិន​​​អាច​​​ទាក់​​​ទង​​​សុំ​​​ការ​​​អត្ថាធិប្បាយ​​​បាន​​​ទេ​​​កាល​​​ពី​​​ថ្ងៃ​​​សុក្រ៕ និត

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស