33 C
Phnom Penh

មនុស្ស​​​៦នាក់​​​​​​ត្រូវ​​​បាន​​​ចាប់​​​ខ្លួន​​​ អំឡុង​​​ពេល​​​​​​តវ៉ា​​​ប្រឆាំង​​​ច្បាប់​​​​​​អង្គការ​​​ ប៉ុន្តែ​​​ក្រោយ​​​មក​​​ត្រូវ​​​បាន​​​ដោះ​​​លែង​​​វិញ​​​

ដោយ ឌឹ ខេមបូឌា ដេលី

បទវិភាគ

កាល​​​ពី​​​ម្សិលមិញ អាជ្ញាធរ​​​រាជធានី​​​ភ្នំពេញ​​​​​​ បាន​​​ចាប់​​​ខ្លួន​​​មនុស្ស​​​ប្រាំមួយ​​​​នាក់​​​ដែល​​​ស្លៀក​​​ពាក់​​​ឯកសណ្ឋាន​​​ពន្ធនាគារ​​​ និង​​​ដាក់​​​ច្រវាក់​​​ជើង​​​​​​ជាប់​​​គ្នា​​​ដើម្បី តវ៉ា​​​នៅ​​​ខាង​​​​​​ក្រៅ​​​រដ្ឋ​​​សភា​​​ប្រឆាំង​​​នឹង​​​ច្បាប់​​​ដែល​​​បាន​​​អនុម័ត​​​កាល​​​ពី​​​ពេល​​​ថ្មី​​​ៗ​​​ ដែល​​​គំរាម​​​កំហែង​​​ដើម្បី​​​​រារាំង​​​​​​អង្គការ ​​​មិន​​​មែន​​​រដ្ឋាភិបាល​​​កុំ​​​ឲ្យ​​​រិះ​​​គន់​​​រដ្ឋាភិបាល​​​ ហើយ​​​ក្រោយ​​​មក​​​ត្រូវ​​​បាន​​​​​​ដោះ​​​លែង​​​វិញ។

ក្រុម​​​សកម្មជន​​​ធ្វើ​​​កាយវិការ​​​ផ្គើន​​​នឹង​​​​​​សមត្ថកិច្ច បន្ទាប់​​​ពី​​​ត្រូវ​​​បាន​​​ចាប់​​​ខ្លួន​​​កាល​​​ពី​​​ព្រឹក​​​ម្សិលមិញ នៅក្រៅ​​​រដ្ឋ​​​សភា ​​​កន្លែង​​​ដែល​​​ពួក​​​គេ​​​បាន​​​តវ៉ា​​​ប្រឆាំង​​​ការ​​​អនុម័ត​​​ច្បាប់​​​មួយ​​​កាល​​​ពី​​​​​​ពេល​​​ថ្មីៗ​​​នេះ​​​ ដែល​​​នឹងគ្រប់​​​គ្រង​​​​​​អង្គការ​​​មិន​​​មែន​​​រដ្ឋាភិបាលយ៉ាង​​​តឹងរឹុង​​​​​​។ រូបថតៈ សីុវ ចាន់ណា/The Cambodia Daily
ក្រុម​​​សកម្មជន​​​ធ្វើ​​​កាយវិការ​​​ផ្គើន​​​នឹង​​​​​​សមត្ថកិច្ច បន្ទាប់​​​ពី​​​ត្រូវ​​​បាន​​​ចាប់​​​ខ្លួន​​​កាល​​​ពី​​​ព្រឹក​​​ម្សិលមិញ នៅក្រៅ​​​រដ្ឋ​​​សភា ​​​កន្លែង​​​ដែល​​​ពួក​​​គេ​​​បាន​​​តវ៉ា​​​ប្រឆាំង​​​ការ​​​អនុម័ត​​​ច្បាប់​​​មួយ​​​កាល​​​ពី​​​​​​ពេល​​​ថ្មីៗ​​​នេះ​​​ ដែល​​​នឹងគ្រប់​​​គ្រង​​​​​​អង្គការ​​​មិន​​​មែន​​​រដ្ឋាភិបាលយ៉ាង​​​តឹងរឹុង​​​​​​។ រូបថតៈ សីុវ ចាន់ណា/The Cambodia Daily

ការ​​​ឃាត់​ខ្លួន​​​មនុស្ស​ទាំង​​​ប្រាំ​​​មួយ​​​នាក់​​​​នេះ​​​ធ្វើ​​​ឡើង​​​បន្ទាប់ពី​​​ការ​​​ចាប់​​​ខ្លួន​​​សកម្មជន​​​ប្រាំ​​​នាក់​​​​​​ទៀត​​​កាល​​​ពីសប្តាហ៍​​​មុន​​​ពីបទ​​​ចែក​​​ខិត្ត​​​ប័ណ្ណ​​​រិះ​​​គន់​​​ច្បាប់នេះ​​​​នៅ​​​តាម​​​ទី​​​ផ្សារ​​​ក្នុង​​​រាជ​​​ធានី​​​ភ្នំពេញ ហើយ​​​ត្រូវ​​​បាន​​​ដោះ​​​លែង​​​វិញ​​​។

លោក ឡុង​​​ ឌីម៉ង់ អ្នកនាំពាក្យ​​​សាលា​​​រាជ​​​ធានី​​​បាន​​​មាន​​​ប្រសាសន៍​​​ថា សកម្មជន​​​ទាំង​​​នេះ​​​​​​ត្រូវ​​​បាន​​​ចាប់​​​ខ​​​្លួន​​​កាល​​​ពី​​​ម្សិលមិញ ​​​ពី​​​ព្រោះ​​​ពួក​​​គេ​​​មិន​​​បាន​​​សុំ​​​ការអនុញ្ញាត​​​ដើម្បីធ្វើការ​​​តវ៉ា​​​នេះ​ឡើយ​​​​។ (ច្បាប់​​​រដ្ឋបាល​​​របស់​​​ប្រទេស​​​​​​ចែង​​​ថា អ្នក​​​តវ៉ា​​​ត្រូវ​​​ជូន​​​ដំណឹង​​​ដល់​​​អាជ្ញាធរ​​​អំពី​​​​​​ផែន​​​ការ​​​របស់​​​ខ្លួន​​​)។

​​​លោក​​​បាន​​​មាន​​​ប្រសាសន៍​​​ថា “យើង​​​មិន​​​អាច​អនុញ្ញាត​​​ឲ្យ​​​ពួក​​​គេ​​​បន្ត​​​ទេ ពីព្រោះ​​​សកម្ម​​​ភា​​​ព​​​របស់​​​ពួក​​​គេ​​​ខុស​​​ច្បាប់​​​។វា​​​ជា​​​រឿង​​​គួរ​​​ឲ្យ​​​អស់​​​សំណើច​​​ដែល​​​ពួក​​​គេ​​​ស្លៀក​​​ពាក់​​​ឯក​​​សណ្ឋានពន្ធ​នាគារ​​​ និង​​​ដាក់​​​ច្រវាក់​​​ដូច​​​ជា​​​អ្នក​​​ទោស​​​នោះ​​​ ប៉ុន្តែ តើ​​​វា​​​ត្រឹម​​​ត្រូវ​​​ទនៅ​​​េ​​​ក្នុង​​​ការ​​​ធ្វើ​​​ដូច្នេះ​​​ក្នុង​​​ទី​​​សាធារណៈ​​​ដោយ​​​គ្មាន​​​ការ​​​អនុ​​​ញ្ញាត​​​នោះ​​​​​​?។ ដូច្នេះ​​​ហើយ​ យើង​​​ត្រូវ​​​​​​ចាត់​​​វិធានការ​​​​​​ដើម្បី​​​រារាំង​​ពួក​​​គេ​​​។​​​សកម្មភាព​​​របស់​​​​​​ពួក​​​គេ​​​ធ្វើ​​​ឲ្យ​​​ប៉ះពាល​​​់​​​ទៅ​​​ដល់​​​មុខ​​​មាត់​​​ប្រទេស​​​កម្ពុជា​​​”។

សកម្ម​​​ប្រហែល​​​១២​​​នាក់​​​​​​បាន​​​ជួប​​​ជុំ​​​គ្នា​​​នៅមុខ​​​រដ្ឋ​​​សភា​​​ដើម្បី​​​ធ្វើ​​​ការ​​​តវ៉ា​​​រួម​​​មាន​​​មនុស្ស​​​ពីរ​​​បី​​​នាក់​​​​​​មក​​​ពី​​​យុវជន​​​ខ្មែរ​​​មហានគរ​​​ ជា​​​ក្រុម​​​និស្សិត​​​។

លោក ហេង សំណាង​​​ ប្រធាន​​​ក្រុមនេះ​បាន​​​មាន​​​ប្រសាសន៍​​​ថា ច្រវាក់ និង​​​ឯកសណ្ឋា​​​ន​ពន្ធនាគារ​​​ក្នុង​បំណង​សំដែង​​​ពី​​​កង្វល់​​​របស់​​​ខ្លួន​​​ទាក់​​​ទង​​​ច្បាប់​​​នេះ​​​ដែល​​​តម្រូវ​​​ឲ្យ​​​អង្គការ​​​មិន​​​មែន​​​រដ្ឋាភិបាល​​​ភាគ​ច្រើន​ចុះ​​​​​​បញ្ជី​​​ជា​​​មួយ​​​រដ្ឋាភិបាល។ ក្រុម​​​អ្នក​​​រិះ​​​គន់​​​បារម្ភ​​​ថា ​​​រដ្ឋាភិ​​​បាល​​​នឹង​​​ប្រើ​​​ប្រាស់​​​បទ​​​ប្បញ្ញត្តិ​​​មិន​​​ច្បាស់​​​លាស់​​​​​​ទាម​​​ទារ​​​​​​ឲ្យ​​​មាន​​​អព្យាក្រឹត​​​ភាព​​​នយោបាយ ​​​និង​​​គោរ​​​ព​​​ប្រពៃណី​​​ទំនៀម​​​ទម្លាប់​​​ខ្មែរ ដើម្បី​រារាំង ​​​ឬ​​​បិទ​​​​​​អង្គការ​​​ណា​​​ដែល​​​រិះ​​​គន់​​​គណបក្ស​​​ប្រជាជន​​​កម្ពុជា​​​។

លោក សំណាង ដែល​​​បាន​​​ចូល​​​រួម​​​ការ​​​តវ៉ា​​​តែ​​​មិន​​​ត្រូវ​​​បាន​​​ចាប់ខ​​​្លួន​​​នោះ​​​បាន​​​មាន​​​ប្រសា​សន៍​​​​ថា “យើង​​​ចង់​​​ផ្ញើ​​​សារ​​​ដល់​​​រដ្ឋាភិបាល​​​ថា នៅ​​​ពេល​​គេ​​​​​អនុម័ត​​​ច្បាប់​​​​​​ គេ​​​នឹង​​​ប្រើ​​​ប្រាស់​​​ច្បាប់​​​នេះ​ដើម្បី​​​ចាប់ខ្លួន​​​យើង ពីព្រោះ​​​សមាគម​​​​​​របស់​​​យើង​​​មិន​​​ទាន់​​​បាន​​​ចុះ​​​បញ្ជី​​​នៅ​​​ឡើយ​​​។ ហើយ​​​នៅ​​​ពេល​​​យើង​​​ព្យាយាម​​​តវ៉ា​​​ដើម្បី​​​ការ​​​ពារ​​​ព្រៃ​​​ឈើ​​​ គេ​​​នឹង​​​រារាំង​​​យើង​​​មិន​​​ឲ្យ​​​ជួយ​​​ដល់​​​សហ​គមន៍​​​ឡើយ​​​”។cam-photo-front-channa11-800x533

លោក​បាន​​​មាន​​​ប្រសាសន៍​​​ថា “យើង​​​គ្រាន់​​​តែ​​​​​​​ប្រើ​​​ប្រាស់​​​សិទ្ធិ​​​របស់​​​យើង​​​ក្រោម​​​ច្បាប់​​​រដ្ឋ​ធម្មនុញ្ញប៉ុណ្ណោះ​ ​​​ដើម្បី​​​បង្ហាញ​​​ និង​​​សំដែង​​​យោបល់​​​របស់​​​យើង​​​។ ការចាប់​​​ខ្លួន​​​ទាំង​​​នេះ​​​បង្ហាញ​​​ថា យើង​​​មិន​​​​​​មែន​​​ជា​​​ប្រទេស​​​​​​ប្រជាធិបតេយ្យឡើយ​​​”។

លោក អំ សំអាត អ្នក​​​គ្រប់​​​គ្រង​​​បច្ចេក​​​ទេស​​​នៅ​​​អង្គការ​​​សិទ្ធិ​​​មនុស្ស​​​លីកាដូ​​​ ដែល​​​បាន​​​ឃ្លាំ​​​មើល​​​ការ​​​ចាប់​​​ខ្លួន​​​កាល​​​ពី​​​ម្សិលមិញ​​​ បាន​​​មាន​​​ប្រសាសន៍​​​ថា ការ​​​ចាប់​​​ខ្លួន​​​នេះ​​​មិន​​​ត្រូវ​​​ឡើយ​​​។

លោក​​​បាន​​​មាន​​​ប្រសាសន៍ថា “ការ​​​ចាប់​​​ខ្លួនក្រុម​​​​យុវជន​​​នេះ​​​គឺ​​​ខុស​​​ច្បាប់​​​ ពីព្រោះ​​​ពួកគេ​​​ធ្វើ​​​ការ​​​​តវ៉ា​​​ដោយ​​​សន្តិវិធី​​​ ហើយ​​​ពួកគេ​​​មិន​​​បាន​​​ធ្វើ​​​ឲ្យ​​​ប៉ះពាល់ដ​​​ល់​​​សណ្តាប់​​​ធ្នាប់​​​សាធារណៈ​​​ឡើយ​​​”។

រដ្ឋ​​​សភា​​​បាន​​​អនុម័ត​​​ច្បាប់​​​អង្គការ​​​មិនមែន​​​រដ្ឋាភិបាល​​​កាល​​​ពី​​​ថ្ងៃ​​​ទី​​​១៣​​​ ខែកក្កដា ហើយ​​​ព្រឹទ្ធ​​​សភា​​​ក៏​​​បាន​​​អនុម័ត​​​ដែរ​​​កាល​​​ពី​​​​​​​​​​​​ថ្ងៃ​​​សុក្រ។ ទាំង​​​ពីរ​​​លើក​​​ សមាជិក​​​សភាគណបក្ស​​​ប្រជាជន​​​កម្ពុជា​​​បាន​​​បន្ត​​​អនុម័ត​​​ច្បាប់​​​នេះ​​​ចំ​​​ពេល​​​ដែល​​​មាន​​​ការ​​​ធ្វើ​​​ពហិការ​​​របស់​​​គណ​​​បក្ស​​​ប្រឆាំង​​​ដែល​​​ជំទាស់​​​នឹង​​​ច្បាប់​​​នេះ​​​។

អង្គការ​​​សហ​​​ប្រជា​​​ជាតិ សហរដ្ឋ​​​អាមេរិក ​​​និង​​​សហភាព​​​អឺរ៉ុប​​​ក៏​​​បាន​​​ជំរុញ​រដ្ឋាភិបាល​​​កុំ​​​ឲ្យ​​​អនុម័ត​​​ច្បាប់​​​នេះ​​​​​​ជា​​​លាយ​​​លក្ខ​​​ណ៍អក្សរនោះ​​ ធ្វើឲ្យមាន​​​ការ​​​ចោទ​​​ប្រកាន់​​​ពី​ការ​​​ជ្រៀត​​​ជ្រែក​​​នយោបាយ​​​ពី​​​ក្រសួង​​​ការ​​​បរទេស​​​។

លោក​​​ សំណាង បាន​​​មាន​​​ប្រសាសន៍​​​ថា ​​​សកម្មជន​​​ទាំង​​​ប្រាំ​​​មួយ​​​នាក់​​​ត្រូវ​​​បាន​​​ដោះ​​​លែង​​​វិញ​​​នៅ​​​មុន​​​ម៉ោង​​​៦​​​ល្ងាច​​​បន្តិច​​​ បន្ទាប់​​​ពី​​​ពួក​​​គេ​​​​​​យល់​​​ព្រម​ឈប់​​​ធ្វើ​​​ការ​​​តវ៉ា​​​​​​ដោយ​​​គ្មាន​​​ការ​​​អនុ​​​ញ្ញាត ​​​ឈប់​​​ស្លៀក​​​ពាក់​​​ឯក​​​សណ្ឋាន​​​ពន្ធនាគារ ​​​និង​​​ដាក់​​​ច្រវាក់ ហើយ​​​ប្រគល់​​​ឯកសណ្ឋាន​​​ និង​​​ច្រវាក់​​​ទាំង​​​នោះ​​​។

លោក ឡុង​​​ ឌីម៉ង់ បាន​​​បញ្ជាក់​​​ពីការ​​​ដោះ​​​លែង​​​នេះ​​​ ហើយ​​​បាន​​​លើក​​​ឡើង​​​ថា យុវជន​​​ទាំង​​​ប្រាំមួយ​​​នាក់​​​នឹង “​​​ប្រឈម​​​មុខ​​​ច្បាប់​​​” ប្រសិន​​​បើ​​​ពួក​​​គេ​​​បាន​រំលោភ​​​លក្ខ​​​ខណ្ឌ​​​ណា​​​មួយ​​​​​​នោះ​​​៕ សារុន

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស