31 C
Phnom Penh

មេបញ្ជាការ​​​​​​​​​កង​​​រាជ​​​អាវុធ​​​ហត្ថ​​​​​​ជាប់​​​ចោទ​​​ពីបទ​​​ជួយ​​​អ្នក​​​កាប់​​​ឈើឲ្យ​​​គេច​​​ខ្លួន​

ដោយ ឌឹ ខេមបូឌា ដេលី

បទវិភាគ

មន្ត្រី​​​រដ្ឋបាល​​​ព្រៃ​​​ឈើ​​​​​​ខេត្ត​​​មណ្ឌល​​​គិរី​​​​​​បាន​​​ឲ្យ​​​ដឹង​​​ថា កាល​​​ពី​​​ថ្ងៃ​​​សុក្រ កង​​​រាជ​​​អាវុធ​ហត្ថ​​​មូលដ្ឋាន​​​បាន​​​ដោះ​​​លែង​​​​រថយន្ត​​​ចំនួន​បួន​​​គ្រឿង និង​​​អ្នក​​​បើក​​​បរ​​ពី​​​កន្លែង​​​ឃុំ​​​ខ្លួន​​​របស់​​​ នគរ​​​បាល​​​ស្រុក​​​​​​ ដែល​​​បាន​​​ឃាត់​​​រថយន្ត​​​ទាំង​​​នេះ​​​ពីបទ​​​ប៉ុនប៉ង​​​ដឹក​​​ឈើ​​​កាប​​​​​​​​​ខុស​​​ច្បាប់​​​ទៅ​​​កាន់​​​ប្រទេស​​​វៀតណាម​​​ ជួសមុខ​ឲ្យ​​​​​​​មន្ត្រី​​​កង​​​រាជ​​​អាវុធ​​​ហត្ថ​​​ម្នាក់​​​។

លោក កែវ សុភ័គ នាយ​​​រង​​​ខណ្ឌ​​​រដ្ឋបាល​​​​​​ព្រៃ​​​​​​ឈើ​​​ខេត្ត​មណ្ឌល​​​គិរី​​​បាន​​​លើក​​​ឡើងថា ការ​​​ប្រឈម​​​មុខ​​​ដាក់​​​គ្នា​​​បាន​​​កើត​​​ឡើង​​​​​​នៅ​​​ក្នុងស្រុក​​​កែវ​​​សីមា ជា​​​កន្លែង​​​​​​​មាន​​សកម្មភាព​​​​​​ជួញដូរ​​​​​ឈើ​​​ខុស​​​ច្បាប់​​​យ៉ាង​​​ច្រើន​​​ដែល​​​ទាហាន​​​ប្រដាប់អាវុធ​​​​ពីរ​​​ក្រុម​​​បាន​​​ប្រឈម​​​មុខ​​​ដាក់​​​គ្នា​​​​​​ពាក់​​​ព័ន្ធ​​​នឹង​​​ឈើ​​​ខុស​​​ច្បាប់​​​មួយ​​​ចំនួន​​​ធំ​​​ដែល​​​​​​​​​​ដឹក​​​ទៅវៀតណាម​​​កាល​​​ពីខែ​​​មិថុនា។

កាល​​​ពី​​​ថ្ងៃ​​​សុក្រ លោក កែវ សុភ័គ បាន​​​លើក​​​ឡើង​​​ថា នគរ​​​បាល​​​ប្រឆាំង​​​បទ​​​ល្មើស​​​សេដ្ឋកិច្ច​​​ស្រុក​​​​​​​​​​​​​បីនាក់​​​​​​បាន​​​ឃាត់​​​រថយន្ត​​​​បួន​​​គ្រឿង​​​ដែល​​​ដឹក​​​ឈើ​​​ចំនួន​​​៥៦​​​ដំុ​​​ទៅកាន់​​​ព្រំ​​​ដែន​​​វៀតណាម​​​ ហើយ​​​ថា អ្នក​​​បើក​​​បរ​​​អះ​​​អាង ​​​​​​ថា ឈើ​​​ទាំង​​​េនះ​​​គឺ​​​ជា​​​របស់​​​លោក សាក់ ​​​សារុន​​​ ​​​មេបញ្ជាការ​​​កង​​​រាជ​​​អាវុធ​​​ហត្ថ​​​​ស្រុក​​​កែវ​​​សីមា។ លោក​​​បាន​​​លើក​​​ឡើង​​​ទៀត​​​ថា ​​​ប៉ុន្តែ ​​​​​​មិន​​​យូរ​​​ប៉ុន្មានក្រោយ​​​មក ​​​បុរស​​​ប្រដាប់​​​ដោយ​​​អាវុធ​​​ចំនួន​​​ប្រាំពីរ​​​នាក់​​​បាន​​​​​​មក​​​ដល់​​​ហើយ​​​​​​ទាញ​​​ឈើ​​​ទម្លាក់​​​ចុះ​​​ពី​​​លើ​​​រថយន្ត រួច​​​​នាំយក​​​រថ​​​យន្ត​​​ទាំង​​នេះ​​​ និង​​​អ្នក​​​បើក​​​បរ​ចាកចេញ​​​​ទៅ​​​បាត់​​​។បុរស​​​ទាំង​​​ប្រាំពីរនាក់​​​នេះ​​​មាន​​​ឯក​​​សណ្ឋាន​​​ ខុស​​​ៗ​​​គ្នា​​​ ខ្លះ​​​ស្លៀក​​​ពាក់​​​ស៊ីវិល​​​ ខ្លះ​​​ទៀត​​​​​​ស្លៀក​​​ពាក់​ជា​ឯក​សណ្ឋាន​​​​​​​កង​​​រាជ​​​អាវុធ​​​ហត្ថ​​​ និង​​​យោធា ប៉ុន្តែ ថា នគរ​​​បាល​​​ស្គាល់​​​ពួក​​​គេ​​​ទាំង​​​អស់​​​ថា សុទ្ធតែ​ជា​​​​​​​​​កង​​​រាជ​​​អាវុធ​​​ហត្ថ​​​​​​ស្រុក​​​។

លោក​​​បាន​​​មាន​​​ប្រសាសន៍​​​ថា “​​​​​​កង​​​រាជ​​​អាវុធ​​​​​​ហត្ថ​​​​​​ទាំង​​​ប្រាំពីរ​​​នាក់​​​នេះ​​​បាន​​​​​យក​​​​កាំភ្លើង​​​ភ្ជង់​​​ក្បាល​​​នគរ​​​បាល​​​សេដ្ឋ​​​កិច្ច​​​ ដែល​​​ឃាត់​​​រថយន្ត​​​​​​​ដឹក​​​ឈើ​​​ខុស​​​ច្បាប់ ដើម្បី​​​យក​​​រថយន្ត​​​​​​ទៅ​​​វិញ  រួច​​​​គេ​​​ច​​​ខ្លួនបាត់​​​​​​​​​​​​។នគរ​​​បាល​​​សេដ្ឋកិច្ច​​​មិន​​​ហ៊ាន​​​តតាំង​​​នឹង​​ពួក​​​គេ​​​ទេ ព្រោះ​​​ពួក​​​គេ​​​មាន​​​អាវុធ​​​”។

លោក មាឃ វុទ្ធី មន្ត្រី​​​រដ្ឋបាល​​​ព្រៃឈើ​​​ស្រុក​​​កែវ​​​សីមា បាន​​​លើក​​​ឡើង​​​ថា ​​​​​​កង​​​រាជ​​​អាវុធ​​​​​​ហត្ថ​​​​​​បាន​​​នាំ​​​រថយន្ត​​​ និង​​​អ្នក​​​បើក​​​បរ​​​ទៅ​​​បាត់​​​មុន​​​ពេល​​​​​​លោក​​​​និង​​​មន្ត្រី​រដ្ឋបាល​​​ព្រៃឈើ​​​បាន​​​ទៅដល់​​​កន្លែង​​​កើត​​​ហេតុ​​​។

លោក​​​ថ្លែង​​​ថា “នៅ​​​ពេល​​​យើង​​​ទៅ​​​ដល់​​​ រថយន្ត​​​បាន​​​​​​ទៅ​​​បាត់​​​ហើយ​​​ ហើយ​​​នៅសល់​​​​​​តែ​​​ឈើ​​​ចំនួន​​​៥៦​​​ដុំ​​​​​​នៅ​​​បាំង​​​ផ្លូវ​​​ប៉ុណ្ណោះ​​​។ នគរ​​​បាល​​​សេដ្ឋកិច្ច​​​មិ​​​ន​​​ហ៊ាន​​​តតាំង​​​នឹង​​​ពួក​​​គេ​​​ទេ​​​ដើម្បី​​ចៀស​វាង​​​ការ​​​បាញ់​​​ប្រហារ​​​”។

លោក​​​ បាន​​​​​​លើក​​​ឡើង​ទៀត​​​​ថា ឈើ​​​ទាំង​​​អស់​​​នេះ​​​សុទ្ធ​​​តែ​​​​ជា​ឈើ​​​សុក្រំដែលជា​ឈើ​ប្រភេទ​​​លេខ​​១​ ហើយ​​​​ត្រូវ​​​បាន​​​យក​​​ទៅ​​​រក្សា​​​ទុក​នៅ​​​ឯការិយាល័យរដ្ឋបាល​​​​ព្រៃឈើ​​​​ស្រុក​​​។ នគរ​​​បាល​​​សេដ្ឋកិច្ច​​​កំពុង​​​រៀប​​​ចំ​​​ដាក់​​​ពាក្យ​​​ប្តឹង​លោក សាក់​​​ សារុន ដែល​​​​​​​បើតាម​អ្នក​​​បើក​​​បរ​​​​​​បាន​​​​​បញ្ជាក់​​​ថា គឺជា​​​មេបញ្ជាការ​​​​​​​​​កង​​​រាជ​​​អាវុធ​​​ហត្ថ​​​​​​ស្រុក​​​​ ទៅ​​​តុលាការ​​​ហើយ​​​។

នៅ​​​ពេល​​​ទាក់​​​ទង​​​តាម​​​ទូរស័ព្ទ​​​ លោក​​​សាក់ សារុន បាន​​​បដិសេធ​​​ការ​​​ចោទ​​​ប្រកាន់​​​នេះ​ ហើយ​​​បាន​​​គំរាម​​​ប្តឹង​​​នរណា​​​ដែល​​​​​​​ចោទ​​​ប្រកាន់​​​លោក​​​ពីបទ​​​ប៉ុនប៉ង​​​​​​ជួញ​​​ដូរ​​​ឈើ​​​កាប់​​​ខុសច​​​្បាប់។លោក​​​បាន​​​មាន​​​ប្រសាសន៍​​​ថា ​​​”ខ្ញុំ​​​ដឹង​ច្បាប់​​​ច្បាស់​​​ណាស់”។

លោក​​​ ញែម វណ្ណឌី ស្នង​​​ការ​​​នគរ​​​បាល​​​ខេត្ត​​​នេះ​​​ មិន​​​អាចសុំ​​​ការ​​​អត្ថាធិប្បាយ​​​បាន​​​ទេ​​​។

កាល​​​ពី​​​ចុង​​​ខែ​​​មិថុនា មន្ត្រី​​​​​​​​​​យោធា​ម្នាក់​​​នៅ​​​ក្នុង​​​ខេត្ត​​​េនះ​​​​​​ បាន​​​អះ​​​អាង​​​ថា ទាហាន​​​របស់​​​ខ្លួន​​​​ បាន​​​ចាប់​​​បុរស​​​ជន​​​ជាតិ​​​វៀតណាម​​​ចំនួន​​​បួន​​​នាក់​​​​​​ដែល​​​ជាប់​​​សង្ស័​​យ​​​ពីបទ​​​កាប់​​​ឈើ​​​ខុស​​​ច្បាប់​​​ ហើយ​​​កំពុង​​​តែ​​​រង់​​​ចាំ​​​អ្នក​​​​​​បក​​​ប្រែ​​​ នៅ​​​ពេល​​​នោះ​​ស្រាប់​​​តែ​​​ទាហាន​​​មក​​​ពី​​​ខេត្ត​​​ក្រចេះ​​​បាន​​​មក​​​ដល់​​​ហើយ​​​បាន​​​​​​​ប្រើ​​​កាំភ្លើង​​​​​​ភ្ជង់ដើម្បី​នាំ​​​ជនជាតិវៀតណាម​ទាំងនេះ​ទៅវិញ​​​​​​​។​

កាល​​​ពី​​​ខែ​​​ឧសភា​​​ឆ្នាំ​​​មុន លោក ​​​សិុន ​​​វ៉ាន់​​​វុធ អភិបាល​​​ស្រុក​​​កែវ​​​សីមា ត្រូវ​​​មន្ត្រី​​​កង​​​រាជ​​​អាវុធ​​​ហត្ថ​​​​​​ម្នាក់​​​​​​ដែល​​​មក​​​ដល់​​​កន្លែង​​​​​​​​​​បង្ក្រាប​​​ការ​​​ជួញ​​​ដូរ​​​ឈើ​​​ខុស​​​ច្បាប់​​​ ដក​​​កាំភ្លើង​​​ភ្ជង​​​់​​​ក្បាល​​​ដើម្បី​​​ព្យាយាម​​​យក​​​រថយន្ត​​​ស៊េរី​​​ទំនើប​​​មួយ​​​គ្រឿង​​​ដែល​​​ដឹក​​​ឈើប្រណីត​ ត្រឡប់​​​ទៅ​វិញរួច​​​ហើយ​​​មន្ត្រី​​​​​​​​​កង​​​រាជ​​​អាវុធ​​​ហត្ថ​​​​​​​​​រូប​​​នេះ​​​បាន​​​គេ​​​ចខ្លួន​បាត់​​​”៕​​​ ស៊ុយឈាង​​​

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស