សមាជិក​សភានិង​ NGO ​ចង់​ឲ្យ​រដ្ឋាភិបាល​ស៊ើប​អង្កេត​​ការ​បូម​ខ្សាច់

ខណៈ​​​ដែល​​​អង្គការមិនមែន​​​រដ្ឋាភិបាល​​​ការ​​​ពារ​​​បរិស្ថាន​​​បាន​​​ធ្វើ​​​សន្និសីទ​​​កាសែត​​​មួយ​​​ក្នុង​​​រាជ​​​ធានីភ្នំពេញ​​​កាល​​​ពីម្សិលមិញ ដើម្បី​​​បង្ហាញភ័ស្តុ​​​តាង​​​ប្រឆាំង​​​ក្រុមហ៊ុន ដែល​​​ខ្លួន​​​​​​ចោទ​​​ថា បាន​​​បូម​​​ខ្សាច់​​​ដោយ​​​ខុស​​​ច្បាប់​​​ពីពាម​​​មួយ​​​ក្នុង​​​ខេត្ត​​​កោះ​​​កុង​​​នោះ​​​ លោក ​​​សុន ឆ័យ ​​​សមាជិក​​​​​​សភា​​​គណ​បក្ស​​​ប្រឆាំង​​​បាន​​​អំពាវ​​​នាវ​​​ឲ្យ​​​លោក​​​នាយក​​​រដ្ឋ​​​មន្ត្រី  ហ៊ុន ​​​សែន ​​​ចេញ​​​​​​បញ្ជា​​​ឲ្យ​​​មាន​​​ការ​​​សើុប​​​អង្កេត​​​អំពី​​​របាយ​​​ការណ៍​​​​​​បូម​​​ខ្សាច់​​​ដែល​​​មិន​​​មាន​​​ការ​​​ត្រួត​​​ពិនិត្យ​​​។

រយៈ​​​ពេល​​​ជាង​​​ពីរ​​​ខែមកហើយ​​​ អង្គ​​​ការ​​​មាតា​​​ធម្មជាតិ​​​ជា​​​អង្គការ​​​មិន​​​មែន​​​រដ្ឋាភិបាល​​​បាន​​​និង​កំពុង​សហការ​​​ជា​​​មួយ​​​សហគមន៍​​​ដែល​​​ភាគ​​​ច្រើន​​​ជា​​​អ្នក​​​នេសាទ​​​នៅ​​​ក្នុង​​​ស្រុក​​​បទុម​​​​​​សាគរ​​​ខេត្ត​​​កោះ​​​កុង ​​​ដើម្បី​​​បណ្តេញ​​​សាឡង់​​​បូម​​​ខ្សាច់​​​ជា​​​ច្រើន​​​គ្រឿង​​​ដែល​​​ប្រតិ​​​បត្តិ​​​​​​​​​ ដោយ​​​ក្រុម​​​ហ៊ុន Rainbow International និង ​​​ក្រុម​ហ៊ុន​​​ Direct Access ។

ក្រុមហ៊ុនទាំង​​​ពី​​​រនេះ​​​ត្រូវ​​​បាន​​​ចោទ​​​ប្រកាន់​​​ ថា បាន​​​ធ្វើឲ្យ​កខ្វក់​ទឹក​​​​ពាម​​​​​​​អណ្តូង​​​ទឹកចាប់​​​តាំង​​​ពី​​​ឆ្នាំ​​​២០០៩​​​ បណ្តាល​​​ឲ្យ​​​បាក់​​​ច្រាំង​​​ទន្លេ​​​និង​​​បំផ្លា​​​ញ​​​ចំនួន​​​​ត្រី និង​​​ក្តាម​​​ ដែល​​​អ្នក​​​ភូមិ​​​​​​អាស្រ័យផល​​​​។

អំឡុង​​​សន្និសីទ​​​កាសែត​​​កាល​​​ពីម្សិល​​​មិញ ​​​លោក ស៊ុន ម៉ាឡា សហស្ថាបនិក​​​អង្គការ​​​មាតា​​​​​​ធម្មជាតិ​​​បាន​​​មាន​​​ប្រសាសន៍​​​ថា ក្រុម​​​ហ៊ុន​ ​​Rainbow International បាន​​​ឈប់​​​​​​បូម​​​ខ្សាច់​​​មួយ​ចំនួន​ធំ​ក្នុង​​​តំបន់​​​នេះ​​​​​​​​​ ប៉ុន្តែ ​​​ក្រុមហ៊ុន Direct Access​​​ វិញ​កំពុង​​​ប្រតិបត្តិការ​​​ពេញ​​​បន្ទុក​​​។

លោក​​​ ម៉ាឡា បាន​​​ឲ្យ​​​ដឹង​​​ថា ក្រុមហ៊ុន ​​​Direct Access បូម​​​ខ្សាច់​​​ពីឆ្នាំ​​​២០០៩​​​ដល់​​​ឆ្នាំ​​​២០១៥​​​     ប៉ុន្តែ ពួក​​​គេ​​​មិន​​​ដែល​​​ធ្វើ​​​របាយ​​​ការណ៍​​​អំពី​​​ផល​​​ប៉ះពាល់​​​ទាក់ទង​ការ​​​បូម​​​ខ្សាច់​​​ទៅ​​​លើ​​​ជីវ​​​ភាព​​​រស់​​​នៅរបស់​​​ប្រជា​​​ជន​​​កម្ពុជា​​​ឡើយ​​​។

យោង​​​តាម​​​ច្បាប់ថតចម្លងនៃ​អាជ្ញាប័ណ្ណ​​​​​​​​​របស់​​​ក្រុមហ៊ុន Direct Access ដែល​​​ទទួលបាន​​​​​​កាល​​​ពី​​​ម្សិល​មិញមាន​​​ខ្លឹម​​​សារ​​​ថា ក្រសួង​​​រ៉ែ​​​និង​​​​​​ថាម​​​ពល​​​បានផ្តល់​ការ​​​​អនុញ្ញាត​​ដល់​ក្រុមហ៊៊ុន​​​នេះ​​​កាល​​​ពី​​​ខែ​​​សីហា​​​ឆ្នាំ​​​មុន​​​ ដើម្បី​​​បូម​​​ខ្សាច់​​​​​​លើ​​​ ផ្ទៃ​​​ដី​​​សរុប​​​២៣៧​​​,៤៣ហិកតា​​​​​​សម្រាប់​​​ “ការ​ផ្គត់​​​​​​ផ្គង់​​​ក្នុងស្រុក​​​ និង​​​នាំ​​​ចេញ​​​ទៅ​​​ក្រៅ​​​ប្រទេស​​​”។

អាជ្ញាប័ណ្ណ​​​នេះ​​​បញ្ជាក់​​​ពី​​​ប្រវែង​​​​ពាម​​​ដែល​​​ អាច​​​ត្រូវ​បាន​បូម​​​​​​ ថាតើ​​​អេស្កាវ៉ាទ័រ អាចជីក​​​ជម្រៅ​​​ប៉ុណ្ណា​​​បាន​​​ និង​ថាតើ​​​ពួក​​​គេ​​​អាច​​​ជីក​​​នៅ​​​ជិត​​​មាត់​​​សមុទ្របាន​​​ចម្ងាយ​ប៉ុណ្ណា​​​។

លោក ម៉ាឡា បាន​​​ឲ្យដ​​​ឹង​​​ថា អង្គការ​​​មាតា​​​ធម្មជាតិ​​​បាន​​​រក​​​ឃើញ​​​ថា ក្រុមហ៊ុន Direct Access រំលោភ​​ប៉ារា៉ាម៉ែត្រ​ទាំង​​​បីតែម្តង​​​​​។

នៅក្នុង​​​ផ្ទៃ​​​ដី​​​ពាម​មួយ​ប្រវែង​​​៥.២៦២​​​ម៉ែត្រ​​​ ​​​អាជ្ញាប័ណ្ណ​​​នេ​​​ះ​​​បញ្ជាក់​​​ថា ក្រុមហ៊ុន​​​អាច​​​បូម​​​ខ្សាច់​​​បាន​ពី​​​​​​២ម៉ែត្រ​​​ទៅ​​​៤​​​ម៉ែត្រ​​​ប៉ុណ្ណោះ ​​​ហើយ​​​យ៉ាង​​​ហោច​​​ណាស់​​​ក៏ចម្ងាយ​​​៥០​​​ម៉ែត្រ​​​ពីមាត់​​​សមុទ្រ​​​ដែរ​។ ប៉ុន្តែ​​លោក​​​ ម៉ាឡា​​​ បាន​​​និយាយ​​​ថា ផ្អែក​​​តាម​​​ការ​វាស់វែង​​​​របស់​​​អង្គការ​​​​​​មាតា​ធម្មជាតិ​​​ ក្រុម​​​ហ៊៊ុន​​​នេះ​​​បាន​​​បូម​​​ខ្សាច់​​​​​​រហូតដល់​​​ជម្រៅ​​​១២,៦​​​ម៉ែត្រ ហើយ​​​​​​មាន​​​ចម្ងាយ​​​តែ​​​២៥​​​ម៉ែត្រ​​​ប៉ុណ្ណោះ​​​ពីច្រាំង​​​ទន្លេ​​​។ លោក​​​ ម៉ាឡា បាន​​​​​ឲ្យ​ដឹង​​​​ថា “ត្រី និង​​​ក្តាម មិន​​​អាច​​​រស់​​​នៅ​​​ក្នុង​​​ជម្រៅ​​​​​​​​​ទឹក​នេះ​​​បាន​​​ឡើយ​​​”។

នៅ​​​ក្នុង​​​លិខិត​​​មួយ​​​ច្បាប់​​​ផ្ញើ​​​ជូ​​​ន​​​លោក ហ៊ុន​​​សែន ដែល​​​បាន​​​ចេញ​​​ផ្សាយ​​​កាល​​​ពី​​​ម្សិល​​​មិញ ហើយ​​​ចុះ​​​កាល​​​បរិច្ឆេទ​​​ថ្ងៃ៣០​​​ខែ​​​កក្កដា ​​​លោក សុន ឆ័យ សមាជិក​​​សភាគណបក្ស​​​សង្គ្រោះ​​​ជាតិ​​​បាន​​​​​​លើក​​​ឡើង​​​ថា “បើ​​​ទោះ​​​ណា​​​ជា​​​ការ​​​ហាម​​​ឃាត់​​​របស់​​​លោក​​​នាយក​​​រដ្ឋ​​​មន្ត្រី​​​ទៅ​​​លើ​​​ការ​​​នាំ​​​ចេញ​​​ខ្សាច់​​​ទន្លេ​​​ក្នុង​​​ឆ្នាំ​​​២០០៩​​​ដែល​​​ហាម​​​ឃាត់​​​ការ​​​បូម​​​ខ្សាច់​​​ក្នុង​​​បំណង​​​នាំចេញក្នុង​តំបន់​ទន្លេ​និង​មាត់​សមុទ្រ​​​​ក្នុង​ប្រទេស​កម្ពុជាក៏​​​ដោយ​​​ ក៏​​​ក្រុម​​​ហ៊ុន​​​មួយ​​​ចំនួន​​​កំពុង​​​បន្ត​​​ប្រតិបត្តិការ​​​ដែរ​​​។

លោក​​​ សុន ឆ័យ បាន​​​សរសេរ​​​ថា “ខ្ញុំ​​​សូម​​​ស្នើ​​​ឲ្យ​​​​​​លោក​​​ពិនិត្យ និង​​​ចាត់​​​វិធាន​​​ការ​​​​​​ចំពោះ​ការ​​​បូម​​​ខ្សាច់​​​អនាធិបតេយ្យ​​​នៅ​​​ក្នុង​​​ខេត្ត​​​កោះ​​​កុង​​​ និង​​​នៅ​​​តាម​​​ទន្លេ​​​មួយ​ចំនួន​”។

លោក ឌិត​​​ ទីណា ​​​អ្នក​​​នាំពាក្យ​​​ក្រសួង​​​រ៉ែ និង​​​ថាមពល​​​មិន​​​អាច​​​ទាក់​​​ទង​​​សុំ​​​អត្ថាធិប្បាយ​​​បាន​​​ទេ​​​កាល​​​ពី​​​ម្សិលមិញ ប៉ុន្តែ តាម​​​រយៈ​​​អីុម៉េល​​​​​​កាល​​​ពីថ្ងៃ​​​សុក្រ លោក​​​បាន​​​លើក​​​ឡើង​​​ថា ​​​បម្រាម​​​​ របស់​​​លោក ហ៊ុន សែន មិន​​​គ្រប​​​ដណ្តប់​​​លើ​​​​​​​​ខ្សាច់​​​ទាំង​​​អស់​​​ឡើយ​​​។

លោក​​​បាន​​​មាន​​​ប្រសាសន៍​​​ថា “រដ្ឋាភិបាល​​​អនុ​​​ញ្ញាត​​​ឲ្យ​​​ក្រុមហ៊ុន​​​បូម​​​ខ្សាច់​​​សមុទ្រ​​​ ប៉ុន្តែ មិន​​​មែន​​​ខ្សាច់​​​ទន្លេ​​​ទេ​​​ ពីព្រោះ​​​រដ្ឋាភិបាល​​​បាន​​​​​​ហាម​​​ឃាត់​​​”។

យោង​​​តាម​​​អាជ្ញាប័ណ្ណ​​​របស់​​​​​​​​​ក្រុមហ៊ុន​​​ Direct Access ក្រុមហ៊ុន​​​នេះ​​​ត្រូវ​​​បាន​​​អនុញ្ញាត​​​ឲ្យ​​​បូម​​​ខ្សាច់​​​តែ​ក្នុង​​​តំបន់​​ដែល​​​សំដៅ​​​ដល់​ “ពាម​​​អណ្តូង​​​ទឹក​​” ប៉ុណ្ណោះ។

នៅក្នុង​​​រូប​​​​​​ភាព​​​ដែល​​​ថតដោយ​​​​​សកម្មជន​​​អង្គការ​​​មាតា​​​ធម្មជាតិ​​​កាល​​​ពី​​​ខែ​​​មុន​​​ សាឡង់​ដែល​​​ប្រតិបត្តិការ​​​ដោយ​​​ក្រុមហ៊ុន​​​ទាំង​​ពីរ​នេះ​​​​​​​​​ត្រូវ​​​គេ​​​ឃើញ​​​ផ្ទេរ​​​ខ្សាច់​​​ចូល​​​កប៉ាល់​​​ធំ​​មួយ​គឺ  ​​​កប៉ាល់ Ikan Jenahar ។

លោក ដានីញ៉ែល លីនដូ (Daniel Lindo) តំណាង​​​ក្រុមហ៊ុន Cleanseas Shipmanagement ​​​ជាក្រុមហ៊ុន​​​គ្រប់​​​គ្រង​​​ដែល​​​មាន​​​មូល​​​ដ្ឋាន​​​នៅ​​​ប្រទេស​​​ហ្វីលីពីន​​​បាន​​​ឲ្យ​​​ដឹង​​​កាល​​​ពី​​​សប្តាហ៍មុន​​​ថា ក្រុមហ៊ុន​​​ Pacific Carriers Limited ជាក្រុមហ៊ុន​​​ដឹក​​​ជញ្ជូន​​​​​ដែល​​​មាន​​​មូល​​​ដ្ឋាន​​​នៅ​​​សិង្ហបុរី​​​ បាន​​​ជួល​​​​កប៉ាល់  Ikan Jenahar។

តំណាង​​​ក្រុមហ៊ុន Pacific Carriers ដែល​​​ប្រាប់​​​ថា ជា​​អនុសេនីយ៍​​​ឯក Choo បាន​​​បញ្ជាក់​​​ថា ការ​​​ដឹក​​​ខ្សាច់​​​នេះ​​​គឺ​​​មាន​​​ទិស​​​ដៅឆ្ពោះ​​ទៅ​​​ប្រទេស​​​សិង្ហបុរី​​​កន្លែង​​​ដែល​​​ខ្សាច់​​​ទន្លេ​​​ភាគ​​​ច្រើន​​​មក​​​ពី​​​ប្រទេស​​​កម្ពុជា​​​​​​ បាន​​​បញ្ចប់​​​​​​មុន​​​បម្រាម​​​​ឆ្នាំ​​​២០០៩។ លោក​​​បាន​​​បដិ​​​សេធ​​​មិន​​​ផ្តល់​​​ព័ត៌​​​មាន​​​លម្អិត​​​បន្ថែម​​​ឡើយ។

លោកស្រី​ គឹម ណាតាចា នាយក​​​ប្រតិបត្តិ​​​អង្គការកម្ពុជា​ជា​​​​ជា​​​អង្គការ​​​មិន​​​មែន​​​រដ្ឋាភិ​​​បាល​​​ក្នុង​​​មូល​​​ដ្ឋាន​​​សម្រាប់​តម្លាភាព​​​​​​ចំណូល​​​ធនធាន​​​បាន​​​មាន​​​ប្រសាសន៍​​​ថា ​​​ប្រទេស​​​កម្ពុជា​​​ទទួល​​​បាន​​​ផល​​​ប្រយោជន​​​៍​​​តិច​​​តួច​​​ពីការ​​​នាំ​​​ខ្សាច់​​​ចេញ​​​នេះ​​​។

លោក​​​​​​ស្រី​​​បាន​​​មានប្រសាសន៍​​​ថា “វា​​​ជា​​​ធន​​​ធាន​​​ធម្មជាតិ​​​មួយ​​​ក្នុង​​​ចំណោម​​​ធន​​​ធាន​​​ធម្មជាតិ​​​របស់​​​ប្រទេស​​​កម្ពុជា ហើយ​​​វា​​ជា​​​វត្ថុ​​​ធាតុ​​​ដើម។ ប្រសិន​​​បើ​​​ខ្សាច់​​​ត្រូវ​​​បាន​​​នាំ​​​ចេញ​​​ជា​​​វត្ថុ​​​ធាតុ​​​ដើម​​ នោះពិត​​​ជា​​​មិន​​​បន្ថែម​​​​តម្លៃ​​​ច្រើន​​​ដល់​ប្រទេស​​​​ឡើយ​​​”៕ សារុន​​​​​​

 

© 2015, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.