31 C
Phnom Penh

វេជ្ជបណ្ឌិតបុកមនុស្ស៤នាក់​ឲ្យ​របួស​ ខណៈរថយន្ត​សង្គ្រោះ​​បន្ទាន់បុក​​​​ឲ្យ​របួស​​៦នាក់​ទៀតក្នុង​​​ករណី​​​តែ​​​មួយ​​​

ដោយ ឌឹ ខេមបូឌា ដេលី

បទវិភាគ

ក្រុមមន្ត្រីបាន​​ឲ្យ​​​ដឹង​​​កាល​​​ពីម្សិលមិញ​​​ថា មនុស្ស​​​បួន​​​នាក់​​​បាន​​​រង​​​របួស​​​កាល​​​ពី​​​ល្ងាច​​​ថ្ងៃ​​​សៅរ៍ នៅ​​​ពេល​​​មន្ត្រី​​​សុខា​​​ភិបាល​​​ម្នាក់​​​​​​បាន​បើក​​​រថយន្ត​​​បុក​​​ម៉ូតូ​​​ពីរ​​​គ្រឿង​​​នៅ​​​ក្នុង​​​ខេត្ត​​​កំពង់​​​ចាម​​​ ហើយ​​​​​​​​​​ប្រាំ​​​មួយ​​​នាក់​​​ផ្សេង​​​ទៀត​​​បានរង​​​របួស​​​មិន​​​យូរ​​​ប៉ុន្មាន​​​ក្រោយ​​​មក ​​​នៅ​​​ពេល​​​រថយន្ត​​​សង្គ្រោះ​​​បន្ទាន់​​​ដែល​​​ដឹក​​​ជន​​​រង​​​គ្រោះ​​​ទាំង​ពីរ​​​នាក់​​​បាន​បុក​​​ផ្ទះ​​​​ពី​​​រ​​​ខ្នង​​​។
យោង​​​តាម​​​​​​លោក​​​ អិុត ដារ៉ា អធិការ​​​នគរ​​​បាល​​​ស្រុក​​​ចម្ការ​​​លើ​​​ បាន​​​ឲ្យដ​​​ឹង​​​ថា ហេតុ​​​ការ​​​ណ៍​​​ទី​​​១​​​កើត​​​ឡើង​​​នៅ​​​ម៉ោង​​​ប្រហែល​​​៧ និង​​​៣០​​​នាទី​​​យប់​​​ក្នុង​​​ស្រុក​​​ចម្ការ​​​លើ​​​ នៅ​​​ពេល​​​លោក ហ៊ន ជិន​​​ហ៊ាត ជា​​​វេជ្ជបណ្ឌិត​ និង​​​ជា​​​ប្រធាន​​​​​​ការិយាល័យ​​ប្រតិបត្តិ​​​​សុខភាព​​​​​​ស្រុក​​​​អូរ​​​រាំង​​​ឪ​​​​​ បាន​​​បើក​​​​រថយន្ត​​​តូយូ៉តាហាយលែន​ឌ័រ​​​​​​រស់​​​ខ្លួន​​​បុក​​​ម៉ូតូ​​​មួយគ្រឿង​។
​​​លោក​​​បាន​​​មាន​​​ប្រសាសន៍​​​ថា “ដំបូង​​​គាត់​​​បាន​​​បុក​​​ម៉ូតូ​​​មួយ​​​គ្រឿង​​​ ​បណ្តាល​​​ឲ្យ​​​មនុស្ស​​​ពីរ​​​នាក់​​​រង​​​របួស​​​ ​បន្ទាប់​​​មក​​​គាត់​​​បាន​​​បើក​​​រថយន្ត​​​គេ​​​ច​​​ចេញ​​​ពី​​​កន្លែង​​​កើត​​​ហេតុ​​​ ហើយ​​​បាន​បុក​​​ម៉ូតូ​​​មួយ​​​គ្រឿង​​​ទៀត​​​​​​ប្រហែល​​​មួយ​​​គីឡូ​​​ម៉ែត្រ​​​ ​​​ពី​​​កន្លែង​​​កើត​​​ហេតុ​​​ដំបូង ដោយ​​​​បណ្តាល​​​ឲ្យ​​​មនុស្ស​​​ពីរ​​​នាក់​​​ផ្សេង​​​ទៀត​​​រង​​​របួស​​​ធ្ងន់​​​”។
​លោក អិុត ដារ៉ា ​​​បាន​​​ឲ្យ​​​ដឹង​​​ទៀត​​​ថា នគរ​​​បាល​​​​​​បាន​​​ដេញ​​​តាម​​​លោក ហ៊ន ជិន​​​ហ៊ាត ​​​ដល់​​​ ស្រុក​​​ំពង់​​​សៀម​​​ ដែល​​​នៅ​​​ទី​​​នោះ​​​លោក​​​ត្រូវ​​​បាន​​​ឃាត់ឲ្យឈប់​​​​​ហើយ​​​ត្រូវ​បាន​ចាប់​​​ខ្លួន​​​។​មិន​​​យូរ​​​ប៉ុន្មាន​​​ក្រោយ​​​ហេតុការណ៍​​​នេះ​​​រថ​​​យន្ត​​​​សង្គ្រោះ​​​បន្ទាប់​​​ចំនួន​​​ពីរគ្រឿង​​​បាន​​​មក​ដល់ដើម្បី​​​​ដឹក​​​​ជន​​​រង​​​គ្រោះ​​​ទាំង​​​បួន​​​នាក់​​​នេះ​​​ទៅ​​​មន្ទីរ​​ពេទ្យ​​​បង្អែក​​​​​ខេត្ត។
ទោះ​​​ជា​​​យ៉ាង​​​ណា រថយន្ត​​​សង្គ្រោ​​​ះ​​​បន្ទាន់​ មួយ​គ្រឿង​បាន​​​បែក​​​កង់​​​នៅ​​​តាម​​​ផ្លូវ​​​​ ដោយ​ធ្វើ​​​ឲ្យ​​​អ្នក​​​បើក​​​បរ​​​​បាត់​​​បង់​​​ម្ចាស់​​​​​​ការ ហើយ​​​បុក​​​ផ្ទះ​​​​ពីរ​​​ខ្នង​​​ដែល​​​នៅ​​​ជាប់​​​ផ្លូវ​​​ជាតិ​​​លេខ​​​​​​៧១​​​​​ក្នុង​​​ឃុំ​​​បុស​​​ខ្នុរ​​​​ស្រុក​​​ចម្ការ​​​លើ​​​។​
លោក​​​ អិុត ដារ៉ា បាន​​​លើក​​​ឡើង​​​បន្ត​​​​​​ថា ​​​រថ​​​យន្ត​​​សង្គ្រោះ​​​បន្ទាន់​​​នេះ​​​ដឹក​​​មនុស្ស​​​​ពីរ​​​នាក់ ដែល​​​រង​​​របួស និង​​​សាច់ញាតិ​​​របស់​​​ពួកគេ​​​​​​​ពីរ​​​នាក​​​់​​​ទៀត​​​។ សាច់ញាតិ​​​ជន​​​រង​​​គ្រោះ​​​ទាំង​​​ពីរ​នាក់​​​នេះ​​​សុទ្ធ​​​តែ​​​រង​​​របួស​​​នៅ​​​ក្នុង​​​ហេតុ​​​ការណ៍​​​ នេះ​​​​​​ជា​​​មួយ​​​មនុស្ស​​​បួន​​​នាក់​​​ទៀត​​​នៅ​​​ក្នុង​​​ផ្ទះ​​​។
លោក​​​បាន​​​មាន​​​ប្រសាសន៍​​​ថា “បុរស​​​ម្នាក់​​​ដែល​​​អម​​​ដំណើរ​​​សាច់​​​ញាតិ​​​របស់​​​ខ្លួន​​​នៅ​​​ក្នុង​​​រថយន្ត​​​សង្គ្រោះ​​​បន្ទាន់​​​បាន​​​រង​​​របួស​​​ធ្ងន់​​​ក្នុង​​​ហេតុ​​​ការណ៍​​​នេះ”។​ អ្នក​​​រង​​​របួស​​​ទាំង​​​អស់​​​ត្រូវ​​​ បាន​​​បញ្ជូន​​​ទៅ​​​កាន់​​​មន្ទីរ​​​ពេទ្យ​​​បង្អែក​​​ខេត្ត​​​។​​​រីឯ លោក​​​​ ហ៊ន ជិនហ៊ាត កំពុង​​​ត្រូវ​​​បាន​​​ឃុំ​​​ខ្លួន​​​នៅ​​​​​​​​​ឯ​​​អធិការដ្ឋាន​​​នគរ​​​បាល​​​ស្រុក ហើយ​​​នឹង​​​​បញ្ជូន​​​ទៅឲ្យ​​​​នគរ​​​បាល​​​ខេត្ត​​​នៅ​​​ថ្ងៃ​​​េនះ​​​។
លោក​​​ ប៉ែន រ័ត្ន ស្នង​​​​​​​​​នគ​​​របាល​​​ខេត្ត​​​នេះ​​​បាន​​​លើក​​​ឡើង​​​ថា លោក​​​​​​​​​​ ហ៊ន ជិនហ៊ាត នឹង​​​ត្រូវ​​​បញ្ជូន​​​ទៅ​​​សាលា​​​ដំបូង​​​ខេត្ត​​​ បន្ទាប់ពី​​​មន្ត្រី​​​របស់​​​លោក​​​សាក​​​សួរ​​​រួច​​​។
លោក កែវ វណ្ណៈ ប្រធាន​​​មន្ទីរ​​​សុខា​​​ភិបាល​​​​​​ខេត្ត​​​ត្បូង​​​ឃ្មុំ​​​​​​ បាន​​​លើក​​​ឡើង​​​ថា លោក​​​បាន​​​ទៅ​​​​​​ ជួប​​​លោក​​​​ ហ៊ន ជិនហ៊ាត កាល​​​ពី​​​ព្រឹក​​​ម្សិល​​​មិញ ហើយ​​​វេជ្ជបណ្ឌិត​​​រូប​​​នេះ​​​​បាន​​​ប្រាប់​​​លោក​​​ថា ​​​​​​ខ្លួន​​​បាន​គេច​ចេញ​​​​ពី​​​កន្លែង​​​កើត​​​ហេតុ​​​ដំបូង​​​​​​ គឺ​ដើម្បី​​​រក​​​គេ​​​ឲ្យ​​​ជួយ​​​។
លោក​​​ថ្លែងថា “គាត់​​​បាន​​​ប្រាប់​​​ថា គាត់​​​បាន​​​​​​ព្យាយាម​​​​​​រក​​​កន្លែង​​​ដែល​​​មាន​​​​​​នគរ​​​បាល​​​​​​ឲ្យ​​​ជួយ​​​ ប៉ុន្តែ គាត់​​​រក​​មិន​​ឃើញ​​​នគរ​​​បាល​​​ទេ ហេតុ​​​ដូច្នេះ ​​​គាត់​​​បាន​​​បន្ត​​​បើក​​​ទៅ​មុខ​​​ទៀត​​​”៕​​​ស៊ុយ​​​ឈាង​​​​

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស