33.3 C
Phnom Penh

បុរស​ជា​​​ប្តី​​​ស្លាប់​​​ ដោយ​សារ​តែ​​​ការពារ​គ្រួសារ​របស់​ខ្លួន​​​ពី​ក្រុម​​ចោរប្លន់ប្រដាប់អាវុធ​​​ក្នុង​ខេត្ត​កំពត

ដោយ ឌឹ ខេមបូឌា ដេលី

បទវិភាគ

នគរ​បាល​បាន​និយាយ​កាលពី​ម្សិលមិញ​ថា ​បុរស​ម្នាក់​​ត្រូវ​ចោរប្លន់​បាញ់​ស្លាប់ក្នុង​ផ្ទះ​​នៅ​​​ពេល​គាត់​ព្យាយាម​ការពារ​​ភរិយា​​​និង​កូនៗ​របស់​គាត់​​ក្នុង​ខេត្ត​កំពត​កាលពី​យប់​ថ្ងៃ​អាទិត្យ។ លោក ម៉ៅ ចាន់មធុរិទ្ធ ​ស្នង​ការ​រង​នគរ​បាលខេត្ត​​​​បាន​និយាយ​ថា ចោរ​ប្លន់​មួយ​ក្រុម​មាន​គ្នា​បី​ទៅ​បួន​នាក់​បាន​​​ប្រើ​កន្ត្រៃ​កាត់​ដែក​​ចូល​តាម​របង​​ដែល​ព័ទ្ធជុំវិញ​ផ្ទះ​របស់​គ្រួសារ​នេះ នៅ​ស្រុក​ទឹកឈូ ​​បន្ទាប់​មក​បាន​ចូល​ក្នុង​ផ្ទះ​នោះ​តាម​ទ្វារ​ក្រោយ​។

លោក​ ម៉ៅ ចាន់មធុរិទ្ធ បាន​និយាយ​ថា នៅ​​​ពេល​លោក ណេង ណាត ​អាយុ​៥៤​ឆ្នាំ ​មាន​មុខរបរ​​ជា​អ្នក​រត់​​តាក់​ស៊ី បាន​ឮ​សំឡេង​​​មនុស្ស​ចូល​ផ្ទះ​​ គាត់​​បាន​បិទ​​ទ្វារ​​សម្ងំនៅ​​​ក្នុង​​​បន្ទប់​ដេក​​របស់​គាត់​ជាមួយ​ភរិយា​​​និង​កូន​​​ពីរ​នាក់ដោយ​យក​ខ្លួន​ពាំង​ទ្វារ​នោះ​ ចោរ​ប្លន់​ម្នាក់​​​ក្នុង​ចំណោម​ពួកវា​បាន​បាញ់​ទម្លុះ​ទ្វារ​ដោយ​ប្រើ​កាំភ្លើង​ខ្លី​ម៉ាកឡុក នៅ​ម៉ោង​ប្រហែល​៨​និង​៣០​នាទី​យប់។

លោក​បាន​និយាយ​ថា “ជន​រងគ្រោះ​បាន​ត្រូវ​ពីរ​គ្រាប់ ចំ​​​ក​​​និង​ទ្រូង​”។ លោក​បាន​​បន្ថែម​​​​​​ថា ពួក​​​ចោរ​ប្លន់​បាន​រត់បាត់​អស់​បន្ទាប់ពី​ការ​បាញ់​​ ប៉ុន្តែ​​យក​មិន​បាន​​​អ្វី​ទេ​ បើ​ទោះ​ជា​បាន​​រើ​កកាយ​បន្ទប់​មួយ​ក៏ដោយ។

លោក​​បាន​​បន្ថែម​ថា ”​ក្រុម​នេះ​អាច​​ជា​មុខ​​សញ្ញា​ចាស់​ ឬ​ជា​ក្រុមចោរប្លន់ប្រដាប់អាវុធ​​ថ្មី​​។ ឥឡូវ​នេះ ​នគរ​បាល​របស់​យើង​​កំពុង​ស៊ើប​​អង្កេត​​ដើម្បី​ស្វែង​រក​ចាប់ខ្លួន​ពួកគេ​”៕ និត

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស