40.6 C
Phnom Penh

អង្គរក្ស​​​អតីត​​​ប្រធាន​​​តុលាការ​​​ក្រុងភ្នំពេញ​​​​​​បដិសេធ​​​ការ​​​ចោទ​​​ប្រកាន់ថ្មី

ដោយ ឌឹ ខេមបូឌា ដេលី

បទវិភាគ

មេធាវី​​​របស់​​​លោក​​​ ពេជ្រ ព្រហ្ម​​​មុន្នី បាន​​​និយាយ​​​ថា កាល​​​ពី​​​ម្សិលមិញ លោក​​​ ពេជ្រ ​​​ព្រហ្មមុនី្ន ជា​​​ឧត្តម​​​សេនីយ៍​​​យោធា​​​ផ្កាយ​​​១ និង​​​ជា​​​អតីត​​​អង្គរក្ស​​​របស់​​​លោក  អាំង​​​ មាល​​​តី​​​ អតី​​​ត​​​ប្រធាន​​​តុលាការក្រុង​​​ភ្នំពេញ​​​អបយស​​​​​​ បាន​​​បដិសេ​​​ធ​​​ចំពោះ​​​ការ​​​ចោទ​​​ប្រកាន់​​​​​​​​​​​​ពី​​​បទ​​​ជ្រៀត​​​​​​ ជ្រែក​​​ក្នុង​​​កិច្ច​​​ការ​​​មន្ត្រី​​​សាធារណៈ​​​​​​នៅ​​​ពេល​​ត្រូវ​​​​​សាក​​​សួរ​​​នៅ​​​តុលាការ​​​។ ​​​

cam-photo-prum-mony-jens-800x533យោង​​​តាម​​​មេធាវី​​​ ផេង ស៊ីដេត បាន​​​ឲ្យ​​​ដឹង​​​ ថា ការ​​​ចោទ​​​ប្រកាន់​​​​​​ត្រូវ​​​បាន​​​ធ្វើ​​​ឡើង​​​ដោយ អង្គភាព​​​ប្រឆាំង​​​អំពើ​​​ពុក​​​រលួយ​​​ហើយ ជាប់​​​ទាក់​​​ទិន​​​នឹង​​​ការ​​​ដោះ​​​លែង​​​​​​​​​ឪពុក​​​ម្តាយ​​​លោក ថោង សារ៉ាត់ [អតីត​​​មន្ត្រី​​​យោធា​​​ក្រសួង​​​ការ​​​ពារ​​​ជាតិ​​​ដែល​​​ជាប់​​​ចោទ​​​ពីបទ​​​រៀប​​​ចំ​​​ផែន​​​ការ​​​ធ្វើ​​​ឃាត​​​ឧកញ៉ា អឹុង​​​ ម៉េងជឺ កាល​​​ពី​​​​​ខែ​​​វិច្ឆិកា​​​] ពី​​​ពន្ធនាគារ​​​ដោយ​​​មិន​​​ត្រឹម​​​ត្រូវ​​​។

លោក សីុដេត បាន​​​និយាយ​​​ថា កូន​​​ក្តី​​​របស់​​​លោក​​​ត្រូវ​​​បាន​​​សាក​​​សួរ​​​កាល​​​ពី​​​ម្សិល​​​មិញ​​​ ជុំ​​​វិញ​​​ការ​​​ចោទ​​​ប្រកាន់​​​ដោយ​​​ព្រះរាជ​​​អាជ្ញារង​​​លី សុផាន់ណា នៅ​​​តុលាការ​​​ក្រុង​​​ភ្នំពេញ​​​។

ដោយ​​​មិន​​​រៀប​​​រាប់​​​ច្រើន​​​ លោក ​​​ផេង ស៊ីដេត ​​បាន​​​មាន​​​ប្រសាសន៍​​​​​​ថា “គាត់​​​ត្រូវបាន​​​សាក​​​សួរ​​​លើ​​​ការ​​​ ចោទ​​​ចំនួន​​​ពីរ​​​ គឺ​​​ជំនួញ​​​ឥទ្ធិពល​​​អកម្ម​​​ និង​​​ការ​​​ជ្រៀត​​​ជ្រែក​​​ក្នុង​​​កិច្ច​​​ការ​​​មន្ត្រី​​​សាធារណៈ​​​។ ​​​ប៉ុន្តែ ព្រះរាជអាជ្ញារង​​​រូប​​​នេះ​​​​​​បាន​​​ផ្តោត​​ច្រើន​​​​ លើ​​​ជំនួញ​​​ឥទ្ធិពល​​​អកម្ម​​​​​​តាម​​​មាត្រា​​​៥៩៥​​​។​​​ ទាំង​​​នេះ​​​ជា​​​ការ​​​ចោទ​​​ប្រកាន់​​​ថ្មី​​​”។

ឧត្តម​​​សេនីយ៍​​​ត្រី ពេជ្រ ព្រហ្មមុន្នី ជា​​​សមាជិក​​​សំខាន់​​​ម្នាក់​​​នៃ​​​ក្រុម​​​សន្តិសុខ​​​របស់​​​លោក​​​ អាំង មាលតី​​​ ហើយ​​​ត្រូវ​​​បាន​​​ចាប់​​​ខ្លួន​​​នៅខែ​​​កុម្ភៈ ​​​តែប៉ុន្មាន​​​ថ្ងៃ​​​ប៉ុណ្ណោះ​​​ បន្ទាប់​​​ពី​​​ចៅ​​​ហ្វាយ​​​​​​របស់​​​គាត់​​​ត្រូវ​​​បាន​​​បណ្តេញ​​​ចេញ​​​ពីមុខ​​​​​​តំណែង​​ជា​​​ប្រធាន​​​​​​តុលាការ​​​ក្រុង​​​ភ្នំពេញ​​​ បន្ទាប់ពី​​​សុន្ទ​​​រក​​​ថា​​​មួយ​​​ដែលនៅ​​​ក្នុង​​​សុន្ទរកថា​​​នោះ​​​លោក​​​នាយក​​​រដ្ឋ​​​មន្ត្រី ​​​ហ៊ុន សែន បាន​​​លើក​​​ឡើង​​​ថា មន្ត្រី​​​តុលាការ​​​បាន​​​ទទួល​​​សំណូក​​​ជា​​​​​​ច្រើន​​​លាន​​​ដុល្លារ​​​ ដើម្បី​​​ដោះ​​​លែង​​​ឪពុក​​​ម្តាយ​​​របស់​​​​​​​​​ឧត្តម​​​ សេនីយ៍​​​ទោ ថោង សារ៉ាត់ ។

លោក​​​ អាំង មាលតី ​​​ត្រូវ​​​ជាប់​​​ពន្ធនាគារ​​​នៅ​​​ខេត្ត​​​កណ្តាល​​​ពីបទ​​​ចោទ​​​គៃ​​​បំបាត់​​​​​​កាល​​​ពី​​​ថ្ងៃ​​​អាទិត្យ​​​។ នៅ​​​ពេល​​​សួរ​​​ថា តើ​​​ការ​​​ចោទ​​​ប្រកាន់​​​ថ្មី​​​នេះ​​​ជាប់​​​ទាក់​​​ទិន​​​នឹង​​​ករណី​​​ឪពុក​​​ម្តាយ​​​របស់​​​ឧត្តមសេនីយ៍​​​ទោ ​​​ថោង ​​​សារ៉ាត់ ​​​ដែរ​​​ ឬ​​​ទេ​​​ លោក​​​មេធាវី ផេង ស៊ីដេត​​​ ​​​បាន​​​មាន​​​ប្រាសាសន៍​​​ថា​​​ “បាទ​​​ វា​​​អាច​​​”។ នៅ​​​ពេល​​​សួរ​​​ថា តើ​​​ការ​​​ចោទ​​​ប្រកាន់​​​ទាំង​​​នោះ​​​ពាក់​​​ព័ន្ធ​​​នឹង​​​លោក​​​ អាំង មាលតី ដែរ​​​ ឬ​​​យ៉ាង​​​ណា​​​ គាត់​​​បាន​​​និយាយ​​​ថា “ទេ​​​” ។

នៅ​​​ក្រៅ​​​សវនាការ​​​ ឧត្តម​​​សេនីយ៍​​​ត្រី  ពេជ្រ ព្រហ្មមុន្នី​​​ បាន​​​បដិសេធ​​​ការ​​​ចោទ​​​ប្រកាន់​​​ថ្មី​​​ទាំង​​​នោះ  ព្រោះ​​​គាត់​​​​​​រង​​​ការ​​​ចោទ​​​ប្រកាន់​​​​​ដែលជាប់​​​ពន្ធនាគារ​​​រួច​​​ហើយ​​​​​​ពាក់​​​ព័ន្ធនឹង​​​ការ​​​រំលោភ​​​អំណាច​​​របស់​​​លោក ​​​​​​អាំង មាលតី និង​​​ការ​​​ប្រើ​​​​​​រថយន្ត​​​ពាក់​​​ស្លាក​​​យោធា​​​ និង​​​នគរ​​​បាល​​​ដោយ​​​គ្មាន​​​ការ​​​អនុញ្ញាត​​​។

លោក​​​ ពេជ្រ ព្រហ្ម​​​មុន្នី បាន​​​និយាយ​​​ថា “ខ្ញុំ​​​មិន​​​ទទួល​​​យក​​​ការ​​​ចោទ​​​ប្រកាន់​​​នេះ​​​ទេ​​​ ពី​​​ព្រោះ​​​ខ្ញុំ​​​ មិន​​​ដឹង​​​អ្វី​​​នោះ​​​ទេ។ វា​​​ជា​​​រឿង​​​របស់​​​គេ​​​ទេ​​​​​​”។

​​​នៅ​​​ពេល​​​សួរ​​​ដោយអ្នក​​​កាសែត​​​នៅ​​​ឯតុលាការ​​​ក្រុង​​​ភ្នំពេញ​​​​​​ លោក លី សុផាន់​​​ណា ដែល​​​ជា​​​ព្រះរាជអាជ្ញា​​​រង​​​ បាន​​​បដិសេធ​​​មិនធ្វើ​​​អត្ថាធិ​​​ប្បាយ​​​អំពី​​​ករណី​​​នេះ​​​ទេ​​​៕

និត​​​

 

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស