27 C
Phnom Penh

នគរ​​​បាល​​​បង្ហាញ​​​ជន​​​សង្ស័យ និង​​​កញ្ឆា​​​​​​​ជា​​​​ច្រើន​​​មុខ​​​អ្នក​​​យក​​​ព័ត៌​​​មាន​​​

ដោយ ឌឹ ខេមបូឌា ដេលី

បទវិភាគ

សមាជិក​​​បី​​​នាក់​​​នៃ​​​ក្រុម​​​ជួញ​​​ដូរ​​​គ្រឿង​​​ញៀន​​​អន្តរ​​​ជាតិ និង​​​កញ្ឆា​​​ទម្ងន់​ជាង​​​១តោន​​​​​​ដែល​​​គេ​​​​ចោទ​​​ប្រកាន់​​​ថា អ្នក​ទាំងនេះ​បាន​​នាំ​​​ចូល​​​ពី​​​ប្រទេស​​​ឡាវនោះ​​​​ត្រូវ​​​បាន​​​​បង្ហាញ​​​កាល​​​​​​​ពី​​​ម្សិល​​​មិញ ​​​​​​នៅ​​​ចំពោះ​​​មុខ​​​អ្នក​​​យក​​​ព័ត៌មាន​​​អំឡុង​​​សន្និសីទ​​​កាសែត​​​មួយ​​​នៅ​អគ្គស្នងការ​ដ្ឋាន​​​​នគរ​​​បាល​​​ជាតិ​​​ក្នុង​​​រាជធានី​​​ភ្នំពេញ​​​។

cam-photo-marijuana-sovannara​លោក​ ខៀវ សាម៉ន ប្រធាន​​​​នាយក​ដ្ឋាន​​​​​​​​ប្រឆាំង​​​គ្រឿង​​​ញៀន​​​ក្រសួង​​​មហាផ្ទៃ​​​ដែល​​​ដឹក​​​នាំ​​​ការ​​​សើុប​​​អង្កេត​​​មួួ​​​យ​​​[ដែល​​​ឈាន​​​​​​ទៅ​​​ដល់​​​ការ​​​ចុះ​​​បង្ក្រាប​​​ទី​​​តាំង​​​ដាច់​​​ដោយ​​​ឡែក​ពីគ្នា​​​​​​​​ចំនួន​​​បី​​​ និង​​​ចាប់ខ្លួន​​​បាន​​​មនុស្ស​​​ចំនួន​​​បី​​​នាក់​​​នៅ​​​ក្នុង​​​រាជធានី​​​ភ្នំពេញ​​​កាល​​​ពីថ្ងៃ​​​សុក្រ​​​ និង​​​ថ្ងៃ​​​សៅរ៍]​​​ បាន​​​លើក​​​ឡើង​​​ថា កញ្ឆា​​​ទម្ងន់​​​១,៤​តោន​​​​​​ដែល​​​ត្រូវ​​​បាន​​​រឹប​​​អូស​​​នៅ​​​ក្នុង​​​ប្រតិ​បត្តិ​ការ​​​ចុះ​​​បង្ក្រាប​​​​មាន​​​តម្លៃ​​​ជាង​​​៧​​​លាន​​​ដុល្លារ​​​ហើយ​​​មាន​​​គោល​​​ដៅ​​នា​​​ំ​​​ចេញ​​​។

លោក​​​បាន​​​មាន​​​ប្រសាសន៍​​​ថា ”កញ្ឆា​​​​នោះ​ត្រូវ​​​បាន​​​វេច​​​ខ្ចប់​​​​​​ប្រក​​​ប​​​ដោយ​​​បច្ចេក​​​​ទេស​ខ្ពស់​​​សម្រាប់​​​លក់​​​ទៅ​​​ប្រទេស​​​ទី​​​៣​​​ ដែល​​​មាន​​​តម្លៃ​​ខ្ពស់​ និង​​​ទីផ្សារ​​​ធំ​​​ទូលាយ​​​។ ប្រសិន​​​បើ​​​យើង​​​វាយ​​​តម្លៃ​​​វា​​​​​តាម​​​ស្តង់​​​​ដារ​​​អន្តរ​​​ជាតិ​​​ដែល​​​​​ជា​វិធីវាយតម្លៃ​ត្រូវ​​​បាន​​​ប្រើ​​​ប្រាស់​​​ដោយ​​​នគ​​​រ​​​បាល​​​​​នៅ​​​ក្នុង​​​ប្រទេស​​​អូស្ត្រាលី អាមេរិក​​​ ​​​​​​​​និង​​​អឺរ៉ុប​​​នោះ​​​ កញ្ឆា​​​ដែល​​​រឹប​​​អូស​​​បាន​​​ទាំង​​​នេះ​​​មាន​​​តម្លៃ​​​ជាង​​​៧​​​លាន​​​ដុល្លារ”​​​​។

ឧត្តម​​​សេនីយ៍​​​​ឯក​​​​រូប​​​នេះ​​​បាន​​​ពន្យល់​​​ពី​​​របៀប​​​​​​​​​​ដែល​​​ សំ តារា អាយុ​​​៣៦​​​ឆ្នាំ​​​ ​[ហៅ​​​ថា ​បារាំង​]​ វិត ​​​សាំង អាយុ​​​៤៨​​​ឆ្នាំ និង​​​ សួន​​​ ភក្តី​​​ អាយុ​​​​​​៣៣​​​ឆ្នាំ បាន​នាំ​​​កញ្ឆា​​​​​​ចេញ​​​ពី​​​ប្រទេស​​​ឡាវ​​​។

លោក​​​មាន​​​ប្រសាសន៍​​​ថា “បារាំង​​​ ដែល​ជា​​​​​អ្នក​​​បក​​​ប្រែ​​​ ទទួល​​​បាន​​​ប្រាក់​​​ពី​​​បរទេស​​​​​​ដើម្បី​​​ទិញ និង​​​ដឹក​​​ជញ្ជូន​​​កញ្ឆា”។

ជន​ជួញដូរ​គ្រឿង​ញៀន​បី​នាក់​ត្រូវ​បាន​សមត្ថកិច្ច​​បង្ហាញ​មុខ​​​​​ដល់​​​អ្នក​យក​ព័ត៌មាន​ រួម​ជាមួយ​នឹង​កញ្ឆា​​ទម្ងន់​ជាង​១,៤​តោន អំឡុង​សន្និសីទ​កាសែត​នៅ​អគ្គស្នងការ​​ដ្ឋាននគរ​បាល​ជាតិ​​​ កាលពី​ម្សិលមិញ។ រូបថតៈ ខែម សុវណ្ណារ៉ា
ជន​ជួញដូរ​គ្រឿង​ញៀន​បី​នាក់​ត្រូវ​បាន​សមត្ថកិច្ច​​បង្ហាញ​មុខ​​​​​ដល់​​​អ្នក​យក​ព័ត៌មាន​ រួម​ជាមួយ​នឹង​កញ្ឆា​​ទម្ងន់​ជាង​១,៤​តោន អំឡុង​សន្និសីទ​កាសែត​នៅ​អគ្គស្នងការ​​ដ្ឋាននគរ​បាល​ជាតិ​​​ កាលពី​ម្សិលមិញ។ រូបថតៈ ខែម សុវណ្ណារ៉ា

នៅក្នុង​​​ប្រទេស​​​ឡាវ​​​  កញ្ឆា​​​ត្រូវ​​​បាន​​​វេច​​​ខ្ចប់​​​​​​​ជា​​​កញ្ចប់​​​ៗ​​​ដោយ​​​​មាន​​បិទ​​​​ស្លាក​​​​​​ថា Dao Coffee ​ហើយ​បន្ទាប់​​​មក​​​ត្រូវ​​​បាន ​​​វិត សាំង ជាអ្នក​ដឹក​​​ជញ្ជូន​​​ មក​​​​​​កាន់រាជធានី​​​ភ្នំពេញ​​​ ជាទីដែល​ សួន​​​ ​​ភក្តី បាន​​​វេច​​​ខ្ចប់​​​​សា​​​ជា​​​ថ្មី​​​នៅក្នុង​​​កញ្ចប់​​​ប្លាស្ទិក​​​​​ដែល​​​​បិទ​​​យា៉ង​​​ជិត​​​។

ឧត្តម​​​សេនីយ៍​​​ឯក​ ខៀវ សាម៉ន បាន​​​លើក​​​ឡើង​​​ទៀត​​​ថា បុរស​​​ទី​​​៤​​​ត្រូវ​​​បាន​​​ចាប់​​​ខ្លួន​​​ក្នុង​​​រាជធានីកាល​​​ពីថ្ងៃ​​​សុក្រ ប៉ុន្តែ ត្រូវ​​​បាន​​​ដោះ​​​លែង​​​វិញ ព្រោះ​​​គាត់​​​ពុំ​​​មាន​​​ជាប់​​​ពាក់​​​​ព័ន្ធនឹង​ក្រុម​​​ជួញ​​​ដូរ​​​គ្រឿង​​​ញៀន​​​នេះ​​ឡើយ​​​។ ​​ហើយ​នគរ​​​បាល​​​ក៏​​​កំពុង​​​តែ​​​​​​សើុប​​​អង្កេត​​​ហើយ​​​រក​​​ឃើញថា​ជន​​​ជាតិ​​​អឺរ៉ុប​ម្នាក់​​​មាន​​​​ជាប់​​​ពាក់​​​ព័ន្ធ​​​ក​​​្នុង​​​ក្រុមគ្រឿង​​​ញៀន​​​នេះផង​​​ដែរ ​​​ប៉ុន្តែ លោក​​​​បដិសេធ​​​មិន​​​ផ្តល់​​​ព័ត៌​​​មាន​​​​​​លម្អិត​​​ឡើយ​​​។

ជន​​​សង្ស័យ​​​ទាំង​​​បី​​​នាក់​​​នេះ​​​ត្រូវ​​​បានសាក​​​សួរ​​​នៅសាលា​​​ដំបូងរាជធានី​​​កាល​​​ពីម្សិល​មិញ​​​​នេះ​​​បើ​​​យើង​​​តាម​​​លោក សៀង សុខ ​ព្រះ​រាជ​​អាជ្ញារង​​​អម​​​សាលា​​​ដំបូង​​​រាជធានី​​​។ លោក​​​បាន​​​លើក​​​ឡើង​​ថា ពួក​​​គេ​​​អាច​​​ប្រឈម​​​នឹង​​​ការ​​​ជាប់​​​ពន្ធនាគារ​​​ចាប់​​​ពី​​​១០​​​ឆ្នាំ​​​ ដល់​​​​មួយ​​​ជីវិត​​​ប្រសិន​​​បើ​​​​​​រក​​​ឃើញ​​​ថា ពិត​​​ជាបាន​​​ជួញ​​​ដូរ​​​កញ្ឆា​​​​​ទាំង​​​នេះ​​​មែន​​​នោះ ។

នៅ​​​ឯសន្និសីទ​​​កាសែត ឧត្តម​​​សេនីយ៍​​​ឯក​ ​ខៀវ សាម៉ន បាន​​​លើក​​​ឡើង​​​ថា អំឡុង​​​រយៈ​​​ពេល​​​ប្រាំ​​​ពីរ​​​ខែ​​​ដំបូង​​​នៃ​​​ឆ្នាំ​​​នេះ​​​ នគ​​​របាល​​​ជាតិ​​​​ចាប់​​​ខ្លួន​​​ជន​​​សង្ស័យ​​​បាន​​​ជាង​​​២.០០០នាក់​​​នៅក្នុង​​​ករណី​​​ដែល​​​ជាប់​​​ពាក់​​​ព័ន្ធ​​​នឹង​​​គ្រឿង​​​ញៀន​​​ចំនួន​​​១.៣០០​​​ករណី​​​ ហើយ​​​រឹប​​​អូស​​​បាន​​​​​​​​​ថ្នាំ​​​ញៀន​​​ប្រភេទ​​​ណាកូទិក​​​​​​​​​៩០​​​គីឡូក្រាម​​​ដោយ​​​មិន​​​រាប់​​​​​​បញ្ចូល​​​កញ្ឆា​​​ទម្ងន់​​​១,៤​​​តោន​ដែលទើបតែ​រឹបអូសបាន​​​​នេះ​​​៕ ស៊ុយឈាង​

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស