30 C
Phnom Penh

ចោរប្លន់​​ម៉ូតូម្នាក់​​​​ត្រូវ​​​នគរ​​​បាល​​​​​​បាញ់​​​ស្លាប់​​​​​​ក្នុង​ក្រុង​ប៉ោយ​ប៉ែត ខេត្ត​​​បន្ទាយ​​​មាន​​​ជ័យ​​​

ដោយ ឌឹ ខេមបូឌា ដេលី

បទវិភាគ

យោង​តាម​​​ក្រុម​​​មន្ត្រី​​​បាន​​​ឲ្យដ​​​ឹង​​​ថា ចោរ​​​ប្លន់​​​​ម៉ូតូ​​​ម្នាក់​​​ត្រូវ​​​បាន​​​នគរ​​​បាល​​​បាញ់​​​ស្លាប់​​ពេល​កំពុង​​​​​​​ដេញ​​​តាម​​​ ហើយ​បាញ់​តដៃជា​​​   មួយ​​​​នគរបាល​នៅ​​​ក្នុង​​​ក្រុង​​​ប៉ោយ​​​ប៉ែត​​​ ខេត្ត​​​បន្ទាយ​​​​​​មាន​​​ជ័យ​​​ កាល​​​ពី​​​យប់ថ្ងៃ​​​ច័ន្ទ ប៉ុន្តែ មន្ត្រី​​​អង្គការ​​​សិទ្ធិ​​​មនុស្ស​​​ដែល​​​បាន​​​និយាយ​​​ជាមួយ​សាក្សី​​បាន​​​ច្រាន​​​ចោល​​​ការ​​​លើក​​​ឡើង​​​របស់​​​ពួក​​​គេ។

លោក អាត់ ខែម ស្នង​​​ការ​​​នគរ​​​បាល​​​ខេត្ត​​​បាន​​​មាន​​​ប្រសាសន៍​​​កាល​​​ពី​​​ម្សិលមិញ​​​ថា នគ​រ​​បាល​​​​​​ក្រុង​​​ប៉ោយ​​​ប៉ែត​​​បាន​​​ដេញ​​​តាម​​​ចោរ​​​ពី​​​រ​​​នាក់​​​ជិះម៉ូតូ​​​ដែល​​​ពួក​​​គេ​​​ទើ​​ប​​​ប្លន់បាន​​​​ ស្រាប់​​​តែ​​​មាន​ការ​​​បាញ់​​​​​​បាន​​កើត​ឡើង​។

លោក​​​បាន​​​មាន​​​ប្រសាសន៍​​​ថា ចោរ​​​ម្នាក់​​​ក្នុង​​​ចំណោម​​​ចោរ​​​ពីរ​​​នាក់​​​ត្រូវ​​​បាន​​​បាញ់​​​ស្លាប់​​​ដោយ​​​ត្រូវ​មួយគ្រាប់​​​​ចំបេះ​​​ដូង ហើយ​​​ថា ​​​ចោរ​​​ម្នាក់​​​ទៀត​​​ដែល​​​មាន​​​កំាភ្លើង​​​បាន​​​រត់​​​ចោល​ម៉ូតូ​​​​​​។

លោក អាត់ ខែម បាន​​​ថ្លែង​​​ថា “ចោរ​ដែល​​​​​​មាន​កាំភ្លើង​​​មាន​​​ដីកា​​​ចាប់​​​ខ្លួន​​​ចំនួន​​​ពីរ​​​ជាប់​​​ពាក់​​​ព័ន្ធ​​​អំពើ​​​ប្លន់​​​ប្រដាប់​​​អាវុធនៅ​​​​ក្នុង​​​ខេត្ត​​​កំពង់​​​ចាម ប៉ុន្តែ កាល​​​ពីយប់​​​មិញ​​​នេះ ពួក​​​គេ​​​ត្រូវ​​​នគរ​បាល​​​យើង​​​ដេញ​​​តាម​​​ ហើយ​​​បាន​​​បាញ់​​​មក​​​លើ​​​កម្លាំង​​​របស់​​​យើង​​​”។

លោក​​​បាន​​​ថ្លែង​​​ថា លោក​​​មិន​​​ស្គាល់​​​ឈ្មោះ​​​​​​ ចោរ​​​ទាំង​​​នោះ​​​ទេ ប៉ុន្តែ​​​ថា មន្ត្រី​​​របស់​​​យើង​​​កំពុង​​​ស្វែង​​​រក​​​ចោរ​​​ម្នាក់​​​ដែល​​​បាន​​​រត់​​​គេច​​​ខ្លួន​​​។ លោក​​​បាន​​មាន​ប្រសាសន៍ថា ម៉ូតូ​​​ពីរ​​​គ្រឿង​​​​​​ដែល​​ពួកគេ​ប្លន់​​​បាន​​​នោះ​​​ត្រូវ​​​បាន​​​ប្រគល់​​​ជូន​​​ម្ចាស់​​​វិញ​​​។ លោក ​​​អំុ សុផល ​​​អធិ​​​ការ​​​នគរ​​​បាល​​​ក្រុង​​​ប៉ោយ​​​ប៉ែត​​​មិន​​​អាច​​​ទាក់​​​ទង​​​សុ​​​ំ​​​អត្ថាធិប្បាយ​​​បាន​​​ទេ។

លោក ស៊ុម ចាន់គា អ្នកសម្រប​​​សម្រួល​​​អង្គការ​​​សិទ្ធិ​​​មនុស្ស​​​អាដហុក​​​ប្រចាំខេត្ត​​​នេះ​​​បាន​​​មាន​​​ប្រសាសន៍​​​ថា សាក្សី​​​ដែល​​​លោក​​​បាន​​​សាក​​​សួរ​​​ បាន​​​ផ្តល់​​​ហេតុ​​​ផល​​​ខុស​​​ៗគ្នា​​​​​​។

លោក​​​ ចាន់​​​គា​​​ បាន​​​មាន​​​ប្រសាសន៍ទៀត​​​ថា អ្នក​​​រត់​​​ម៉ូតូ​​​ឌុប​​​ដែល​​​អះអាង​​​ថា បាន​​​ឃើញ​​​​​​​​ការ​​​​ដេញ​​​តាមនោះ ​​​បាន​​​ប្រាប់​​​លោក​​​ថា ​​​បុរស ​ដែល​បាន​​​​​​ដេញ​​​តាម​​​ចោរ​​​ទាំង​​​នោះ​​​ ​​​ស្លៀក​​​ពាក់​​​ស៊ីវិល​​​ ហើយ​​​ថា ក្រោយមក​​​​​​បាន​​​ឃើញ​​​បុរស ​​​ដដែល​​​គេ​​​ច​​​​​​ខ្លួន​​ពី​តំបន់នោះ។អ្នក​​​រត់​​​ម៉ូតូ​​​​​​ឌុបទាំង​នោះ​​​​បាន​​​ប្រាប់​​​លោក​​​ថា នគរ​​​បាល​​​​​​​ស្លៀក​​​ពាក់​​​ឯក​​​សណ្ឋាន​​​បាន​​​មក​​​ដល់​​​​​​តាម​​​ក្រោយ​​​។

លោក​​​បាន​​​មាន​​​ប្រសាសន៍​​​ថា ស្ត្រី​​​ម្នាក់​​​ដែល​​​បាន​​​អះអាង​​​ថា បាន​​​ឮ​​​ស្នូរ​​​កាំភ្លើង​​​​​​នៅ​​​ខាង​​​ក្រៅ​​​វត្ត​​​មួយ បាន​​​ប្រាប់​​​លោក​​​​​​ថា អ្នកស្រី​បាន​​​ឮស្នូរ​​​កាំភ្លើង​​​មួយ​​​គ្រាប់ប៉ុណ្ណោះ ហើយ​​​​​​​ថា មិន​មានការ​បាញ់តទល់​​​គ្នាទេ​​​។

លោក ស៊ុម ចាន់​​​គា បាន​​​មាន​​​ប្រសាសន៍​​​បន្ថែម​​​ទៀត​​​ថា ​​​”នគ​​​របាល​​​ដែល​​​បាញ់​​​ចោរ​​​នោះ​​​​​​មិន​​​មែន​​​បាញ់​​​ចោរ​​​ប្លន់​ដែលមាន​​​​អាវុធ​​​ឡើយ​​​ ពី​​​ព្រោះ​​​ ចោរ​​​នោះ​​​គ្មាន​​​កាំភ្លើង​​​ទេ​​​”៕​​​ សារុន

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស