40.3 C
Phnom Penh

នគរបាល​ស្វែង​រក​​ម្ចាស់​អន្ទាក់​កណ្តុរ​​ដែលបាន​ឆក់​បុរស​ម្នាក់​​ស្លាប់​ក​​​្នុង​​​ស្រុក​​​កោះធំ ខេត្ត​​​កណ្តាល

ដោយ ឌឹ ខេមបូឌា ដេលី

បទវិភាគ

នគរ​​​បាល​​​ខេត្ត​​​កណ្តាល​​​ កំពុង​​​ស្វែង​​​រក​​​ម្ចាស់​​រាយ​​​អន្ទាក់​​​​​​កណ្តុរ​​​ម្នាក់​​​ដែល​​​បាន​​​ធ្វើ​​​ឲ្យ​​​​​​ឆក​​​់​​​អ្នកដើរ​បាញ់​កណ្តុរម្នាក់​​​​​​ទៀត និង​​​ដែល​​​គេ​​​ជឿ​​​ថា បាន​​​រត់​​​គេច​​​ខ្លួន​​​បន្ទាប់​​​ពី​​​យក​​​សាក​​​សព​​​ជន​​​រង​​​គ្រោះ​​​ទៅ​​​ទម្លាក់​​​ចោល​​​ក្នុង​​ព្រែក​ក្បែរ​​​នោះ​​​​​​។

លោក​​​ មួយ​​​ ចាន់​​​តិច​​​ អធិការ​​​នគរ​​​បាល​​​​​​ស្រុក​​​កោះធំ​​​ បាន​​​មាន​​​ប្រសាសន៍​​​ថា កសិករ​​​ម្នាក់​​​បាន​​​ឮ​​​លោក យន់​ ឃឿន អាយុ​​​៤៧​​​ឆ្នាំ  ស្រែក​​​ឲ្យ​​​ជួយ​​​ពី​​​វាល​​​​​​ស្រែ​​​មួយ​ក្បែរ​​​នោះ​​​នៅម៉ោង​​​ប្រហែល​​​២និង​​​៤០​​​នាទី​​​រំលង​​​អធ្រាត្រ​​​​​​ថ្ងៃ​​​សៅរ៍។ នៅ​​​ពេល​​​កសិកររូប​​​នេះ​​​​​​មក​​​ដល់​​​កន្លែង​​​នោះ​​​ជាមួយ​​​អ្នក​​​ជិត​​​ខាង​​​មួយ​​​ក្រុម​​​​​​ប្រហែល​​​៥នាទី​​​ក្រោយ​​​មក ​​​​​​បុរស​​​រូប​​​នោះ​​​ស្លាប់​បាត់​​​ទៅ​​​ហើយ​​​។

លោក​​​បាន​​​ថ្លែង​​​ថា “នៅ​​​ពេល​​​ពួក​​​គាត់​​​ទៅ​​​ដល់​​​ទី​​​នោះ​​​ ពួក​​​គាត់​​​ឃើញ​​​ថា សាក​​​សព​​​ត្រូវ​​​​អន្ទាក់​​​កណ្តុរឆក់​​​់​​​ដៃ​​​ខា​​​ង​​​ស្តាំ​​​។ ខ្សែ​​​លួស​​​អន្ទាក់​​​ នោះ​​​តូច​​​ណាស់ ដូច្នេះ ប្រហែល​​​ជា​​​គាត់​​​មើល​​​មិន​​​ឃើ​​​ញ​​​អន្ទាក់​​​នោះទេ​​​​​​ ហេតុ​នេះ​​​ហើយ​​​បានជា​​​គាត់​​​ទៅ​​​​​​រើស​​​កណ្តុរ​​​នោះ​​​ ហើយ​​​​​​ឆក់​​​ស្លាប់​​​តែ​​​ម្តង​​​”។

លោក ចាន់​​​តិច បាន​​​មាន​​​ប្រសាសន៍​​​ថា ​​​អ្នក​​​ជិត​​​ខាង​​​បាន​​​រត់​ទៅ​ប្រាប់​​​​​​ប្រពន្ធ​​​របស់​​​លោក យន់​​​​ ឃឿន ប៉ុន្តែ ថា នៅ​​​ពេល​​​ពួក​​​គាត់​​​​​​ត្រឡប់​​​ទៅ​​​កន្លែង​​​កើត​​​ហេតុវិញ​​​​ ប្រហែល​​​៣០​​​នាទី​​​ក្រោយ​​​​​​មក​​​ ស្រាប់​​​តែ​​​បាត់​​​​​​សាក​​​សព​​​តែម្តង​​​។​​​ក្រោយ​​​មក​​​ពួក​​​គាត់​​​បាន​​​រក​​​ឃើញ​​​ចំពាម​​​កៅស៊ូ កន្ត្រក​​​ និង​​​ក្រមា របស់​​​ជន​​​រង​​​គ្រោះ​​​នៅមាត់​​​ព្រែក​​​​ក្បែរ​​​នោះ​​​។

អធិការ​​​នគរ​​​បាល​​​រូប​​​នេះ​​​បាន​​​មាន​​​ប្រសាសន៍​​​ថា “ទី​​​បំផុត ​​​សាក​​​សព​​​របស់​​​លោក​ យន់ ឃឿន ត្រូវ​​​ប្រទះ​​​​ឃើញ​​​អណ្តែត​​​ទឹក​​​ព្រែក​កាល​​​ពី​​​ព្រឹក​​​ថ្ងៃ​​​ច័ន្ទ ដោយ​​​ទាក់​​​​នឹង​មង​​​​ចម្ងាយ​​​ប្រហែល​​​៨​​​គីឡូម៉ែត្រ​​ពីកន្លែង​ដែល​​​គាត់​ស្លាប់​​​”។

លោក​​​ ចាន់​​​តិច បាន​​​មាន​​​ប្រសាសន៍​​​​​​ទៀត​​​ថា បន្ទាប់ពី​​​ធ្វើ​​​កោសល្យ​​​វិច័យ​​​ នគរ​​​បាល​​​សង្ស័យ​​​ថា ជន​​​រង​​​គ្រោះ​​​ស្លាប់ដោយសារ​​​ឆក់​​​​​​អន្ទាក់​​កណ្តុរ​​​ ពីព្រោះ​​​ពួកគេ​​​បាន​​​រក​​​ឃើញ​​​ស្នាម​​​​​​របួស​​​​​​​​​នៅ​​​លើ​​​ដៃ​​​ស្តាំ​​​របស់​​​គាត់​​​។ ឥឡូវ​​​នេះ​​​នគរ​​​បាល​​​កំពុង​​​តាមស្វែង​​​រក​​​ចាប់​​​ខ្លួន​​​ម្ចាស់​​​អន្ទាក់​​​នោះហើយ​​​។

លោក​​​បាន​​​ថ្លែង​​​ថា “នគរ​​​បាល​​​​​ជឿ​​​ថា ​​​បុរស​​​ដែល​​​ជា​​​ម្ចាស់​​​ដី​​​​​​ មិន​​​មែនជា​​​ម្ចាស់​​​អន្ទាក់​​ទេ​​ពីព្រោះ​​​គាត់​​​​​​មិន​​​មែន​​​ជា​​​អ្នក​​​ដាក់​​​អន្ទាក់​​​កណ្តុរ​​​ទេ​​​”។

លោក កែវ ប៊ុនលី នាយ​​​ប៉ុស្តិ៍​​​ឃុំ​​​ព្រែក​​​ថ្មី​​​ បាន​​​មាន​​​ប្រសាសន៍​​​ថា ការ​​​ដាក់​​​អន្ទាក់​​​កណ្តុរ​​​ឆក់​​​បែប​នេះ​​​គឺ​​​ជា​​​រឿង​​​ទូទៅ​​​ទៅ​​​ហើយ​​​ក្នុង​​​ចំណោម​​​កសិករ​​​ ដែល​​​ចង់​​​ការ​​​ពារ​​​ដំណាំ​​​របស់​​​ខ្លួន​​​ពី​​​សត្វ​​​ចង្រៃនោះ ប៉ុន្តែ ថា ពួកគាត់​​​ត្រូវ​​​ដាក់​​​​​​សញ្ញា​​​ព្រមាន​​​ ហើយ​​​ប្រាប់​​​អ្នក​​​ជិត​​​ខាង​​​ខ្លួន​​​ឲ្យ​​​ដឹង​​​ពី​​​ការ​​​ដាក់​​​អន្ទាក់​​​ផង​​​។

ដោយ​កត់សម្គាល់ឃើញ​​​ថា មាន​មនុស្ស​បួននាក់​នៅក្នុង​ស្រុក​នេះ​​ទទួលរង​គ្រោះ​​​ថ្នាក់​ដូច​គ្នានេះដែរ​​​​ចាប់តាំង​ពី​ខែ​មករាមក​ លោក កែវ ​​​ប៊ុន​​​លី​​​ បានមាន​​​ប្រសាសន៍​​​ថា   “វា​​​ជាការ​​​ខុស​​​ច្បាប់​​​ក្នុង​​​ការ​​​​​​ ប្រើ​​​ប្រាស់​​​អន្ទាក់​​​ឆក់​​​ដោយ​​​មិន​​​បាន​​​ជូន​​​ដំណឹង​​​ជា​​​មុន​​​”៕ សារុន​​​ ​​​

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស