38 C
Phnom Penh

នគរបាល​បណ្តេញ​​​​កម្មករ​ចំណាកស្រុក​​​បរទេស​​​៤៧នាក់ចេញ​​​ពី​​​កម្ពុជា​​​

ដោយ ឌឹ ខេមបូឌា ដេលី

បទវិភាគ

មន្ត្រី​​​អន្តោ​ប្រវេសន៍ម្នាក់​​​បាន​​​និយាយ​​​ថា ​​​កម្មករ​​​ចំណាក​​​ស្រុក​​​វៀតណាម​​​ខុស​​​ច្បាប់​​​ជិត​​​៦០​នាក់​​​ត្រូវ​​​នគរបាល​​​អន្តោប្រវេសន៍​​​ឃាត់​ខ​​​្លួន​​​កាល​​​ពីម្សិលមិញ អំឡុង​​​ការ​​​ឆ្មក់​​​ចូល​​​រោង​​​ជាង​​​ធ្វើ​​​គ្រឿង​​​សង្ហារិម​​​ប្រាំមួយ​​​កន្លែង​​​ និង​​​ហាង​​​កាហ្វេ​​​មួយ​​​កន្លែង​​​ក្នុង​​​ខណ្ឌ​​​ចំការ​​​មន​​​ រាជ​​​ធានីភ្នំពេញ​​​។

នគរ​​​បាល​​​អន្តោប្រវេសន៍​​​ឃាត់​​​ខ្លួន​​​ស្ត្រីជន​​​ជាតិ​​​វៀតណាម​​​ ម្នាក់អំឡុង​​​ប្រតិបត្តិការ​​​ឆ្មក់​​​ចូលហាង​​​កាហ្វេ​​​មួយកន្លែង​​​​​​ ដែលមាន​​​ទី​​​តាំង​​​​​​ស្ថិត​​​នៅ​​​​​​​​​ក្នុង​​​ខណ្ឌ​​​ចំការ​​​មន​​ រាជ​​​ធានីភ្នំពេញ កាល​​​ពីម្សិល​​​មិញ។ រូបថតៈ សីុវ ចាន់ណា/The Cambodia daily
នគរ​​​បាល​​​អន្តោប្រវេសន៍​​​ឃាត់​​​ខ្លួន​​​ស្ត្រីជន​​​ជាតិ​​​វៀតណាម​​​ ម្នាក់អំឡុង​​​ប្រតិបត្តិការ​​​ឆ្មក់​​​ចូលហាង​​​កាហ្វេ​​​មួយកន្លែង​​​​​​ ដែលមាន​​​ទី​​​តាំង​​​​​​ស្ថិត​​​នៅ​​​​​​​​​ក្នុង​​​ខណ្ឌ​​​ចំការ​​​មន​​ រាជ​​​ធានីភ្នំពេញ កាល​​​ពីម្សិល​​​មិញ។ រូបថតៈ សីុវ ចាន់ណា/The Cambodia daily

លោក អ៊ុក ហៃសិលា ប្រធាន​​​ផ្នែក​ស៊ើប​អង្កេត​នៅ​នាយកដ្ឋាន​​​អន្តោ​​​ប្រវេសន៍​​​នៃ​​​ក្រសួង​​​ ​​​មហា​ផ្ទៃ​​​ បាន​​​មាន​​​ប្រសាសន៍​​​ថា មន្ត្រី​​​នគរបាល​​​​​​ប្រហែល​​​៤០​​​នាក់​​​បាន​​​ឡោម​​​ព័ទ្ធ​​​រោង​​​ជាង​​​មួយ​ចំនួន​​​​ក្នុង​​​សង្កាត់​​​បឹង​​​ត្របែក​​​នៅ​​​ម៉ោង​​​​​​ប្រហែលល​​​៩​​​ព្រឹក ​​​មុន​​​ពេលឆែក​​​ឆេរ​​​រក​​​កម្មករ​​​ដែល​​​គ្មានប័ណ្ណការងារ​ និង​​​​ឯកសារ​​​ស្នាក់នៅ​ត្រឹម​​​ត្រូវ​​​។

ឧត្តម​​​សេនីយ៍​​​ទោ អ៊ុក ហៃ​​​សិលា បាន​​​មាន ​​​ប្រសាសន៍ថា “យើង​​​បាន​​​សហការ​​​ជាមួយ​​​អាជ្ញាធរមូលដ្ឋាន​​​ឆែក​​​ឆេរ​​​រោង​​​ជាង​​​ធ្វើ​​​គ្រឿង​​​សង្ហារិ​​​ម​​​ជា​​​ច្រើន​​​…។ យើង​​​បាន​​​រក​​​ឃើញ​​​កម្មករ​​​សរុប​៥៧​​​នាក់​​​ មាន​​​​​​ជាង​​​ឈើ ​​​និង​​​ជាង​​​ឆ្លាក់​​​” ដែលខ្វះ​ឯកសារ​​ចាំបាច់​​​​។ ​​​លោក​​​បាន​​​បន្ថែម​​​ថា ហាង​​​កាហ្វេ​​​មួយ​​​នៅ​ក្នុង​​​តំបន់​​​នេះ ​​​ក៏​​​ត្រូវ​​​បាន​​​ឆ្មក់​​​ចូល​​​ផង​​​ដែរ​​​។

លោក​​​បាន​​​ថ្លែង​​​ថា អ្នក​​​ដែល​​​ត្រូវ​​​បាន​​​ឃាត់​​​ខ្លួនទាំង​នោះ​ ​​​ត្រូវ​​​បាន​​​បញ្ជូន​​​ទៅ​កន្លែង​​​ឃុំ​​​ខ្លួន​​​បណ្តោះ​អាសន្ន​​​នៅ​​​ក្បែរ​​​អាកាស​​​យាន​ដ្ឋាន​​​​​​អន្តរជាតិ​​​ភ្នំពេញ ទីដែល​នគ​​​របាល​​​បាន​​​ឆែក​​​ឆេរ​​​​​​រក​​​ប័ណ្ណ​​​ការ​​​ងាររបស់ពួកគេ​។

ដោយ​​​ពន្យល់ថា កម្មករ​​​១០​​​នាក់​​​នឹងត្រូវ​​​បញ្ជូន​​​ទៅ​​​នាយកដ្ឋាន​​​អន្តោ​​​ប្រវេសន៍​​​ ដើម្ប​​ី​​​សាក​​​សួរ​​​បន្ថែម ហើយ​​​តម្រូវ​​​ឲ្យ​​​បង់​​​ប្រាក់​​​សម្រាប់​​​ប័ណ្ណ​​​ការងារ និង​​​ទិដ្ឋាការនោះ លោក​​​បាន​​​ថ្លែង​​​ថា “ក្នុង​​​ចំណោម​​​អ្នក​​​ដែល​​​ត្រូវ​​​បាន​​​ឃាត់​​​ខ្លួន​​​ យើង​​រក​​​ឃើញ​​​ថា មាន​​​តែ​​​ប្រាំ​​​មួួ​យ​​​នាក់​​​ប៉ុណ្ណោះមាន​​​លិខិត​​​ឆ្លង​ដែន​ និង​​​​​​បួននាក់​​​ទៀត​​​មាន​​​ទិដ្ឋាការ​​​ ប៉ុន្តែ​​​មិន​​​មាន​​​ប័ណ្ណ​​​ការ​​​ងារ​​​ទេ” ​​​។

cam-photo-raid-channaឧត្តម​​​សេនីយ៍​​​ទោ អ៊ុក​​​ ហៃសិលា បាន​​​មាន​​​ប្រសាសន៍​​​ថា កម្មករទាំង​​​​​​៤៧​​​នាក់​​​​​​ ដែល​​​មិន​​​មាន​​​ទិដ្ឋាការ​​​ ឬលិខិត​​​ឆ្លង​​​ដែន​​​​​​​​ និង​​​ដែល​​​សុទ្ធ​​​តែជន​​​ជាតិ​​​វៀតណាម​​​ទាំង​​​អស់ លើក​​​លែង​​​តែ​​​ម្នាក់​ជា​​​​ជន​​​ជាតិ​​​ចិន​​​​នឹង​​​ត្រូវ​​​បញ្ជូន​​​ទៅ​​​ប្រទេស​​​កំណើត​​​របស់​​​ខ្លួន​​​វិញ។

លោក​​​បាន​​​ថ្លែង​​​ថា “ប្រហែលជា​​​យើង​​​នឹង​​​​​​និរទេស​​​ពួក​​​​​​គេ​​​នៅចុង​​​សប្តាហ៍​​​នេះ​​​ ឬ​​​ដើម​​​​​​​សប្តាហ៍​ក្រោយ​”។

លោក​បាន​បន្ថែម​ថា ចាប់​​​តាំង​​​ពីខែ​​​កក្កដា ឆ្នាំ​​​មុន នគរបាល​​​អន្តោប្រវេសន៍​​​បាន​​​ឃាត់​ខ្លួន​​​ជន​​​បរទេស​​​ជាង​​​៣.០០០​​​នាក់​​​មក​​​ពី​​​ប្រទេស​​​ចំនួន​​​៤៦​​​​​​ ក្នុង​​​នោះ​​​រួម​​​មាន​​​២.៨០០​​​នាក់​​​មក​​​ពីប្រទេស​​​វៀតណាម។ អ្នក​​​​​​​​​ទាំង​​​អស់​​​នេះ​​​សុទ្ធ​​​តែ​​​ ដែល​​​ត្រូវ​​​បាន​​​រក​​​ឃើញ​​​ ថា រស់​​​នៅ​​​ក្នុង​​​ប្រទេស​​​កម្ពុជា​​​ដោយ​​​ខុស​​​ច្បាប់។

កាល​​​ពី​​​ឆ្នាំ​​​មុន ​​​នគរបាល​​​អន្តោប្រវេសន៍​​​​​​បាន​​​ឆ្មក់​​​ចូល​កន្លែងជាច្រើន​​​​ក្នុង​​​រាជ​​​ធានី​​​ភ្នំ​​​ពេញ​​​ដើម្បី​​​ព្យាយាម​​​ចាត​់វិធានការបង្ក្រាប​​​​​​កម្មករ​​​ចំណាក​​​ស្រុក​​​ខុស​​​ច្បាប់​​​។

លោក វាន់ ណន ដែល​​​ជា​​​ម្ចាស់​​​រោង​​​ជាង​​​នៅ​​​ក្នុង​​​តំបន់​​​​​ដែល​​​មាន​​ប្រតិបត្តិការ​​​​កើត​​​ឡើង​​​កាល​​​ពី​​​ម្សិលមិញ បាន​​​លើក​​​ឡើង​​​​​​ថា ​​​លទ្ធភាព​​​នៃ​​​ការ​​​ឆ្មក់​​​ចូល​​បន្ថែម​ទៀត​​​ បាន​​​ជះ​​​ឥទ្ធិពលដល់​​​ការ​​​សម្រេច​​​របស់​​​លោកក្នុង​​​ការ​​​​​​ជួល​​​កម្មករ​​​។

លោក​​​បាន​​​​​​ថ្លែង​​​ថា “កម្មករ​​​ខ្មែរ​​​ និង​​​វៀត​​​ណាម​​​ទទួល​​​បាន​​​ប្រាក់​​​ខែ​​ប្រហាក់ប្រហែល​​​​គ្នា​​​ដូច្នេះ ​ ខ្ញុំ​​​​ជ្រើស​​​​​​តែកម្មករ​​​ខ្មែរ​​​ប៉ុណ្ណោះ ​​​ពី​​​ព្រោះ​​​ខ្ញុំ​​​បារម្ភ​​​អំពី​​​ការ​​​ឆ្មក់​​​ចូល​​​របស់​​​នគរ​​​បាល​​​​​​មក​លើ​​​​រោង​​​ជាង​​​របស់​​​ខ្ញុំ​​​”៕សារុន​​​​​​​​​

 

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស