30 C
Phnom Penh

នគរ​​​បាល​​​ថា នឹង​​​មាន​​​ការ​​​ចាប់​​​ខ្លួន​​​បន្ថែម​ ​​​បើ​​​មាន​​​ការ​​​តវ៉ា​​​​​​ទៀត​​​​នៅ​​​​​​​កោះ​​​កុង

ដោយ ឌឹ ខេមបូឌា ដេលី

បទវិភាគ

កាល​​​ពីម្សិលមិញ ស្នង​​​ការ​​​រង​​​ខេត្ត​​​កោះ​​​កុង​​​ បាននិយាយ​​​​​​ការ​​​ពារ​​​ការ​​​សម្រេច​​​ចិត្ត​​​របស់​​​អាជ្ញាធរក្នុង​​​ការ​​​ចាប់​​​ខ្លួន​​​មន្ត្រី​​​សិទ្ធ​​​ិ​​​មនុស្ស​​​បួន​​​នាក់​​​និង​​​មនុស្ស​​​១៣​​​នាក់​​​ផ្សេង​​​ទៀត​​​ អំឡុង​​​ការ​​​តវ៉ា ​​​ដោយ​​​សន្តិវិធី​​​កាល​​​ពី​​ថ្ងៃពុធ​ ហើយ​​​ថា អាជ្ញាធរ​​​ត្រៀម​​​ចាប់​​​ខ្លួន​​​ម្តង​​​ទៀត​​​ ដោយ​លើក​​​ក្រោយ​​​នឹង​​​មិន​​​មាន​​​ការ​ដោះលែងវិញ​​​ឡើយ​​​។

អ្នក​​​ភូមិ​​​រាប់​​​សិប​​​នាក់​​​បាន​​​បោះ​​​តង់​​​តវ៉ា​​​នៅខាង​​​ក្រៅ​​​​​​ក្បែរ​សាលា​​​ដំបូង​​​ខេត្ត​​​ក្នុង​​​ក្រុង​​​ខេមរភូមិន្ទ​​​ ដើម្បី​​​តវ៉ា​​​ទាម​​​ទារ​​​ឲ្យ​​​ដោះ​​​លែង​​​សកម្មជនដែល​​​ត្រូវ​បាន​​​ចាប់​​​ខ្លួន​​​​​​កាល​​​ពី​​​ថ្ងៃ​​​ទី​​​១៧​​​ ខែ​​​សីហា​​​ ​​​ចំនួន៣​​​នាក់​​​មក​​​ពី​​​អង្គការ​​​មាតា​​​ធម្មជាតិ​​​ ជាអង្គការ​​​មិន​​​មែ​​​ន​​​រដ្ឋាភិបាល​​​ការ​​​ពារ​​​បរិស្ថាន​​​ដែលបាន​​​​​​រៀបច​​​ំ​​​កា​រ​​​តវ៉ា​​​ប្រឆាំង​​​ក្រុមហ៊ុន​​​បូម​​​ខ្សាច់​​​ដែល​​​ត្រូ​​​វបាន​​​​​​ចោទ​​​ប្រកាន់ពីបទ​​​ធ្វើ​​​ឲ្យ​​​ប៉ះពាល់​​​ដល់​​​បរិស្ថាន និង​​​បរិមាណត្រី​​​របស់​​​អ្នក​​​ភូមិ​​​មូលដ្ឋាន​។

ទី​​​បំផុត​​​ អាជ្ញាធរ​​​បាន​​​បំបែក​​​ទី​​​តាំង​​​តវ៉ា​​​នេះ​​​កាល​​​ពី​​​ព្រឹក​​​ថ្ងៃ​​​ពុធ ដោយ​​​ចាប់​​​​​​ខ្លួន​​​អ្នក​​​តវ៉ា​​​​​​១០​​​នាក់​​ មន្ត្រី​​​សិទ្ធិមនុស្ស​​​បួន​​​នាក់​​​ អ្នក​​​កាសែត​​​ម្នាក់​​​ អ្នក​​​កាសែត​​​ពលរដ្ឋ​​​ម្នាក់​​​ និង​​​សកម្មជន​​​ម្នាក់​​​ទៀត​​​​​​មក​​​ពី​​​អង្គការ​​​មាតាធម្មជាតិ​​​។

អ្នក​​​ដែល​​​ត្រូវ​​​បាន​​​ចាប់ខ្លួន​​​ទាំង​​​១៧​​​នាក់​​​នេះ​​​ត្រូវ​​​បាន​​​ដោះ​​​លែង​​​វិញ​​​នៅ​​​​​​ល្ងាច​​​ថ្ងៃ​​​ដដែល​នោះ។

កាល​​​ពី​​​ម្សិលមិញ លោក គង់ យ៉ាន ស្នង​​​ការ​​​រង​​​ខេត្ត​​​នេះ​​​​​​បាន​​​លើក​​​ឡើង​​​ថា អ្នក​​​ទាំង​​​១៧​​​នាក់​​​នេះ​​​គ្រាន់​​​តែ​​​ឃាត់​​​ខ្លួនដើម្បី​​​សាក​​​សួរ​​​ប៉ុណ្ណោះ ប៉ុន្តែ នឹង​​​ត្រូវ​​​ចាប់​​ខ្លួន​​​ទៀត​​​លើក​​ ក្រោយ​​​ដោយ​​​មាន​​​ទាំង​​​ការ​​​​​​ផ្តន្ទាទោស​​​ផង​​​។

លោក​​​បាន​​​មាន​​​ប្រសាសន៍​​​ថា “យើង​​​នឹង​​​ចាប់​​​ខ្លួន​​​​​​អ្នក​​​ទាំង​​​នោះ​​​ ប្រសិន​​​បើ​​​ពួក​​​​​​គាត់​​​​​​ដឹក​​​នាំ​​​ការ​​​តវ៉ា​​​ប្រឆាំង​​​អាជ្ញាធរ​​​ម្តង​​​ទៀត​​​”។ លោក​​​​​​បាន​​​ចោទ​​​ប្រកាន់​​​មន្ត្រី​​​ឃ្លាំ​​​មើល​​​សិទ្ធិ​​​មនុស្ស​​​មក​​​ពី​​​អង្គការ​​​អាដហុក និង​​​អង្គការ​លីកាដូ​​​​​ថា​​​បាន​​​ញុះ​​​ញង់​​​​អ្នក​​​តវ៉ា ​​​និង​​​​បាន​​​​​​ឲ្យ​​​ប្រាក់​​​ដល់​​​ពួកគាត់​ដើម្បី​ឲ្យមកចូលរួម​ការតវ៉ា​ ​​​​ហើយ​​​ថា លោក​​​ ប៊ូ ប៊ុន​​​ហាំង ព្រះរាជ អាជ្ញា​​​អម​​​សាលា​​​ដំបូង​​​ខេត្ត​​​មិន​​​ពេញ​​​ចិត​​​្ត​​​នឹង​​​រូប​​​លោក​​​​​​ដែល​​​បាន​​​ស្នើ​​​ឲ្យ​​​មាន​​​ការ​​​ដោះ​​​លែង​​​។

លោក​​​​បាន​​​មាន​​​ប្រសាសន៍​​​ថា “ខ្ញុំ​​​មាន​​​សិទ្ធិ​​​ចោទ​​​ប្រកាន់​​​អ្នក​​​ទាំង​​​នោះ​​​ពីបទ​​​ញុះញង់​​​​។  ប៉ុន្តែ ខ្ញុំ​​​មិន​​​ចង់​​​ធ្វើ​​​អ៊ីចឹង​​​​ទេ​​​ ហេតុដូច្នេះ​យើង​​​គ្រាន់​​​តែ​​​​​​នាំ​​​ពួក​​​​​​គាត់​​​មក​​​សាក​​​សួរ​​​ប៉ុណ្ណោះ​​​ហើយ​​​បន្ទាប់មក​​​ដោះលែង​​​ពួក​​​គាត់​​​​ឲ្យ​​​ត្រឡប់​​​ ទៅផ្ទះ​​​វិញ​​​។ ព្រះរាជ​​​អាជ្ញា​​​បាន​ខឹង​​​​​​​ខ្ញុំ​​​ ព្រោះ​​​ខ្ញុំ​​​បាន​​​ស្នើ​​​ឲ្យ​​​មាន​​​ការ​​​ដោះ​​​លែង​​​មន្ត្រី​​​សិទ្ធិ​​​មនុស្ស​​​ទាំង​​​បួន​​​នាក់​​​នេះ​​​”។

លោក អិុន គង់ចិត្រ អ្នក​​​សម្រប​​​សម្រួល​​​នៅ​​​អង្គការ​​​សិទ្ធិ​​​មនុស្ស​​​លីកាដូ​​​ប្រចាំ​​​ខេត្ត​​​នេះ​​​ដែល​​​ស្ថិត​​​ក្នុង​​​ចំណោម​​​អ្នក​​​ត្រូវ​​​បាន​​​ចាប់ខ្លួន​​​កាល​​​ពីថ្ងៃ​​​ពុធ​​​​​​ បាន​​​បដិសេធ​​​ថា មិន​​​បាន​​​ញុះ​​​ញង់​​​អ្នក​​​តវ៉ា​ ឬ​​​ផ្តល់​​​ប្រាក់​​​ឲ្យ​​​ពួក​​​​​​គាត់​​​ឡើយ​​​។

លោក​​​បានមាន​​​ប្រសាសន៍​​​ថា ”ខ្ញុំ​​​សូម​​​បដិ សេធ​​​ទាំង​​​ស្រុង​​​ចំពោះ​​​ការ​​​ចោទ​​​ប្រកាន់​​​របស់​​​នគ​​​របាល​​​។ យើង​​​គ្រាន់​​​តែ​​​បំពេញ​​​តួនាទី​​​របស់​​​យើង​​​ជា​​​អ្នក​​​អង្កេត​​​ការណ៍​​​សិទ្ធិ​​​មនុស្ស​​​ប៉ុណ្ណោះ​​​។ ប៉ុន្តែ ពល​​​រដ្ឋ​​​ [អ្នក​​​តវ៉ា] មួយ​​​ចំនួន​​​​​​​​​បាន​​​សូម​​​ជំនួយ ​​​ព្រោះ​​​ពួក​​​គាត់​​​ចង់បានការ​​​​ការ​​​​​​ពារ​​​នៅ​​​ពេល​​​យប់​​​ដោយ​​​សារ​​​ពួក​​​គាត់​​​ខ្លាច​​​មាន​​​មនុស្ស​​​អាក្រក់​​​ធ្វើ​​​រឿង​​​មិន​​​​​​ល្អ​​​”។

លោក​​​បាន​​​លើក​​​ឡើង​​​ទៀត​​​ថា មនុស្ស​​​ដែល​​​គេ​​​មិនស្គាល់​​​មួយ​​​ក្រុម​​​បាន​​​រត់​​​កាត់​​​តង់​​​នៅ​​​ខាង​​​ក្រៅ​​​តុលាការ​​​ក្នុង​យប​​​់ដែល​​​​តង់​​​ត្រូវ​​​បាន​​​ដំឡើង ​​​ដោយ​​​ជាន់​​​លើ​​​អ្នក​​​តវ៉ា​​​មួយ​​​ចំនួន​​​។ អ្នក​​​តវ៉ា​​​ជឿ​​​ថា វា​​​គឺ​​​ជា​​​ការ​​​ធ្វើ​​​ឡើង​​​ដោយមាន​​​​ ចេតនា​​​ ហេតុ​​​ដូច្នេះ​​​ទើប​​​មន្ត្រី​​​សិទ្ធិ​​​មនុស្ស​​​បាន យក​​​ម៉ូតូ​​​របស់​​​ខ្លួន​​​មក​​​ធ្វើ​​​ជា​​​របាំង​​​​​ព័ទ្ធ​​​ជុំ​​​វិញ​​​តង់​​​​​​នៅ​​​យប់​​​បន្ទាប់ៗ​​​មក​​​ទៀត​​​។

ដោយ​​​មិន​​​ខ្លាច​​​រអា​​​នឹង​​​ការ​​​គំរាម​​​របស់​​​ស្នង​​​ការ​​​រង​​​រូប​​​នេះ​​​ លោក សន ចាន់​​​តារា សកម្មជនមក​​​ពី​​​អង្គការ​​​មាតាធម្មជាតិ​​​បាន​​​លើក​​​ឡើង​​​ថា លោក​​​មាន​​​គម្រោង​​​រៀប​​​ចំការតវ៉ា​​​​​​​មួយ​​​ទៀត​​​ក្នុង​​​ខេត្ត​​​កោះ​​​កុងនៅ​​​​ពាក់​​​កណ្តាល​​​ខែ​​​នេះ ប៉ុន្តែ លោក​​​នឹង​​​ពិភាក្សា​​​ជាមួយ​​​អ្នក​​​តវ៉ា​​​ជាមុន​​​សិន​​​មុន​​​ពេល​​​កំណត់​​​យក​​​ថ្ងៃ​​​ណា​​​មួយ​​​។

លោក អិុន គង់​​​ចិត្រ បាន​​​លើក​​​ឡើង​​​ទៀត​​​ថា ប្រសិន​​​បើ​​​​​​មាន​​​ការ​​​តវ៉ា​​​ម្តង​​​ទៀត​​​ លោក​​​នឹង​​​​​​ទៅ​​​ទីនោះ​​​​ដែរ​​​។

លោក​​​បាន​​​មាន​​​ប្រសាសន៍​​​ថា ”យើង​​​​​​នឹង​​​ទៅឃ្លាំ​​​មើល​​​ ប្រសិន​​​បើ​​​មាន​​​ការ​​​តវ៉ា​​​ម្តង​​​ទៀត ​​​នៅ​​​ក្នុង​​​ខេត្ត​​​កោះ​​​កុង​​​ ព្រោះ​​​យើង​​​ខ្លាច​​​នគរ​​​បាល​​​ប្រើ​​​អំពើ​​​ហិង្សា​​​លើ​​​អ្នក​​​តវ៉ា​​​។ ខ្ញុំ​​​​​​មិន​​​​​​ព្រួយបារម្ភ​​​អំពីការ​​​ចាប​​​់​​​ខ្លួន​​ទេ​​​​ ព្រោះ​​​យើង​​​គ្រាន់​​​តែ​​​បំពេញ​​​តួនាទី​​​របស់​​​យើង​​​ក្នុង​​​នាមជា​អ្នក​​​​អង្កេត​​​មើល​​​ស្ថាន​​​ភាព​​​សិទ្ធិ​​​មនុស្ស​​​ប៉ុណ្ណោះ​​​”៕ ស៊ុយឈាង​

 

© 2022, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស