31 C
Phnom Penh

រដ្ឋមន្ត្រីក្រសួង​​​មហាផ្ទៃ​​​ជំរុញ​​​ឲ្យ​​​មាន​​​ការ​​​អនុវត្ត​​​ម៉ឺង​​​ម៉ាត់​​​ចំពោះ​​​ច្បាប់​​​ចរាចរណ៍​​​ជើង​​​គោក​​​ថ្មី​​​

ដោយ ឌឹ ខេមបូឌា ដេលី

បទវិភាគ

មន្ត្រី​​​បាន​​​និយាយ​​​កាល​​​ពី​​​ថ្ងៃ​​​សុក្រថា លោក ស ខេង រដ្ឋ​​​មន្ត្រីក្រសួង​​​មហាផ្ទៃ​​​បាន​​​រៀបច​​​ំ​​​ពិធី​​​បរិភោគអាហារ​​​ពេលល្ងាច​​​សាមគ្គី​​​ជាមួយ​​​មន្ត្រី​​​នគរបាល​​​ចរាចរ​​​ប្រហែល​​​៥០០នាក់​​​កាល​​​ពី​​​ថ្ងៃ​​​ពុធ ដោយ​​​ជំរុញ​​​ឲ្យ​​ពួក​​​គេ​​​ម៉ឺង​​​ម៉ាត់​​​ក្នុង​​​ការ​​​ដោ​​ះ​​​ស្រាយ​​​ជាមួយ​​​អ្នក​​​បើក​​​បរ​​​ល្មើស​​​ច្បាប់​​​នៅមុន​​​ការ​​​អនុវត្ត​​​ច្បាប់​​​ចរាចរណ៍ជើង​​​គោក​​​ថ្មី ។

នគរបាលចរាចរបញ្ឈប់អ្នកបើកបរម្នាក់តាមវិថី នរោត្តម ក្នុងក្រុង ភ្នំពេញ កាលពីថ្ងៃសុក្រ។ សីុវ ចាន់ណា/The Cambodia Daily
នគរបាលចរាចរបញ្ឈប់អ្នកបើកបរម្នាក់តាមវិថី នរោត្តម ក្នុងក្រុង ភ្នំពេញ កាលពីថ្ងៃសុក្រ។ សីុវ ចាន់ណា/The Cambodia Daily

ច្បាប់​​​ចរាចរណ៍​​​ជើង​​​គោក​​​ថ្មី​​​​​​ដែល​​​ត្រូវ​​​បាន​​​អនុម័ត​​​កាល​​​ពីខែ​​​ធ្នូ​​​ និង​​​ត្រូ​​វ​​​យក​​​មក​​​អនុវត្ត​​​នៅខែ​​​មករា​​​ខាង​​​មុខ​​​នេះ​​​ មាន​​​គោល​​​ដៅ​​​អនុវត្ត​​​លើ​​​ការ​​​ផាក​​​ពិន័យ​​​អ្នក​​​ល្មើស​​​នឹង​​​ចរាចរណ៍​​​ ដែល​​​កាល​​​​​​ពី​​​ពេល​​​កន្លង​​​មក​​​បាន​​​បង់​​​ប្រាក់​​​ផាក​​​ពិន័យ​​​ស្រេច​​​តែចិត្ត​​​ បន្ទាប់​​​ពី​​​ត្រូវ​​​ឃាត់​​​ដោយ​​​នគរ​​​បាល​​​​​​។

ក្រោ​​យ​​​ពី​​​ការ​​​បរិភោគ​​​អាហារ​​​ពេល​​​ល្ងាច​​​កាល​​​ពី​​​ថ្ងៃពុធ លោក ស ខេង ត្រូវ​​​បាន​​​ដក​​​ស្រង់​​​សម្តី​​​ដោយ​​​​​​វិប​​​សាយ​​​នគរបាល​​​ជាតិ​​​កាល​​​ពី​​​ថ្ងៃ​​​សុក្រ​​​ ដោយ​​​ជំរុញ​​​ឲ្យ​​​នគរបាល​​​ ដែល​​​ជា​​​ញឹក​​​ញាប់​​​ត្រូវ​​​បាន​​​ព្រងើយ​​​កន្តើយ​​​ ឬ​​​មាក់​​​ងាយ​​​ដោយ​​​អ្នក​​​បើក​​​បរ​​​ឲ្យ​​​មាន​​​គោល​​​ជំហរ​​​រឹង​​​មាំ​​​ក្នុង​​​ការ​​​ដោះ​​​ស្រាយ​​​ជាមួយ​​​អ្នក​​​ល្មើស​​​ច្បាប់​​​ ដោយ​​​ផ្តល់​​​ប្រាក់​​​រង្វាន់​​​លើក​​​ទឹក​​​ចិត្ត​​​ដល់​​​ពួក​​​គេ​​​។

លោក ស ខេង ត្រូវ​​​បាន​​​ដក​​​ស្រង់​​​សម្តី​​​ដោយ​​​មាន​​​ប្រសាសន៍​​​ថា “ចំពោះ​​​ការ​​​អនុវត្ត​​​ច្បាប់​​​ ប្រសិនបើ​​​នគរ​​​បាល​​​យើង​​​ធ្វើ​​​ទន់​​​ភ្លន់​​​ ពីព្រោះ​​​អ្នក​​​បើកបរ​​​​​​ខឹង​​​​​​ដោយ​​​សារ​​​ពិន័យ​​​ជា​​​ប្រាក់​​​ បន្ទាប់​​​ពី​​​ល្មើស​​​ច្បាប់​​​ ឬ​​​ប្រសិន​​​បើ​​​គេ​​​ទទួល​​​សំណូក​​​នោះ​​​អ្នក​​​បើក​​​​​​បរ​​​នឹង​​​មិន​​​គោរព​​​ច្បាប់​​​ឡើយ​​​”។​​​”[ខ្ញុំ​​​]លើក​​​ទឹក​​​ចិត្ត​​​ដំឡើង​​​ឋានន្តរស័ក្ដិ​​​ ហើយ​​​ផ្តល់​​​មុខ​​​តំណែង​​​ថ្មី​​​ដល់​​​នគរបាល​​​​​​ណា​​​ដែល​​​អនុវត្ត​​​ច្បាប់​​​បាន​​​ត្រឹម​​​ត្រូវ​​​ ហើយ​​​គោរព​​​វ​ិន័យ និង​​​បទ​​​បញ្ជា”។

កាល​​​ពីខែ​​​មុន​​​នគរ​​​បាល​​​ជាតិ​​​បាន​​​ទទួល​​​រថយន្ត​​​ភីកអាប់​​​ម៉ាក ម៉ាស់ដា ចំនួន​​​២៥​​​គ្រឿង​​​ដែល​​​ជា​​​អំណោយ​​​របស់​​​អគ្គស្នងការ​​​នគរបាល​​​ជាតិ​​​ លោក នេត សាវឿន ដើម្បី​​​ជួយ​​​ការ​​​អនុវត្ត​​​ច្បាប់​​​​​​ចរាចរណ៍​​​។

ក្រសួង​​​មហាផ្ទៃ​​​ បាន​​​កំណត់​​​ការ​​​ផាក​​​ពិន័យ​​​សម្រាប់​​​ការ​​​ល្មើស​​​នឹង​​​ច្បាប់​​​ចរាចរណ៍​​​ ហើយ​​​ផ្តល់​​​ការ​​​លើក​​​ទឹក​​​ចិត្ត​​​ជា​​​ទឹក​​​ប្រាក់​​​បន្ថែម​​​ទៀត​​​សម្រាប់​​​នគ​​​របាល​​​ចរាចរ​​​ណា​​​ដែល​​​អនុវត្ត​​​តាម​​​នីតិវិធី​​​ត្រឹម​​​ត្រូវ​​​នៃ​​​ការ​​​ផាក​​​ពិន័យ​​​​​​អ្នក​​​ល្មើស​​​ចរាចរ​​​។

លោក រុន រ័ត្ន​​​វាសនា ប្រធាន​​​នាយក​​​ដ្ឋាន​​​​​​នគរ​​​បាល​​​ចរាចរ​​​ និង​​​សណ្តាប់​​​ធ្នាប់​​​សាធារណ​​​​​​ៈ​​​នៃ​​​នគរបាល​​​ជាតិ​​​ដែល​​​បាន​​​ចូល​​​រួម​​​ក្នុង​​​ពិធី​​​អាហារ​​​ពេល​​​ល្ងាច​​​កាល​​​ពី​​​ថ្ងៃ​​​ពុធ បាន​​​មាន​​​ប្រសាសន៍​​​ថា គំនិត​​​ផ្តួច​​​ផ្តើម​​​ទាំង​​​បី​​​នឹង​​​ជំរុញ​​​នគរបាល​​​ធ្វើ​​​ឲ្យ​​​វិថី​​​នានា​​​មាន​​​សុវត្ថិភាព​​​​​​សម្រាប់​​​អ្នក​​​បើក​​​បរ​​​។

លោក រ័ត្នវាសនា បាន​​​មាន​​​ប្រសាសន៍​​​ថា “កម្លាំង​​​នគរ​​​បាល​​​ចល័ត​​​របស់​​​យើង​​​នឹង​​​ត្រួត​​​ពិនិត្យ​​​យាន​​​យន្ត​​​ជា​​​រឿង​​​រាល់​​​ថ្ងៃ​​​តាម​​​ផ្លូវ​​​ជាតិ​​​នានា​​​ ហើយ​​​រថយន្ត​​​ភីក​​អាប់​​​ថ្មី​​​របស់​​​យើង​​​នឹង​​​ដេញ​​​តាម​​​​​​យាន​​​យន្ត​​​ណា​​​ដែល​​​បើក​​​លឿន​​​ ឬ​​​អ្នក​​​បើក​​​បរ​​​ស្រវឹង​​​” ។ លោក​​​ប្រធាន​​​នាយកដ្ឋាន​​​រូប​​​នេះ​​​បាន​​​មាន​​​ប្រសាសន៍​​​ថា រថយន្ត​​​ភីក​​​អាប់​​​ថ្មី​​​នឹង​​​ប្រើ​​​ដេញ​​​តាម​​​រថយន្ត​​​ គឺ​​​មិន​​​មែន​​​ដេញ​​​តាម​​​ម៉ូតូ​​​ទេ​​​។

នាបច្ចុប្បន្ន​​​នេះ​​​ការ​​​ផាក​​​ពិន័យ​​​ជា​​​ប្រាក់​​​ដែល​​​​​​ត្រូវ​​​បាន​​​ធ្វើ​​​ឡើង​​​ជា​​​ផ្លូវការ​​​​​​បាន​​​បែង​​​ចែក​​​ជា​​​បី​​​ផ្នែក​​​ គឺ​​​២០ភាគ​​​រយ​​​ចូល​​​ទៅក្រសួង​​​ហិរញ្ញវត្ថុ ៥០​​​ភាគ​​​រយ​​​បាន​​​ដល់​​​នគរបាល និង​​​៣០​​​ភាគ​​​រយ​​​ចូល​​​ទៅ​​​ហិប​​​ប្រាក់​​​នគរបាល​​​ចរាចរ​​​។

យោង​​​តាម​​​លោក លី ឡុង អនុប្រធាន​​​នាយកដ្ឋាន​​​សណ្តាប់​​​ធ្នាប់​​​សាធារណៈ​​​នៃ​​​នគរ​​​បាល​​​ជាតិ​​​ឲ្យ​​​ដឹង​​​ថា ពេល​​​ខែ​​​មករា​​​មក​​​ដល់​​​ ការ​​​បែង​​​ចែក​​​នេះ​​​នឹង​​​ផ្លាស់​​​ប្តូរ​​​ ដោយ​​​មន្ត្រី​​​នគរបាល​​​ទទួល​​​បាន​​​ប្រាក់​​​ពិន័យ​​​៧០​​​ភាគ​​​រយ​​​ កម្លាំង​​​នគរបាល​​​ទទួល​​​២៥ភាគរយ ហើយ​​​ក្រសួង​​​នឹង​​​​​​ទទួល​​​បាន​​​៥​​​ភាគ​​​រយ​​​ប៉ុណ្ណោះ។

ត្រួត​​​ពិនិត្យ​​​ចរាចរណ៍​​​នៅ​​​កែង​​​ផ្លូវ​​​ដ៏​​​មមាញឹក​​​មួយ​​​​​​តាម​​​មហាវិថី សីហនុ កាល​​​ពី​​​ថ្ងៃ​​​សុក្រ​​​ នគរបាល​​​ម្នាក់​​​​​​មាន​​​វ័យ​​​២៩​​​ឆ្នាំ​​​ ដែល​​​សុំ​​​មិន​​​បញ្ចេញ​​​ឈ្មោះ​​​​​​បាន​​​ទស្សន៍ទាយ​​​ថា ការ​​​ដំឡើង​​​ឋានន្តរសក្ដិ​​​នឹង​​​ជំរុញ​​​ឲ្យ​​​នគរ​​​បាល​​​ចរាចរ​​​​​​អនុវត្ត​​​បាន​​​ត្រឹម​​​ត្រូវ​​​លើ​​​ការ​​​ផា​​​ក​​​ពិន័យ​​​ចំពោះ​​​អ្នក​​​ល្មើស​​​នឹង​​​ចរាចរណ៍​​​​​​ ហើយ​​​ថា ផ្លូវ​​​នានា​​​នឹង​​​មាន​​​សុវត្ថិភាព​​​។

លោក​​ស្រី​​​បាន​​​និយាយ​​​ថា “ខ្ញុំ​​​នឹង​​​ផាក​​​ពិន័យ​​​​​​ជា​​​ផ្លូវ​​​ការ​​​ចំពោះ​​​អ្នក​​​ដែល​​​ល្មើស​​​ច្បាប់​​​ ដោយ​​​ចេញ​​​លិខិត​​​ពេល​​​ពិន័យ​​​អ្នក​​​ល្មើស​​​ច្បាប់​​​។ ខ្ញុំ​​​គិត​​​ថា វា​​​នឹង​​​មាន​​​ឥទ្ធិពល​​​ដល់​​​អាកប្បកិរិយា​​របស់​​​អ្នក​​​បើក​​​បរ​​​នៅ​​​ពេល​​​យើង​​​ចាប់​​​ផ្តើម​​​អនុវត្ត​​​ច្បាប់​​​ថ្មី​​​នេះ ពីព្រោះ​​​ការ​​​ល្មើស​​​ច្បាប់​​​នឹង​​​ធ្វើ​​​ឲ្យ​​​គេ​​​បាត់​​​បង់​​​លុយកាក់​​​”៕រើន

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស