32 C
Phnom Penh

នគរ​បាល​ចា​ប​់ខ្លួន​គ្រូពេទ្យ​ម្នាក់នៅ​ក្នុង​ខេត្ត​ស្វាយរៀង​បន្ទាប់ពីព្យាបាល​​​បណ្ដាល​ឲ្យ​អ្នក​ជំងឺ​ស្លាប់​

ដោយ ឌឹ ខេមបូឌា ដេលី

បទវិភាគ

មន្ត្រី​នគរ​បាល​ម្នាក់​បាននិយាយ​ថា គ្រូពេទ្យ​​​ម្នាក់​ក្នុង​ស្រុក​ស្វាយទាប ​ខេត្ត​ស្វាយរៀង​ ត្រូវ​​​បាន​ចាប់​ខ្លួន​កាលពី​ថ្ងៃ​ពុធ បន្ទាប់ពី​បុរស​ម្នាក់​ដែល​គាត់​​​​ព្យាបាល ​​បាន​​​ប្រកាច់​ស្លាប់។

លោក គឹម ឡៃ នាយការិយាល័យ​នគរ​បាល​​​ព្រហ្មទណ្ឌ​កម្រិត​ធ្ងន់​ខេត្ត​​មាន​ប្រសា​​សន៍​ថា ជន​សង្ស័យ​ឈ្មោះ សារុំ ភក្ដី បាន​ព្យាបាល​​​លោក ស៊ិន សារុន អាយុ​៧១​ឆ្នាំ ដោយ​ចាក់​ថ្នាំ​ពីរ​ម្ជុល​​នៅ​ផ្ទះ​របស់​កសិករ​​វ័យ​​ចំណាស់​រូប​នេះ​ បន្ទាប់ពី​គាត់​ត្រឡប់​មក​ពី​ធ្វើ​ការ​វិញ​​​ដោយ​ត្អូញ​ថា​ ចុក​ដើម​ទ្រូង​​។

លោក គឹម ឡៃ បាន​ថ្លែង​ថា “​នៅ​ពេល​ជន​​​សង្ស័យ​រូប​នេះ​ព្យាយាម​​​​ព្យាបាល​​ជន​រង​គ្រោះ ​​ជន​រងគ្រោះ​និយាយ​ថា គាត់ធូរ​ស្រាល​​​​ហើយ។ ​​ប៉ុន្តែ​១៥​នាទី​ក្រោយ​មក​ ជន​រងគ្រោះ​បាន​ប្រកាច់​ស្លាប់​នៅ​ផ្ទះ​របស់​ខ្លួន​តែ​ម្ដង​”។

នាយការិយាល័យ​រូប​នេះ​​​​​​មាន​ប្រសាសន៍​​បន្ថែម​ថា គ្រូ​ពេទ្យ​ ​​ភក្ដី បាន​​ធ្វើ​រោគ​វិនិច្ឆ័យ​លោក ស៊ិន សារុន ​ខុស ហើយ​បាន​​​ចាក់​ថ្នាំ​​ដោយ​គិត​ថា គាត់​​ចុក​ពោះ​។ លោក​ថ្លែង​ថា បន្ទាប់​ពី​ជន​​​​រង​គ្រោះ​​​​​ស្លាប់ ​ក្រុម​គ្រួសារ​បាន​ដាក់​ពាក្យ​បណ្ដឹង​​​​ទៅ​​​នគរ​បាល​ខេត្ត​ភ្លាម​ ហើយ​​យើង​​​បាន​សម្រេច​​​​​ឃាត់​ខ្លួន​គាត់​នៅ​មន្ទីរ​ពេទ្យ​តែ​ម្ដង​”។

លោក​បាន​​​មាន​ប្រសាសន៍​​បន្ថែម​ទៀត​​ថា “​នៅពេល​យើង​សាក​​​សួរ​ គាត់​បាន​និយាយ​​​ថា គាត់​មិន​ចង់​ជួយជន​រងគ្រោះ​ទេ ប៉ុន្តែ​​ក្រុម​​​គ្រួសារ​បុរស​រូប​នេះ​បាន​អង្វរ​គាត់​។ លោក គឹម​ ឡៃ បាន​​ថ្លែង​ថា​គ្រូ​ពេទ្យ​ ភក្ដី នឹង​​ត្រូវ​បញ្ជូន​ទៅ​សាលា​ដំបូង​ខេត្ត​នៅ​ថ្ងៃ​នេះ​”៕ សារុន

 

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស