28 C
Phnom Penh

តារាសម្តែង​​​ហូលីវូដ អ៊ែនជែលីណា ចូលី ជួប​​​​ពិភាក្សា​​​ជាមួយ​​​លោក ហ៊ុន សែន 

ដោយ ឌឹ ខេមបូឌា ដេលី

បទវិភាគ

អ្នក​​​នាំ​​​ពាក្យ​​​លោក​​​នាយក​​​រដ្ឋមន្ត្រី​​​បាន​​​ឲ្យ​​​ដឹង​​​ថា អ្នក​​​នាង​​​ អ៊ែនជែលីណា ចូលី បាន​​​ជួប​​ពិភាក្សា​​​ជាមួយ​​​លោក​​​នាយក​​​រដ្ឋ​​​មន្ត្រី ហ៊ុន  សែន នៅវិមាន​​​សន្តិភាព​​​កាល​​​ពីម្សិលមិញ ដើម្បី​​​ពិភាក្សា​​​អំពី​​​ខ្សែ​​​ភាព​​​យន្ត​​​មាន​​​ចំណង​​​ជើង​​​ថា “ពី​​​ដំបូង​​​ខ្មែរ​​​ក្រហម​​​សម្លាប់​​​ប៉ា​​​របស់​​​ខ្ញុំ” ដែល​​​អ្នក​​​នាង​​​នឹង​​​ចាប់​​​ផ្តើម​​​ថត​​​ក្នុង​​​ពេល​​​ឆាប់ៗ  និង​​​តំបន់​​​អភិរក្ស​​​មួយ​​​កន្លែង​​​ក្នុង​​​ខេត្ត​​​បាត់​​​ដំបង​​​ដែល​​​ការ​​​ពារ​​​ដោយ​​​តារា​​​សម្ដែង​​​ដ៏​​​ល្បីល្បាញ​​​​​រូប​​​នេះ​​​។

cam-photo-jolie-front-reutersតារា​​​ហូលីវូដ​​​ដ៏​​​ល្បីឈ្មោះ​​រូប​​​នេះ​​​ ដែល​​​បាន​​​សុំ​​​កូនឈ្មោះម៉ាដុក ​​​​(Maddox) ពី​​​​​​មណ្ឌល​​​កុមារ​​​កំព្រា​​​​​​​កម្ពុជា​​​​​​​យក​​​ទៅ​​​ចិញ្ចឹម​​​កាល​​​ពី​​​ឆ្នាំ​​​២០០២​​​​​​ បាន​​​​​​ប្រកាស​​​នៅ​​​ក្នុង​​​ខែ​​​កក្ក​​​ដា​​​ថា អ្ន​​​ក​​​នាង​​​នឹង​​​ដឹក​​​នាំ​​​ផលិត​​​ខ្សែ​​​ភាព​​​យន្ត​​​នេះ​​​ដោយ​​​ផ្អែក​​​លើ​​​ការ​​​ចង​​​ចាំ​​​ដែល​​​សរសេរ​​​រៀប​​​រាប់​​​ដោយ​​​អ្នក​​​រស់​​​រាន​​​មាន​​​ជីវិត​​​ពីរបប​​​ខ្មែរ​​​ក្រហម​​​ម្នាក់​​​ឈ្មោះ លឿង អឹុង ។

អ្នក​​​នាង​​​ អ៊ែនជែលីណា ចូលី បាន​​​ពិភាក្សា​​​អំពី​​​គម្រោង​​​នេះ​​​ជា​​​មួយ​​​លោក​​​នាយក​​​រដ្ឋ​​​មន្ត្រី​​​ ហើយ​​​បាន​​​សង្កត់​​​ធ្ងន់​​​ថា គោល​​​បំណង​​​នៃ​​​ការ​​​ផលិត​​​ខ្សែ​​​ភាព​​​យន្ត​​​នេះ​​​គឺ​​​ដើម្បី​​​អប់​​​រំ​​​និង​​​បង្ហាញ​​​ទស្សនិកជន​​​​​​ឲ្យ​​​ស្គាល់​​​ពី​​​វប្បធម៌​​​ខ្មែរ​​​ជា​​​ជាង​​​ផ្តោត​​​លើ​​​អំពើ​​​ដ៏​​​ព្រៃ​​​ផ្សៃ​​​នៅ​​​ក្នុង​​​របប​ខ្មែរ​​​ក្រហម​​​ នេះ​​​បើយោង​​​តាម​​​​​​លោក អៀង  សុផាលែ្លត ជំនួយ​​​ការ​​​ផ្ទាល់​​​របស់​​​លោក​​​នាយក រដ្ឋ​​​មន្ត្រី ហ៊ុន សែន។

លោក​​​បាន​​​ថ្លែង​​​ថា”ខ្សែ​​​ភាព​​​យន្ត​​​នេះ​​​ផ្អែក​​​លើ​​​សៀវ​​​ភៅ​​​មួយ​​​ក្បាល​​​ដែល​​​ឆ្លុះ​​​បញ្ចាំង​​​​​​អំពី​​​ជីវិត​​​របស់​​​ក្មេងស្រី​គ្រប់​​​រូប​​​រស់នៅ​ក្នុង​ភ្លើង​​​​សង្គ្រាម​​​​​​។ ​​​នេះមិន​​​មែន​​​ជា​​​រឿង​​​ដែល​​​ឆ្លុះ​​​បញ្ចាំង ​​​តែ​ពី​អំពើ​​​ដ៏​ព្រៃ​​​ផ្សៃ​​​ទេ​​​ ប៉ុន្តែ វា​ក៏​​​ឆ្លុះ​​​បញ្ចាំង​​​អំពីប្រជា​​​ពល​​​រដ្ឋ វប្បធម៌ ទំនៀម​​​​ទម្លាប់​​​ និង​​​ក្រុម​​​គ្រួសារ​​​នៅ​​​ក្នុង​​​សង្គមខ្មែរ​ផង​​​ដែរ​​​។​​​ជា​​​ពិសេស​​​វា​​​នឹង​​​បង្ហាញ​​​អំពី​​​សេចក្តី​​​ស្រឡាញ់​​​របស់​​​ឪពុក​​​ម្តាយ​​​ដែល​​​មាន​​​ចំពោះ​​​កូន​​​ៗ​​​របស់​​​ខ្លួន​​​”។

លោក​​​នាយក​​​រដ្ឋ​​​មន្ត្រី ហ៊ុន សែន និងតារា​​​ហូលីវូដ អ៊ែនជែលីណា ចូលី ភីត ចាប់​​​ដៃ​​​គ្នា​​​នៅ​​​វិមាន​​​សន្តិភាព​​​ ការិ​​​យា​​​ល័យ​​​របស់​​​លោក ហ៊ុន សែន កាល​​​ពីម្សិលមិញ។ រូបថតៈ ព្រីង សំរាំង​​​ / រ៉យទ័រ
លោក​​​នាយក​​​រដ្ឋ​​​មន្ត្រី ហ៊ុន សែន និងតារា​​​ហូលីវូដ អ៊ែនជែលីណា ចូលី ភីត ចាប់​​​ដៃ​​​គ្នា​​​នៅ​​​វិមាន​​​សន្តិភាព​​​ ការិ​​​យា​​​ល័យ​​​របស់​​​លោក ហ៊ុន សែន កាល​​​ពីម្សិលមិញ។ រូបថតៈ ព្រីង សំរាំង​​​ / រ៉យទ័រ

លោក អៀង សុផាល្លែត បាន​​​លើក​​​ឡើង​​​ទៀត​​​ថា លោក​​​នាយក​​​រដ្ឋ​​​មន្ត្រី​​​ និង​​​តារា​​​សម្តែង​​​ដ៏ល្បី​ឈ្មោះ​រូបនេះ​​​ក៏​​​បាន​​​ពិភាក្សា​​​គ្នា​​​អំពី​​​ស្ថាន​​​ភាព​​​នៃ​​​តំបន់​​​ការ​​​ពារ​​​នៅ​​​ក្នុង​​​ស្រុក​​​សំឡូត​​​ ខេត្ត​​​បាត់​​​ដំបង​​​ ជា​​​កន្លែង​​​ដែល​​​លោក​​​ហ៊ុន សែន បាន​​​លុប​​​ចោល​​​គម្រោង​​​សាងសង់​​​​ទំនប់​​​វារីអគ្គិសនី​​​​​​មួយ​​​ បន្ទាប់​​​ពី​​​​​​អ្នក​​​ឈ្នះ​​​ពាន​​​រង្វាន់​​​អូស្កា​​​រូប​​​នេះ​​​បាន​​​បញ្ចុះ​​​បញ្ចូល​​​​​​ឲ្យ​​​មាន​​​ការ​​​លុប​​​ចោល​​​កាល​​​ពី​​​ឆ្នាំ​​​២០០៤ផងដែរ​​​​។  ទំនប់​​​វារីអគ្គិសនី​​​នេះ​​​ ដែល​​​គេ​​​គ្រោង​​​សាង​​​សង់​​​ឆ្លង​​​កាត់​​​ទន្លេ​​​ក្នុង​​​ស្រុក​​​សំឡូតនឹង​​​ធ្វើ​​​ឲ្យ​​​លិច​​​លង់​​​ភូមិ​​​មួយ​​​​ក្នុង​​​មូល​​​ដ្ឋាន​​​។

លោក​​​បាន​​​មាន​​​ប្រសាសន៍​​​ថា ”អ្នក​​​នាង​​​បាន​​​ប្រាប់​​​សម្តេច​​​ [ហ៊ុន សែន​​​] ថា តំបន់​​​ការ​​​ពារ​​​ សំឡូត​​​កំពុង​​​តែ​​​អភិវឌ្ឍ​បាន​​​យ៉ាង​​​ល្អ​ប្រសើរ​។  ប្រសិន​​​បើ​​​យើង​​​មើល​​​ពី​​​លើ​​​អាកាស​​​មក​​​ យើង​​​ឃើញ​​​ព្រៃ​​​ឈើ​​​ដ៏​​​ខៀវ​​​ស្រងាត់​​​ ហើយ​​​ពួក​​​គាត់​​​ [លោក ហ៊ុន សែន និង អ្នក​​​នាង​​​ អ៊ែនជែ លីណា ចូលី] កំពុង​​​តែ​​​រួម​​​ដៃ​​​គ្នា​​​ដើម្បី​​​ការ​​​ពារ​​​ធនធាន​​​ព្រៃ​​​ឈើ​​​នៅ​​​កម្ពុជា​​​”។

ខ្សែ​​​ភាព​​​យន្ត​​​ដែល​​​នឹង​​​​ផលិត​​​​ក្នុង​​​ពេល​​​ឆាប់ៗ​​​នេះ​​​ ​​​នឹង​​​ត្រូវ​​​បញ្ចេញដើម្បីចាក់បញ្ចាំង​​​​ដោយ​​​ក្រុមហ៊ុន​​​អនឡាញ​​​ Netflix ហើយ​​​គេ​​​គ្រោង​​​នឹង​​​ចាប់ផ្តើមផលិត​​​​នៅ​​​​​​​ចុង​​​​ឆ្នាំ​​​នេះ​​​ រីឯ​​​ថ្ងៃ​​​ចាក់​​​បញ្ចាំង​​​គឺ​​​នៅ​​​ឆ្នាំ​​​២០១៦។​ ហើយវា​​​នឹង​​​មាន​​​ការ​​​សហការ​​​​​​​ផលិត​​​ដោយ​​​​​​ផលិត​​​ករ​​​ភាពយន្ត​​​​ខ្មែរមួយរូប​ ​​​ឈ្មោះ ប៉ាន់ ឫទ្ធី​។

អ្នក​ផ្តល់​ព័ត៌​មាន​​​សម្រាប់​​​​អ្នក​​​នាង​​​ អ៊ែន ជែលីណា ចូលី​​​ មិន​​​អាច​​​ទាក់​​​ទង​​​សុំ​​​ការ​​​ធ្វើ​​​អត្ថាធិប្បាយ​​​បាន​​​ឡើយ​​​​​​៕ ស៊ុយឈាង​​​

 

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស