លោក កឹម សុខា អនុប្រធានគណបក្សសង្គ្រោះជាតិបានលើកឡើងកាលពីថ្ងៃសៅរ៍ថា លោកមានទំនុកចិត្តយ៉ាងខ្លាំងថាគណបក្សប្រឆាំងនឹងឈ្នះបានអាសនៈភាគច្រើនក្នុងខេត្តកំពង់ចាមនៅការបោះឆ្នោតជាតិឆ្នាំ២០១៨ហើយ ថាលោកនឹងឈប់ធ្វើនយោបាយប្រសិនបើពួកគេមិនឈ្នះ។
លោក កឹម សុខា បានលើកឡើងនៅវេទិកាសាធារណៈមួយនៅក្នុងស្រុកបាធាយថា ”ពិតមែនហើយ ខ្ញុំជឿជាក់យ៉ាងមុតមាំលើសកម្មជនរបស់យើងក្នុងខេត្តកំពង់ចាម ហើយឥឡូវនេះខ្ញុំហ៊ានភ្នាល់ថា ប្រសិនបើគណបក្សសង្គ្រោះជាតិក្នុងខេត្តកំពង់ចាមចាញ់ឆ្នោត កឹម សុខា នឹងឈប់ធ្វើនយោបាយ ពីព្រោះខ្ញុំច្បាស់ណាស់អំពីខេត្តកំពង់ចាម”។
លោក កឹម សុខា ជាសមាជិកសភាមួយរូបក្នុងចំណោមសមាជិកសភា១០រូបដែលបានជាប់ឆ្នោតសម្រាប់គណបក្សសង្គ្រោះជាតិនៅក្នុងការបោះឆ្នោតអាណត្តិមុននៅក្នុងខេត្តកំពង់ចាមដែលមានអាសនៈចំនួន១៨ ហើយលោកបានលើកឡើងនៅក្នុងសុន្ទរកថា កាលពីម្សិលមិញថា លោកនឹងព្យាករលទ្ធផល នេះដោយត្រឹមត្រូវ ប្រសិនបើមិនមានការបន្លំសន្លឹកឆ្នោតទេនោះ។
លោកថ្លែងថា ”មុនការបោះឆ្នោតអ្នកសារព័ត៌មានបានសុំឲ្យខ្ញុំព្យាករថា តើយើងនឹង ទទួលបានអាសនៈប៉ុន្មាន ហើយអ្វីដែលខ្ញុំបាននិយាយនោះមិនខុសទេ។គណបក្សសង្គ្រោះ ជាតិទទួលបានអាសនៈយ៉ាងតិចក៏១២ដែរ ប៉ុន្តែ បានបាត់បង់ពីរទៅវិញ នៅសល់តែ១០ខណៈអាសនៈពីរត្រូវបានគេលួច៕ សារុន