28 C
Phnom Penh

​​​នគរ​​​បាល​ពង្រីក​​​ការ​ស្រា​​​វ​ជ្រាវ​​​​រក​ត​​​ម្រុយ​ពាក់​​​ព័ន្ធ​​សព​ជន​បរ​​​​​​ទេ​​​ស​

ដោយ ឌឹ ខេមបូឌា ដេលី

បទវិភាគ

កាល​​​ពី​​​ម្សិលមិញ នគរ​​​បាល​​​ខេត្ត​​​កែប​​​បាន​​​ទាក់​​​ទង​​​អាជ្ញាធរ​​​ក្នុង​​​រាជ​​​ធានី​​​ភ្នំពេញ និង​​​ខេត្ត​​​ទាំង​​​២៣​​​ផ្សេង​​​ទៀត​​​ក្នុង​ការ​ព្យាយាម​​​កំណត់​​​អត្ត​​​សញ្ញាណ​​​បុរ​​​ស​​​ជន​​​ជាតិ​​​ស្បែក​​​ស​​​ម្នាក់​​​ដែល​​​សាក​​​សព​​​ត្រូវ​​​បាន​​​ប្រទះ​​​ឃើញ​​​ញាត់ចូលក្នុង​​​វាលិសអណ្តែត​​​ក្នុង​​​ទឹក​​​ព្រែក​​​កាល​​​ពី​​​ថ្ងៃ​​​ច័ន្ទ ប៉ុន្តែ​​​មិន​​​ទាន់​​​ឈាន​​​ដល់​​​ការ​​​ដោះ​​​ស្រាយ​​​ករណី​​​មនុស្ស​​​ឃាត​​​នេះ​​​នៅ​​​ឡើយ​​​ទេ។

វ៉ាលិស​​​មានកង់​​​រុញ​​​​ត្រូវ​​​បាន​​​អ្នក​​​នេសាទ​​​​​​​​​​បង្គា​​​ទាញ​​​ឡើង​មក​លើ​​​ច្រាំង​​​​នៅ​​​​ក្នុង​​​ស្រុក​​​ដំណាក់​​​ចង្អើរ​​​ ដែល​​​គេ​​​ឃើញ​​​មាន​​​ក្បាល​​​លៀនចេញ​​​​​​មក​​​ក្រៅ​​​​​​។

យោង​​​តាម​​​លោក អីុង សំអុល​​​ ស្នង​​​ការ​​​នគរ​​​បាល​​​ខេត្ត​​​បាន​​​ឲ្យ​​​ដឹង​​​ថា សាក​​​សព​​​នេះ​​​ជា​​​បុរស​​​ជន​​​ជាតិ​​​អឺរ៉ុប​​​វ័យ​​​កណ្តាល​​​ស្លៀក​​​ខោ​​​ខ្លី និង​​​ពាក់​​​អាវ​​​យឺត​​​ពណ៌​​​ខៀវ​​​។ ស្នង​​​ការ​​​នគរ​​​បាល​​​រូប​នេះ​​​បាន​​​​​​ថ្លែង​​​ថា ​​​ថ្គាម​​​សាក​​​សព​​​បាន​​​បាក់​​​ ហើយ​​​ក្បាល​​​មាន​​​ស្លាកស្នាម​ប៉ះ​​​ទង្គិច​​​យ៉ា​​​ងខ្លាំង​​​បង្ក​​​ឡើង​​​ដោយ​​​វត្ថុ​​​ស្រួច​​​ រី​ឯ​ត្រចៀក​​​​​​​​​​​ត្រូវ​​​គេ​​​យក​​​ឆ្នុក​​​ជ័រ​​​ញ៉ុក​​​។

លោក សំអុល​​​ បាន​​​និយាយ​​​កាល​​​ពី​​​ម្សិល​មិញ​​​ថា ”ខ្ញុំ​​​បាន​​​ទាក់​​​ទង​​​ខេត្ត​​​ទាំង​​​អស់​​​ព្រម​​​ទាំង​​​​​​រាជ​​​ធានីភ្នំពេញ​​​ផង​​​ដែរ ដើម្បី​​​ស្វែង​​​រក​​​អត្ត​​​សញ្ញាណ​​​ជន​​​រង​​​គ្រោះ។ លោក​​​បាន​​​ថ្លែង​​​ថា ​មាន​​​តែ​​​ស្ថាន​​​ទូត​​​អាមេរិក​​​ទេ​​​បាន​​​ទាក់ទង​​​មក​​​យើង​​​​​​សួរ​​​នាំ​​​អំពី​​​សាក​​​សព​​​នេះ​​​”។

លោក ចាយ រ៉ាម៉ាន (Jay Raman) អ្នក​​​នាំ​​​ពាក្យ​​​ស្ថាន​​​ទូត​​​អាេមរិក​​​បាន​​​មាន​​​ប្រសាសន៍​​​ថា ស្ថាន​​​ទូត​​​ “បាន​​​ទូរស័ព្ទ​​​ជា​​​ញឹក​ញាប់​” ​​​ទៅ​ខេត្ត​​​កែប​​​ ហើយ​​​​លោក​បាន​​​បដិសេធ​​​មិន​​​ធ្វើ​​​អត្តាធិប្បាយ​​​បន្ថែម​​​​ឡើយ​។

លោក សំអុល បាន​​​ថ្លែង​​​ថា លោក​​​សង្ឃឹម​​​ថា ​ខណៈ​​​ដែល​​​ព័ត៌​​​មាន​​​បាន​​​ផ្សព្វ​​​ផ្សាយ​​​អំពី​ការ​​​​​រក​​​ឃើញ​​​សាក​​​សព​​​ដែល​​​ហើម​​​ស្អុយ​​​រលួយ​​​នេះ​​​ ​​មិត្ត​​​​​​​​​ភក្តិ និង​​​សាច់​​​ញាតិ​​​ប្រហែល​​​ជាមក​​​ផ្តល់​​​ព័ត៌​​​មាន​​​អំពី​​​អត្ត​​​សញ្ញាណ​​​សាក​​​សព​​នេះ​មិន​ខាន​​។

នគរ​​​បាល​​​​​​នៅ​​​តាម​​​បណ្តា​​​ខេត្ត​​ជាប់​​​​ខេត្ត​​​កែប​​​បាន​​​អះ​​​អាង​​​ថា ពួក​​​គេ​​​ត្រូវ​​​បាន​​​សុ​​​ំ​​​ឲ្យ​ជួយ​​​​​ក្នុង​​​ការ​​​សើុប​​​អង្កេត​​​នេះ​​​ ប៉ុន្តែ បាន​​​លើក​​​ឡើង​​​​​​ថា ពួក​​​គេ​​​មិន​​​មាន​​​តម្រុយ​ទេ។

លោក​​​ កុល ផល្លី ស្នង​​​ការ​​​រង​នគរ​​​បាល​​​​​ខេត្ត​​​ព្រះ​​​សីហនុ​​​បាន​​​មាន​​​ប្រសាសន៍​​​ថា​​​”រហូត​​​ម​​​ក​​​ទល់​​​ពេល​​​នេះ​​​ មិន​​​មាន​​​សាច់ញាតិ​​​ ឬ​​​មិត្ត​​​ភក្តិ​​​ណា​បាន​​​ទាក់​​​ទង​​​មក​​​នគ​​​របាល​​​អំពី​​​​ករណី​​​នេះ​​ឡើយ​”។

លោក គង់ សុខន នាយការិយាល័យ​​​ព្រហ្ម​​​ទណ្ឌ​​​ខេត្ត​​​កំពត​​​បាន​​​មាន​​​ប្រសាសន៍​​​ថា មន្ត្រី​​​របស់​​​លោក​​​បាន​​​ចាប់​​​ផ្តើម​​​ស្វែង​​​រក​​​​​​តម្រុយ​​​ហើយ​​​។ យើង​​​កំពុង​​​ព្យាយាម​​​ស្វែង​​​រក​​​អត្ត​​​សញ្ញាណ​​​ជន​​រង​​​គ្រោះ​​​​​​នៅ​​​តាម​​​ផ្ទះ​​​សំណាក់​​​ ឬ​​​សណ្ឋាគារ​​​”។

ក្រុម​មន្ត្រី​​​នៅ​​​នាយកដ្ឋាន​​​អន្តោប្រវេសន៍​​​ក្រសួង​​​មហាផ្ទៃ​​​ក្នុង​​​រាជធានី​​​ភ្នំពេញ​​​​​​និយាយ​ថា គ្មាន​នរណា​​​​​​ទាក់​​​ទង​​​មក​ពួក​គេ​ឡើយ​​​អំពី​​​ករណី​​​នេះ​​​៕សារុន​​​

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស