40.6 C
Phnom Penh

គ្រួសារ​ជន​រង​គ្រោះ​ប្តឹង​ម្ចាស់​ក្លឹប​ទាក់ទិន​នឹង​អគ្គិភ័យ​ស្លាប់​មនុស្ស

ដោយ ឌឹ ខេមបូឌា ដេលី

បទវិភាគ

យោង​តាម​ប៉ូលិស​បាន​ឲ្យ​ដឹង​ថា គ្រួសារ​របស់​ជន​រងគ្រោះ​ប្រាំមួយ​នាក់​ដែល​ស្លាប់​ដោយសារ​អគ្គិភ័យ​ក្លឹប​កម្សាន្ត​ក្នុង​ក្រុង​ភ្នំពេញ​កាលពី​ដើម​ខែ​នេះ បាន​ដាក់​ពាក្យ​បណ្តឹង​កាលពី​ថ្ងៃ​អង្គារ​នៅ​តុលាការ​ក្រុង​ឲ្យ​ម្ចាស់​ក្លឹប​ទទួល​ខុសត្រូវ បន្ទាប់ពី​មិន​បាន​ឈាន​ដល់​ដំណោះស្រាយ​នៅ​ក្រៅ​នីតិវិធី​តុលាការ។

នៅ​ពេល​ម៉ាស៊ីន​បាញ់​ផ្សែង​នៅ ឃី​ក្លឹប ក្នុង​ខណ្ឌ​មាន​ជ័យ​ឆ្លង​ចរន្ត​អគ្គិសនី ហើយ​ឆេះ​កាលពី​ថ្ងៃ​ទី​៧​ខែ​កញ្ញា អគ្គិភ័យ​នោះ​បាន​បណ្តាល​ឲ្យ​ស្លាប់​បុគ្គលិក​ពីរ​នាក់ និង​ក្មេង​ជំទង់​ទៅ​លេង​កម្សាន្ត​បី​នាក់ និង​សន្តិ​សុខ​ម្នាក់​ដែល​ព្យាបាល​នៅ​មន្ទីរ​ពេទ្យ ហើយ​បាន​ស្លាប់​ដោយសារ​រលាក​នៅ​ពេល​ប៉ុន្មាន​ថ្ងៃ​បន្ទាប់​មក។

នៅ​ពេល​នោះ តុលាការ​បាន​និយាយ​ថា ខ្លួន​នឹង​មិន​យក ភុន ប៊ុនធឿន អាយុ​៣៦​ឆ្នាំ ជា​ម្ចាស់​ក្លឹប មក​កាត់​ទោស​ទេ​ប្រសិនបើ​គាត់​មាន​ដំណោះ​ស្រាយ​ជាមួយ​គ្រួសារ​ទាំង​នោះ ហើយ​ថា​អគ្គិភ័យ​នោះ​មិន​មែន​ជា​កំហុស​របស់​នរណា​ម្នាក់​ទេ។

យោង​តាម​លោក ម៉េង វិមាន​តារា អធិការ​រង​នគរបាល​ខណ្ឌ​មាន​ជ័យ​ដែល​បាន​និយាយ​ថា លោក​បាន​ដាក់​ពាក្យ​បណ្តឹង​តាង​នាម​ឲ្យ​គ្រួសារ​ជន​រង​គ្រោះ បាន​ឲ្យ​ដឹង​ថា

តំណាង​ម្នាក់​របស់​លោក ប៊ុនធឿន បាន​ផ្តល់​សំណង​២.000​ដុល្លារ​ក្នុង​ជន​រង​គ្រោះ​ម្នាក់ តិច​ជាង​ការ​ទាមទារ​របស់​ពួកគេ​ពី​២.៥០០​ដុល្លារ​ទៅ​៣.៥០០​ដុល្លារ​សម្រាប់​ជន​រង​គ្រោះ​ម្នាក់ៗ។

លោក វិមាន បាន​មាន​ប្រសាសន៍​ថា “ខ្ញុំ​បាន​ព្យាយាម​សម្រប​សម្រួល​រវាង​គ្រួសារ​របស់​ជន​រងគ្រោះ​និង​អ្នក​តំណាង​ក្លឹប​ហើយ ប៉ុន្តែ ពួកគេ​មិន​បាន​ព្រមព្រៀង​គ្នា​ទេ”៕ មានិត

 

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស