31 C
Phnom Penh

តុលាការ​​​សម្រេច​​​ឲ្យ​​​ម្ចាស់​​​​​​ក្លឹបដែល​​​កំពុង​​​​គេច​​​ខ្លួន​​​​មាន​​​សេរីភាព​​​ឡើង​​​​វិញ​​​

ដោយ ឌឹ ខេមបូឌា ដេលី

បទវិភាគ

ព្រះរាជ​​​អាជ្ញារង​​​អម​​​សាលា​​​ដំបូង​​​រាជ ធានីភ្នំពេញ​​​បាន​​​សម្រេច​​​មិន​​​បន្ត​​​​ករណី​ចោទ​​​ប្រកាន់​​​ពីបទ​ព្រហ្មទណ្ឌ​លើ​​​ម្ចាស់​​​ក្លឹប​​​កំពុង​​​​គេច​​​ខ​​​្លួន​​​ម្នាក់​​​ ដែល​​​នគ​​​របាល​​​និយាយ​​​ថា គឺជា​​​អ្នក​​​ត្រូវ​ទទួល​​​ខុស​​​ត្រូវ​​​ចំពោះ​​​ការ​​​ស្លាប់​​មនុស្ស​​​ ៦​​​នាក់​​​ ដោយ​​​សារ​​​អគ្គិភ័យ​​​នៅ​​​ក្នុង​​​ក្លឹប​​​​​​កាល​​​ពីថ្ងៃ​​​ទី​​​៧ ខែ​​​កញ្ញា។

យោង​​​តាម​​​នគរ​​​បាល​​​បាន​​​ឲ្យ​​​ដឹង​​​ថា លោក​ ផុន ប៊ុនធឿន អាយុ​​​៣៦​​​ឆ្នាំ​​​ដែល​​​ជា​​​ម្ចាស់​​​ក្លឹប​​​ឃី​​​នៅ​​​ក្នុង​​​ខណ្ឌ​​​មាន​​​ជ័យ​​​បាន​​​គេច​​​ខ្លួន​​​​​​មិន​​​យូរ​​​ប៉ុន្មាន​​​ បន្ទាប់​​​ពី​​​អគ្គិភ័យ​​​ដែល​​​កើត​ឡើង​​​ដោយ​​សារ​ការ​ឆ្លង​ចរន្ត​អគ្គិសនី​ក្នុង​​​​​ម៉ាសីុន​​​បាញ​​​់ផ្សែង​​​បាន​​​ឆាប​​​ឆេះ​​​ផ្នែក​​​ខាង​​​ក្នុង​​​អគារ​​​ ហើយ​​​ធ្វើ​​​ឲ្យ​​​បុគ្គលិក​​​ និង​​​អ្នក​​​មក​​​លេង​​​កម្សាន្ត​​​ក្លឹប​​​​​​រត់​​​ចែក​​​ជើង​​​គ្នា​​​ទៅ​​​រក​​​ច្រក​​​ចេញ​​​បន្ទាន់​​​ដែល​​​មាន​​​តែ​​​មួយ​​​គត់​​​។

បុគ្គលិក​​​ស្រី​ពីរ​​​នាក់​​​ និង​​​ក្មេង​​​ស្រី​​​ជំទង់​​​បី​​​នាក់​​​បាន​​​ស្លាប់​​​នៅ​​​ក្នុង​​​អគ្គិភ័យ​​​នេះ​​​ រីឯសន្តិ សុខ​​​ម្នាក់​​​បាន​​​រង​​​របួស​​​រលាកខ្លាំង​លើ​​​​ដង​​​ខ្លួន​​​​​​​។

វា​​​គឺជា​​​អគ្គិភ័យ​​​​​​​​​លើក​​​ទី​​​២ដែល​​​បណ្តាល​​​ឲ្យ​​​មាន​​​មនុស្ស​​​ស្លាប់​​​​​​​​​​​​នៅ​​​ក្នុង​​​​​​ក្លឹប​​​ឃី​​​ក្នុង​​​រយៈ​​​ពេល​​​មិន​​​ដល់​​​ពីរ​​​ឆ្នាំ​​​ផង​​​។ កាល​​​ពី​​​ខែ​​​វិច្ឆិកា​​​ ឆ្នាំ​​​២០១៣ មនុស្ស​​​បី​​​នាក់​​​បាន​​​ស្លាប់​​​ពេល​​​ផ្កា​​​ភ្លើង ​​​​​​ដែល​កើត​ចេញ​​​ពី​​​​​​កម្មករ​ផ្សារ​​​ដែក​​​ បាន​​ឆាប​​​ឆេះ​​​សាឡុង ប៉ុន្តែ​​​ ក្លឹប​​​នេះ ត្រូវ​​​បាន​អនុញ្ញាត​ឲ្យ​​​​បើកឡើងវិញ​​​​។ ក្នុង​​​ករណី​​​ទាំង​​​ពីរ​​​លើក​​​នេះ​​​ នគ​​របាល​​​បាន​​​និយាយថា​ ការ​ស្លាប់​គឺ​បណ្តាលមក​ពី​​​​ខ្វះ​​​​​​​​​ច្រក​​​ចេញ​​​។    ​

ក្រោយពេល​គេច​​​ពី​​​នគរ​​​បាល​​​ប៉ុន្មាន​​​សប្តាហ៍​​​បន្ទាប់​​​​ហេតុការណ៍​​​ជា​​​លើក​​​ទី​​​២នេះ​​​​លោក ផុន ប៊ុនធឿន បាន​​​បញ្ជូន​​​តំណាង​​​ឲ្យ​​​ទៅ​​​ ជួប​​​ជាមួយ​​​ក្រុម​​​គ្រួសារ​​​ជន​​​រងគ្រោះ ហើយ​​​ផ្តល់​​​សំណង​​ដល់​​​ពួក​​​គាត់​​​ ដោយ​​​សង្ឃឹម​​​ថា  ពួក​​​គាត់​​​នឹង​​​ដក​​​ពាក្យ​​​បណ្តឹង​​​ផ្លូវ​​​ច្បាប់​​​របស់​​​ខ្លួន​​​វិញ​​​។

ប៉ុន្តែ ការ​​​ចរចា​​​​មិន​​​បាន​​​ត្រូវ​​​រ៉ូវ​​​​​​គ្នា​​​ទេ​​​ ហើយ​​​ នៅ​​​​​​ថ្ងៃ​​​ទី​​​២៩​​​ ខែ​​​កញ្ញា ក្រុម​​​គ្រួសារ​​​ជន​​​រង​​​គ្រោះ​​​រួម​​​​​​ជាមួយ​​​សន្តិសុខ​​​ម្នាក់​​​ទៀត​​​ដែល​​​កំពុង​​​ព្យាបាល​​​ដោយសារ​​​ការ​​​រលាក​​​ដង​​​ខ្លួន​​​ខ្លាំង​​​នៅ​​​ឡើយ​​​នោះ​​​ បាន​​​ដាក់​​​ពាក្យ​​​​​​ប្តឹង​​​ម្ចាស់​​​ក្លឹប​​​នេះ​​​​​​ទៅ​​​កាន់​​​សាលា​​​ដំបូង​​​រាជធានី​​​ នេះ​​​បើ​​​យោង​​​តាម​​​លោក​​​ ម៉េង វិមាន​​​តារា អធិការ​​​  រង​​​នគរ​​​បាល​​​ខណ្ឌ​​​​​​មាន​​​ជ័យ​​​។

តែ​​​ទោះ​​​ជា​​​យ៉ាង​​​ណា​​​ កាល​​​ពីម្សិលមិញ   លោក ខាំ សុផារី​​​ ព្រះរាជអាជ្ញារ​​​ង​​​អម​​​សាលា​​​ដំបូង​​​រាជធានី​​​ ដែល​​​ធ្លាប់​​​ចាត់​​​ទុក​​​អគ្គិភ័យ​​​នេះថា ជា ”ករណី​​​ប្រធានស័ក្តិ​​​” បាន​​​លើក​​​ឡើង​​​ ថា ក្រុម​​​គ្រួសារ​​​ជន​​​រង​​​គ្រោះ​​​បាន​​​ទទួល​​​សំណង​​​ ពី​​​តំណាង​​​របស់​​​លោក​​​ ផុន ប៊ុនធឿន នៅ​​​ធិការ​​​ដ្ឋាន​​​នគរ​​​បាល​​​ខណ្ឌ ហើយ​​​បាន​​​ដក​​​ពាក្យ​​​បណ្តឹង​​​វិញ​​​។

លោក​​​ ខាំ សុផារី បាន​​​លើក​​​ឡើង​​​ថា  លោក​​​​​​មិន​​​ចាំ​​​​​​​ពេល​​​​​​​​​ដែល​ក្រុម​​​គ្រួសារ​​​ជន​​​រង​​​គ្រោះ​​​ទទួល​​​ប្រាក់​​​ ឬ​​​ដក​ពាក្យ​​​បណ្តឹង​​​របស់​​​ខ្លួន​​​វិញ​​​ឡើយ​​​ ប៉ុន្តែ ថា សន្តិសុខ​​​ដែល​​​រួច​​​​ជីវិត​​​​​​ឈ្មោះ​​​ ខុម ចាន់​​​នុត​​​​​​ បាន​​​ដក​​​ពាក្យ​​​បណ្តឹង​​​របស់​​​ខ្លួន​​​កាល​​​ពី​​​ម្សិលមិញ ដោយ​​​យល់​​​ព្រម​​​ទទួល​​​យក​​​សំណង​​​ចំនួន​​​៥.០០០ដុល្លារ​​​។

លោក​​​បាន​​​មាន​​​ប្រសាសន៍​​​ថា ”ខ្ញុំ​​​មិន​​​ដឹង​​​ថា តើ​​​ប្រាក់​​​ចំនួន​​​ប៉ុន្មាន​​​ដែល​​​ក្រុម​​​គ្រួសារ​​​ជន​​​រង​​​គ្រោះ​​​ទទួល​​​បាន​​​ឡើយ ព្រោះ​​​ក្រុម​​​គ្រួសារ ​​​ជន​​​រង​​​គ្រោះ​​​​​​បាន​សម្រប​​​សម្រួល​​​ដោយ​​​ទទួល​​​បាន​​​ [ជំនួយ​​​] ពី​​​នគរបាល​​​។ ឥឡូវ​​​​​​ខ្ញុំ​​​មាន​​​ឯកសារ​​​ទាំង​​​អស​​​់​​​ពី​​​ក្រុម​​​គ្រួសារ​​​ជន​​​រង​​​គ្រោះ​​​ដែល​​​​ស្នើ​​​សុំ​​​ដក​​​ពាក្យ​​​បណ្តឹង​​​របស់​​​ខ្លួន​​​វិញ​​​”។

លោកបាន​​​បន្ថែម​​​ថា “ដោយ​​​សារ​​​មាន​​​ការ​​​សម្រប​​​សម្រួល​​​គ្នា​​​រវាង​​​តំណាង​​​ម្ចាស់​​​ក្លឹប​​​ និង​​​ក្រុម​​​គ្រួសារ​​​ជន​​​រង​​​គ្រោះ​​​ តុលាការ​​​នឹង​​​បិទ​​​សំណុំ​​​រឿង​​​នេះ​​​។ តុលាការ​​​គ្មាន​​​​​​មូល​​​ហេតុ​​​ចោទ​​​ប្រកាន់​​​ម្ចាស់​​​ក្លឹប​​​​​​ទេ ព្រោះ​​​នេះ​​​ជា​​​ឧបទ្ទវ ហេតុ​។ តែ​​​ទោះជាយ៉ាងណា លោក​​​ ម៉េង​​​វិមាន​​​តារា បាន​​​ជំទាស់​​​នឹង​​​ការ​​​លើក​​​ឡើង​​​របស់​​​លោក ខាំ សុផារី កាល​​​ពី​​​ម្សិល​​​មិញ  ហើយ​​​ ថានគរ​​​បាល​​​​​​នៅ​​​តែ​​​ចាត់ទុក​​​លោក ផុន ប៊ុន ធឿន​​​ ជា​​​ជន​​​ដែល​​​សមត្ថកិច្ច​​​តាម​​​ចាប់​​​ខ្លួន​​​ដដែល​​​។

លោក​​​បាន​​​មាន​​​ប្រសាសន៍​​​ថា ” ប្រសិន​​​បើ​​​ក្រុមគ្រួសារ​​​ជន​​​រង​​​គ្រោះ និង​​​តំណាង​​​ម្ចាស់​​​ក្លឹប​​​សម្រប​​​សម្រួល​​​គ្នា​​​នៅ​​​អធិការដ្ឋាន​​​​ ខ្ញុំ​​​ប្រហែល​​​ជា​​​បាន​​​ដឹង​​​​​​បញ្ហា​​​នេះ​​​ហើយ​​​។  យើង ​​​ព្យាយាម​​​ដោះ​​​ស្រាយ​​​បញ្ហា​​​ទាំង​​​នេះ ប៉ុន្តែ  មិន​​​ ទាន់​​​​​​ឈាន​​​ដល់​​​ការ​​​សម្រប​​​សម្រួល​​​គ្នា​​​ទេ”​​​។

លោក​​​ ម៉េង វិមាន​​​តារា បាន​​​លើក​​​ឡើង ទៀត​​​​ថា នគ​​​របាល​​​​​​បាន​​​ផ្អាក​​​ការ​​​តាម​​​រក​​​​​​ចាប់​​​​​​ខ្លួន​​​លោក ផុន ប៊ុនធឿន ពេល​​​ក្រុម​​​គ្រួសារ​​​ជន​​​រង​​​គ្រោះ​​​ដាក់​​​ពាក្យ​​​ប្តឹង​​​គាត់​​​កាល​​​ពី​​​ខែ​​​មុន ដោយ​​​ទុក​​ឲ្យ​​​​តុលាការដោះស្រាយ​សំណុំ​​​រឿងនេះវិញ​​​​។ លោក​​​បាន​​​មាន​​​ប្រសាសន៍ ​​​ថា ”យើង​​​នឹង​​​តាម​​​ចាប់​​​ខ្លួន​​​ម្ចាស់​​​ក្លឹប​​​នេះ​​​នៅ​​​ពេល​​​តុលាការ​​​ចេញ​​​ដីកា​​​ចាប់​​​ខ្លួន​​​​​​​​​”។

អ្នក​​​ស្រី​​​ ដួង ស្រី​​​មុំ ដែល​​​ត្រូវ​​​ជា​​​ម្តាយ​​​របស់​​​ជន​​​រងគ្រោះ​​​ឈ្មោះ សៅ មេសា អាយុ​​​១៨​​​ឆ្នាំ​​​ដែល​​​បាន​​​ស្លាប់​​​នៅ​​​ក្នុង​​​អគ្គិភ័យ​​​នេះ​​​ជាមួយ​​​មិត្ត​​​ភក្តិ​​​ពីរ​​​នាក់​​​ទៀត​​​ បាន​​​បដិសេធ​​​មិន​​​ឆ្លើយ​​​សំណួរ​​​អំពី​​​សំណុំ​​​រឿង​​​នេះ​​​ឡើយ​​​ ទោះ​​​បី​​​ជា​​​បាន​​​និយាយ​​​​​​ដោយ​​​បើក​​​ចំហ​​​ពី​​​បំណង​​​ចរចា​​​ជា​​​មួយ​​​លោក​​​ ផុន ប៊ុនធឿន នា​​​ពេល​​​កន្លង​​​មក​​​ក៏​​​ដោយ​​​។

លោកស្រី​​​បាន​​​និយាយ​​​ថា “ប្រសិន​​​បើ​​​អ្នក​​​ចង់​​​ដឹង​​​រឿង​​​អំពី​​​ឧប​ទ្ទវហេតុ​​​នេះ​​​ សូម​​​ទូរស័ព្ទ​​​ទៅ​​​នគរ​​​បាល​​​ទៅ​​​។ ខ្ញុំ​​​មិន​​​ដឹង​​​អ្វី​​​ទេ​​​”៕ ស៊ុយឈាង​

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស