24.6 C
Phnom Penh

មន្ត្រីមហាផ្ទៃ​ត្រូវ​​​បាន​​​ដក​​​តំណែង​​​​​​ពាក់ព័ន្ធ​​​ការ​​​ចោទ​​​ប្រកាន់​​​​​​​​​ពីរ​​​​ទាក់​​​ទិន​​​​​​ហ្វេសប៊ុក

ដោយ ឌឹ ខេមបូឌា ដេលី

បទវិភាគ

អ្នក​​​នាំពាក្យ​​​ក្រសួង​​​មហាផ្ទៃ​​​បាន​​​ឲ្យ​​​ដឹង​​​កាល​​​ពីម្សិលមិញ​​​ថា លោក ផែង វណ្ណៈ មន្ត្រី​​​ក្រសួង​​​មហាផ្ទៃ​​​ដែល​​​ត្រូវ​​​បាន​​​ចោទ​​​ប្រកាន់​​​ពីបទ​​​គំរាម​​​សម្លាប់ លោក​​​ ​​​កឹម សុខា ​​​អនុ​​​ប្រធាន​​​​​​ គណបក្ស​​​សង្គ្រោះជាតិ​​​ ត្រូវ​​​បាន​​​ដក​​​ពី​​​មុខ​​​តំណែង​​​ ហើយ​​​នឹង​​​ប្រឈម​​​ការ​​​បើក​​​សវនាការ​​​ ជំនុំ​​​ជម្រះ​​​ពាក់​​​ព័ន្ធ​​​ការ​​​ចោទ​​​ប្រកាន់​​​ពីបទ​​​បរិហារកេរ្តិ៍​​​។

លោក ផែង វណ្ណៈ នាយ​​​រង​​​ការិយាល័យ​​​ប្រឆាំង​​​បទ​​​ល្មើស​​​បច្ចេកទេស​​​នៃ​​​នាយក​​​ដ្ឋាន​​​សន្តិសុខ​ផ្ទៃ​​​ក្នុង​​​បាន​​​រង​​​ការ​​​រិះ​​​គន់​​​កាល​​​ពី​​​ខែ​​​ធ្នូ​​​ឆ្នាំ​​​២០១៣​​​ ពេល​​​គណនី​​​ហ្វេស​​​ប៊ុក​​​មួយ​​​ដែល​​​មាន​​​ឈ្មោះ​​​ និង​​​រូប​​​របស់​​​លោក​ ​​​​​​បាន​​​បង្ហោះ​​​រូប​​​កាំភ្លើង​​​ខ្លី និង​​​គ្រាប់​​​កាំភ្លើង​​​ចំនួន​​​ប្រាំពីរ​​​គ្រាប់​​​ អម​​​ដោយ​​​សារ​​​មួយ​​​ដែល​​​លើក​​​ឡើង​​​​​ថា គ្រាប់​​​កាំភ្លើង​​​នីមួយ​​​ៗ​​​គឺមាន​​​គោល​​​ដៅ​​​លើ​​​ផ្នែក​​​ផ្សេង​​​ៗ​​​គ្នា​​​នៃ​​​រាង​​​កាយ​​​របស់​​​លោក​​​ កឹម សុខា ។

នៅ​​​ក្នុង​​​ខែ​​​នេះ​​​លោក ផែង​ វណ្ណៈ បែរ​​​ជា​​​ជាប់​​​ពាក់​​​ព័ន្ធ​​​នៅ​​​ក្នុង​​​រឿង​​​រ៉ាវ​​​តាម​ហ្វេស​​​ប៊ុក​​​ដាច់​​​ដោយ​​​ឡែក​​​មួយ​​​ទៀត​​​ ដែល​​​គេ​​​និយាយ​​​ថា​​​ លោក​​​បាន​​​បង្ហោះ​​​​ឡើងវិញ​នូវ​ការ​​​អះ​​​អាង​​​​​​ ដែល​​​ថា លោក​​​ស្រី​​​ កែវ ម៉ាលី សមាជិក​​​ព្រឹទ្ធសភា​​​មក​​​ពី​​​គណបក្ស​​​ប្រជា​​​ជនកម្ពុជា​​​គឺជា​​​ស្រី​​​កំណាន់​​​របស់​​​ឧត្តម​​​សេនីយ៍​​​យោធា​​​ម្នាក់​​​ជា​​​ការ​​​ចោទ​​​ប្រកាន់​​​ដែល​​​​​​​​​នាំ​​​ឲ្យ​​​មាន​​​ការ​​​ដាក់​​​ពាក្យ​​​​​​ប្តឹង​​​មន្ត្រី​​​ក្រសួង​​​ព័ត៌មាន​​​ម្នាក់​​​ និង​​​ភរិយា​​​របស់​ឧត្តម​​​សេនីយ៍​​​យោធា​​​រូ​​​ប​​​េនះ​​​ពីបទ​​​បរិហារកេរ្តិ៍​​​ ​។​

លោក​​​ ខៀវ សុភ័គ អ្នក​​​នាំពាក្យ​​​ក្រសួង​​​មហាផ្ទៃ​​​បាន​​​មាន​​​ប្រសាសន៍​​​កាល​​​ពី​​​ម្សិល​​​មិញ​​​ថា “មាន​​​គេ​​​​​ដាក់​​​ពាក្យ​​​បណ្តឹង​​​ [ប្តឹង​​​លោក​​​វណ្ណៈ​​​]  ពីបទ​​​គំរាម​​​សម្លាប់ និង​​​​បរិហារកេរ្តិ៍​​​ជា​​​សាធារណៈ​​​។ ក្រសួង​​​បាន​​​ផ្ទេរ​​​គាត់​​​ ខណៈ​​​កំពុង​​​ធ្វើ​​​ការ​​​សើុប​​​អង្កេត​​​”។

ឧត្តម​​​សេនីយ៍​​​ ខៀវ សុភ័គ មិន​​​ចង់​​​ឆ្លើយ​​​សំណួរ​​​ទេ នៅ​​​ពេល​​​ត្រូវ​​​បាន​​​សួរ​​​ឲ្យ​​​បញ្ជាក់​​​ថា តើ​​​បណ្តឹង​​​​​​មុន​​​​​​មាន​​​ជាប់​​​ពាក់​​​ព័ន្ធ​​​នឹង​ការ​​​គំរាម​​​សម្លាប់​​​លោក កឹម សុខា កាល​​​ពី​​​ឆ្នាំ​​​២០១៣​​​ដែរឬ​​​អត់​​​។ លោក​​​បាន​​​ឆ្លើយ​​​ថា “ពួក​​​គេ​​​ចង់​​​និយាយ​​​អ្វី​​​ ក៏​​​និយាយ​​​ទៅ​​​”។

ពេល​​​ទាក់​​​ទង​​​កាល​​​ពីម្សិល​​​មិញ ​​​លោក ​​​ផែង​ វណ្ណៈ​​​ ដែល​​​ត្រូវ​​​បានផ្ទេរ​​​​​​ទៅ​​​កាន់​​​នាយក​​​រដ្ឋាន​​​បុគ្គលិក​​​នៃ​​​ក្រសួង​​​មហាផ្ទៃ​​​ ដោយ​​​រង់​​​ចាំ​​​ការ​​​សើុប​​​អង្កេត​​​ បាន​​​បញ្ជាក់​​​ថា ចំណាត់​​​ការ​​​នេះធ្វើឡើង​ ​​​ដោយសារ​​​មាន​ពាក្យ​​​បណ្តឹង​​​ដែល​​​ប្តឹង​​​ដោយ​​​លោក ​​​កឹម ​​​សុខា និង​​​លោកស្រី កែវ​​​ ម៉ាលី។

លោក ផែង​ វណ្ណៈ បាន​​​លើក​​​ឡើង​​​ថា ​​​លោក​​​​​​ត្រូវ​​​បាន​​​សាក​​​សួរ​​​កាល​​​ពីថ្ងៃ​​​ទី​​​២៩ ខែ​​​កញ្ញា​​​ដោយ​​​សាលាដំបូង​​​រាជធានីភ្នំពេញ​​​ ពាក់​​​ព័ន្ធ​​​ករណី​​​បរិហារកេរ្តិ៍​​​លោក​​​ស្រី កែវ ​​​ម៉ាលី ​​​ប៉ុន្តែ លោក​​​នៅ​​​តែ​​​លើកឡើង​​​ថា ខ្លួន​​​គ្មាន​​​ទោស​​​កំហុស​​​ឡើយ​​​ក្នុង​​​ករណី​​​ទាំងពីរ​​​​នេះ​​​។

លោក​​​​​​បាន​​​និយាយ​​​ទាក់​​​ទិន​​​នឹង​​​បទ​​​ចោទ​​​គំរាម​​​សម្លាប់​​​លោក កឹម សុខា ថា “វា​​​គឺជា​​​សំណុំ​​​ រឿង​​​ចាស់​​​ ហើយ​​​ខ្ញុំ​​​មិន​​​បាន​ធ្វើ​​​រឿង​​​នេះ​​​ទេ​​​។​​​គេ​​​បាន​​​បង្កើត​​​គណនី​​​ហ្វេស​​​ប៊ុក​​​មួយ​​​មើលទៅ​ដូច​​​គណនី​​​ហ្វេស​​​ប៊ុក​​​របស់​​​ខ្ញុំ​​​”។

លោក​​​បាន​​​បន្ថែម​​​ថា “ខ្ញុំ​​​គឺជា​​​មន្ត្រី​​​អនុវត្ត​​​ច្បាប់​​​ ខ្ញុំ​​​មិន​​​ឆ្កួត​​​ទៅ​​​ប្រើ​​​ឈ្មោះ​​​របស់​​​ខ្ញុំ​​​ដើម្បី  បំភិត​​​បំភ័យ​​​នរណា​​​ម្នាក់​​​ឡើយ។ ទុក​​​ឲ្យ​​​​​​ក្រសួង​​​ និង​​​អ្នក​​​ជំនាញ​​​ធ្វើ​​​ការ​​​សើុប​​​អង្កេត​​​ចុះ”។

ទោះ​​​បីជា​​​គ្មាន​​​ព័ត៌មាន​​​លម្អិត​​​ពាក់​​​ព័ន្ធ​​​នឹង​​​ស្ថានភាព​​​នៃ​​​សំណុំ​​​រឿង​​​គំរាម​​​សម្លាប់​​​ក៏​​​ដោយ​​​​​​ តែ​​​លោក ហីុង ប៊ុនថន ព្រះរាជអាជ្ញារ​​​ង​​​​​​អម​​​សាលា​​​ដំបូង​​​រាជធានីភ្នំពេញ បាន​​​លើក​​​ឡើង​​​ថា សវនាការ​​​សម្រាប់​​​សំណុំ​​​រឿង​​​បរិហារកេរ្តិ៍​​​ជា​​​សាធារណៈ​​​គ្រោង​​​ធ្វើ​​​ឡើង​​​នៅថ្ងៃ​​​ទី​​​២៧ ខែ​​​តុលា​​​នេះ​​​។

លោក​​​ស្រី កែវ​​​ ម៉ាលី ដែល​​​ជា​​​សមាជិក​​​ព្រឹទ្ធ​​​សភា​​​​​​បាន​​​ធ្វើ​​​ឲ្យ​​​លោក​​​ ព្រំ សាន ​​​មន្ត្រី​​​ក្រសួង​​​ព័ត៌មាន ដែល​​​បង្ហោះ​​​ការ​​​អះអាង​​​ដែល​ថា លោកស្រី គឺជា​​​ស្ត្រី​​​កំណាន់​​​ទី​​​៤​​​របស់​​​ឧត្តម​​​សេនីយ៍ឯក​​​ សៀក សុជាតិ និង​​​ភរិយា​​​របស់​​​ឧត្តម​​​សេនីយ៍ឯក​​​រូប​​​នេះ​​​ គឺ​​​អ្នក​​​ស្រី មុំ ម៉ានុត ដែល​​​ក៏​​​អះ​​​អាងតាម​​​ហ្វេស​​​បុ៊ក​​​ថា ស្វាមីរបស់​​​ខ្លួន​​​មា​​ន​​​សាហាយ​​​ស្មន់​​​ជាមួយ​​​សមាជិក​​​ព្រឹទ្ធ​​​សភា​​​រូប​​​នេ​​​ះ​​​​​​ដែរ​​​នោះ ឡើង​​​សវនាការ​​​រួច​​​ហើយ​​​។

យោង​​​តាម​​​លោក ផែង​ វណ្ណៈ បាន​​​ឲ្យ​​​ដឹង​​​ថា ឥឡូវ​​​នេះ​​​លោក​​​ស្រី កែវ ម៉ាលី កំពុង​​​ទាម​​​ទារ​​​សំណង​​​ពី​​​គាត់​​​ចំនួន​​​៥០០.០០០ដុល្លារ​​​។

ដោយ​​​បន្ត​​​អះ​​​អាង​​​ថា ខ្លួន​​​គ្រាន់​​​តែ​​​បង្ហាញ​​​ ការ​​​អះអាង​​​របស់​​​លោក ព្រំ​​​ សាន តាម​​​ហ្វេស ប៊ុក​​​នោះ លោក​​​ ផែង វណ្ណៈ បាន​​​និយាយ​​​កាល​​​ ពី​​​ម្សិលមិញ​​​ថា “ខ្ញុំ​​​ច្រាន​​​ចោល​​​ការ​​​ចោទ​​​ប្រកាន់​​​ នេះ ព្រោះ​​​គេ​​​បាន​​​ចោទ​​​ប្រកាន់​​​ខ្ញុំ​​​ពីបទ​​​ផ្សព្វ​​​ផ្សាយ​​​ព័ត៌មាន​​​មិន​​​ពិត​​​។ តើ​​​ស្អី​​​ទៅ​​​ជា​​​ព័ត៌មាន​​​មិន​​​ពិត​​​? ​​​តើ​​​ស្អីទៅ​​​ជា​​​ការ​​​បរិហារ​​​កេរ្តិ៍?”។

លោក​​​បាន​​​និយាយ​​​បន្ថែម​​​ទៀត​​​ថា “ខ្ញុំ​​​បាន​​​សរសេរ​​​យ៉ាង​​​ច្បាស់​​​ថា លោក ព្រំ សាន ត្រូវ​​​បាន​​​ប្តឹង​​​ដោយ​​​លោក​​​ជំទាវ កែវ ម៉ាលី។​​​ ហើយ​​​​​​ ខ្ញុំ​​​បាន​​​ដក​​​ស្រង់​​​ហេតុ​​​ផល​​​ដែល​​​លោក​​​ជំទាវ​​​​​​បាន​​​ប្តឹង​​​ ព្រោះ​​​លោក ព្រំ សាន បាន​​​បង្ហោះ​​​ព័ត៌មាន​​​តាម​​​ហ្វេសបុ៊ក”។

ពេល​​​ទាក់​​​ទង​​​កាល​​​ពី​​​ម្សិលមិញ លោក​​​ស្រី កែវ ម៉ាលី បដិសេធ​​​មិនធ្វើ​​​អត្ថាធិប្បាយ​​​ឡើយ ដោយ​​​បង្វែរ​​​សំណួរ​​​ទៅ​​​លោក ថេង ​​​ម៉េងអីុ មេធាវីរបស់​​​លោក​​​ស្រី​​​  ដែល​​​មិន​​​អាច​​​ ទាក់​​​ទង​​​បាន​​​៕ស៊ុយឈាង​​​

 

© 2022, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស