ក្រុមមន្ត្រីបាននិយាយកាលពីម្សិលមិញថា អ្នកចម្ការអាយុ៧៦ឆ្នាំម្នាក់ដែលនគរបាលនិយាយថា ជា”ជនញៀនសិច” ត្រូវបានចាប់ខ្លួននៅខេត្តកំពង់ឆ្នាំងកាលពីថ្ងៃអាទិត្យ ពីបទរំលោភក្មេងវិកលចរិតម្នាក់ក្នុងភូមិរបស់គាត់កាលពីសប្តាហ៍មុន ហើយបន្ទាប់មកទៀតបានសារភាពឲ្យដឹងអំពីការរំលោភស្ត្រីវិកលចរិតម្នាក់ទៀត។
យោងតាមលោក ប៉ុល វុទ្ធី ស្នងការរងខេត្តបានឲ្យដឹងថា នូ សីុណាន ត្រូវបានចាប់ខ្លួននៅផ្ទះរបស់គាត់ក្នុងឃុំជៀប ស្រុកទឹកផុស កាលពីព្រឹកថ្ងៃអាទិត្យ ពីបទសង្ស័យថា បានរំលោភក្មេងស្រីអ្នកជិតខាងអាយុ៦ឆ្នាំ ហើយនឹងត្រូវបញ្ជូនទៅតុលាការខេត្តកំពង់ឆ្នាំងនៅថ្ងៃនេះ ដើម្បីប្រឈមនឹងការចោទប្រកាន់។
លោក លីវ ប៊ុនសុង អធិការរងស្រុកបាននិយាយថា លោក សីុណាន ត្រូវបានចាប់ខ្លួនតាមបណ្តឹងមួយដែលឪពុកម្តាយរបស់ក្មេងស្រីនោះបានប្តឹងទៅនគរបាលឃុំនៅរសៀលថ្ងៃសៅរ៍ ដោយចោទលោក ស៊ីណាន ថា បានរំលោភកូនស្រីពិការរបស់ពួកគាត់កាលពីថ្ងៃទី១៤ខែធ្នូ។
លោកបាននិយាយថា ”ឪពុកម្តាយរបស់ជនរងគ្រោះមិនបានប្តឹងភ្លាមទេនៅពេលជនសង្ស័យរំលោភនាង ពីព្រោះជនរងគ្រោះមិនបានប្រាប់ពួកគាត់ភ្លាមទេ”។ លោកបានពន្យល់ថា ទីបំផុតឪពុកម្តាយរបស់ក្មេងស្រីនោះបានហៅនាងមកសួរ នៅពេលពួកគាត់បានសង្កេតឃើញមានឈាមក្នុងទឹកនោមរបស់នាង។
លោក ប៊ុនសុង បាននិយាយថា ពួកគាត់បានប្រាប់នគរបាលថា លោក ស៊ីណាន បានរំលោភកូនស្រីរបស់ពួកគាត់នៅក្នុងផ្ទះរបស់ជនសង្ស័យ ក្រោយពីក្មេងស្រីរូបនេះនិងមិត្តភក្តិ៤នាក់របស់នាងបានដើរចូលដីរបស់ជនសង្ស័យ។
លោកបាននិយាយថា ”ក្រោយពីហែលទឹកលេងក្បែរនោះ ក្មេង៥នាក់បានដើរទៅដីចម្ការជនសង្ស័យរកមើលផ្លែឈើខ្លះហូប”។ លោកបន្ថែមថា ក្មេងស្រីផ្សេងទៀតបន្ទាប់មកបានស្ទុះចូលផ្ទះរបស់លោក ស៊ីណាន នៅពេលឮសម្រែករបស់ជនរងគ្រោះ ហើយក៏បានឃើញអ្នកចម្ការរូបនេះកំពុងរំលោភនាង។
លោក ប៊ុនសុង បាននិយាយថា លោក ស៊ីណាន ត្រូវបានគេប្រគល់ទៅឲ្យនគរបាលស្រុកកាលពីរសៀលថ្ងៃអាទិត្យ និងត្រូវគេសាកសួរនៅអធិការដ្ឋាននគរបាលស្រុក។
លោកបាននិយាយថា ”ជនសង្ស័យមិនព្រមសារភាពទេនៅពេលយើងសាកសួរគាត់លើកដំបូង”។ លោកបានបន្ថែមថា នៅទីបញ្ចប់ ជននេះបាននិយាយប្រាប់អស់នៅពេលដែលអ្នកស៊ើបអង្កេតបានប្រាប់គាត់ថា មិត្តភក្តិរបស់ជនសង្ស័យបានឃើញគាត់រំលោភមិត្តរបស់ពួកគេ។
លោកបានឲ្យដឹងទៀតថា បន្ទាប់មកលោក ស៊ីណាន បានបន្តសារភាពឲ្យដឹងអំពីការរំលោភស្ត្រីវិកលចារិតម្នាក់ក្នុងភូមិរបស់គាត់”ជាច្រើនលើក” នាពេលកន្លងមក។
លោកអធិការរង ប៊ុនសុង ក៏បានកត់សម្គាល់ឃើញប្រវត្តិមិនធម្មតារបស់លោក ស៊ីណានដែរ។
លោកបាននិយាយថា “ជនសង្ស័យរូបនេះមានប្រពន្ធច្រើន សូម្បីកូនស្រីម្នាក់របស់គាត់ក៏បានក្លាយជាប្រពន្ធរបស់គាត់ដែរ។ គាត់ជាមនុស្សញៀនសិច”៕និត