31.5 C
Phnom Penh

​នារី​​ម្នាក់​​ត្រូវ​គេ​សម្លាប់​ក្នុង​រាជធានី​ភ្នំពេញ  រីឯ​ជន​សង្ស័យ​​​ត្រូវ​បាន​ប្រ​ទះ​ឃើញ​ចង​ក​ធ្វើ​អត្តឃាត​​

ដោយ ឌឹ ខេមបូឌា ដេលី

បទវិភាគ

នារី​អាយុ​២២​ឆ្នាំ​ម្នាក់​ត្រូវ​គេ​សម្លាប់​​នៅ​ក្នុង​​​ខណ្ឌពោធិ៍សែន​ជ័យកាលពី​ព្រឹក​ម្សិល​មិញ ​ហើយ​នគរ​បាល​​លើក​ឡើង​ថា ឃាតករ​ដែល​សម្លាប់​នាង​​​ត្រូវ​បាន​ប្រទះឃើញ​ស្លាប់​​​​​ដោយ​​​​សង្ស័យ​ថា ធ្វើ​អត្តឃាត​​​តាម​ក្រោយ​នៅ​ថ្ងៃ​ដដែល​។

​លោក ថេង កុសល ​នាយ​ប៉ុស្តិ៍​នគរបាល​សង្កាត់​ចោម​ចៅ បាន​លើក​ឡើង​ថា ក្រុមអ្នក​ស៊ើបអង្កេត​​ជឿជាក់​ថា ​ជនសង្ស័យ​ឈ្មោះ យិន ឌីណា ​អាយុ​២៩​ឆ្នាំ ដែល​ជា​កម្មករ​រោង​ចក្រ​​​បាន​ប៉ុនប៉ង​​រំលោភ​​ជនរងគ្រោះ​ឈ្មោះ​ ស៊ុន គន្ធី ​ប៉ុន្តែ​​ជន​នេះ​​​​បាន​ខឹង​យ៉ាង​ខ្លាំង​ពេល​នាង​​តដៃ​ ហេតុ​ដូច្នេះ​​ជន​នេះ​ក៏​រឹត​ក​សម្លាប់​នាង​តែ​ម្ដង​។

លោក​ ថេង កុសល បាន​​មាន​ប្រសាសន៍​ថា ”​សាកសព​ជន​រងគ្រោះ​​ត្រូវ​បាន​ប្រទះ​ឃើញ​នៅ​ម៉ោង​ប្រហែល​៩​និង​២០​នាទី​ព្រឹក​ ក្នុង​​​​ផ្ទះ​លក់​គ្រឿង​ទេស​របស់​នាង​។ ​សព​របស់​នាង​​ត្រូវ​បាន​ប្រទះ​ឃើញ​​អាក្រាត​ល្វែង​ក្រោម​”។

​សាក្សី​​បាន​​ប្រាប់​នគរ​បាល​ថា ពួកគេ​បាន​ឃើញ​ យិន ឌីណា ចូល​​ទៅ​ក្នុង​ផ្ទះ​លក់​គ្រឿង​ទេស​នេះ​ ហើយ​បន្ទាប់​មក​ចាក​ចេញ​ពី​ផ្ទះ​ជន​​រងគ្រោះ​មក​វិញ​​នៅ​ម៉ោង​​ប្រហែល​៨​និង​៣០​នាទី​ព្រឹក។ ពេល​​ក្រុម​មន្ត្រី​បាន​ទៅ​ដល់​ផ្ទះ​របស់​ជន​​សង្ស័យ​ដែល​នៅ​ក្បែរ​នោះ ពួកគេ​​​បាន​ឃើញ​​ជន​នេះ​ចង​ក​នឹង​​ពិដាន​ស្លាប់​បាត់​ទៅ​ហើយ​។

លោក ថេង កុសល បាន​លើក​ឡើង​បន្ត​ថា ”​​យើង​ក៏​បាន​​រក​ឃើញ​​​កញ្ចប់​ថ្នាំពុល​ទទេ​មួយ​កញ្ចប់​នៅ​​ក្បែរ​សព​របស់​ជន​នេះដែរ​​ ហេតុ​ដូច្នេះ​យើង​គិត​ថា ជន​សង្ស័យ​​ផឹក​ថ្នាំ​ពុល​​​មុន​ពេល​ចង​ក​​ធ្វើ​អត្តឃាត”។

យោង​តាម​​នាយប៉ុស្តិ៍​រូប​នេះ​បាន​ឲ្យ​ដឹង​​ទៀត​ថា អ្នក​ជិត​ខាង​បាន​និយាយ​ថា ​​​​ជន​សង្ស័យ​​​​​​​មាន​​លួច​ស្រឡាញ់​ជន​រងគ្រោះជាយូរ​មក​ហើយ ប៉ុន្តែ​ជន​រងគ្រោះ​មិន​ស្រឡាញ់​វិញ​ទេ។ ពេល​​​ជន​នេះ​ឃើញ​នាង​នៅ​ផ្ទះតែ​ម្នាក់​​​ឯង “​​​ជន​នេះ​​បាន​​ទៅទី​នោះ ហើយ​ប៉ុន​ប៉ង​រំលោភ​នាង​តែ​ម្ដង”។

​លោក​​បាន​បន្ថែម​ថា “​ខ្ញុំ​គិត​ថា នារី​រង​គ្រោះ​​​​​​បដិសេធ​មិន​ព្រម​រួម​ភេទ​ជាមួយ​ជន​នេះ ហើយ​​​​នាង​បាន​​​តដៃ​​ដែល​ជា​ហេតុ​ធ្វើ​ឲ្យ​ជន​សង្ស័យ​​​​ខឹង​ខ្លាំង ហើយ​​ក៏​សម្លាប់​នាង​តែម្តង​​​”។

​លោក នន្ទ មុនីរ័ត្ន នាយ​ការិយាល័យ​​នគរ​បាល​បច្ចេកទេស​ និង​​វិទ្យាសាស្ត្រ​រាជធានី​​ បាន​​​​ធ្វើ​កោសល្យ​វិច័យ​​​សព​ជន​​​រងគ្រោះ​​​ ហើយ​ថា ​​​មាន​ភ័ស្តុ​តាង​​បញ្ជាក់​ថា ជាការ​ប៉ុន​ប៉ង​រំលោភ។ ​

លោក​បាន​មាន​ប្រសាសន៍​ថា “​យោង​តាម​​​លទ្ធផល​នៃ​ការ​ធ្វើ​កោសល្យ​វិច័យ​សាក​សព​ដែល​ទើប​តែ​បញ្ចប់​នៅ​រសៀល​នេះ ​ជន​រង​គ្រោះ​​​មិន​ទាន់​ត្រូវ​បាន​រំលោភ​នៅ​ឡើយ​ទេ ព្រោះ​នាង​តដៃ​។ ​នាង​​​ត្រូវ​​​ជន​សង្ស័យ​យក​ខ្សែ​រឹត​ក​សម្លាប់​”។

“​ខ្ញុំ​ក៏​បាន​ធ្វើ​កោសល្យ​វិច័យ​​សាកសព​ជន​សង្ស័យ​ដែរ ហើយ​​រក​ឃើញ​ថា ជន​េនះ​ផឹក​ថ្នាំ​​​កណ្ដុរ​ដើម្បី​ធ្វើ​​អត្តឃាត​ជាមុន​​ ប៉ុន្តែ​មិន​ស្លាប់​​​ អ៊ីចឹង​​​​ក៏​​ចង​ក​ខ្លួន​ឯង​តែ​ម្ដង​​”៕ ស៊ុយឈាង​​​​​​​​​​​

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស