35 C
Phnom Penh

គណបក្សប្រជាជន​កម្ពុជា​​ នឹង​កោះ​ប្រជុំ​​​​គណៈកម្មការ​​​​ដើម្បី​ពិភាក្សា​​អំពី​​ច្បាប់​ស្ដីពី​សញ្ជាតិ​ពីរ​

ដោយ ឌឹ ខេមបូឌា ដេលី

បទវិភាគ

លោក ស ខេង រដ្ឋមន្ត្រីក្រសួង​មហាផ្ទៃ​​មាន​ប្រសាសន៍​កាលពី​ម្សិលមិញថា គណ​បក្ស​ប្រជា​ជន​កម​្ពុជា​បាន​បង្កើត​គណៈ​កម្មការ​មួយ​ដើម្បី​​​ធ្វើ​វិសោធនកម្ម​​ច្បាប់ស្តីពី​​គណ​បក្ស​នយោ​​​បាយ​​ដើម្បី​​រារាំង​​ពលរដ្ឋ​ដែល​មាន​សញ្ជាតិ​ពីរ​​​មិន​ឱ្យ​​កាន់តួនាទី​ជា​ប្រធាន​គណបក្ស​។

ថ្លែង​ទៅកាន់​អ្នក​យក​ព័ត៌មាន​​បន្ទាប់ពី​​ពិធី​នៅ​ក្រសួង​មហា​ផ្ទៃ​ក្នុងរាជធានី​​ភ្នំពេញ លោក ស ខេង បាន​ប្រសាសន៍​ថា គណៈ​កម្មការ​នេះ​ទំនង​ជា​ជួប​ប្រជុំ​នៅ​សប្តាហ៍​ក្រោយ​ ដោយ​លោក​មិន​បាន​ផ្តល់​ព័ត៌មាន​លម្អិត​បន្ថែម​ឡើយ។

លោក​បាន​ថ្លែង​ថា “​ខ្ញុំមិន​ទាន់​បាន​រៀប​ចំ​ការ​​ប្រជុំនៅឡើយ​ទេ ប៉ុន្តែ​​ប្រហែល​ជា​នឹង​មាន​​​ការ​ប្រជុំ​អំពី​រឿង​នេះ​នៅ​សប្តាហ៍​ក្រោយ​។ ពេលនោះ​ យើង​នឹង​ដឹង​ថា ​ត្រូវ​ធ្វើ​អ្វី”។

លោកនាយក​រដ្ឋមន្ត្រី​ ហ៊ុន សែន បាន​ប្រកាស​កាល​ពី​ថ្ងៃច័ន្ទថា គណបក្ស​ប្រជាជន​កម្ពុជា​​នឹង​ធ្វើ​វិសោធនកម្ម​​ច្បាប់បោះ​ឆ្នោត​​ ដោយ​លើក​ឡើង​ថា មេដឹក​នាំ​គណបក្ស​នយោ​​បាយ​​ត្រូវ​មាន​សញ្ជាតិ​ខ្មែរ​តែប៉ុណ្ណោះ ជា​ចំណាត់​ការ​ទំនង​ជា​សំដៅ​ច្បាស់ក្រឡែត​ដល់​លោក សម រង្ស៊ី មេដឹក​នាំគណបក្ស​ប្រឆាំង ​​នៅមុន​ការ​បោះ​ឆ្នោត​ជាតិ​ឆ្នាំ​២០១៨។

លោក សម រង្ស៊ី មាន​លិខិត​ឆ្លង​ដែន​បារាំង​ ​ហើយ​បច្ចុប្បន្ន ​​ស្ថិត​ក្នុង​ភាព​និរទេស​ខ្លួន​ដោយ​​​​ខ្លួន​ឯង​​ ដោយ​គេចពីការ​ផ្តន្ទាទោស​ជាប់ពន្ធនា​គារ​រយៈពេល​ពីរ​ឆ្នាំ​ពី​បទ​បរិហារ​កេរ្តិ៍លោក ហោ ណាំហុង រដ្ឋមន្ត្រីក្រសួង​ការ​បរទេស។

លោក សុខ ឥសាន អ្នក​នាំពាក្យ​គណបក្ស​ប្រជាជន​កម្ពុជា​​បានមាន​ប្រសាសន៍ថា គណៈ​កម្មការ​ធ្វើ​វិសោធនកម្មនេះ​​ត្រូវ​បាន​បង្កើត​ឡើង​ប្រហែល​ពីរ​សប្តាហ៍កន្លងមក​ មុន​ការ​ប្រកាស​របស់​លោក ហ៊ុន សែន៕ សារុន​      

 

© 2024, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

អត្ថបទទាក់ទង

អត្ថបទអានច្រើន

សេចក្ដីរាយការណ៍ពិសេស